|
انا بمشكله ارجو التواجد
السلام عليكم جميعاااااا
انا شاب عمري 27 ( اي شاب يرحم والدينك ) اتطلع لافتح بيت واستقر وأتزوج ببنت الحلال بس للأٍسف متردد وأخاف ان اللي بتزوجها تكون غير مستقيمه ( طبعا بتقولون لاتكون نظرتك تشاؤميه ) :( غصب عني والله ماعاد اشوف اي بنت صاحيه كثر الغزل وكثر التسوق والعباايات المخصر و........ و......... الخ شئ يفقع المرارة من جد ابي انام في بيتي مبسوط ذبحتني العزوبيه لايوجد عندي خوات عشان يقولون ندور لك وصعب احتد للناس كل همي نرجع عشر سنين وراء ونشوف ام العيال بدون جوال ونرجع شوي ونشوف المبزره حدهم اتاري .. اعوذ بالله الحين الجوال في يد الصغير والكبير بدون مراقب ولايبط كبدك الا اللي تجي وتقول انا واثقه في نفسي وهي ترتز في كل محل اظهرت زينتها ... ياعالم ياهو النت جاء وكمل الناقص بناتنا خربو ومجتمعنا انحط الا من رحم ربي وشلون نعرس ونستقر في بيوتنا وهذا حالي وحال اي رجل عنده غيره على بيته وعرضه الجوالات من هنا والنت من هنا والدش من هنا وطايحين الحين بماركات بدي شوب ونينا ريتشي الله يالدنيا وين ايام الفازلين والنيفيا ( وقرقنز ) هههههههههه عموما ماطول عليكم ابي الحل او النقاش بدون ماتجيني وحده فاقه خشتها وتقول اصابعك مو سوى ........ انا مقتنع بمقوله لاتجعل الحبل على الغارب وسلامتكم |
الله يرحم الحال ويجب عليك أخي أن تتقي الله فإن اتقيت جعل لك من كل هم فرجا ومن كل ضيق مخرجا
وزرقك من حيث لا تحتسب ومن يتق الله يجعل له من أمره يسرا ومن يتق الله يجعل له مخرجا ويزرقه من حيث لا يحتسب وعليك بالسعي بالدعاء والاستخارة لأكثر من مرة والاستشارة لأكثر من شخص فالأراء تختلف ووجهات النظر تتباين فأنا كنت مثلك فسعيت في الخطبة من 13 امرأة ولم أوفق إلا برقم 14 آلا وهي زوجتي أم ابني الآن فأعلم أنه قد كتب رزقك وأجلك وعملك شقيٌ أو سعيد فما عليك إلا السعي والله يقول والذين جاهدوا فينا لنهدينهم سبلنا وإن الله لمع المحسين وفقك الله لما يحب ويرضى وجمع بينك وبين شريكة حياتك في الآخرة قبل الدنيا إنه ولي ذلك والقادر عليه . أخوك المحب لك في الله / سليل الجد |
غريب شاب في سنك ويتكلم بعقلية رجل عمرة اكثر من مائة وخمسين عام
وماذا إذا حملت الزوجة الجوال هل هذه مشكلة ؟ وهل الجوالات للرجال فقط ؟ اخي الجوال والنت وكل وسائل التقنية الحيثة سلاح ذو حدين ليس هي فقط بل مثلها السكين بإمكانك ان تستخدمة لتقطيع اللحم وبإمكانك ان تذبح به إنسان فهل سوء استخدام السكين من بعض الناس يجعلنا نلقي به ونحرمه على انفسنا أخي سأقول لك اصابع يدك ليست سواء فكما أنه يوجد نساء سيئات يوجد رجال سيئين والعكس صحيح |
اشكركم على تفاعلكم البناء ولي رد على الاخ عروبه .. وش قصدك تتكلم بعقلية رجل عمره 150 ؟؟
ترى مو لايقه عليك .. يا أخي الكريم السكين أداه ماختلفنا فيها ولكن المشكله باللي يحمل الاداه نفسها وصدقت بعباره ان فيه رجال سييئن والعكس .. والتوفيق من عند الله ولكن اخذ الحيطه واجب .. يبو الشباب انا بدفع من دم قلبي واخرتها افكر بسكين حضرتك ؟؟ هذا زواج وارتباط مشاعر ماختلف معاك ان فيه بنات ممكن يحفظون اسرة بأكملها ويصرفون عليها ويتصرفون بعلاقينه بس البنت ضعيفه ممكن تهتز لأتفه الاسباب ... مانلقي بأنفسنا للتهلكه ونقول اصابعك مو سوى شئ ندري عنه وشئ ماندري عنه وانت والبلاوي كثرت والخيانات على افا من يشيل يمكن ماعندي الاسلوب اللي بقنعك فيه بس صدقني ماتكلمت الا من واقع شئ اشوفه بعيوني من خلال عملي وسلامتك |
ويعنى تفتكر ايه اللى يضمن للبنت اللى تعجبك انك انسان كويس مهو البنات كمان محطتين فى نفس المشكله بس مقلوش ان الرجاله كلهم وحشين ولا اعرضوا عن الزواج وانت اخلص النيه لله وهو هيوفقك ومفيش حاجه مضمونه والضامن ربنا وبعدين مهى ممكن تاخد واحده وربنا يوفقك ليها والشيطان واصدقاء السؤ يغوها بعد الزواج تقدر تقلى هتعمل ايه ياخى اظفر بذات الدين وتوكل على الله ومتحملش الامور اكتر مما هى عليه ولو كل واحد فكر بطرقتك مش عارفه نسبه العنوسه هتوصل لكام
|
ونسيت اقولك ان الواحد لازم يكون عنده ثقه فى نفسه وفى ربنا وعموما الرسول حدد اسس لاختار الزوجه واختيار
الزوج ولواتبعت هذا الاسس ربنا انشا الله هيوفقك وعموما اتباعك للسنه فيه ثواب كبير ولازم تكون حسن النيه ببنات الناس ولو هيفضل عندك الشك ده او هتعذب بنات الناس معاك خليك اعزب احسن للكل |
اضحك الله سنك ....بعض الكلام لاغبار عليه الدنيا تغيرت ^^^ لا قصدي الناس ^^^ لكن مو المشكله مشكلة فازلين وبدي شوب البلا في كيفية تعاملنا مع المتغيرات من نت وجوالات الغالبيه من الشباب استخدامهم سيء وبعيد عن الرقابه الذاتيه ورقابه المحيطين لمت الزمان ولايم الوقت غلطان ^^^^ حوادث الايام من فعل اهلها وبالتأكيد ستجد في هذه المعمه صوت عاقل فاتحا فاه مثلك امام عواصف الغير .. لكن ستتعب لتجده |
اخوي لازم تعرف ان حتى احنا يالبنات نخاف من هالشي أكثر منكم صح انتو تدفعون دم قلبكم
ولكن احنا اذا فشلنا لاسمح الله تقريبا نخسر كل شي انتو تقدرون تبتدون مره ثانيه وكأن شياءً لم يكن بس البنات لا بيكون كل شي محسوب عليها وحياتها عذاب للمعلوميه فيه بنات كثيرعندهم جوالات ويستخدمون النت ويعرفون الماركات والمكياج ومتربين احسن تربيه ويعرفون ربهم ورافعين انفسهم عن كل سوء وترى الخير والشر بكل مكان وزمان ولو البنت تبي طريق الحرام بتروح له حتى لوماتعرف هالاشياء صح احنا في عصر التقنيه والتكنلوجيا الحديثه وللأسف الاغلبيه تستخدمها في السوء وبطريقه خاطئه ومع ذلك فيه بنات فيهم خير بنات رجال وخوات رجال اذا كنت خايف انك ماتوفق ادعو ربك بانه يوفقك ببنت حلال مستووووره ومايمنع انك تستشير احد من اهلك حتى لوكان ما عندك خوات اخوي اترك عنك هالتشاؤؤؤؤؤم وان شاء الله ربي بيوفقك ببنت حلال يتمناها قلبك |
أحب أن أنوه بأن الماضي فات حتى لو خطبت فتاة كانت من أصحاب المكالمات الليلية لكنك غير مجبور على محاسبة ماضيها كم من راقصة تابت و أصبحت داعية على يد زوجها
و أنت كذلك أخي اخطب و اجعلها تحبك دون تذكير ماضيها بالعكس حاول أن لا تسألها عن علاقاتها من قبلك و اجعلها أن تعاهدك بأن تكون آخر شاب تحبه و حسسها بأنها أول فتاة تحبها و تأكد بأنها ستخلص لك من كل قلبها و نسى ماضيها أمــــــــــا الباقي كالجوال و العباءة الخصرة و غيره .........و.....و ...... . تكون أنت المسؤل عليها و أنت الآمر الناهي فكل راع مسؤل عن رعيته و تأكد مثلما البنات الغير مهذبات موجودات هناك أيضا العفيفات الطاهرات فاظفر بذات الدين تربت يداك... |
بصراحه انا ماتعجبني النظاره السوداء اللي انت حاطها على عيونك (يأخي تفائلو بالخير تجدوه، والقناعه كنز لايفنى ) ، اقولك على شان ماطول عليك انا اتفق مع الأخ سندس 100% 0
|
وعليكم السلام ورحمة الله وبركاته
الخ الفاضل / SiLeNcE :confused: :confused: :confused: مشكله :eek: صح :rolleyes: لا يا اخي الفاضل هي مو مشكله بس انت اللي مكبرها وهي صغيره ،،، تقدر تخلي والدتك الله يعطيها العافيه انها تدور لك على بنت الحلال ،،، وهذي هي الطريقه التقليديه ،،، اللي اغلب الناس ماشين عليها ،،، اكيد طبعا ان والدتك تعرف ذوقك يعني بتختار لك وحده نقاوه :d وان شاء الله تعجبك بعد ،،، وبعدين مو اي وحده معاها موبايل او عندها نت او ،،،،،،،،،،، الخ ماتكون تمام ،،، انت قلت ان اصابع ايدينك مو سوى ،،،،،،، مو معقوله البنات خلصو فجئه ،،، وصاروا كلهم ماينفعوا :mad: اخي الفاضل سو زي اخوك سليل المجد اخطب عشرمية وحده ،،، يمكن وحده تناسبك :d واستغل الثلث الأخير من الليل وادعي الله انه يرزقك ببنت الحلال ،،، والله يوفقك ،،،،،،، |
اخي توكل على الله سبحانه وتعالى وهو لا يخيبك
صلي صلاة الاستخارة مرة ومرتين وتلاثة وتوكل على الله وسوف تجد بنت الحلال ان شاء الله فكما ان هناك بنات سيئات هناك بنات عفيفات. فاظفر بذات الدين تربت يداك. |
الاخت سندس ...... مشكورة اختي بس واضح من لهجتك انك تنتمين لمصر ونعم فيكم ولكن عاداتنا تختلف عن عاداتكم يابعدي مو تقليل بشأنكم ولكن اختلاف الاطباع وتعقيب على كلامك ان البنات يخافون ينخدعون فأنا ضدك لسبب بسيط
1 - الرجال لما يتزوج يكون يبي الزواج يعني مو مضيع وقته 2 - البنت لما يتقدم لها شخص مو دليل تكون تبي الزواج احتمال تبي تفتك من العنوسه واحتمال تغار من بنات عمها اللي سبقوها وهكذا .. ---------------------------------------------------------------------- غاية الحب ........ اخيرا لقيت شخص يفهمني وياشيخ لو مايجي منك الا توقيعك >>>>> احب ام كلثوم ومشكور على ردك ياغالي --------------------------------------------------------------------- اختي بلسم ..... عارف ان الفشيله موجوده بس بحاله الطلاق ... يعني تتوقعين يطلقك وانتي بنت قايمه بواجباتك كلها ؟؟ وتوقعين يطلقك وانتي حافظته وصاينته ؟؟ لا يابعدي اذا في بالك الفشيله فأنا في بالي اربع سنين ادفع اقساط مهرك هذا اذا صرت ولد نعمه يحق لك تحافين بنسبة ضئيله بعداما اللي مثل حالاتنا الله يخلف بس وبعدين فيه نقطه بوضح لك اياها اللي هي اني قلت ماعندي خوات ومشكورة -------------------------------------------------------------------- shazano ( حبك برص ياشيخ ) لا ياخوي وش ذالحكي والخرابيط اللي تقولها تبي اخذ لي مثلا راقصه تابت ولا وحده اقولها انسي الماضي وحبيني يابعدي (( النتوب لايتوب والماء لايروب )) انا اجاهد نفسي ولا اجاهد بنت الناس ياخي كلامك مو مقنع ابد انا معاك بنقطه وحده بس اني الناهي والآمر ومشكور -------------------------------------------------------------------- ابو اشجان ... تحيه طيبه وعشان ماطول عليك ( اذا فيه احد عليه نظاره سوداء فهو انت ورب الكعبة ) ---------------------------------------------------------------- ومشكووووووووورين |
اقول انت غير البشر على راسك ريشه جيزك جيز الناس اسئل وتقص وابحث عن ذات الدين تربت يداك والله يكتب لك الى فيه الصالح
|
عفوا فوافي وسميه رديت ومانتبهت لردكم
الاخت فوافي ...... اقول ثور يقول احلبوه هالحين يعني بقطع الجوال عنها يعني ؟؟ انا ابي وحده اعطيها عيوني وجوال وكل شئ بس تكون انسانه من داخلها نظيفه وتحفظني هذا قصدي اما اميمتي الله يخليني لها على نياتها وش يدريها عن بلاوي البنيات الله يستر علينا وعليكم وبعدين المشكله مو بالرفض عشان اخطب مية الف مره .. المشكله بالانسانه ياعالم ومشكووووره الاخت سميه ...... جزاك الله خير يابعدي انتي اقرب للصواب والله يعين ان شاء الله |
هههههههههه الفارس وش اللي جيزك جيز الناس ؟؟
اخبر انها زيك زي الناس .. بعدين ياخي اعتبرني طايح من السماء بخيشه وهذي مشكلتي جاوب بالاقناع مو بالتحطيم |
يا اخى مش هتفرق من مصر ولا غير الدين دين كل المسلمين وانا مش بتكلم على عادات وتقاليد بتختلف من بلد لبلد ولكن بتكلم على الاسس اللى الرسول حطهالنا وصالحه لكل زمان ومكان
وبعدين مين قالك ان الراجل لما بيحب يتجوز بيكون عن اقتناع وانه مش مضيع وقته لا فى كتييييير بيتجوز لانه لازم يتجوز او لانه وضع اجتماعى والسبب التانى اللى انت قلته وفاكر انه ضدى بالعكس البنت لو اتجوز عشان زى ما انت بتقول خايفه من العنوسه ده فى حد ذاته مش عييييب وبيكون دافع اكبر ليها انها تنجح هذا الحياه الزوجيه والسبب ده مش ضدى بالعكس ده فى صفى واعتقد ان رجاله كتيييييير بتلعب على الوتر ده وبيستغله البنت اللى وصلت لسن معينه عشان يجبروها على تقديم تنازلات فى حقوقه من مهر وشبكه وكذا على اساس (احمدى ربنا انى هنقذك من العنوسه)صح ولا؟ |
صح بس مايفكر بكذا الا قليل حيا ولا اعتقد في امراه ببتنازل عن اشياء مقابل انه ينقذها من العنوسه
لان العنوسه افضل لها من شخص استغلالي عموما خلاص انا خطبت البارح وتملكت اليوم وبكره زواجي باركولي والله يستر من يوم الخميس |
ييااااااااااااااااااااه معنى كده انك كلامك مكنش عن اقتناع او انك اقتنعت بكلامنا وبعدين انت مش شايف انك متسرعه زياده عن اللزوم خطبت امبارح وعقدت اليوم وبكره هتجوز يعنى الموضوع كله لم يستغرق اسبووووع اشك انك كنت مقنتع بالمشكله او بكلامك اللى انت اثارته واسفه كنت متخيله عندك مشكله وعشان كده حاولنا نتناقش معاك لكن واضح انك معندكش مشكله ولا حاجه والدليل هذه السرعه
|
يغلق الموضوع...لاكتمال الردود
|
| الساعة الآن 04:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©