ماذا حدث لك من مواقف في....
 

ماذا حدث لك من مواقف في....


أروي لكم موقفي لأخذ العظة منه.... :confused:

ماهي المواقف التي حدثت لك أو لزوجتك يوم الملكه, يوم حفلة الخطوبة أو يوم الزواج؟؟؟؟

بالنسبة لي... حدث لي موقفين...

يوم الملكه: كنت منحرجه مرة لأنها أول مرة أشوف فيها زوجي فلما جا يشربني العصير و أنا أشربه العصير كبيت العصير عليه لأني ماكنت أطالع فيه....

يوم حفلة الخطوبة: كان الفستان اللي علي فيه جبونه (اللي تنفش الفستان) فلما جا خطيبي من وقدام الناس على الكوشه طاحت الجبونه .....ناديت على أمي... جات أمي وخواتي بسرعه وتجمعو حوالي وشالوا الجبونه (الفستان شكله مقبول بدونها) بس لو لبسونياها مره ثانيه لازم يرفعون الفستان فما كانوا يقدرون

والناس كان عندهم حب فضول ايش اللي صاير....

والإشاعات حدث ولا حرج.... أغمى عليها و و و و و و و

أتمنى إن في يوم زواجي ما يصيرلي من هذي المواقف....

والحين يقول ايش الموقف اللي صار له؟؟؟

اخت وسام الموضوع فكرني يوم زواجي واحنا في اثناء الزفة وقف زوجي ولان فساتني طويل وواسع وقف زوجي علية وصرنا نرقص ولكن لم استطع فسيادته ضاغط علي اوي ولم اتمكن من الرقص ولا من تنبيهه وصار يقول لي وانا اعيط الي ان نبهه صديقه للموقف فصار الجميع يضحكون علينا وكانت ليلة بقي ..................................................

:(

عشانك ياوسام
عاداتنا تعرفينها ماادري عن المره ولا سبق وان رايتها (البنت) المهم طلبت من اهلها ان اراها النظره الشرعية
يوم جاء هذا اليوم وانا جالس قريب عند الباب عشان اشوفه كويس وولي امرها معاي في المجلس المهم انا جريء شوي لما دخلت البنت ومعاها القهوه حطتها امامي وانا اطالعها بدقه بصراحه اللي اعرفه انها تجلس اشوي البنت ماصقة خبر ماجلست بتمشي ناديتها وقفت قبل الباب وتناظر اسفل من الخجل دفعت الباب برجلي وقلت لها اجلسي شوي بصراحه انا ارتبكت شوي الا والبنت بكت رحت وفتحت الباب وبصراحة انا وابوها كل واحد خجلان في النهاية هذي البنت زوجتي الآن
ودائما وخصوصا في ذكرى الزواج اذكرها في هذا الموقف
آسف للإطاله وتحياتي

الفارس1000 وجهك قوووووووووووووووووووي

فكرتني بالذي مضى مع انه من سنه و9 شهور بس

المهم أول يوم شفنا فيه بعض انا وزوجي قبل الملكه ..... لما جاء لي يشوفني في المجلس كان مع أبي وأنا دخلت عليهم بعد السلام

جلست شوتين بدون ما اتكلم ولا كلمه وزوجي مع الوالد ضرب سوالف وأنا ولا كأني موجوده .... طبعا بغيت أفقع وكنت لابسه خاتم

وقاعده العب فيه ( ادخله واطلعه من صبعي ) والله ستر كان الخاتم بيطير من يدي من زود القهر والتوتر ....

وموقف آخر في نفس الليله لما جيت بطلع سلمت عليهم وقلت ( أخليكم تاخذوا راحتكم ) طبعا هذه الجمله للان زوجي يذكرني بها

ونضحك على ذاك اليوم لما جيت بطلع كنت بصفق الباب ورايي من القهر.....

تصوروا قاعده بدون كلام كأني مزهريه وهذيك الليله كنت متوتره وماقدرت أنام من المواقف اللي صارت .......... بس بعدين تفهمت

موقف زوجي أنه كان مكسوف بس مش باين عليه والأخ كان حاط رجل على رجل ولا يهمه ...

يله الحمد لله تزوجنا وأحنا لسا راجعين من شهر العسل من اسبوعين بس

الاخت العزيزة وسام ..

مسائك ورد ..

المواقف كثيرة وحلوة ..بس اول موقف جمعني مع زوجي كان غير متوقع

كان عندنا عزيمة ((حريم ورجال))

طبعاً الحريم ساروا .. ولرجال بعد ساروا
دخلت مجلس لرجال ابا اكلم اخوي عن الحلا الي سويته وان الكل انهبل عليه
دخلت والا ماسك جريدة يقراها
وانا اكلمه واكلمه ومايرد علي ولايناظري
والا ينزل الجريدة واشوف انه مب اخوي !!!!!!!!!!!

طبعا انواع الاحراج .. وبعدها بايام خطبني :rolleyes:

تحياتي للجميع وللموضوع الرائع

تم التعديل - المراقب العام عاشق محب

بصراحة انا ماصار لي موقف الا يوم حفله الخطوبة..طبعا انا كنت منحرجة وايد وزوجي بعد لان الحفلة كانت مليانة ناس..المهم اول شي لما شربنا بعض العصير لقينا ان العصير بدل مايكون فراولة كان جزر!!!!! طبعا ماقدرت ابلعه وحسيت بغصه...
وبعدها لما جه يلبسني الدبلة من الاحراج ماعرف يلبسني وين وانا ماكنت منتبهه..والا اخته تقول له شفيك مو مركز لانه كان ملبسني في المكان الغلط..
وبعدها وقت الكيك قام ياكلني واكله..لكن يوم قطع لي الكيك كان حجمها كبير واقول له ماقدر اكلها صغرها يقول لا اكليها بسرعه الناس تشوفنا..وفي الاخير كاحت علي القطعة وتخيس الفستان من فوق لين تحت بالكريمة..
طبعا يوم العرس كنت ابي اشرب العصير قال لي زوجي انتبهي كفايه يوم الخطوبة واللي صار فيها ..وفعلا ماذقت شي منه مع اني كنت عطشانه وخاطري فيه

الصراحة مواقف ولا أروع وبعضها محرج بس تبقى ذكرى حلوة ;)
:d :d :d
استمتعت بقراءة كل مشاركة
الشكر الجزيل لصاحبة الموضوع وكل من شارك فيه
تحياتي

ذكريات جميله ولحظات اجمل

ذكرتونا بأجمل الأيام:
انا ليلة الخطبة دخلت زوجتي منحرجة وجلست على نفس الكنبه بس بعيده شوي وأهلها جالسين وأهلي جالسين والأقارب جالسين المهم اكلمها ماترد علي ابي البسها الخاتم عيت ابيها تشرب عصير عيت والله مشكله والله بدون مقدمات وأقوم وأنقز جنبها لزقت فيها يعني بس بحركة مزح مو زعل وبكت البنت وياليل مابعدك ليل قمت وطلعت انا شوي علها ترتاح البنت هونت قالت خلاص مابيه مو بصاحي (ههههههههههههههههههه) لايدخل علي امها تقول انتي صاحيه خلاص كتبنا كتابك وكل شي انتي زوجته الحين قالت خلاص نخليها بعدين الجلسه اليوم خلوها عشا عادي ، والله وأخليها يمكن ساعتين ونرجع ونتجمع من جديد المهم ينادون علي قلت خلاص انا هونت من الحفلة اقابلها ليلة الدخله بالغرفة (مزحه) قالت خلاص شفتم هو بعد مايبي حفلة الليله . المهم يوم اسمعها تقول كذا وأدخل عليها بس رسمي شوي ميصلح الإستهبال. وعدت الليله على خير والحين لنا ستة شهور متزوجين والحمدلله وسوالف كثيرة صارت .

الثانية بعد الزواج :
جينا بعد شهر العسل تعرفون مافيه طبخ كل يوم أكل من السوق ومن برا اكل جاهز والله ويمر اسبوع على هذا الحال بعدين نزلنا للعثيم نتقضى المهم خليتها تتقضى على راحتها جالسه تاخذ كيك وشامبو وشغلات مالها في الطبخ والله وشوي وتاخذ (حبة دجاج) قلت والله البنت الحين ناويه تطبخ خلاص زين طلعنا للبيت يمر اليوم الثاني نصحى الظهر طبعاً وغدا من برا وفي الليل نتعشى برا اليوم الي بعده انا والله تعبانه مالي خلق معليش وغدا من برا والعشا شي خفيف وعلى ذا الحال اليوم الرابع وأفترك الدجاجه قلت يافلانه قالت نعم قلت بالله عليك اطبخيلنا الدجاجه اليوم على الغدا او العشا خايف لاينتهي تاريخها ماكليناها قالت هيييييييييييي لاتخاف ليسا باقي فيها ستة شهور قلت دام السالفة كذه والله ان تطبخينها الحين على الغدا وقامت وطبختها.

سلام

اختي الكريمه وسام
هذا الموقف حصل معي ليس بزواجي وانما بزواج صديقي
ذهبنا لاحضار العروس من الصالون
واذ بها تصيح وتصيح
ماذا حصل ؟؟؟؟؟؟؟؟؟؟
صاحبى الصالون او المزينه
واضعه المناكير بدون ان تحكم الاغلاق
فانكبت علبة المناكير على فستان العرس فاذا به احمر
ما العمل
احتارت صاحبة الصالون والعروس تصيح وتبكي
فتدخلت لاهدى الموضوع
وطلبت من صاحبة الصالون
احضار اية بدله اخرى تناسبها
وهكذا انتهى الموضوع بصعوبه بالغه قبل الحفله بربع ساعه ؟؟؟؟؟؟؟

الله يسعد ايامكم
والاحلى من ذلك الذكريات فى تلك الايام