مطلوب خدامه !
 

المدام .. من فتره طويله .. تطالبني باستقدام خادمه .. ولا عندها الا ( طفلين ) !!!
ولم تيأس من الطلب مع رفضي المستمر بسبب أنه لامبرر من وجود الشغاله
لأسباب كثيره ومعروفه .
زوجتي تنظف البيت في الاسبوع مرتين وبعض الأحيان مره .. وغسيل الملابس في
الاسبوع مره واحده ( خلال يومين ) ..
.. تقول .. ( شف فلانه مثلي وعندها شغاله )و (فلانه عندها ثنتين ) !!!!!
هل أنا مخطي في قراري هذا .. أبغى آرائكم .. مشكورين

والله اشوف اذا ما في سبب مقنع لأستقدام الخادمة خلاص مافي داعي
وبعدين بلاوي الشغالات كم اسمعنا ومازلنا نسمع عن بلاويهم الله يكفينا ويكفي جميع المسلمين

نصيحتي لك انك اذا ما مقتنع باستقدام خادمة
تكلم زوجتك وتفهمها انه ما في داعي وتؤكد عليها أنك ما تريد سماع موضوع الخادمة مرة ثانية ..
وتناقش معها عن المهام اللي تقوم فيها في البيت .... انها ما تستاهل تجيب خدامة مصروف وعناية
وتغيرون حياتكم بسببها ما تاخذون راحتكم .. وتحذروا منها .. وتخافوا على البيت والاولاد منها ...

والله اذا انتم في غنى عنها ما تجيبون وجع الراس لحدكم

والله يعينكم وييسر لكم اللي فيه الخير

رفيقة العمر .. مشكوره ..
تعبت اقول لها قفلي الموضوع وكلها شهر ونص .. وترجع تحاول !
هذا أول رد في صفي .. وفي انتظار ردود أخرى !

طفلين وتبغا خدامة ..

اخي الكريم :
اقترح عليك ان تبدأ بالاقتداء برسول الله صلى الله عليه وسلم حيث كان يساعد زوجاته ..
ثانيا : ناقش زوجتك .. اخبرها اولا ان الخادمة انثى .. فأين غيرتها منها ؟
ثالثاً : أخبرها انك بمنتهى السعادة وانك تفخر بها لانها هي من تقوم بكل شؤون المنزل ..
رابعاً : حاول ان لا تبخل عليها بكلمات الثناء .. خصوصا عندما ترى البيت نظيفاً :(( الله يعطيك العافية )) (( تسلم ايديك )) (( الله لا يرحمني من زوجتي )) (( يا بختي فيكي )) ..

اعتقد ان ذلك سيحفزها ..

خامساً :اضرب لها امثلة عن نساء ليس لديهم خادمة ..

وجود الخادمات امر لا يمكن انكاره .. ولكن اصبح من مظاهر الكماليات وحب تقليد الغير وحب الراحة والدعة والتكاسل ..

لن انسى ان اذكركما بوصية رسول الله صلى لله عليه وسلم لفاطمة وعلي رضي الله عنهما ..
سبحا 33 وكبرا 33 واحمد الله 33 والاخيرة اتوقع قول لا حول ولاقوة الاب الله او قول لا اله الله وحده لا شريك له الملك وله الحمد وهو على كل شيء قدير ..

ياريت اذا في احد يوثق الحديث يقول ..

تقول هذه الاذكار انت وزوجتك قبل ان تناما ..
وهذه وصية رسول الله .. وما هو الا وحي يوحى اليه ..

وان شا الله تقتنع المدام

انا من رأيي اذا كان عشان المظاهر فما في داعي


تحياتي

انا اشوف ما في داعي للخدامه

خلها تكون مثل المرأة العربية شاغوله....

انا الاحظ ان العرب عندهم خدم اكثر من الغرب .........

المشكلة ان المرأة العربية

تقول لزوجها وتصر عليه انه يجيب لها خدامه حتى اذا ما كان في داعي ولكن بس تحس ان زوجها عنده مشاعر تجاه الخدامه تزعل

وتغضب وتحط اللوم كل على زوجها وكأن زوجها هو السبب وهو الغلطان..



تحياتي

إذا قايمة بشغلها على أكمل وجه ..
يعني ترجع من الدوام و تلقى كل شي مرتب و نظيف و الأكل جاهز .. و العيال مرتبين ..
خلاص ماله داعي تييب لها خدامة ..

أما إذا مب قادره على شغل البيت .. ييب لها خدامة تساعدها ..


و من الظاهر في كلامك أنها قادره على شغل البيت .. بس تريد خدامة ( للمظاهر ) ...
أنا كبنت أقولك .. لا تييب لها خدامة .. المظاهر ما تييب إلا وجع الراس ..

و تحياتي

راي من راي اختي طبيبة القلوب

المراة تحتاج ان تشعر ان زوجها يشعر بها وبتعبها

فانت اظهر لها كم انت حاسس بتعبها

واشكرها و عاملها بالاحسان

ذكرها بقصص الخدامات وهروبهنّو.........................

للأسف بعض النساء يريدون المكوث في البيوت يتفرجون علي التلفاز ولا يفعلون اي شئ غير التزين والخروج للأسواق

وحتي الواجبات الأساسية للمنزل تجدها كبيرة في نظرها

تكلم معها وقول لها انك لا تريد إمرأة أخري في المنزل

قول لها بلاوي الشغالات اللي بنسمعها وبنشوفها كل يوم في الصحف والتلفاز

وربنا يهدي

الحين فهمت سبب عدم اهتمامها بك
الان المتزوجين جدد يحضر خادمه لتتفرغ له زوجته
شغل البيت مايخلص مع الاطفال خصوصا
اذا تبيها تتفرغ لك وتتجمل وتجلس تنتظرك احضر خادمه
المراء بشر وتتعب من شغل البيت الاولاد يبون والبيت فيه الف شغله والزوج يبي تتفرغ له
الزمن هذا كل بيت فيه خادمه واثنتين لو عندهم طفلين
ياخوي ابسطها وجيبلها علشان تبسطك
اتركك من المثاليات الغير موجوده ساعدها بشغل البيت
ايام الرسول كان هناك خدم يقومون باعمال البيت
اذا تبي راحتك انت استقدم الان وشوف الفرق

سبحان الله الظاهر ان مجتمعنا غير عنكم ولا اقول هذا مفاخره بل احب ان اوضح انا احنا او ما تجيب اول مولود لازم خدامه

والخدامه لابد منها احنا الحين غير قبل والوحده ترجع من الدوام تعبانه وهم عيال الحين شياطين ويخربون ويوصخون مليون مره والله يختار لك الزين يارب

أشكر للجميع .. توجيهاتهم .. وردودهم
طبيبة القلوب : دائماً أثني عليها واشكرها .. مع انه واجبها ! مشكوره
اللاعب : مشكور اخوي .. والله يهدي المرأه العربيه .. آمين !
floret : إضافة للمظاهر .. تبيغى ترمي كل شي على الشغاله .. وتريح ! مشكور
المتوكله : شكراً لك .. سوف أزيد في الثناء .. لعل وعسى .. مشكوره
lonelyman : صدقت والله .. صح لسانك .. مشكور
دبدوبه : اللهم ارزق والدك واخيك الفردوس الأعلى من الجنه ..
أكوي ملابسي عند الكواي .. وكثير من المرات
أنظف بنفسي مجلسي الخارجي .. وش بعد؟! مشكوره
مها الكويت : عندنا وعندكم خير .. لكن ليس شرط في كل عائله !!
زوجتي ماهي موظفه..تنوم إلى الساعه 1 الظهر !!!!! مشكوره

أنا الان فهمت أنها بس مظاهر ..
وإلقاء المسؤؤلية على الخادمة ...

والله براي لا تحضرها .. أعانك الله

تبي الحل


جب لها خدامة جميلة مرة بعدين بتغار هي وتقول خلاص ما نبي

الصراحة ان الخدم عوار قلب وراحة جسم وشغل البيت عوار جسم وراحة قلب , لكن هم بدونها احسن يعني اهم شي راحة البال , وبعدين احس ان الريال يحب المرة اللي تخدمه بنفسها يعني تقدم له الشاي تنظف مكانه ويشوف ذاك الوجه الحلو بدل وجه الأرف ( الخدم ) , بس اذا الريال من النوع اللي ما تهمه هالشية هذا شي ثاني يعني عادي لو جاب خدامة لكن عاد مو خدامة في كلشي حتى غرفتهم النوم تنظفها الصراحة هاذي مصاخة , واللي اسوء ان اليهال ما يعرفون امهم وهي ما تحس بالامومة بمعناها الطبيعي لانهم دايما مقطوطين على الخدامة , ولا بصراحة محد سالم من بلاويهم اذا ما تشتغل زين ملسونة واذا مو ملسونة مغازلجية واذا مو مغازلجية شوف اشفيها غير المهم فيها شي يعني مستحيل تجيك وحدة بالمواصفات اللي تبيها .


الله لا يحوجني لهم انشاء الله ولا لكم .

نا اشوف انه اذا كانت احوالك الماديه طيبه وربي فاتحها عليك من ابوابه هههه

تجيب لها شغاله ومافيها اي حرج لكن اذا انته مب مقتدر قولها وفهمها انها لازم تراعي

ظروفك ........ اخي الكريم حريم اليوم مش مثل حريم قبل خلاص الزمن تغير كثير حريم اليوم

والامر نفس الشي مع الرجال ......... جيبلها شغاله اداوم بالساعات ماتقعد عندكم بالبيت

على طول بس تيجي وتخلص شغلها وتروح ........

والله يعينك بس انا حاس انه آخرتك بتجيب شغاله ههههه :d

ا نا اشوف انه اذا كانت احوالك الماديه طيبه وربي فاتحها عليك من ابوابه هههه

تجيب لها شغاله ومافيها اي حرج لكن اذا انته مب مقتدر قولها وفهمها انها لازم تراعي

ظروفك ........ اخي الكريم حريم اليوم مش مثل حريم قبل خلاص الزمن تغير كثير حريم اليوم

والامر نفس الشي مع الرجال ......... جيبلها شغاله اداوم بالساعات ماتقعد عندكم بالبيت

على طول بس تيجي وتخلص شغلها وتروح ........

والله يعينك بس انا حاس انه آخرتك بتجيب شغاله ههههه :d

تحياتي

انت لست مخطئاً..
والمشكلة مو بزوجتك ..المشكلة بالمجتمع اللي حولها
انا عانيت من هذا الشئ..ليش ماعندك شغالة؟ لية متحملة؟
المهم...عن تجربة الزوجة لا تحتاج للخا دمة الا بعد الطفل الرابع..
ولا تصدق اللي يقولك غير كذا...
بعض النساء ما زادتهم الشغالات الا نوم واسواق وسهر ومسايير
هذا رأي..

والله غريبه مناقشه موضوع الخدامه حتى الان 000لانه مفروغ منه00 الان الزوجه الغير موظفه

تطالب بالخدامه فما بالك بالموظفه ؟؟!!000 00 ايضا نسمع شكوى بعض الازواج من ان زوجاتهم

لايلبين رغباتهم الخاصه 00قد يكون بسبب التعب والركض وراء الاولاد لمتابعتهم00

اخى اكسب بها أجر واحضر لها الخدامه 00واكييييد سترتاح من تنظيف المجلس 00وتحياتى

الاخ الفاضل ورطان

اسال الله العلي القدير ان يفك ورطتك

أشكركم جداً ..
رفيقة العمر .. مشكوره على موافقتي الراي ..
محب الفائده ... أشكرك
ام الشباب ... كلام حلو ومنطقي
ضاحي .. ماديتي لابأس .. لكن الاقتناع الى الآن غير موجود .
اللاعب .. وش فيها تحياتك .. :confused:
الرشوف .. كلامك صحيح ..
rajwa .. حاسدني على أخذ الآراء ؟ بعدين مفروغ منه .. ليه ؟
bio-teacher .. أشكرك ..
مشكورين .. ظهر لي أن الأغلبيه يؤيدونني في عدم إحضارها ..وهذا ماتوقعته .
يغلق للإكتفاء الذاتي من الآراء .. ونزولاً عند رغبة البعض ! :p