رأيكم مهم !
 

السلام عليكم ورحمة الله وبركاته .
بعد مشاكلي مع زوجتي .. قلت أشوف نفسي بعد يأس كبير من إصلاحها
المهم
الخيارات عندي بفضل الله واسعة وعندي أكثر من بنت ( بصراحة موافقين ) من خارج البلاد من دولة مجاورة لنا وقريبة من مدينتي تبوك منهن فتاة وتمت الموافقة من الجميع المشكلة البنت ب 16 وأنا فوق الأربعين
بعض الأصدقاء قال روح دربك خضر وبعضهم قال يا ولد هدي وبعضهم عطى خيارات ما تليق إني أذكرها لو أن المسألة ماهي مشورة فمنهم من قال خذها وجدد شبابك ,hmt وبعدين طلقها لكن هذا مبدأ غريب علي ما أعرفه .
أنتم مع من ؟ .
أعرف بتقولون خذ لك سعودية و و و
والله جربت وقلت أجرب حظي .. وخوذوا شي من ها المواقف حتى بس تعذروني

اتصلت على خطابة وسألتها عن بنت عندها مطلقة عمرها أظن 25 وكانت ترد من طرف طرف طرف خشمها ( يالله وبالله تتكلم ) قبل ما تدري أصلا وش بقول نفسية جد ذيك فلما سألتني عن عمري وقلت لها على طول بدون أي كلام بلوك ..أنا ما أعرف هل تبحث لنفسها وما أعجبها العمر أو الصوت أو مطفشها واحد قبلي وحطت حرتها في fgf . وحدة ثانية اتصلت عليها ويوم أخذت شوي من معلوماتي قعدت هي تقرر وش اللي يصلح لي ، وكأنها تلمح لي على وحدة معينة ما أدري ليش تكثر من الكلام عليها وتمدحها فقلت لها يا أختي اللي بيتزوج أنا ماهو أنت ! كأنها عصبت قالت لي : طيب ، فيه باكستانية عمرها 45 تصلح لك ( تستهزي ) .

قلت لها والله فكرة وأجيب ولدها منزور خان الدهان على كفالتي ffhhf .

وغيرها كثير أهم شي حول فلوس ولا تدري وش الصاحي من المجنون ، وإذا لقيت سعودية قالت ما توافق على معدد وأحيانا يكونن مطلقات ومعهن عيال وتتشرط أو حتى كبار في العمر وتتشرط أو أحيانا تحط لك صفات ماهي طبيعية ولما توافق وتاخذ فلوسك وتشوفها تلقى ماهو على قد الوصف .. وأعرف الزواج من برى له سلبياته بس والله بعضه نجح نجاح باهر بدون زعل والخيارات أوسع وناس فعلا يبون الستر . لأن والله من شيء شفته من الأخوات الخطابات عندنا نفسيات غير معقولة . وبنفس الوقت بصراحة بعد نفتك من لوية خشم بناتنا الله يهديهن .
رأيكم مهم !

رد: رأيكم مهم !
 

انا اشعر في كلامك بعض الظلم على نساء مجتمعنا. مثل مافي زواج فاشل في زواجات عندنا ناجحة وقدوة ومضرب مثل.
أنا فهمت انت من وين تبي تتزوج ، ذكرتني بقريب لنا اخذ وحده عمرها 17 من عندهم وعنده زوجة وست اطفال منها، يقول انا قاعد اصرف على الزوجة الثانية مثل مايصرف على زوجته وعياله مجتمعين، عندهم فكرة معممة نوعا ما ان الرجل السعودي فلوسه مالها حد ، وبعد فترة طلقها بعد ما عصرته عصر بالمصاريف لها ولأهلها.
غير ان عمرها 16 وانت بالاربعين !! مررة صغيرة عليك
انا ما اقولك لا تاخذها ، لكن شوف اهلها كيف اوضاعهم امها كيف؟اخواتها كيف؟ خصوصا انها صغيره ممكن اي احد يوصي سوي وافعلي وتنفذ بحكم قلة خبرتها بالحياة.

رد: رأيكم مهم !
 

حتى عندنا كثير يبغون الستر
بس انتوا تحبون المستورد🙂

بصراحه انا ما أأيد احد ياخذ برى بلده
انا مع المثل حلات الثوب رقعته منه وفيه

وهذي ام 16 مره مره مره صغيره عليك
ام 30 مناسبه اكثر لك!
بكره تشكي وتبكي من طيشها وجهلها
وتكون هي معذوره وانت الغلطان دائما
بحكم صغر سنها وجهلها

انا اقول استخير
وشاور امك واخواتك
يمكن يعرفون وحده مناسبه لك اكثر



اما اللي قالولك جدد شبابك بعدين طلقها
الله لا يوفقهم
ويجعلها ببناتهم واخواتهم
نشوف ساعتها التجديد🙂

رد: رأيكم مهم !
 

رد: رأيكم مهم !
 

هلا إكليل . حريمنا بصراحة تغيروا وأكبر دليل نسب الطلاق المرتفعة أعرف ليس كلها بسبب النساء لكن الواقع يقول أن النساء يتحملن نسبة عالية لأسباب يطول شرحها .

أنا الصرف مو ذاك الأهمية عندي بالإضافة إلى أني محتاط لهذا الجانب فمهما يكن أخوك مو مغفل وهم والله ( بشكل عام ) إنهم بحاجة واللي يدفع لله معوض خير من الله . ثم لا تنسين أن ليس كلهم محتاج وبعضهم أصلا لا يزوج السعودي لعلمك . أوضاع أهلها الاقتصادية دمار .
العمر أعرف إنه صغير وهو أصلا اللي خلاني متردد حيل وحتى صارحتهم وهي بالذات وقلت أنا الآن ما عندي مشكلة في الأمور ( جنسيا ) لكن بعد 10 أو 20 سنة إن الله مد بالعمر الله أعلم وبصراحة أعلنت لهم شبه إنسحاب لهذا السبب وأنا والله أبيها والبنت وأبوها بعد لهم رغبة في . ولا زال فيه خط رجعة تركته سبحان الله . jyh

رد: رأيكم مهم !
 

هلا حظي حلوو

هي تقول تبي الستر وإذا قربت لهم تفاجأت بأشياء ما تخطر على البال وحتى لو قالت تبي الستر النفسيات الدمار ذي ليش .. والله العظيم لا واحد ولا اثنين ولا عشرة من أصحابي إذا جلسنا نسولف كلن يشكي من نفسية زوجته وأنا أقرب مثال أقسم بالله أدخل البيت وأنا مروق أو تعبان من العمل ,القاها توها قايمة من النوم وشغالتها عندها وسواقها عندها وكلشي عندها ولا ناقص أي شي وتلقينها قايمة من النوم منفسة ( على ويش ) مدري ؟ والحالة ذي حكاها أكثر من شخص وكنت أظن إني لوحدي أثر عدوان الله واجد glh وإلا والله ودي بسعودية عسل بس وين قاعد أدورها بالمنقاش

البنت أم 16 استخرت واستخرت واستخرت وكل ما صليت ركعتين أستخير والأمور ما أعرف وش يصير لكن الخيارات مثلها اللي 17 واللي 18 واللي 22 ومثل هذا بنات المغرب .


أما اللي قالوا استمتع وطلقها كان يكلامهم يمشي بس على غيري أنا لو بسوي ذا سويته مع السعوديات ومسيار ترى إذا سمعتي إن فيه عدو واحد في المملكة العربية السعودية لزواج المسيار تراه أنا بشحمي ولحمي

jyh

رد: رأيكم مهم !
 

وجواب صريح أنا أكبر والله من هذا الكلام فمهما كان هي أم أولادي وزواجي من أخرى قد يتسبب لي أنا بمشاكل لكنني مقدم والله المعين . لكن فعلا أنا تعبت تعبت تعبت من زوجتي لدرجة فعلا أني أيست منها تماما وضربت كف بكف وصرت بأمس الحاجة لأبديت كامل لإعادة تأهيلي ولا أهتم إن كان هذا يؤدبها أو لا هو حق مشروع لي هي حرمتني منه عندما كانت عندي في البيت الآن خلها تصك زين على ملابسها وتسولف مع الجدران لم أعد أهتم .

رد: رأيكم مهم !
 

أم 16 ذي وحدة من مجموعة والواقع الاستشارة على السن والسلبيات والإيجابيات عليها أو على المماثل في سنها

رد: رأيكم مهم !
 

تقول ان البنت تبيك
معقوله بنت عمرها 16 سنه
تتوق نفسها لواحد بالاربعين؟


الرجال يشتكون من نفسيات الحريم
والحريم يشتكون من نفسيات الرجال😂
ما عرفنالكم😂


المهم الله يعينك ويختارلك الخيره الصالحه

رد: رأيكم مهم !
 

إي والله معقولة ونص شي شفته بعيني وأنا ماني صغير عشان ما أعرف الحريم .. بعدين شكلي كأني بأول االثلاثين .
أما النفسيات

بس عندنا .. شوفي اللي تزوجوا مغربيات ناااااااااادرا ما يشكي مع أنهن مو ذاك الزود من ناحية الجمال ولاهن كجمال الشاميات .. وأنا ذكرت الحقيقة لحاجتي للاستشارة ولو كذبت فات المقصود

رد: رأيكم مهم !
 

فعلا ليه ما تخلي امك او اخواتك يختارون لك، وانت تروح تشوفها بعد مايحددون لك.
انا زوجي معلقني ومن بداية الموضوع واخواته يركضون يدورون له عروسة 😁 ، وفعلا خطبوا اكثر من عشر مرات والان له متزوج شهرين.
انا متأكدة انه ما طلب بس سوا حاله مسكين وحيد ومغلوب امره عند اخواته ولا فكروا يصلحون الموضوع ولا شي على طول ركضوا يزوجونه ، ليه ماسوو خواتك مثل كذا 😬!!

رد: رأيكم مهم !
 

أخواني وخواتي ماهم مقصرين عسى عمرهم وأعماركم طويلة على الطاعة بس فيه أسباب أولاً :

أعرف وش المزاج تبعهم ثم زواجي كان باختياري فما أبغى أجيهم وأنا من البداية ما سمحت لهم بالمشاركة رغم إنهم ما طلبوا وإلا مهما كان أخواني ماهم مقصرين وأقوى سبب ما أحب أمسك الحريم سالفة حتى لو كانت أختي وأيضا الخيارات محدودة في معارفي . وممكن يأسي الكبير من بنات بلدي قلت أجرب مستورد dff

رد: رأيكم مهم !
 

ومن ناحية إن أهلي يصلحون بيني وبين أم عيالي المسألة أعقد مما تتصورين .. فيه أمور كثيرة ما ذكرتها فمثلا الخلافات بيننا كانت طويلة يصعب سردها في جلسة وسبق وان تدخل من أصلح وأصلح وأصلح وأقسم بالله رافع السماء بلا عمد أن كل هذه الأخطاء هي المتسببة فيها هي وأهلها حتى إني شكيت بنفسي مو معقول أبدا إن فيه شخص على وجه الأرض يرتكب خطأ يتفق الجميع عليه ثم هو لوحده يرى أنه على الصواب ضاربا عرض الحائط وطوله بكل القيم والمبادئ والأصول والأعراف حتى إن الناس اللي حولي بما فيهم أهلي أيسوا وأنا قبلهم أيست فلم يتدخل أحد ولا أريد أحدا أن يتدخل طااااااااااب الخاااااااااطر .. أذكر من المواقف أن قلت لها يا أم فلان ..ما تفعلينه مخالف لنصوص الشرع خلينا عاد من الأصول والعرف القبلي .. قالت بما معناه أنا ماعلي من الشرع . هنا توقفت فلا كلام ينفع مع أنها صاحبة صلاة ودين وأعدها لها زلة غير مقصودة لذاتها لكنها زلة شنيعة لا يجرؤ مسلم على قولها ..فهي حتى لو تدخل أحد لن تقبل إلا بكلامها وكلام أمها وأخواتها وصديقاتها بغض النظر عن صوابه من خطئه ..ومحصلة الكلام أنها تريد أخضاعي بأي شكل ولو أدى ذلك للطلاق وخراب البيوت وعندما أعلنت الرفض القاطع بدأت المشاكل .. الكلام كثير يا إكليل والحزن أكثر والحمد لله على كل حال .. وإلا فأنا لا أحتاج لصلح كل ما أطلبه منها هو الالتزام بالحقوق والواجبات واحترامي كزوج له حق الاحترام والسمع والطاعة بالمعروف فهل هذا صعب ؟ أصعب منه أن تطلب من روح حياتك أن يحترمك وهو يرفض .عامدا متعمدا ، والحمد لله . قل لن يصيبنا إلا ما كتب الله لنا والحمد لله كثيرا

رد: رأيكم مهم !
 

محشوم من الكذب

انا اقصد كيف عرفت انها تبغاك
يمكن انك غلطان
لانه بالواقع بنت ال16 لا تفكر بالزواج
كيف برجل في الاربعين
ومتزوج واب لاطفال!
الا اذا اجنبيه والموضوع فيه فلوس ف يمكن

رد: رأيكم مهم !
 

الله برفع مقدارك

أعرف ما تقصدين إني كذاب بس أنا طردت الاحتمال من بال أي واحد لأني بحاجة للمشورة . فلابد من قول الحق ولاغيره

لا لا تقولين بنت ال 16 ما تبي زواج بعض المناطق والبلاد في العالم يزوجون من بدري وسوريا والأردن وبنجلادش والهند وباكستان وحتى بعض مناطقنا في السعودية شائع عندهم زواج الصغيرات بال 14 وال 15 . وبعض ظروف الناس تحكم فالفقير بلشان بحاله ويبي يعيش بنته وهناك أمور خاصة أعتذر عن ذكرها تتعلق بالتواصل أثناء الخطبة منها المال ومنها الشكل .. وفي بلدتهم عادي تزويج الصغيرات هناك من تزوج من أم 14 و15 والتردد مني أنا رحمة بحالها لفارق السن لا أكثر مع اعترافي بأني قادر على إسعادها عاطفيا وغيره fgf لكن لا أعلم عن المستقبل .

رد: رأيكم مهم !
 

يا إكليل إذا زوجك كفو وطيب ورجل وعيوبه قليلة فارجعي حتى لو بطلب منك أو بأي طريقة حتى لو تبقين زوجة ثانية المشاكل ما منها خير والعمر قصير وحرام يضيع في هم وغم هذا رأيي وأنت حرة .

رد: رأيكم مهم !
 

والله وانا اختك انا تجاوزت حتى مرحلة طاب الخاطر منه فعلاً طلبت منه يطلقني قبل كم شهر ولا رد علي وافكر الان اكلم اخوه الكبير يفتح معه الموضوع لأن والله شيء مايرضونه لخواتهم، وصلت بعدها الى مرحلة إني أشوف كل الرجال سيئين وظالمين ونفس بعض ولكن حتى هذه المرحلة تجاوزتها الحمدلله لأني صرت أشوف النماذج الايجابية حولي بدل ما كنت اشوف بس اللي حياتهم زي حياتي.
وأنت الله يهديك حتى لو عمرك تجاوز الاربعين كيف ماتشاور اهلك يمكن شايفين لك وحدة كويسه تناسبك وما يبون يفتحون الموضوع معك الى انت تبدأ معهم وتفتح الموضوع لهم.
و مشاكل الحريم موجودة بكل بلد ، لكن هي توافيق من ربي يرزقك بالزوجة الصالحة وش ما كانت جنسيتها.
استخير ولا تكلم حتى اهل البنت الى ان تعدي الأزمة وشاور اللي تحسه من اهلك حكيم وعنده خبرة.
والله يكتب لك اللي فيه الخير.

رد: رأيكم مهم !
 

الله يساعدك ويسهل أمرك ... الخير موجود في الناس ولو خليت خربت .



المسألة مو إني معتد برأيي ولا أبي أستشيرهم بس قلت لك ما أبي أحد من حريمنا تعرف إني أدور وبصراحة أكثر أخاف من ممانعة الوالدين والأم تحديدا لأن علاقتها بزوجتي وامها جيدة لحد ما والوالدة الله يحفظها طيبة جدا جدا لحد تضييع الحقوق والإيثار على النفس لدرجة حتى في عز أزمتنا وأيام المحاكم تتصل عليها أحيانا للسلام .. والمدام ما ترد عليها وإذا ما ردت اتصلت على خالتي ( أم الزوجة ) أيضا للسلام والسؤال عن الأحوال لاغير حتى قالت لي الوالدة بالحرف والله لو اتصلت علي ( أم فلان ) اللي هي زوجتي والله أرد عليها ولا كأن صار شي .. فالعلاقة لحد ما ما انقطعت بينهم ولو انقطعت فالأم لديها المرونة أن تنسى كل شي وتفتح صفحة أبيض من القطن .. كله من أجل أولادنا وإلا هي تعرف أنهم ليسوا من طينتنا ولا من ثوبنا بس الله ابتلانا فيهم والحمد لله .. رغم أنهم من قبيلة عزيزة لكن .. الحمد لله بس .

وأخاف المدام تعرف إني بتزوج وتستغل طيبة الوالدة وتحاول تتصل فيها أو عن طريق أمها ثم تأمر علي الوالدة ويصعب علي العصيان ساعتها وأنا عااااااااازم جاااااااااازم ولا نية للرجوع مهما كلف الأمر عن الزواج بأخرى حتى لو زوجتي رجعت أحلى من العسل وأصفى من الماء فالأمر قضي ودبر بليل . السبب الثاني أني راغب في الجمال وهنا قلما أحصله بسهولة كسهولته في الخارج .
السبب الثالث نسبة الفشل هنا عالية في هذه الأيام وأخاف من تكرار التجربة وما عاد فيني حيل للهموم مرة ثانية وإلا لو لقيت المناسب فأنا أول الجازمين والليلة بس وين ؟

رد: رأيكم مهم !
 

الله يساعدك ويسهل أمرك ... الخير موجود في الناس ولو خليت خربت .



المسألة مو إني معتد برأيي ولا أبي أستشيرهم بس قلت لك ما أبي أحد من حريمنا تعرف إني أدور وبصراحة أكثر أخاف من ممانعة الوالدين والأم تحديدا

وهنا نسبة الفشل هنا عالية في هذه الأيام وأخاف من تكرار التجربة وما عاد فيني حيل للهموم مرة ثانية وإلا لو لقيت المناسب فأنا أول الجازمين والليلة بس وين ؟

رد: رأيكم مهم !
 

انت ادرى بوضعك مع عائلتك والأمر لك اولا واخيرا لكن وبصراحة كنت اشوف من موضوعك انك تبحث عن الاستقرار . وأم 16 توها صغيرة على انك تعيش معها حياة مستقرة. كلام يوديها وكلام يجيبها. وامور كثير تجهلها بالحياة.
غير كذا أنت ماشاء الله اسلوبك في الكتابة كويس، و سهل اللي يقرأ كلامك و يحاورك يميز انك شخص فاهم ومتعلم وهذه رغبة الكثيرات. ماعدا في نقطة تعميمك على محيط نساء مجتمعك انه بائس 😬 اللي يقرأ كلامك لأول مرة يحس انك متزوج 4 حريم وكل وحدة موريتك نجوم الليل بعز القايلة.

صدقني انك بتلقى اللي تناسبك بالوقت المناسب لكن لا تستعجل لا تستعجل مع اللي عمرها 16.

والأزمة هذه الله يعديها على خير اشوف انها فرصة لك تبحث أكثر قبل لا تثبت على رأيك.

رد: رأيكم مهم !
 

مجتمعنا النسائي مو لها الدرجة والمرأة السعودية فيها مزايا قلما توجد في بنت ثانية يكفيك المروة ويكفيك العادات ويكفيك الدين ويكفيك العرف المتماشي مع الدين والنسب وما تلقاها طمعانة في زوجها ( في الغالب ) ولا تلقينها دنيئة واطية أيضا في الغالب وغير وغير .. بس بصراحة شي واقع وملموس ومشاهد بالعين المجردة كثرة مشاكل حريمنا ونسب الطلاق العالية عندنا أكبر دليل إن المسألة فيها سر ولعل والله أعلم أن تأثير النسويات وإدعاء المظلومية له دور .. وبصراحة يوم أشوف ردود بعض الأخوات هنا أو في بعض المنتديات أو مواقع الاستشارات الأسرية .. أستغرب كيف طلقت ومالها حل إلا إن الأرواح جنود مجندة ما تعارف منها إئتلف وما تناكر منها اختلف .ولله في ذلك حكمة .



بالنسبة لأم 16 صغيرة لكن صراحة مغرية من نواحي ما يستغني عنها الرجل لكن عاد العقل يبي له صبر وأنا متخوف من قلة الخبرة حقيقة وشبه منسحب . لكن لازال خط الرجعة موجود . وفيه غيرها قريب من سنها . والأزمة ذي لعلها خيرة وقفت المشروع وإلا كان امديها معي الآن . في الفترة ذي خاصة بعد التصريحات الرسمية أن الأزمة ذي قد تمتد من 4 شهور لسنة ، قعدت أدور هنا وحصلت لي وحدة معها ولدين على الكلام اللي وصلني ما يحتاج من مجاميعه بس الولدين مشكلة والعمر أظن 30 .. وصرت أبحث هنا على وجل والله يكتب الخير .. أحيانا أقول ما دام معي أولاد خلاص كافي لو أشوف لي وحدة معها ولد ولدين ومكتفية ممكن أحسن وإن احتجنا أولاد برضه كافي ولد ولدين . وأسأل الله الخيرة والتوفيق والسداد .

رد: رأيكم مهم !
 

رد: رأيكم مهم !
 

..
آمين وجزاك الله خير على دعواتك وعلى مشاركتك ..
صحيح أنا في غيظ وحزن على إعطائي الفرص تلو الفرص لإنسانة لم تقدر شريكها كزوج وأب لأطفالهما .

أما تأجيل فكرة الزواج فغير واردة بل مستحيلة إلا أن يشاء الله
وكلامك أني ما كنت أشرح لها ولا أبين لها وأني ممن يتوقع من شريكه أن يفهم مطلوبه بالنظرة فلا يا أختي .
الحقيقة أني ممن يؤمن بالحوار وتقديم التنازلات لحل المشكلات فكنت أشرح لها وأبين لها وأطلب منها ما أريد وأوضح ما لا أريد بشكل محدد . وهي لها بالمثل ، وأبعد من هذا كنت أطلب منها أن تختار من تريد ( هي ) أن يحكم بيننا حال الخلاف على أمر من الأمور ، فإن أخبروني أني مخطئ رجعت لكلامهم وتركت رأيي ، وإن حكموا بصحة كلامي ورأيي فعليك أن تلتزمي .. فكانت ترفض هي هذا الخيار ، وبالمختصر فشلت معها لأنها لا تريد أن تتجاوب ولا تريد التقيد بالحقوق والواجبات . فتم الطلاق وبعد فترة الرجعة بسبب طلب أحد الأبناء لا غير أما أنا فقد انتهى كل شيء جميل لها عندي . ولم أعد حتى أطيق اسمها فضلا عن مشاهدتها .

والزواج من الخارج من سلبياته كما ذكرت في حال الخلاف لا سمح الله لكني سأتريث في الإنجاب وأجتهد في الاختيار وأتوكل على الله . ويبدو أن أزمة كورونا fgf الله يعديها على خير أجبرتني على البحث من هنا . ولعل في الأمر خيرة .

رد: رأيكم مهم !
 

رد: رأيكم مهم !