|
الكارثة وقعت
بعد عناء سنين عجاف من العزوبية
حكم الوالدين علي بالزواج من بنت والله العظيم عمرها مادشت مدرسة من خلقها الله مع الغنم بالبر يقول الوالد الله يسلمة هذي البنت السنعة لاأ حد شافها ولا حد غازلها غير الشمس ( يعني طول عمرها بالبر ) ولا تعرف جوال ولا نت ولاخرابيط اليوم الكارثة انها لاتقرأ لاتكتب حتى الاكل اللي تعرف تسويه حدها كبسة المصيبة الوالد الله يعافيه يحلف ويطلق ما تعرف غيرها الوالدة الحبيبة تساندة يا أخوان تكفون ويش الدبرة بعيدا عن التريقة والله العظيم الموضوع جد وأنا راح أجن |
لسلام عليكم ورحمة الله و بركاته
اول شي الله يعينك ثاني شي مو كل البنات هذي الايام على قولت البعض رايحين فيها بالعكس هناك فتيات بصراحه اقولها افضل من الرجال حاول تحصل وحده محترمه اسال و ابحث عسى حصلت وحده تقنعهم فيها و بعدين خبرهم كيف بتربي عيالك هذي حاول تتصور الحياة معها بصعوباتها و تخبرهم الله يعينك بصراحه اخي العزيز اي سعاده الي بتعيشها هذي كيف بتقرأ القرآن الله المستعان و الله هذي بسبب تسيب بعض الاهل في التربيه و هذا نحن نجني ثمارها في وقتنا هذا |
ضروري انك تتزوج فتاه متعلللللللللللللللمه ومثقفه و مو بس كده لازم تكون انسانه تحب تثقف نفسها دائما وتتعلم كل ما هو جديد
يعني مثلا لما ربنا يرزقك بابناء باذن الله حيكونوا متعلمين, كيف حيحترموها ؟ ويسمعوا نصيحتها وهي جاهله لا تعرف شيء وابنائك يتعلموا على الكمبيوتر والجوال والقادم مزهل اكثر وكل يوم نحن في تطور عجيب وسريع ,وبالمقابل لا تستطيع الام مراقبتهم وسيعتبرونها ساااااااذجه ولا يكترثوا لها ولا تستطيع الام متابعتهم ....العلم نووور اكبر غلط انك تكون متعلم وزوجتك جاهله الله يكون بعونك |
أعانك الله ..
لكني أعتقد نظرة والديك بسبب ما يرون من تبرج وتساهل في الدين والأخلاق .. وغير هذا الحياء .. لكن ليس الكل فهذا حكم ظالم .. ويوجد الحمد لله فتيات متعلمات وبنفس الوقت محتشمات .. حاول إنك تقنعهم في ذلك .. مثل ما اشاروا لك الآخوة من قبلي .. وصلي استخارة كثيرا .. وادعي الله ان يفرج عنك .. ولو انك تعرف احد كصديق ابيك او عمك او خالك يتحدثوا معه ويقنعوه بالرأي السديد .. أشعر أن والديك مقتنعان جداااااااااا بالفكرة .. فحاول تقرب لهما وليس بالعصبية .. وقل لهم انتم تريدون سعادتي فأنا لن أكون سعيدا بهذا الزواج .. وفقك الله .. ويسر لك أمرك |
مرحبا اخوي..........9111 مشكلتك ذكرتني بسالفه وحده من صديقاتي بس الفرق ان اخوها هو اللي اصر ياخذ وحده اقل منه بالتعليم ومن قريه مع اني انا ما اقلل من شأن بنات القرى لان معظمهم متعلمات ومثقفات مو ناقصهن شي...المهم اخونا بالله اختار له بنت وتزوجها المسكين انصدم من اول يوم تخيل انه راح يبكي عند امه... تلقاه ندم انه ما اخذ بنت من نفس المدينه اللي هو فيها مع ان امه وابوه واهله انصحوه ياخذ من بنات المدينه بس هو رفض...وهو مايقدر يقول لهم شي لانهم راح يلومونه ويزيدون من عذابه...المهم ان حالته النفسيه مرررررره زفت نحف وتغيرت حالته مررره تاثر وتلقاه ندم.... اخوي حااااول قد ماتقدر انك تدعي الله وتستخيره يمكن هالبنت اللي اختاروها لك اهلك زينه...بس راح تتعبك لانك انت انسان متعلم ومثقف وتخيل بكره لو جاء عليك عيال كيف بتدرسهم امهم كيف راح تربيهم وهي يمكن ماتعرف تقرأ...حاول انك تناقش امك وابوك...ومثل ماقالوا لك الاخوان والاخوات..قول لهم مو انتم تبون تزوجوني علشان تسعدوني ابي اتزوج وحده متعلمه ومثقفه وتفهمني وتعرف متطلباتي...هذي اللي اخترتوها وش بيعرفها بهالتقدم وهي عايشه طول سنينها ترعى غنم..حاول تبين موقفك... وسو نفسك حزين وقول لو بتزوجوني اياها راح تتغير حالتي وراح اتعب وحاول تكسر خاطرهم...لازم يكون لك راي امك وابوك ماراح يعيشون معك هذي بتكون شريكة حياتك وهي اللي معك لازم تكون مقتنع فيها مع احترامي لوجهة نظر امك وابوك بس حرام اللي يسونه فيك...شوف اقرب شخص للوالد ويأثر عليه وكلمه بالموضوع واطلب منه المساعده..كلم اخوانك وخواتك وقولهم خلهم يساعدونك... واولا واخيرا لاتنسى الدعاء ... واتمنى لك التوفيق والله يرزقك بالزوجه الصالحه اللي تسعد قلبك...وبالذريه الصالحه.. واخيرا تقبل تحياتي اختك روعــه |
أخي الفاضل:
كثيراً من أطباء اليوم ومهندسين ووزراء بل وملوك تربوا على يد أم جاهلة لاتقرأ ولاتكتب وربتهم على أرقى الأخلاق وقوة الإيمان وأصبحوا يشار إليهم بالبنان. رسولنا عليه أفضل الصلاة والسلام أميّ لا يقرأ ولا يكتب ولكنه بفضل الله نشر الدين في كل بقاع الأرض وسيرته إلى الأن وإلى قيام الساعة تعطر الدنيا. وهل تضمن أن تسعدك وتصونك المرأة المتعلمة وتربي أولادك كما تتمنى؟؟ أخي أنا لاأعرف بماذا أشير عليك في ظل زماننا هذا ولكني أردت أن أقول هذه الكلمات فربما هذه الجاهلة تجعلك تعيش ملكاً بحبها وطاعتها لك وتعيش في حياة هانئة يحسدونك عليها الجميع. ولماذا لاتكون أنت سبباً في تعليمها الحياة وتربيها على يديك كالطفلة وتجعلها تتعلق بك وترى من خلالك الدنيا.؟؟ |
السلام عليكم ورحمة الله و بركاته
واذا كانت متربيه في البر وش يعني المراءه مهما تعلمت تظل امراءه و يااخي لا تشيل هم ان شاء الله تكون لك نعم الزوجه التي تسرك وتسعدك . و اذا كان على التعليم وين راح دورك تكون لها المعلم و المربي و تنال الاجر غير ذلك راح تشكلها على كيفك . بس اذا كانت ميح يعني ما عمرها دخلت مدارس بالمره , دخلها محو اميه و كون انت وراها الى ان تتعلم و الله يعينك . بس تحتاج انك تتسلح بالصبر و سعة الصدر , و ترى اللي عايشين في البر يكون ذهنهم صافي ويستوعبون العلم بسرعه . واذا كان ماعندك خلق و لا استعداد انك تعلم لازم تتفاهم مع اهلك و تشرح لهم اللي ممكن يصير اذا تم الزواج بدون رغبه اكيده منك و خذها نصيحه اذا ماانت مستعد لا تدمر حياة انسانه مالها ذنب اتركها يمكن الله يسهل لها غيرك يعرف يتعامل معها وترى تبي رايي لو كنت مكان اهلك وعندي ولد ما زوجه الا مثلها من اللي نشوفه في عصر العولمه و التقدم و الانحراف صار الواحد يفضلها جاهله علشان يقدر يتعامل معها تكون انسانه بسيطه طلباتها محدوده تحترم زوجها |
اخوي ..
ارضي والديك بالزواج بها... ولكن ابحث عن الثانية من الان ... لان مثل هالزوجة لاتصلح ابدا لتربية الابناء .. في هذا المجتمع المتغير باستمرار ., والله يعينك علىااصابك.... |
نصيحتي لك اخوي انك تفهم والديك وبهدوء دون عصبية ترى العصبيه مو من صالحك وحاول انك ترضيهم بس مو بزواجك من وحده مو متعلمه ... دور على المتعلمة واسال اهل الخير الي تثق فيهم واكيد انشاله بتلقى بنت الحلال والمتعلمة والمتربية والمتحشمة ... ونصيحة لك اذا لقيت بنت الحلال قبل لاتقدم اي خطوة استخير سبحانه وادعي وقول يا رب ان كانت هل البنت فيها خير لي اف ديني ودنياي واخرتي فاجعلها من نصيبي زوجة لي في الدنيا والاخرة وان كان مافيها خير لي فأرزقني بأحسن منها
|
رغم اني مافكرت في هذا الموضوع من قبل الا الانطباع الاولي انك بتتعب في اول الايام وبتحتاج تربيها (من جد) على نمط حياتك وفي نفس الوقت اظن ان مثل هذه المرأة (((( تقدس )))) زوجها وتطيعه في كل شئ ولاحتى تفكر انها تعصيه
على العموم مثل ماقالوا الطيبين قبلي انت اللي بتتزوج لا ابوك ولا امك وانت اعرف بنفسيتك بس نصيحة لا تآخذ هذا القرار الا عن قناعة تامة (100%) لان ابليس بعد مدة بسيطة يبدأ يلف دماغك حتى لو اللي اخترتها مقتنع بها 100% |
لاخ الفاضل/ 9111 ،، حاول انك تقنع والدك ووالدتك باي طريقه ،، او انك تحاول تقتنع بالبنت اللي هم يبغونها لك ،، وبعدين كون انها جاهله او مومتعلمه مو مشكله ولا شي ،، تقدر انت تعلمها بكل شي ،، والله يكتب اللي فيه الخير ،، ولك تحياتي ،، اختك:فوافي ،، |
الحل ياخي ان تجعل احد كبير وقريب من والدك يدخل ويكون متعلم
والله يسرك امرك ياااااااااااااارب اختك |
الرأي طال عمرك
اترك البنت في حالها الله يستر علينا وعليها انت من الاساس غير راضي ولا متقبل الفكرة يعني انت مششششششششششش موافق على هذا الزواج والله البنات الحين ما في احد يقدر يجبرهن على الزواج بهذي الطريقه فما بالك وانت رجل والرجل موقف ولا في موقف اهم من مستقبلك وحياتك ولازم تكون حازم مع اهلك بيزعلوا يوم او يومين ومسيرهم يرضوا ويحاولون فيك تتزوج اللي تبغيها اهم شئ لا تنحني لرياح الضغط التي راح تواجهها والموضوع يا اخوي تراه ما له اي علاقه بـــــــــ بر الوالدين لان هذي حياتك وهذا مستقبلك وانت مع الايام عاملهم احسن معامله وهم يرضوا عليك اما موضوع البنت الغير متعلمه فهذي والله مصيبه كيف راح تعيش وكيف راح تدير حياتها الخاصه قبل الاطفال وتربيتهم الموضوع يا اخوان ما هو يا اما انفتاح على الغرب وحريه وضياع او تخلف وانحطاط الحمدلله المجتمع مسلم واغلبه نظيف فعلى الانسان ان يختار من يتزوجه على اساس الدين والاخلاق والاصل الطيب.. الله يوفقك اخي الكريم ويهدينا اجمعين |
السلام عليكم ..
9111 رضا الوالدين هو اهم شي في الدنيا .... وعلى فكره التعليم سهل حتى للكبار في مدارس محو الاميه .. طال عمرك ياغالي انا بقولك كلمه صريحه من قلوب شباب اعرفهم ... (( الجهل نعمه )) طبعاُ مو القصد ان الجهل اللي عكس العلم لا لكن لاحظ ان قلت ان ابوك قال لا تعرف لا جوال ولا نت ... وابوك ماقال هالكلام الا انا يبيلك الخير ياغالي ... يمكن بعض الشباب للأسف اذا خطب او تزوج يخلي زوجته تلبس افضل لبس لكن للأسف لبس غير ساتر لبس يلفت الانظار ويخليها على حل شعرها لا يدري وين راحت ولا من وين جات ... نصيحتي لك ياغالي انك تاخذ بشور والديك وتخليها تتعلم علي يدك وعلى التربية الصالحه ... والله يوفقك |
على فكره احب ارد على اللي قالو ان التعليم شيء ضروري
انا والدتي ماتعرف تكتب ولا تقرأ الله يعطيها طولة العمر .. والحمدلله اخواني كلهم متعلمين وموظفين في افضل الوظائف ... وانا عن نفسي في اول صف دراسي سنه اول ابتدائي اخذت الثالث على الصف .. الله يوفقك .. |
والله ياما فيه بنات متعلمات ومعاهم شهادات بس المطبخ مايعرفون طريقه اقلها الشاهي ما تعرف تسويه والشي هذا حصل مع واحد من اصدقائي والخيار بالاول والاخير راجع لك
|
بسم الله الرحمن الرحيم
الى الاخ العزيز كاتب الموضوع مسألة انها ماتعرف غير البر ترىلا كذا افضلك لانك تقدر تعجنها على ايدك وتتحكم فيها مثل ماتبي مو مثل بنت المدينه المتعلمه اللي كل ماقلتلها كلمه ردت بعشره علىلا فكره مسألة ان الزوجه غير متحظره ابدا ماهي مشكله لان المرأه تغار واللي يغار يتعلم عرفها على افضل الاسواق اخترلها انت لبسها تحملها اول شهرين ومسألة مادخلت مدرسه في البدايه انت علمها وبعدين دخلها محو الاميه لين تتخرج وخليها تكمل منازل بالمتوسط صدقني بتتسهل ولا تعقدها ان شاء الله راح تنبسط معها وتدعيلنا الله يوفقك ويسر ويسهلك ولجميع الفتيات والفتيان آآآآآآآآآآآآآآآآآآآآآمييييييييييييييييييييييييين |
لا تدور على الثانية من الحين ولاشئ..
وترى حتى بنات البراري الحين يعرفون كل شئ ولا أظن أبد إن فيه أحد جاهل 100%... ما يصير تحكم على البنت من الحين.. أنا أقول ما يصير تتزوج غصب عنك بس بصراحة لو ما قدرت توقف وتعلن لأهلك معارضتك.. أذن أرضى بالأمر الواقع كاملاً بما فيه عشرة البنت بالمعروف لأنها مالها أي ذنب وأنت اللي طلبتها من أهلها.. يعني لازم تعلمها وتصبر عليها لغاية ما تصير زي اللي بخيالك وأحسن وهذا الشئ يتوقف على شطارتك أنت... وعمر التربية والأخلاق الحسنة ما كان لها علاقة بالتعليم ياما دكاترة بأعلى الدرجات ما يخافون الله ولا يسجدون له.. البنت الأصيلة اللي تحفظك وتعاونك في الحياة ولا تكلفك أشياء كثيرة يمكن تكلف هي بنت المدينة أحسن لك والله العالم.. عموماً شاور وارسل من يجيب لك اخبار البنت يمكن تسمع عنها شئ يخليك تتعلق فيها وترغبها وحاول تشوفها إذا وافقوا اهلها.. وحط في بالك ان الزينة شئ خارجي لو اهلها ما علموها عليه انت تقدر تعلمها وتلبسها كل اللي بنفسك.. أخيراً آسفه على الاطالة والله يكتب لك الخير.. |
هذا الشيء يجب عليك انت الذي تقرر في مصيرك وليس والديك
فموافقتك على العروس شيئ مهم ويجب عليك انت الذي تتخذه وليس الوالدين فأذا اصر عليك الوالدان فيمكنك ان تستعين بأقربائك لكي يقنعوا الوالد تحياتي |
ممكن يتزوجها شخص من نفس بيئتها .
|
| الساعة الآن 08:44 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©