|
تعالو وشوفو ويش سويت0000!!!!
امس كان ذكرى زواجي
وكنت محتاره من زمان كيف احتفل بهذا اليوم اول شي طبعا كنت افكر في الهديه احترت كيف اشتريها ومين يشتريلي هيه وانا ساكنه في منطقه بعيده عن اهلي واهل زوجي المهم بعد التفكير توصلت لنتيجه وهيه: قلت لزوجي اختي تبي تشتري هديه لزوجها وتبغاني اشتريلها الهديه عشان هيه ما تقدر تشتريها(لان اختي نفس حالتي ساكنه في منطقه بعيده عن اهلي واهل زوجها) ونرسلها الهديه المهم وافق زوجي وسالته ايش اشتريلها قالي ساعه المهم رحنا انا وزوجي مكان الساعات وخليته يختار الساعه بحكم هو رجل وادرى بساعات الرجال وبعد ما اختار ساعه قالي لمن ينزل راتبي ابغ اشتري مثلها مره عاجبتني وانا مره فرحت اني حشتريله هديه عاجبته المهم جا يوم الاحتفال وقلت لزوجي لا تجي على الغدا بحجة اني صايمه عشان يكفيني الوقت لترتيب البيت اول شي طبعا رتبت البيت وعملت كيكه في البيت وكراميل وقصصت سته ورقات وكتبت عليها 1/اوعدك اني اكون لك الزوجه المخلصه واسعدك طالما امد الله في عمري 2/صارحني ويش الاشياء التي تكرها فيني(بدون زعل) 3/احضني بقوه وقولي ايش الاشياء اللي تعجبك فيني وتتمناني اداوم عليها 4/ اوعدني انك ما تتزوج عليه واي زعل يصير بيننا ننهيه في نفس الوقت 5/اوعدني انك تساعدني في تحمل مسؤليه البيت لانك تعلم ان مسؤليتي سوف تكبر بعد الولاده 6/ مبروك لقد فزت بالجائزه الكبرى ( طبعا هيه الساعه) وحطيت كل الاختيارات في علبه شكلها مرره حلو وجبت طقم الذهب اللي جابه يوم الزواج وحطيته في علبته ورصيت كل الاشياء على الطاوله ووزعت بينها الشموع وبعدين كويت له غترته ومشلحه وعلقته على باب الصالون قدام باب الشقه وكتبت على ورقه البس وتعطر ياعريس العروسه مستنياك وطبعا انا لبست فستان ابيض بدل فستان الزواج لاني حامل وكروشتي كبرت المهم اوا ما دخل شاف الورقه ولبس المشلح والغتره ووقتها حطيت اغنية (كل عام وانت حبيبي)ولمن دخل من باب الصاله حطيت في الفديو شريط زواجنا وقت الزفه وكنت مستنيته في كامل زينتي ولمن شفته وهو لابس غترته والمشلح حضني بقوه وجلسنا نبكي يمكن ربع ساعه واحنا حاضنين بعض والله موقف من جد خلى كل مشاعري تتحرك حسيت بنفس الاحساس اللي حسيته يوم الزواج جلس يسلم عليه من فرحته ويدعي ربنا ما يحرمنا من بعض يدعيلي اقوم بالسلامه لانه مره خايف عليه من الولاده وبعدها اتصورنا وجلسنا نتفرج شريط زواجنا وبعدين خليته يسحب الاوراق بس قبلها خليته يوعدني وخلي ربنا شاهد على كلامه ان كل ورقه يسحبها ينفذ اللي فيها واكلنا الكيكه وبعدها خرجنا اتعشينا في مطعم ولمن رجعنا اليت لبست قميص ابيض وجلست ادلع عليه (يافرحه ما تمت ) تعبت وقتها واضطريت اروح المستشفى ارجوكم اذا عجبتكم حكايتي واستفدتو منها ادعولي ربي يقومني بالسلامه لان الحمل مره متعبني |
فكره ولا اروع ..
مشكوره اختي الكريمه ... والله يتمم عليج بألف خير وبالسلامة يا رب |
رزقك الله على قد نيتك الطيبه ورزقك بالذريه الصالحه.
بس ها الله الله في زوجك بعد الولاده,,, يعني مش تنسيه وتقولي شغلوني العيال. |
رائع جدا يا أختيحأحييك على مجهودك الكبير في سبيل اسعاد زوجك.و الله تأثرث.حفظكما الله و متمنياتي لكما بالسعادة
|
الله يوفقك وتظلين تحبين زوجك
وزوجك يحبك ... اختك هنوده ... |
يا حبيلك الله يقومك بالسلااامه
من جد فكرررره ولا اروع ومنك نستفيـــــــــــــــــــد بس ما قلتي لنا لما شاف الساعه وش كانت رده فعله <<<<<<<<ملقوفه الله يخليك لزوجك ويخليه لك وتستمرون دوووووووم كذا واحسن ويرزقكم الذريه الصالحه تحياتي اختك,,,,,,,,,,شوقي للحبيب |
تصدقي وأنا قاعده أقرأ قصتك الدموع نزلت من عيني !!
الله يهنيكم ويسعدكم يا رب . وأما بخصوص فكرتك فهي حلوة وتنفع خصوصا في الاحتفال بأول سنة زواج دعواتي لك أختي بولادة ميسرة |
اسال الله لكم التوفيق
|
بصراحه كلامك مؤثر جدا، انتي انسانه رقيقه ويابخت زوجك فيكي، اتمنى لك التوفيق في حياتك وانشالله تقومي بالسلامه
|
يا باخت زوجك فيك يالغاليه والف الف مبروك بمناسبه عيد زواجكم
وان شاء الله تبشرينا لما تقومي بالسلامه والله يوفقكم يارب وفكرتك رائعه جدا اختك مها الكويت |
الله يقومك بالسلامه ويعطيك العافيه على هل الفكره والله إنت نفس حالتي ساكنه بعيد عن أهلي ومو عارفه شلون اشتري هديه لزوجي بس هل الفكره ساعدتني كثير....
|
والله فكرتك كانت رائعة جداً وأنا سأحاول أخذ منها الكثير
وربنا معاكي وترجعي بالسلامة أن شاء الله |
الله يهنيكم في بعض.
|
الله يوفقك أختي ويقومك بالسلامة من ولادتك ويسلها لك ويرزقك الذرية الصالحة المعافاة ان شاء الله ويسعدك ويعطيكي على قد نيتط الطيبة مثل ما انتي بتسعدين زوجك وتفاجئيه ويا ريت تكون معظم الزوجات يفكرو مثل تفكيرك وانا الحمدلله زوجتي واحدة منهم وربي منعم علي فيها
|
,والله مبدعه ..
انتي خطيره بالمره.. كأنك ،، وقعتي الرجل شيك بدون رصيد اخذتي منه عهد ما يتزوج عليك ،، والله عجبتيني :) انشاء الله تقومي بالسلامه وانتي بأتم صحه وعافيه |
الله يوفقك اختي
وتقومين ان شاء الله بالسلامه لكن علي ملاحظه وارجوك تتقبلينها اختي الحبيبه كتبتي انك وضعتي اغنيه اثناء اللقاء بزوجك وماهكذا يكون شكر النعم ومعلوم ياعزيزتي حرمة الاغاني وانها مزامير الشيطان فالاولى ان تحمدي الله على نعمته اسال الله ان يقر عينك برؤية المولود ويرزقك بره ومايتزوج عليك زوجك :) |
اول شي الفكرة روعة ماشالله عليج والترتيب والاستقبال اروع
ربي يسعدكم ويهنيكم ولا يحرمكم من بعض ثاني شي انشالله الله ييسهل عليج الولادة ويقومج بالسلامة ويرزقج الذرية الصالحة وتكون قرة عين لكم في الدنيا والاخرة |
فكره رااااااائعه وأكثر من رائعه اسمحيلي...راح الطشها منك..
بصراحه تاثرت مره من الموقف الي حضنتوا فيه بعض وبكيتوا وأنا بكيت معكم بعد الله يديم هالمحبه عليكم ويوفقكم ويهون عليك ويقومك بالسلامه ويقر عينك بمولودك وانتي وياه في أتم الصحه والعافيه.. تحياتي... |
أبدعتي
وكأني أقرى قصه هههههه :rolleyes:
والله تأثرت ولما قلتي قعدنا نبكي أنا بعد نزلت دموعي الرومانسيه حلوه الله يهنيك ويقومك بسلامه وتفرحين بالياهل وتشوفينه معرس :d |
صراحة فكرة وااااااااايد حلوة واتمنى من كل قلبي لكم التوفيق والاستمرارية
وربي يهون عليك وتقومين بالسلامة انت والنونو بعد |
الله يسعدك ويوفقك علي هذا الموضوع
|
عيناي تدمع وتهل بالدمع من شدة هذا الاحساس الجميل مدري ويش أقول
الله يقومك بالسلامه ويارب دوم لهم المحبه دائما وابعد عنهما كل شر (((آمـــيـــن)) تحياتي الحاره ((مجنون)) |
| الساعة الآن 11:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©