|
زوجي رد علي برد غريب... هل كل مثل تفكير زوجي
هلا احبتي شخباركم :)
والله هالمنتدى احسن منتدى مر بحياتي الاقي الراحه فيه واحسه من جد وبفضل الاخوان والاخوات الطيبين اللي فيه بيت ثاني اسكن له راح ادخل بقصتي على طول هذا انا وزوجي بساعة صفا جالسين نتسامر التي تكون بلنادر بحكم عمله :( فقام فتح سالفةالسوق يقولي انا دايم اطلب منك تشترين انتي اللي تفرضي(هذا طبعا اول الحين بس ياشر على قطعه يقول حلوه بدون تفكيراحملها حتى المسكين صار يحرم يقول فصرت افهم من نظرة العين انه هاذا الشي عاجبه وطبعا بدون تفكير اخذه حتى صار يطلع بلسقف) المهم فقلت صدقني انا احس هاذاوسام شرف انو زوج يقول لزوجته بزمناهذا انها ماتشتري وغير مبذره واسترسلت وقلت اقلها بكره لين جلست وسط اصدقاك وكل واحد يشتكي انه زوجته مبذره(لعلمي سابقا بهالشي)انت ياحبيبي بتظل ساكت(اقل شي) الا يقول ومن قالك بظل ساكت عاد وقتتها ابتسامتي من الاذن الى الاذن :d :d :d (افكر بيمدحني)قال انا راح اشاركهم وبقوه بعد وبقول مثلهم واعظم وبقول هالحريم من تعطيهم وجه يخلوك على بساط الفقر ويتكلم جد مايمزح :confused: بعدين اللي فهمته من كلامه انه لايريد ان يمدحني قلتله لاتمدح بس لاتعمم مثلهم اقلها قول لاوالله انتو ظالمين الحريم بعظهم زوينات ومايتطلبون وكان الكلام ماعاجبه سالي لااخواني الرجال هل صحيح ماتحب تقول صفه زينه طباخه مدبره مربيه زينه لزوجتك قدام اصدقاؤك؟؟؟ :confused: والا زوجي غير :rolleyes: |
يسعدك ربى
انا لسه عازب بس صدقنى في كل مكان و زمان أامدح زوجتى حتى لو هذا الشىء مو فيها ياااااااانااااااااس هذه ام عيالى وحبيبتى وروحى وقلبى ويسعدكم ربي |
غريبة:::
اللي فهمته منك انو ما يطالع في شي الا وتاخذينه...وين الاقتصاد؟؟؟؟؟؟؟؟؟؟؟ مع اني اشوف انو عادي جدا ان الرجل يمدح زوجته |
السلام عليكم ورحمة الله و بركاته،
اظن اغلب الرجال كدة ، دي تراكمات تقاليد و عادات ان المرأة عبارة عن عيب كبير في ناس ما تنطق كلمة حرمة الا تقرنها بكلمة اكرمكم الله يعني المسألة مش لازم تكون غيرة هي احيانا كثيرة استعراض رجولة، كل واحد يبين انه اسد في بيته و يخاف لو مدح زوجته او حتى اثنى على صنف الستات ياكلوه الرجال اللي معاه و بالمقابل في رجال ( و العياذ بالله ) يتكلمون عن ادق تفاصيل حياتهم الزوجية يعني يا غلو يا ارتكاب المحرم مافي وسط الا من رحم ربي يسعدك ربي : ما شاء الله عليك اول مرة اشوف عازب يحب زوجته بالشكل دا يارب تدوم المحبة بعد التأهل ان شاء الله :) |
اخيه اغلب الازواج كذا
اذا كان في نفسه شئ عليك يعني متضايق منك في شئ وسالتيه السؤال في وقت غير مناسب لكن اسئليه وقت الرضا والدلال >>>>>>وراح يمدحك وبالسعاده الدائمه اخيه وتحري الاوقات المناسبه تسلمي |
يمكن يخاف من عيون الناس
|
السلام عليكم .....
سيدتي ......انا بصفتي رجل ....ارفض ان اتكلم بصفات زوجتي اما اصدقائي ......ويصيبني الخجل عندما اجلس مع احد اصدقائي ويحدثني عن زوجته ....لا بد من حفظ خصوصية البيت ولكن مو درجة الاشخاص اللي ذكرتهم الاخت زوجة وحيدة ... بعدين ..تعالي انت وش يهمك لما يمدحك زوجك امام اصدقائه ..... اسمحيلي بهذا الكلام ...... وارجوا ان تتقبلي وجه نظري .... |
يسعدك ربي
اهلا ياحظها اللي بتاخدك رح تمدحها بسبب وبدون الله يوفقك وحياه زوجيه سعيده |
اخي بلعوم ماطالع شي الا واخده يمكن مبالغه بس هذا الواقع لاانه صارت قصه وصار هالسبب,, لاانه زوجي دايم يقولي اني مااشتري ولاالبس واغير من لبسي لهالسبب يااخوي صرت احب اشتري علشانه .....ومع ذلك مو معناته اني اشتري كثير لاان اساسا طلعاتنا سوا مع بعض نادره تقدر اتقول كل شهر ونص الى شهرين واحيان اكثر
واذا طلعت بروحي مع انه عندي خمس بطايق بس مااستعملها و اعتقد توضحتلك الامور |
اهلين اختي وحيده
اعتقد كلامك صح انه كل واحد يبي يبين انه اسد ويظل احسن من اللي يطلع ادق تفاصيل زوجته تحياتي |
مااعتقد السبب انه حامل مني شي
لاانه كان يتكلم بكل راحه ولو فيه شيئ بيقولي واعتقد هذا طبع زوجي اتخيلي انا زوجي مااشوفه كثير بهالغربه ومسؤولية البيت تقريبا علي وحدي ولانطلع مع بعض الا بلنادر ومع ذلك يوم وجالي وقال تعرفي فلان يقولي يلا اتزوج مره ثانيه ،،، انا قلتله لااا وحده ومحنا قادرين نتحملها فقلت مو مصدقه انت قلت كده ليش؟؟؟ فعمل حركه بوجهه بما معناه مشششي حالك وعديها فانا سكت وقتها |
شكرا الك اختي دبدوبه <<<<<نسيت اتبع اسمك بلرد السموحه اختي
|
كابتن اهلا بيك
يجوز يكون خايف من العين الله اعلم شكرا لمرورك اخي |
أختي انا عن نفسي لن ولم أتحدث عن زوجتي او خطيبتي الآن أمام اي أحد
ما الداعي أنها في رأيي شئ سخيف جداً يعني ما الداعي ان رجال يجتمعوا علشان كل واحد يعرف أسرار بيت التاني وزوجته شو بتعمله حاجة غريبة وكتير بحس اني نفسي أصرخ وأقول يا جماعة البيت أسرار لا المرأة تقول لصديقاتها ماذا يفعل زوجها ولا يفعل الرجل المثل أأصرخ أعلي من هذا :(:(:(:( لا أدري تعبت من كتر الكلام مع الرجال في هذا الموضوع :( المشكلة أنهم يتسامرون وسايبين الحريم في البيوت تعبانيين وطفشانيين حاجة تزهق أين الحب والطمأنينه والسكينة أين الزوج والزوجة يغطون بعضهم البعض يحبون يسكنون لبعضهم أم خلاص حبك الكلام عن الزوجة فقط وأمام الرجال شئ محرج ومن رأيي .... ولا بلاش أسف كلامي ولهجتي الشديدة ولكن الموضوع قرأته كثير ويجعلني هكذا من شدة الحزن :( |
اهلا اخي شخص حي
لا مايهمني طبعا بس على الاقل مايذم فيني انت ترضى انو زوجتك تقعد وسط مجموعه متضايقه من بخل ازواجهم وتقوم زوجتك وتزيد عليهم؟؟؟ انا بلعكس انا مااريده يمدحني بس لايذم فيني بشي مو فيني بس ماادري تفكير الرجال غير حنا يلحريم نموت ونتعلق بصفه زينه باازواجنا ونقعدنمدح فيهم ونحمدالله على هالنعمه فيهم واكرر انا مايهمني يمدحني وانا قلتله وقتها لاتعمم اقلها مادري احس تفكيرك ووجهة نظرك مثل تفكير زوجي حياك الله |
اهلا اخوي لونلي
في مجتمعنا او في المجتمع الصغير اللي عايشه فيه انه عادي انه الرجال يقعدون ويتكلمون عن زوجاتهم و با اشياء خاصه احيان كثيره لدرجة انه رجال يقول للباقين ياجماعه انا انخدعت قالولي تزوج من هالمنطقه بناتهم حارات بس اللي عندي بارده بارده يعني اقولك قصص تستعجب الرجال يخوضو فيها,,اتوقعتهم اعقل من الحريم بتجمعاتهم الحمدلله زوجي مايتكلم بشي ابدا بس سالفة انه يذم فيني قويه شوي يعني احسن شي يسكت وقلتله اسكت قال بيفكرون رايي غير عنهم!!!!! شكرا لمرورك اخي لونلي |
بالنسبة لي ما احب ان زوجي يتكلم عني بين اصدقاءه
يعني يمدحني عند اهله ممكن لكن اصدقاءه طبعا لا بعدين انت قلتي انه عمم ما ذمك يمكن فعل ذلك حتى يتجنب الاحراج ولا يجلس ساكت المهم ما هي مكانتك عنده ولا يهم ان يعرف احد بذلك لكن اذا تكلم عندك بسوء اي انه قال زوجتي تفعل كذا وكذا وانت لا تفعلين هنا يحق لك ان تتضايقي مجرد وجهة نظر !! |
اهلا اختي ام سند
وشكرا لمرورك وابداء رايك انا حبيت اعرف رايكم بلموضوع لااني حسيته شي غريب عموما اكتشفت ان الحريم مظلومين ....من واحد يذم في جنس الحريم قامو الكل معه حتى المرتاح منهم وانا والله مو قصدي يمدحني لا، بس ماالمفروض يسب مثلهم لاانه على الاقل مو مثلهم تحياتي |
أختي .....
اطلعت على ردودك ....ومشاركات الاعضاء ...........بصراحة استغرب كلامك ......لانك تطالبين زوجك بعدم التعميم .... وانتي عممتي صفة موجودة باشخاص في مجتمعك الصغير ...على جنس الرجل ........ بعدين ترى مو شرط كل واحد لازم يدلي بدلوه ويعدد صفات زوجته ......بس اقولك فيه رجال مقهورين من الحريم ......علشان كذا يحب انه يفضفض عند اصدقائة ......بس هذا اعتبرها قلة في المرواءه........ تم التعديل - المراقب العام عاشق محب |
بالنسبه لي
دايم اتمى صفه في زوجي.. وهي انه "يفخر" فيني ما اقصد يقعد 24 ساعه يتكلم فيني.. ولا يقول اشياء خاصه.. بس لا ما يخجل يتكلم فيني.. كان الرسوال صلى الله عليه وسلم يتكلم بكل فخر ويبين حبه لزوجته خديجه..كذالك عائشة..وهو قدوتنا في هالشي.. يعني مثل زوجك هنا ياليت انه مدح فيك اقتصادك انا عني احب زوجي يمدح صفه فيني او عالاقل مايستحي من ذكر اسمي وطارييّ والله شي حلو..حتى قدام اهله مب بس اصدقاءه.. شي رائع......... انا زوجته ام عياله صديقته حبيبته وكل شي انشالله وهو نفس الشي..حنا انشالله "روح وحده" ..واعلى من مستوى "عيب" او "استحي" من ذكر زوجتي............ هذا وجهة نظر شصخيه فقط:) وعلى فكرةانا مب متزوجه ولكن هالكلام وجهته لخطيبي ههههههhttp://vb.66n.com/images/icons/icon54.gif لكن باسلوب حلو عندما تصارحنا في صفات مرغوبه في الطرف الاخر... |
اختي ام هاشم قبل شوي سالت زوجي على هذا الموضوع اذا كان يمدحني امام اصحابه او لا ايش كان ردة ....
قالي انا عمري ما اتكلم عليك بالمديح يعني لو اصحابه يشتكون من زوجاتهم يقول : اف والله يا اخي كل الحريم كدة خليها على الله بس :eek: سالته وهل انا كدة ؟ قالي : لا بس انا ما احب اجيب سيرتك ومحاسنك قدام اي حد حتى وان كان اقرب الناس لي لان احس انه عيييييييييييييييب ادكر سيرة مرتي بالحلو او السيئ . قالي : في واحدة بس دايمن امدحك قدامها وما اقول عنك الا كل خير وهي تدعي لك دايمن , سالته مين قال : امي صدقيني فرحت كثير لان بصراحه والدته هي اهم واحدة بالنسبه لي من بين كل الناس ;) اختك ام مجيد |
اخوي حي
اسفه لااستفزازك اعتقد للحين مافهمت مااقصده وانا ان قلت اعتقد تفكيرك مثل تفكير زوجي لاانك قلت بالاول انك ترفض ذكر اي شيئ يخص زوجتك فقلت يمكن هذا نفس اعتقاد زوجي ،،،لااكثر ويااخي الفين مره مو قصدي من المسئله انه يمدح فييييني مادري ليش مو فاهميني انا اقول اذا واحد قعد يذم بلحريم وانت مرتاح ليش تذم معاهم؟؟؟؟ هذا اللي اريد افهمه بعض الاخوان قالو عيب وبعظهم مايحب وواحد من الاخوان قال يمكن يخاف من العين وواحد قال انا احب امدح بزوجتي يعني الاراء تختلف غيــــر راي الاخوات الكريمات وثانيا انا ماطلبت يدلي بدلوه ويعدد صفات زوجته بلعكس رااي اقل شي يسكت مو لازم مع القووم ياشقرا وبس ولاتخاف حنا يلحريم اذا ازواجنا فيهم صفات حلوه نذكرها ونحمد الله واخير اشكرك للسلام تحياتي |
اهلا اختي همسة
الله كريم وينولك اللي ببالك والله يوفقك بحياه زوجيه هانئه |
اقتباس:
يعني تقريبا اراء الازواج متشابهه احمدي ربك اجل انك ممدوحه عند الوالده عز الطلب ;) الله يوفقك اختي ام مــــاجد ويسعدك |
السلام عليكم ورحمة الله وبركاته .........................شوفو ياشباب وياشابات أنا عندي أفضل المدح هو أن يكون عند أهل الزوجة فقط من أم أو أب أو أخ أو عم ونحوهم من الأقارب لأن مدحك لها أمامهم تعتبره الزوجة وسام شرف لها ............... أما مدح الزوجة عند الأصدقاء فقد يسبب كثير من المشاكل مع هذا الصديق وزوجته فتبدأ المقارنة فتكون المشكلة هذا والله أعلم سبب عدم مدح زوجك لك امام أصدقائه ...والناس لاترحم فقد يسبب لها عين من شخص يفقد هذه الصفه
فأنا من المستحيل أمدح زوجتي أمام الآخرين وخاصة الأجانب من صديق ونحوه ..... فدائماً أتحين الفرصة لمدحها أمام أقاربها لكي تفرح إذا جاءها من قريبها هذا المدح والثناء فهم المفروض الذين يعرفون حقيقت تربيتهم ............ والله أعلم أخوكم / عاصم |
داري على شمعتك تقيد
|
هلا اخوي عاصم
وجهة نظرك جدا معقوله واعتقد معظم الازواج نفس ماتقول بس سؤالي هل لين ذمو بلنساء عموما وقالو مثلا هالنساء ناقصات عقل وانت زوجتك مثلا حكيمه وعاقله او مسالة التبذير اللي الرجال صارت لهم عقده .... سؤالي هل تقعد تذم معاهم وانت ماعندك نفس المشكله وشكرا لمروك اخي الكريم انا مو عارفه ليش مو فاهميني انا لااريد زوج يمدح زوجته قدام اصدقاؤه!!! |
هلا والله باابو شوق
اشكرك لمرورك وابداء رايك ويجوز فيه رجال يخافون من الحسد تحياتي |
الان فهمتك ........ اذا اصدقائي ذموا الحريم .......بصراحة من باب الفكاهة ......احب اعلق واضحك واجيب تعليقات ...بس للضحك فقط ويكون بشكل عام ... اما الكلام الجد فلا اتكلم في زوجتي مهما صار لا في ذم ولا في مدح ......
تعديل بسيط - المراقب العام عاشق محب |
[blink]وقوف [/blink] [blink]stop[/blink] والله ما فهمت شو الموضوع وما شاء الله الأخوان الكل فاهم وجاوب الرجاء تخفيف حدة اللهجات لأنو هلأ ما بتسدأي أذا أتلك مي زابطه والكل شرحو( طبعا غير مفهومه كونها بالشامي) أخوك رام |
| الساعة الآن 08:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©