|
انا في أزمة
السلام عليكم
اخواني وخواتي طلبتكم تساعدوني وتشيرون علي لاتردوني :( أنا خطيبي زعلان مني هو حساس بزيادة وعنيد لكن طيب ايش اسوي؟؟ مايرد على مسجاتي ومكالماتي ومتضايقة مرررررررررة :( ايش أسوي؟؟ من جده هو زعلان000 ايش تشورون علي الله يجزاكم خير شيروا علي خصوصا ذوي الخبرة من الشباب والشابات تحياتي :( |
هلا فيج اختي
انا عانيت من نفس هالمشكله تخيلي مره زعل علي شهر مايكلمني لين رحت له البيت مع اخوي وكانت امي مسافره لو كانت موجوده اكيد ماكانت بترضى المهم هو اول ماشافني ماتوقع جيتي اصلا بس ماتتصورين طار من الفرح وبان عليه انه فرحان حيل ونسى الزعل بس انا غلطت بهالشئ اني عودته انه يزعل واراضيه دايمااا المهم انا مااقولج لاتراضينه بالعكس راضيه واخذي بخاطره ولاتخلينه يزعل وتفادي اي شئ يزعله الحين هو زعلان ولا يرد عليج صح امممم تقدرين تشترين له هديه حلوووه طبعا تعرفين الاشياء اللي يحبها خطيبك يعني مثلا كم ورده مع عطر ولا ساعه ولا قلم اي شئ يكون حلووو واكتبيله رساله او في كرت عبارات حلوه وانج اشتقتيله كثيرر ومشتاقه لكلامه ولصوته ولشوفته ومن هالكلام.... واتصلي بيتهم لاخته مثلا كلميها وبين السوالف اساليها اذا هو موجود ولالا اذا قالت لا قوليلها اوكي انا ابغي اجيكم الحين بس لاتقولين لاحد لاني ماابي احد يدري وروحي غرفته وخلي الهديه على السرير واطلعي... ولاتنسين تعطرين الرساله:) هذي الطريقه سويتها له مره واستانس وايد على طول اتصل فيني جربي هالطريقه ولاتحاولين تدخلين الاهل بالموضوع بس نصيحتي لج لاتعودينه انه دوووم يزعل وانتي تراضينه حاولي انتي في المقااابل تزعلين عليه حتى لو على شئ بسيط بس عشان يراضيج ... ويحس فيج شلون اذا هو زعل والله يوفقج يالغاليه |
انا مع الاخت ساره لانج لو دلعتيه هو بيتعود ومابيحس فيج
وترى الاهل لاتفكرين تدخلينهم في السالفه لانهم مابيصلحون شي والرجال مايحب ان اهله او اهل شريكة حياته عرفون إللي داير بينهم وفكره الهديه حلوه بس لا تختارين له هديه غاليه لازم تبتدين من الصغير لين الكبير يعني شوي شوي لانك اذا دلعتيه هو بيعرف انك دووم راح تركضي وراه وتراضينه |
اختي سارة ونفسي عزيزة مشكورين ماقصرتوا
بس المشكلة حنا من نجد وماعندنا انا نتقابل او يجيني واروح له مافيه لقاء الا بالملكة والزواج فقط :( مسالتي معقدة كلها :( |
كيفك حبيبتي
شوفي انا عندي نفس الحكايه وكل مايزعل مني اراضيه واركض وراه وادق ويعطيني مشغول لكن مااتعب حتى يرد علي ترى الرجال يحب يدلع على مرته ويحس بيقمته وانه زعله ماتقدرين عليه تخيلي مره زعل مني خطيبي اتصلت عليه ويعطيني مشغول يمكن فوق 100000000مره تخيل بعد هذا كله يقول انا مو زعلان بس ابغاكي تتعلمي .. يالله ماتعرفي قد ايش طرت من الفرحه وهذي الطريقه يستعملها معايا لمن ازعل عليه يعني كله دلع بدلع حاولي تسوين مثلي واكثر ارسلي مسجات ارسلي اخته يعني بالمختصر (ارررررررررررررررركضي وراااااااااااااااااااه )هذا موغريب هذا زوجك وتفداه عيونك تحياتي |
مشكورة أختي العام الجديد
والله ذبحني مقفل جواله واذا ارسلت له يزعل اكثر وتكبر السالفة تعبت والله تعبببببببببببت :( :( :( :( :( مليت ودي أموت :( |
حاولي لا تيأسي وماعليكي سوى الدعاء
تحياتي |
او اتركيه شويه وبعدين ارجعيله او كلمي اخته خليها تحنن قلبه عليكي وبعدين هو زعلان دلع او بسبب مشكله كبيره
|
مشكورة أختي العام الجديد
لا هو زعلان من مسج ارسلته انا هو فهمه غلط يقول انك غلطتي :( |
أختي الكريمة : عندي لك حل مضمون 100 %
بالليل وبعد الساعة 12 قومي ولا يشوفك احد ادخلي الحمام وتأكدي برضه ان محد يشوفك توضي صلي وادعي واطلبي من الذي عينه لا تنام , ان يهدي خطيبك , ويصلح ويسخره لك . ادعي بالحاح ربنا كريم يا اختي , وعند الله لا تضيع المطالب, كيف لا وهو ارحم بعباده من الام لطفلها اختي الكريمة , ان الله لا يغير ما بقوم حتى يغيروا ما بانفسهم . راجعي نفسك وشوفي انتي وش عملتي الايام الماضية ربما ما حصل كان من ذنب عملتيه والجأي الى الله , ولن يتخلى عنك رب العالمين وطمنينا ان شاء الله , وربنا معاكي |
الله يجزاك خير ياخوي ماتقصر وان شالله اسوي الي قلت لي و نعم بالله
:( |
(لا هو زعلان من مسج ارسلته انا هو فهمه غلط يقول انك غلطتي )
اختي كلامك ايبين ان المشكلة عبارة عن سوء فهم خطيبك للمسج واعتباره ان انتي غلطانة وهذا الشي ما راح يتعدل الا اذا وضحتي وفهمتي خطيبك وجهة نظرك وليش انتي طرشتي هالمسج وما اعتبرتيه غلطه وبالتفاهم والنقاش ، وعلشان اتسويين هذا الشي اكيد المفرووض اتكلميينه وبما انه ما يرد او مقفل تليفونه طرشي له مسج بلهجة صارمة شوي فهميي انه لازم يسمعك ويتكلم معاك بالموضوع علشان ينحل ولا اشلوون يعني راح ينحل؟؟؟؟؟ وواصلي اتصال لا تيأسين. |
واجهي نفسك .. إذا كنتِ أنت الغلطانة .. روحي إعتذري منه فوراً .. لأن رضا الله من رضا زوجك ..
أما إذا كان هو الغلطان .. كوني أحسن منه .. و إبدئي بالسلام .. بس لا تخلينه يحس بمبادرتك إنه على حق .. لأنه بهالطريقة يمكن لا سمح الله يتمادى .. إن شاء الله تنصلح الأمور ... و مسستحيل في خطوبة تطوف بدون دلع و زعل .. عااااااااااااااادي .. إسألوا الخبيرة .. أنا يعني!!! |
عزيزتي ما وضحتيلنا ايش سبب الزعل ؟ ايش سبب سوء التفاهم ؟
عموما لو زعلتيه اعتذريله وسوي الى عليكي بس لا تجري وراه لانه بيتغلى اكثر .. وبيتعبك بالمستقبل اكثر .. والمشاكل ما تتحل الا بالحوار والتواصل , مش بالتطنيش الله يصلح خطيبك ويسعدكم |
للاسف الشديد الكثير من النساء والفتيات يعتقدن بأن الرجل كتله خاليه من المشاعر ولا ينتبهن الا عد ان تقع الفاس في الراس بل لقد قرأت احد الردود من احدى الاخوات وهي تقول انها غلطانه لانها عودت زوجها على انها تصالحه بعد ان تخطيء بحقه وكأنه المفروض هو الذي يصالحها ان هي اخطأت بحقه
اختي العزيزه اذهبي لخطيبك وصالحيه وجها لوجه وداري على طيرك لايطير لغيرك والسلام ختام |
السلام عليكم و رحمة الله و بركاته
عزيزتي.. خليه يهدى شويه أو على الأقل بكره .. أرسلي له رسالة و أطلبي منه فرصة لوضيح موقفك.. ( بصراحة أنا حاسه إنه يدلع عليك..و يبغى يرفع ضغطك...يبغى يعرف ردة فعلك فقط مو أكثر ) |
السلام عليكم و رحمة الله و بركاته
عزيزتي.. خليه يهدى شويه أو على الأقل بكره .. أرسلي له رسالة و أطلبي منه فرصة لوضيح موقفك.. ( بصراحة أنا حاسه إنه يدلع عليك..و يبغى يرفع ضغطك...يبغى يعرف ردة فعلك فقط مو أكثر ) هدي أعصابك..و إن شاء الله ما يكون إلا خير.. |
[QUOTE]أنا أأيد كلا ( char ) وكلامه صحيييييييييييح والله محد بيساعدك غيييير ربك ,,والحمدلله بس أنا لي راي في موضوع ثاني لو كنت
ماتكلمينه أبد في فترة الخطبه جان أحسن ,,,يعني باختصار أشوف أنه من دينا الأسلامي وصانا أن مان كلم أحد الا اذا كان زوجك على سنة الله ورسوله,,, والله لو جربتي هذا الشعو ر أحسن بوايييد أن تتعرفي على زوجك في فترة شهر العسل .........وبعدين ادلعي عليه وزعلي وأهديه هدايا .....عذرا على الاطاله ولا تزعليين على هذا العتب ........... |
الله يجزاكم خير ويخليكم لي يارب
والله يوفق الجميع :) |
جدا مهتمه فيكي خبريني وش صار
|
انا مع الاخت Char
وبعد ماتخلصي مصليه وداعيه وانت موقنه بالاجابه وتوكلي حق التوكل اتصلي وبيرد عليك بشوق ووله وحب صدقيني نصيحة مجربه بشرط التوكل والايقان بالاجابه حلوووزعل المخطوبين البلاء زعل المخضرمييييين بالتوفيق |
الله يجزاكم خير يارب
حمدالله رد علي بس يقول خليني كم يوم ابي ارتاح شوي :rolleyes: الظاهر يتغلى :rolleyes: |
يا اختي ما عليك
انا اعتقد انه دلع رجال |
يمكن يبغي يشوف هل انت تحبينه بجد
يعني مثل ماقلت لك دلع رجال |
| الساعة الآن 09:42 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©