السلام عليكم :mad:
في مشكله محزنتني كثير .. وهي قصة أختي ,, أختي ما شاء الله عليها جميلة .
.. كان واحد من الأهل يحبها لدرجه كبيره بس دايما يأجل الخطبه
وعناد فيه ولأنها خلاص ملت من

هالزواجه وافقت على عريس الغفلة ..المهم ذاك الي يحبها زعل وقال مثل ما تزوجت بتتطلق وبترجع لي .
. المهم اختي تزوجت من واحد ما كانت مقتنعه فيه لأنه اولا فيه مرض جلدي غير

كذا ما كان وسيم وحالته ميسوره .. المهم مع الايام حبته وهو بعد حبها بس دايما كانت تصيده يكلم بنات .. ودوم يطلع نفسه من المشكلة ,, وهي تصدقه .. وكانت دايما تصارخ وهو

انسان هادي وهي تنرفز بسرعه .. المهم الها اسبوعين عندنا في البيت .. قاللها قبل لا تجي عندنا يا بنت الناس أحنا ما ننفع لبعض وروحي بيت أهلك ؟؟!!!!!! يعني انقلب فجأة

180 درجة وما تعرف ايش السالفة .. واهي الحين عندنا حتى ما حاول يتصل فيها .. امه حاولت تحل المشكله ومش فاهمه ... أنا قلت يمكن في حياته حب جديد .. على فكرة اختي

جميلة جدا واجتماعيه والكل يحبها بس مشكلتها ما تحفظ أسرار بيتها ... لا يكون هذا عقاب من الله؟؟

ملاحظة : ما كملوا سنة متزوجين ويحاتون العيال كثير

الهم دلونا على الحل يا رجال ؟؟ ليش الرجل ينقلب فجأة :confused: أكيد في أسباب

ودلوني بعد يا متزوجااااااااااااااات شنو الحل

المشاركة الأصلية كتبت بواسطة ultraviolet نصيحه المفروض اختك تحافض على اسرار بيتها وترجع لزوجها وتحافض عليه من الأغراءات في الخارج وتحاول تفهم اسباب الأنقلاب المفاجيء بكل هدؤ وحكمه واحتمال مايكون فيه شيء لاكن الرجال متضايق لأسباب ماديه او مشاكل في العمل 0

المشاركة الأصلية كتبت بواسطة حميدو M مساء الخير تدرين ان اكره حاجة عندي شخصيا في حياتي صوت المرأة وهي تصارخ حتى امي او اختي لو وحدة فيهم صرخت علي بصوتها الحاد اقعد شهر ماكلمها ! والسبب اني انسان احب الشي هاديء واكره الازعاج وبعدين انتو يالحريم ياخي حاسبوا على اصواتكم ترى حااااااااادة وتحسس الواحد با احباط يعني مافي داعي للصراخ ومافي داعي لنشر الاسرار الزوجية علشان يهدأ الجو

المشاركة الأصلية كتبت بواسطة بوعبدالله اختي العزيزة اولا مبين على اختج انها مزاجية حبتين يعني تحب واحد من الاهل وتالي تتركه علشان عريس الغفلة وزوجها فيه مرض جلدي وكلام ماله دخل بالموضوع المهم في الموضوع ان اختج تقول ان زوجها يغازل بنات وهي ساكته عنه كل هالمدة!!!!!!!!!!!!!!!!!!! ايش هذا الانفتاح وهذي الروح الرياضية ثم بعدين تصارخ فيه وتترك البيت بصراحه الموضوع غير مترابط والقصة اسواء من الافلام الهندية مبين الموضوع فيه غموض والقصه ناقصة ولايمكن الحكم على الموضوع او اعطاء حل بعدين ترى الرجال مثل النساء عندما نتعرض للضغط ممكن مو بس نقلب 180 درجة ، يمكن ننفجر ونكسر كلشي حوالينا احنا الرجال بشر ولنا حدود في تحمل الضغوط حالنا من حال النساء دم ولحم وعظام واعصاب يعني مو مصنوعين من فولاذ المهم ان الموضوع بين اختج وبين زوجها غير واضح ويحتاج الى توضيح من ناحيه هل تنتظر ولا ترد لخطيبها انصحها بان تصلي صلاة الاستخاره وتراجع نفسها وتشوف مستقبلها مع زوجها ابرك من الجلوس في المنزل وتحط ايدها على خدها والمفروض انها تحاول اصلاح زوجها مو تترك البيت وتروح بيت اهلها ، كاهي في بيت اهلها وايش استفادت ؟؟؟؟ الرجال ماخذ راحته واهي ماكله الحسرات . اعتقد قصدي واضح والسلام ختام

المشاركة الأصلية كتبت بواسطة احترت بتسجيل انا براى وعن خبره لا تتصل ابداااااااا طالما ماعندها اطفال يزنو على راسها وين ابوى وينى ابوى خليها تثقل ترى الثقل صنعه ومو اى احد يقدر عليه وبيرد مهما طال الوقت بس الصبر ولا اتصل خليها تقله كلامك مع الرجاجيل مو معاى ولا تحسب انك رميتنى ترانى معززه مكرمه ببيت اهلى ولا تسال فيه خذيها كلمه منى لين يشبع من خزعبلاته مع البنات ويجيها لانه مو البعيد حركته هذى لمجرد يصرفها عشان كم بنت بيشوفهم ولا شى لاسمح الله ولو هى رجعت من نفسها بترخص عنده وبيقلها ثانى مره انا مارديتك انتى جيتر وبيصير يزعلها متى ما كان مشغول مع ها البنات بس المهم تخلى ابوها حكيم يعنى يهاوشه بعقل ويهاوشها بعد واهم شى اختك تحف اسرار بيتها وتصير له كا شى وتحاول بقدر المستطاع تفضح ها البنات باى طريق لانهم يستاهلون بس بدون ما تحط وجهها فى الموضوع الله يوفقها ان شاء الله

المشاركة الأصلية كتبت بواسطة ultraviolet انا معاك انها لو كلمته ممكن يقول عن اختك ماعندها عزة نفس ولا كرامه لاكن تقدر ترد عليه وتقوله مافي بين الزوجين عزة نفس وكرامه وانا احب اكون سباقه بالخير وابدا بالمصالحه وانا اسفه اذا ضايقتك من غير ما اقصد .....وانا مستعده ابدا معك صفحه جديده بشرط انك تقولي على كل شي يضايقك حتى ابعد عنه وكل شي تحبه راح اسويه وانشاء الله تكون اخر المشاكل بينا ...... أوماتكلمه وتترك الموضوع للكبار يحلونه للأنهم ادرا بهذه الأمور0