شفت وفرحت بس الظاهر اني توهقت !!
 

السلام عليكم ..

انا شاب من اهل الرياض عمري 25 طالب باقي لي قليل على التخرج ..
حبيت بنت خالتي ((اصغر مني 3 سنين)) وهي بادلتني نفس الشعوور وكانت البدايه منها بحيث انها طلبت مني بشكل غير مباشر ان اتقدم لخطبتها رسمي قبل مايقارب من سنتين علشان مايتم ارتباطها بشخص اخر
يفرضه عليها ابوها .. او يحاول ان يقنعها فييه ..

انا تقدمت بخطبه رسميه لها .. وتمت الموافقه من قبل الاهل والحمدلله ..

بس قبل اسبوعيين طلبت من اهلها انها تشوفني بالرغم انه المفرووض انه انا الي اطلب الشوفه لكن انا ماهمني الشكل وكنت عارف انها تتمتع بجمال لابئس به عموما طلبت الشوفه ورحت لها واستقبال حار من والدها وخالتي .. ودخلت وشفتها الشوفه الشرعيه وشافتني

عموما حسب ماسمعت انها يووم طلعت قالت انها بتفككر فيني !! مع العلم اني اتمتع بملامح ولله الحمد ماهي شينه وخلق ولله الحمد عالي .. بس هي لازالت تحاول ان تنقص من قدري وتحاوول توجد صوره باني انا الذي اجري خلفها واريدها وهي غير مباليه بذالك مع انها هي التي طلبت مني ان اتقددم لها .. انا مااقوول انها راح ترفض .. لاني لازلت واثق من حبها لي بس هي تحاول تضع صوره لاهلي ولاهلها وخاصه انهم مايعرفوون انها هي الي طلبت مني ان اخطبها .. تحاول ان تضعني في مكان العاشق الهايم وهي التي لاتبالي بي او انها سووف تقبل بعد تفكيييييييير !!

بالله اتمنى ان اجد لها حل هل ادعها في عالمها ام احاول ان اوصلها كلامي وتضايقي من نفس المصدر الي اخبرني برغبتها في وانها تريد الزواج بي ..

وصل لها الكلام عن طريق نفس المصدر وباسلوب حنوووووووون

عشان ماتجرح مشاعرها

لانو بين انها تموت عليك

بس على بالها انو لو اهلها عرفوا بياخذون منها موقف

عدل كلام لمى
ليش ما تقول إنها قاعده تحاول تخفي حبها لك جدام أهلها ومثل منته عارف أسئلة الاهل وشكهم اشلون وليش ومن متى وأكيد في شي
فا لازم تعذرها بعكس وتساعدها علشان الله يوفقكم ان شاءالله ويجمع بينكم بإذن الله
أنا أقول طول بالك ما صار شي وحصل خير:)
وسلام

بصراحه شي يقهر والله


بصراحة لو انا بمكانك يمكن انسحب بس التروي زين

وبعدين احسن شي توصل لها الكلام وانك مستاء من تصرفها هذا

واذا كانت ما تبي فماهي مغصوبه عليك

والله يوفقك ان شاء الله

،
،

لازم تضع في اعتبارك أن الفتاة تمر بتقلبات نفسية كبيرة قبيل وفي بداية الزواج ،،



!

السلام عليكم
يا اخي ما عليك هذا حكي بنات والبنات ايحبون هيك...
يعنى من طبعهم هيك
مو مشكل عديها ...ولو الموضوع مضايقك جدا ما فيش احلى من الصراحة..باسلوب راقى وحلو ....يعنى اسلوب اسلامي
ان شاء الله ايتمم بينك وبينها بالخير ويجمعكم على الخير
في امان الله

ياحســــــاس ياانته


اصبر واثقل وانته الريال

عيب لاتتخلى عن انسانه حبتك ابدا ابدا

تمسك بها بايادك وريولك لانها الوحيده اللي بتسعدك وبتحاول ترضيك

والله يوفقك

شوف ياأخوي الفاضل ...

أولاً : ألف مبروك ...

ثانياً : لا تخبي في قلبك أبد وصارحها باللي يدور في راسك ... وقول لها لو أنك بتبقين على هذا الأسلوب أنا أفضل أنك تنسيني ..

ثالثاُ : تراك مومحصل وحده تحبك وتصونك مثلها في هالزمن الصعب .. زمن المصالح والكذب والنفاق ....

صراحه ... انا احس بمشكلتك .. تحس ان تم وضعك في وضع محرج وان البنت هي الي تدلل وتفكر يالله توافق عليك .. !!! صراحه وضع يقهــر جدا ولو انا منك بعطيهم فرصه محدده للرد ... واذا ما يبونك ترا في غيرها كثير جدا ..

حاول انك تكون غير مهتم مره فيهم ... وبكذا تعرف اذا فعلا هي تحبك ولا تدعى الحب تبي تتزوج وبس ..

لمى 24 :
المشكله ان المصددر ماعاد مثل اوول اموون علييه ... يعني بيني وبينكم ماابي اقوله حتى اني شفت !! او اي شيء عننا لانه وبكل صراحه قال لي قبل فتره انه ماعليه مني ومن بنت خالتي ويخاف انه يكوون سبب في مشكله ما .. وانا وهو شطبنا على الموضوع وكان شيء لم يكن ..!!

فانا مستصعب الرجووع له .. بس ماهو مستحييل ..
وصراحه مافيه اي طريقه الى عن طرريق امي !! وهذي الطريقه الي انا ماابيها .. حتى مرره ارسلت لها رساله من باب تلطييف الجو
فماردت علي !! وغير كذا خواتي وامي وامها قروا الرساله !!!

فيله ..
اوكي انا معك حصل خيير بس .. مو كنها زودتها شوي للعلم هذي ثاني مرره تقوول ابفكر
يوم اتقدم لخطبتها هي سووت نفسها مستغرربه !!
صراحه انا في النقييض من هذي التصرفات يعني اهلي كللللهم يعرفوون اني ابيها وانا اقوول لهم بالفم المليان تراني واثق انها تبيني :) .. وصراحه مدرري من الي صح اسلووبه ..

اسلوبي الفاضح ام اسلوبها الغرييب والي مبني على اخفاء واستغراب كل شيء !!


FairMan
نفس كلامي للمى من ناحيه المصدر وصعوبة ايصال الكلام له !!
اما اذا هي بترففض صدقني اهوون من الي تسوويه فيني !!


Arbab
والله انا مدرري .. بس الي انا متعجب منه كيف تطلب مني اخطبها وحسب الي وصلني انها تبيني اتقدم باسرع وقت ممكن خوفا من ان ترتبط مع احد غيري باجبار ابواها .. ممن ماادى الي تكلمي في الموضوع في وقت كنت فييه " بدري على الزواج "
وفي هذا الوقت تقوول ابفكر !!


noora
اولا..اشكرك كثيير على كلامي الي ريحيني بكثيير ..
بعدين انا ماابيها تقوول ابيه ولا ماابيه بس على الاقل توضح لاهلها انها موافقه .. مو تطلع من عندهم وتقوول ابفكر !!
صدقيني اني عاذرها مهما فعلت .. ويمكن برضووه تبغا ترد شيء من اعتبارها علشانها كلمتني علشان اخطبها ترد اعتبارها عند نفسها اقل شيء .. صدقيني كل الكلام هذا مفكر فييه .. بس تمنيت انها تبادلني اي شعوور مثل ماكنا قبل الخطبه الرسميه طبعا تبادل المشاعر كان عن طريق شخص من محارمها وفي نفس الوقت انا اموون عليه بس كنت اعرف عن مشاعرها اتجاهيي الكثيير


love meme ..
المشكله في كيفيه ايصال كلامي لها .. واخاف ينفهم باسلووب اخر .. وخاصه انه صعبه انه يوصل لها كلامي مباشره !!



موت وميلاد ..
صدقيني ماراح اتخلى عنها "انشالله" ..
وحبي لها مايجاريه حب .. ومااتخيل حياتي مع وحده غيرها ..
بس هي ماادري لييه تغييرت معي ..



alhanoof
مثل ماقلت صعب كثيير اني اوصل لها الكلام لكن ماهو مستحييل .. وابي اخليه اخر حل لي ..
وصدقيني انا متاكد من حبها لي .. بس ماادري وش الي مغيرها ..
يمكن سبب راح اورده في موضوع خاص لحاله
وهو قضيه تحتاج لحل ..


الغالي خالد ..
انا قلت لامي تكلمهم وتطلب منهم الرد قالت الشيء الطبيعي انها موافقه .. واذا حصل شيء غيير كذا هم بيقولون لنا !!
يعني مواافقه :) .. بس هي ماصرحت بها .. يمكن مستحييه او تسوي نفسها مستحيه .. والله مدرري

اهلين اخوي بالعكس حاول انك تتفاهم معها وانا الحكي هذا ماعجبك مهما كان بينكم ماله داعي تحكي

اصبر عليهااااااااااااا......
ويمكن تغيررررررررر اسلوبهااااااااامعاك..

واضح انك شاريها ! عموما ياخوي الحل انك تنتظر وتشوف الامور لوين راح توصل والمشكله راح تحل نفسها بنفسها مع الايام راح يبين كل شي !

يجوز تكون ظالمها واللي وصل لك الكلام زود من عنده شوي ! او احتمال تكون قالته بس هي تستحي تبين حبها لك قدام اهلها عشان لا يلومونها !! وبرضو يمكن عشان السبب اللي وصلك !!

الوقت كفيل يجاوب على كل هالاشياء !! ان حسيت انها تبيك وتحبك توكل على الله وان حسيت ان قلبك ماهو مرتاح لتصرفاتها حاول تصارحها !! وتوصلون لحل !! بس نصحيه لا تملك عليها قبل ما تتفقون على الاشياء الاساسيه محد يكون في قلبه شي على الثاني !!
ماتدري بكره لاسمح الله تنفتح هالسيره وتقلب هوشه بينكم !! وتكرهون بعض !!

الافضل انك تعرف اللي لك واللي عليك من هالحين وتنتظر وتشوف !

الله يوفقك

سميحه>>
كلامك غير مفهووم وغير واضح خاصه في اخره .. احس ان فيه كلام ناقص ..
عموما تشرفت بتواجدك ..


zahooor..
اخاف اصبر تزداد المشكله في التفاقم ..
وخاصه اني يووم اكلم اهلها في موضووع الخطبه استغربت اني اتقدم لها .. مع انها هي الي طلبت مني :) .. ممثله رقم وااحد :)
بس تراني احبها وامووت فيها :) ..


أسيل ..

انا سعيد بردك ..
من ناحييه اني شاريها صدقيني شاريها وابيها :) .. بس اذا هي ماتبيني انا ترى ماابيها !!
يمكن تكوون مستحيه بس في اعتقادي ماله داعي تقوول انها بتفكر تسكت طيب .. مو تقوول ابستخيير .. وكانها متررده
اذا هي فعلا متردده فمن حقها .. بس مساله انها تطلب مني بعديين تقوول ابستخيير والله قووويه في حقي ..

انت تقولين لا تملك قبل لا تتفقون وتحلون المشاكل ..
والمشكله ان الكلام مع الخطيبه قبل الملكه حراام حسب الي سمعته ..
يعني ماراح نتفاهم ونتناقش الا بعد الملكه ..

اذا عندك لي حل قولي لي ..

الله يعينك واضح انك متأثر بالمره من حركاتها !!
افضل شي انك تصبر شوي لين ماتهدى وبعدين انت الوحيد اللي تقدر تقرر !!
واعتقد بما انها بنت خالتك يعني مهيب غريبه عنك !! وتقدر تشوف احد يوصل كلامك لها !!
أختك مثلا ! او امك !

قول لهم الكلام اللي قلته هنا !! الزواج اما رفض او قبول ! وبالنهايه انت من حقك انك تستخير وهي بعد تستخير ! لان الحب ماهو الشرط الاساسي في نجاح الزواج ! فيه شي اسمه القبول والاتفاق والارتياح !

وبالنسبه للاتفاق قبل الملكه ! انا بالنسبه لي كنت مستحيل املك على شخص انا ماسمعت حتى صوته ! وشدعوه ! وبعدين انا سمعت ان هالشي ماهو حرام ! اذا كان في اطار الاحترام والاهل عارفين ! وهالشي قصده التعارف ومافيه اخضاع في القول وين المشكله؟
بس فيه عادات وتقاليد تمنع هالشي ! مو كل الناس تقبل على بناتها هالشي! عموما انت اصبر الحين وشوف وش ترد عليك ! اذا طولت السالفه اكثر من 3 اسابيع او شهر بالكثير ! شوف لك وحده غيرها لانها شكلها ماتبيك !

الله يوفقك

أسيل ..
شاكر لك تواصلك ومتابعتك للموضوع ..
انا ماابي اقوول لامي على انها هي الي قالت لي اتقدم لها .. احسها شينه في حقنا انا وهي !!
انا اقوول لامي وش صاار تقوول ماصار شيء ومادام انهم ساكتين يعني موافقين !!



Reemona
صعبه نحدد موعد الزواج .. من الان انا ودي الصيف الجاي بس مابعد حددت انا واهلي واحياننا ودي ااجله !!
سعيد بردك ومشاركتك

الحل الامثل

انك انت بنفسك تقولها

او برساله توضح لها

والله يسهل اموركم
لكن نصيحه 0000 لاتفرط فيها

poiuyt
خلاص اجل ! المسأله مسأله وقت انتظر وان شالله مع الوقت كل شي ينحل ! لوول مثل ماهي كول خلك ابررررررد منها P:
هي تتبع معاك نظريه ان كيدهن عظيم لووول
الله يوفقك

هههههههههههههههههههه ... هذا اللي سويته انا مع زوجي أول ماخطبني ... هههههههههههه
لما شفته الشوفة الشرعية عجبني كثييير و عجبني إسلوبه و طريقة تفكيره و وافقت عليه و انهبلت فيه من اول مرة مرة ....
بس لما سئلني عن رايي قلت له .. عطني فرصة أفكر .. ههههههههههههه

و هو خاف و شعر بأني أتكبر عليه و صارت حالته حالة خلال فترة التفكير ( الي ما فكرت فيها أصلا) ....

و بعد اسبوعين و عقب ما جننته ... ردينا عليهم ... بالموافقة (المبدأية) .. ههههههههههههه جننته مسكين ...

و بعد شهر كااامل أعطينهاهم الموافقة الكلية ...

يا اخي البنت تتدلع عليك .. و تعال شوفها بعد ما تتم الخطوبة إن شاء الله ... شوف شو راح تسويلك و شو راح تقولك من كلام حب .. لأن البنت شكلها تموووت فيك ..
بس مثل ما قالوا الأعضاء جزاهم الله خير ... إن البنت تخاف توافق مباشرة و بعدين يشكون الأهل فيها أو ياخذون موقف ..
فهذا الموقف صار لصالحك أيضاً ... باينها خطييييرة و ذكية
....الله يهنيكم في بعض آميييين يا رب العالمين ...

سميدعة ...

لمى 24 ..
انا باذن الله ماراح افررط فيها .. بعد كل الي سويته وعانيته .. ماراح اتخلى عنها بسهوله اكيد !!

بالنسبه اني اكلمها او ارسل لها .. فاعتقد ان هذي الحركه راح تزوود من غرورها !!
وخاصه اني مرره ارسلت لها رساله بالجوال عاديه .. مابقى احد من اهلها ماعرف اني ارسلت لها .. حتى خواتي قالوا لي انت مرسل :) ..


فقررت اني اسووي نفسي ثققققققققل عليها ..
انا كنت ثقل وخاصه قبل مااعرف بحبها لي .. كانت تحاول ان تلمح لي وتطلع لي وترد علي وتسولف عني وتسال عني ..
وانا مافييه عندي اي استجابه بس كنت مستانس بحركاتها وخاصه اني كنت احبها .. بس اللحين انقلبت الايه هي صاارت بارده
وثقققققققققل وانا صارت هي كل حياتي وتفكيري .. بس خلاص ابصير ثقل !!


اسيل ..
هذا الي بيصير انشالله وبحاول اني اطنش .. !!
بس ياخووفي اني اتحسف بعد الزواج على تطنيشنا هذا كله .. بس هي الباديه :) ..



سميدعة..
يتمنعن وهن الراغبات !!

من جد انكن غريبات يابنات حواء .. يعني انت تحبين زوجك وماقلت له على طوول لييه ؟؟!!
تصدقين يمكن خطيبتي فيها منك ..

ومن ناحييه ذكائها .. فهذا الشيء انا متاكد منه والى كييف قدرت تصييد قلبي :) ..


شكرا على تواصلكم وتفاعلكم مع موضووعي ..

انت استخرت قبل ما تروح تخطبها
اتوقع اذا استخرت راح ترتاح
وعلى العموم زي ما قالوا المساله مسئلة وقت وهي مسويه فيها مرتزه
والله يوفقكم ويسعدكم

بصراحه انت ادرى ببنت خالك
هي شكلها وحده من ثنين يا انه هذا طبعها "غرور" وتحب تبين ان الناس هم اللى يجوا وراها وممكن تشوف نفسها عليك بعد كذا
وان شاء الله ما تكون كذا
او انها مثل ما قال احد الاخوان ميييته فيك بس مستحيه تبين قدام اهلك واهلها
بس بصراحه انا احس انها جريئه يوم طلبت منك خطبتها وكذلك يوم طلبت شوفتك بس انا ما اعرف عمق العلاقه اللى بينكم
استخييييييييييير دامك استشرت وربي يوفقك

بروين ..
شاكر لك ردك ..

صراحه مااستخرت لاني مو محتار فيها او اني متردد في التقدم لها ...
لا انا ابيها ..



العروسه ..
انا الي رعرفه انها "تحبني وميته فيني " وحتى قبل مااتقدم لها كانوا خواتي يسولفون عن كلامها
وانها تحاول تشركني في سواليفها وتحاول "تألف قصص من عندها عن حياتنا يوم حنا صغار "

عمق العلاقه .. مافهمت قصدك بعمق العلاقه ..
العلاقه بيني وبينها غير مباشره يعني ماحصل بيننا اي مواجهه بالكلام .. منذ اكثر من 7 سنين
الى يووم ان شفتها وتكلمت معها وكانت مستحييه مرره حتى العصيير يوم جابته بغى ينكب !! بس ابوها قام ومسكه منها

شاكر لك كلامك

ههههههههههه يئصف عمررها شو بتتحب تتفاخرر
جد هدا حكي بنات والبنات بحبو يدللو
يا عغم خليها تدلل