|
وش الهدايا اللي تعجبهم !!!!
السلام عليكم ورحمته وبركاته :-
الحين ملكتي بعد العيد ان شاء الله ... بس اللي محيرني لين اروح ازورها وش الهايا المناسبه اللي تفرحها لا تقولولي اسألها ابغاكم تساعدوني انتم ومشكورين |
أولا مبروك لك أخي على الملكة
وهذه مجموعة من الهدايا اختر ما تريد أي نوع من أنواع الحلي ساعة يد بطاقة مدفوع ثمنها (ثمن جيد) من محل لبيع الملابس النسائية أو قمصان النوم لتدخل فتختار ما يعجبها مجموعة اكسسوارات علبة مكياج لتتزين بها لأجلك مجموعة اكسسوارات للشعر مجموعة عطور شنطة يد حذاء باقة جميلة من الزهور الإصطناعية التي توضع على أشكال من الأواني أو الصناديق, شكلها رقيق, تباع عند كل باعة الزهور تكون فاخرة لتوضع في الصالون مثلا فتتذكرك كلما دخلت المكان أو لك أن تحرى ما تريده هي عن طريق اختك مثلا بدون أن تدري لتسهل على نفسك الشراء |
الى اخوي بعد التحية
الف مبروووووك على الملكة وعقبال الزواج احسن شي اخوي تروح ومعاك مجموعة من الورد ومحلاها لما تكون نوع الورد الروز واللون الاحمر .. هذا يطيرها من الفرح ولا تنسى اللون الاحمر ويش معناته :d ثاني شي في كم فكرة يمكن تعجبك ويمكن لا .. على العموم الناس اذوواق تاخذ مع الورد ساعة محترمة راقية والسبب لانها اول مرة تتقابلوا بعد الملكة وتحددوا الساعة... غير كذا تروح محلات الذهب وتطلب انه يسويلك سلسلة من الذهب عليها اسمك بلأنجليزي وتكون من الذهب الابيض عشان يعطيها منظر احلى ويصير كذا اسمك وسام على صدرها غيرها تأخذ صورة من ملكتكم احلى صورة تكبرها وتهديها هيا.. كمان حلو لما تبروزها وتعلقها في غرفتها تصير وهي طالعه وداخلة الغرفة انت في بالها وقدامها هذة كم فكرة بالأضافة اللى قاله اخونا عرش الحب... بس لو تبي الصراحة اللى فكرة الحذاء تكفون لا :mad: :mad: ما تنفع بعد الملكة تدخل عليها بهدية حذاء كل شي اللى الحذاء :D ان شاءالله قدرت اساعدك وتقبل تحياتي اختكم/إيموو |
اولا :اقول لك الف مبروووووووووووووووووووووك
ثم اني اقترح عليك بعض الهدايا اولا :اذا كان ماعندها موبايل تشتري لها موبايل ويكو ن نوعه حلووووووووو وحتى اذاكان غالي ل(لاجل عين تكرم مدينه)طبعا مع الشريحه لان هذا الموبايل بيسهل عليك اموووووووووووووووووووور كثيره قبل الزواج(واسأل مجرب) ثانيا: عطر من النوع الحلووووووووووووووووووووووووووو وحبذا لوكان معه من نفس الماركه ملطف للجسم (هذا الطيب بيكون عندها احلى عطر مدى الحياة) طبعا يكون الطيب ماركه معروفه وجديد يعني توه نازل الاسواق. ثالثا : ساعه حلووووووووووووووووه رابعا : اكتب رساله تعبر فيها عن مشاعرك وحبك ثم عطرها من نفس العطر خامسا :صوره لك انت واكتب خلفها كلمه حلوووووووووه ولاتنسى التاريخ واليوم سادسا :ضعها كلها في شنطه فاخره ولا تنسى تعطررررررررها من نفس العطر. واخيرا ........................................... بعد الزواج ان شاءالله رد علي وش النتايج ........... بس لاتنسى وصدقني اني ادعيلك ان الله يوفقك من اعماق قلبي مع تحيات اخووووووووووك الطبيب |
اخواي عرش الحب -الطيب
اختي ايمو اشكركم على مشاركتكم التي افادتني |
هل الهدايه كلما خف وزنها وزاد قيمتها هي المناسبه
|
مبرررررررروك اخي الكريم كلللللوش ومباركين عرس الأثنين :D يقطع شيطانك ياايمو فطستيني ضحك ...وتخيلي بعد ماتكرف الحذاء ماترميه تخليه تقول هدية ملكتي هو حلو الحذاء هديه ...بس معليش مو في مناسبه لها ذكراها الخاصه انصحك بهديه تكون بالشكل هذا ...جزء قيم وجزء رومنسي وجزءعاطفي يعني مثلا اشتري لها حاجه ذهب موشرط تكون غالي بس لازم تشتري ذهب (علشان ماتقول بخيل ;) ) واضيف لها حاجه رومنسيه زي دبدوب ولا ورد ولا شمعه (انا شفت عند شركة العود حاجه بالمره عجبتني ..هي علبه على شكل قلب احمر ..وجواتها عطر ريحته لطيفه ناااعمه ..ومعه شمعه على شكل قلب بالمره حلو وسعرها كويس 90ريال ) لما تجيب الحاجه الرومنسيه ...بتقول الولد هذا موب عاقل رومنسي وصدقني بتفرح بالجزء الرومنسي اما العاطفي ...بطاقه تكتب عليها بيت شعر ولا كلمتين حلوين ..ولا حتى صوره لكم وغلف المجموعه بشكل حلو وقدمه لها ...الله يهنيكم ومبروك مره ثانيه |
الهديه انك تثقل وتصير رجل لا تطير بالعجه تر تورط بعد الزواج انتبه انك تمني نفسك بشي والظروف تعصف فيك اذا تبي الهديه الا تدع لي فيه اشرطه اسلاميه كيف تحفظين على زوجك
والف الف مبروك مقدما" والله يوفقك ويجمعكم في الدنيا والاخره |
اخي حبوب الف الف الف الف الف الف مبروووووووووووووووووووووووووووووووك
وانصحك بالاخذ برأي اختنا ملكعة وهي اسم على مسمى |
اشكر الاخوه الكرام على تفاعلهم معي
شوفو بالنسبه للهدايا لازم الواحد يكثر منها قبل الزواج عشين يملى عينها اما بعد الزواج خليها تردد ياليل مطولك هههههههههه تراني امزح لاحد يخرب علي ويقولها |
الله يوفقك اخوي حبوب ويجمع بينكم علي خير ... و الاخوان ماقصرو وايه انا عني اشوف الهديه اذا خف وزنها وزادة قيمتها انسب واما عن الهدايا الي ممكن تفرح حبيتك برائ الشخصي حركة السلسال الي مكتوب عليه اسمك الي تفضلت بها ايمو لويكون نص قلب ونص الثاني عليه اسمها بس عندك و تلبس دبدوب معطر ( انت تعطره بعطرك المفضل ) ذا السلسال بجنب بااقة ورد روز احمر مع كرت حب ... روووعه وتري الموبايل مثل ماقال الطبيب لو ماعندها لابد منه .... http://home.att.net/~scorh2/Flower02b6.gif ارق الود ... غاردي http://www.islelove.com/vb/images/smilies/1.gif |
مشكور Garde
بصراحه يااخوتي استفدت منكم كثير صح في هدايا كانت على بالي بس بصراحه كثير ماكانت على بالي والف شكر لكل الاعضاء اللي فادوني وان شاء الله اعلمكم وش صار معاي |
اول شي..............
اول شي تهديه لها
جوااااااال وإذا ما كان عندها شريحة علطوووووووووووول طلع شريحة ... أسئل مجرب عايش مع شلة مجربين ........ والله ماتنساك لحظه وتراه أكبر مفتاح لقلوب الحبايب اللي على بالك ;) جوااااال جواااااال ....... وباقي الهدايا تراها سهلة...... بالعربي حتشتاق تسمع صوتك كلللللللل يوم كل اللي ابغاك تشوفه ..... ان مهما ترسلها رسالة صدقني تجيك رسالة ممكن يذوب الجوال منها أو يغمى عليك :eek: ترى عندهم ذووووووووق في الرسايل والله لو تفحط طول عمرك ما تجيب مثلها ...... لا تفوت على نفسك الأيام الحلوة لأنها البداية ...وخليييك دائما مبتسم :D |
اخي العزيز حبوب الف الف الف مبروك وان شاء الله عشره دايمة. اما بالنسبة لموضوع الهديه طبعا اول شيء خذ في يدك باقة ورد وانت داخل على عروسك بالاضافة الى الهدية اللي ممكن تكون حسب الذوق مثلا تاخذ ليها شنطة تحط فيها ملابس نوم مثلا مع علبة مكياج مع عباءة مع حذاء وعلبة عطر حلوه ولاتنسى اخوي تاخذ لك ورد مجفف وتحطة مع الهدية وياحبذا كم كلمة غزل مكتوبين على ورق صغار. امل ان تكون مشاركتي افادتك
|
اخي الكريم لله درك نعم فكرة الجوال حلوه
s981294 مشكور على مشاركتك بس الاخوان حذروني من الاحذيه والجزمه واما بالنسبه لملابس النوم ماينفع اعطيها وهي عنداهلها لين تروح لبيت زوجها ان شاء الله والهدايا الباقيه حلوه ومشكور ومااتقصر |
وعليكم السلام ورحمة الله وبركاته
أخي حبوب أحبنا وأحبك الله . آمين أهلاً بك ومبروك عليك إقبالك على الزواج . وأنا مثلك مقبل على الزواج وربما الخطبة والملكة في شوال أيضاً إن شاء الله . بارك الله لك وبارك عليك وجمع بينكما في خير . أما عن الهدية فأنا أفضل باقة من الورود والزهور الجميلة ذات الرائحة الجميلة ومعها طقم ذهب أو إسورة أو خاتم أو حلق ذهب وإذا إمكاناتك ما تسمح إشتري مع باقة الورد عطر نسائي جميل وأرفق مع هذه الهدايا رسالة تعبر فيها عن حبك وغرامك لها وربما تكون هذه الرسالة أغلى من الهدايا بالنسبة لها . أتمنى لك التوفيق في هذه الزواجة وأتمنى لك المتعة والسعادة وتكوين أسرة صالحة بإذن الله . مبروك عليك . |
مشكور ابو بشاير
والف مبروك مقدما |
ماقصروا الأخوان والأخوات بس ان بضيف شي واحد:
اذا كنت انت بديره وزوجتك بديره ثانيه.....لو تقدم مع الهدية اللي انت جايبها فاتورة جوالك بعد :) :) :D :D اكيد راح تنبسط مرررررره لأنك دافع المبلغ الخيالي اللي في الفاتوره عشاااااااان عيونها امزح معاك لاتصدق 100000000000 مبروك ;) |
Warm Heart
فكره حلوه علشان تسدد الفاتوره وارتاح انا مش هي مكالماتها ههههههههه شكلك بتضيعني |
مساااااااااااا الخير جميعاااااااااااااااااااا او صباح الخيرررررررررررر
اخوي حبوووووووووووووووب انا مملكه طيب!!! اذا تبي شي تتذكرك فيه على طووووووول اهديها جوال حتى لو عندها جوال اعرف وشو وجيب لها غيره جديد واذا ماعندها جيب لها مع الشريحه عادي لو تكون سواااااااااااااااااااااا (( اذا انت سعودي تعرف وش سواا)) وجيب بعد لها ساااااااااااااعه حلوه وانصحك تجيب لها ماركة روبيرتو جافالي وهي مره حلوه وتنفع للبنات سبور وكشخه جدا جدا جدا طبعا اهديها النوع الغالي الي فيها اشوية الماس وغلفها بأحمر بكيسه حمررررررررررررررا مع كرت فيه كلمتين حلواااات عشان تحضن الكرت وتطيح على السرير <================== زي ماسوت هالخبله طبعا هذا كله بعد الملكه يعني في الزياره الأولى. في ثاني زياره لها بعد الملكه جيب لها صورررررررر واكتب على الصورة من مع باقة ورد حلوه وعطر حلوووو وحالو تغليف العطر يكون قريب مع الوان باقة الورد وطبعا مع كرت نفس اللون |
الذهب المرأة تعشق الذهب:)
|
اختي ش السالفه اشكرك على مرورك وكلامك الرائع
اخي محمد اكيد الذهب احلى شي عندهم بس فيه اشياء تفرحهم غير الذهبلان الهديه لو جات نفسها كل مره تجيب الطفش |
| الساعة الآن 10:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©