|
حف الوجه بالخيط دون حبوب
فتاة راح تتزوج وسمعت ان حف الوجه بالخيط يؤدي لظهور الحبوب
وهي في غنى عنها لان بشرتها حساسة ودهنية ومن الأصل بها حبوب هل من طريقة غير الخيط لحف الوجه ؟ وما رأيكم بالشمع ؟ وهل حف الصدر والبطن والظهر لو كان به شعر وااايد امر مستحب وما افضل طريقة بدون ما تطلع حبوب على الاقل لليلة الدخلة |
شو رايكم يا جماعه ؟
|
بصراحه اللي اعرفه .. أن بعد حف الوجه على طول خليها تحط روب على وجهها .. لأني كنت اجرب هذي الطريقه ونفعت معااااااي كثير بس .. حف الوجه يسبب آلاااااااااااام كثيره .. عشان كذا قمت اشقر والحمدلله أن شعر وجهي خفيف جداً ومايبين شي ..
|
لا انصح لا بالشمع ولا بالخيط . .
الشمع يسبب ترهل سريع للبشرة . . و الخيط يسبب حبوب و ايضا يقوي بصيلات شعر الوجه مما يجعلها اكثر سوادا و اكبر حجما . . اذا كان الشعر كثيف بالوجه انصح بعمل الليزر . . |
حتى انا سمعت ها الشئ عن الروب بس بعد مؤلم جدا
محد منكم جرب الشمع ؟؟؟ وما نتائجه |
شوفي حبيبتي ام فرح انا بقولج كل اللي اعرفه لاني مجربه كل شي
شوفي حبوبه انا سبق وان شلت بالخيط مع انه ماكان يستاهل خفيف واشقر بعدها غمج لونه اضطريت اعمل ليزر وارتحت انصحها تروح اليوم قبل باجر اما بالنسبه اذا كانت حابه تحف ويها لا مايصلح تعمله بالحلاوى تعمله بالخيط اما بالنسبه لتجربتي مع الشي اللي ما يخلي الحبوب تطلع انا لما حفيت لزواجي سودانيه عملت لي خلطه لكل جسمي عباره عن نسكافيه وبياض البيض توضع بعد الحف وانا ما طلع لي ولا حبه |
أختي انتي سويتي بالليزر
انزين الليزر كم كلفج مو مهم الأهم ماله أضرار بالمستقبل ؟ وبعدين انا اتكلم عن الشمع زين ولا لا ؟ للويه طبعا مو زين الحلاوة بس اقول الشمع جربتيه |
شوفي حبوبه اسالي الحرمه اللي راح تسوي ليزر هل عملت تحليل هرمون الذكوره اذلا او مرتفع ماراح تستفيد راح تخسر فلوسها على الفاضي لانه راح يرجع اما اذا اهي طبيعيه ماراح يرجع وراح ترتاح والليزر كذا جلسه حسب كثافته.
انا عملت ليزر مع انه ماكان يستاهل بس حبيت بشرتي تكون صافيه بدون شعر حتى لو خفيف. اذا تسالين عن الاضرار لازم الدكتور يعمل لها تست اختبار لجلدها اذا يستحمل والبشره البيضا تتحمل اكثر من السمرا |
الشمع ما جربته على ويهي بس جسمي
|
أختي غلا اليزر لازم في مركز طبي؟؟ والا في اي مكان وهل فيه اي احتياطات بعده
يعني لا طلعه في الشمس او او والا عادي ينتهي بلحظته واخر شي كم كلفك الله وفقك دنيا واخرة احتاج اجابات على اسئلتي وانتي ماتقصرين |
هلا حبوبه
الليزر في مركز طبي لا احد يقص عليج ويقولج في مركز تجميل لا افضل ليزر اهو جهاز جديد اسمه ليزر بالتبريد يعني ما يخليج تتالمين ولا يسبب بقع لازم تروحين مافي ويهج اي عطر او ميك اب او كريم على حسب درجه تحمل بشرتج في الاختبار راح يقولج الدكتور اذا تطلعين بالشمس او لا بالنسبه لي من طلعت عشت حياتي طبيعيه لا علاج بعده ولا واقي شمس. بس انصحج بدكتور خبره تكلفته تتفاوت على حسب مناطق الوجه اذا كله او منطقه او منطقتين |
اوووووووه
انا ما افكر بليزر انا كان ودي اسوي بالشمع او بالخيط يعني شئ لوجهي لمدة يوم واحد وهو ليلة الزفاف الناس بشنو يشيلون الشعر في ليلة العرس ؟؟ عن الوجه انا ما اريد اجازف بالليزر اشعر انه شئ كبير |
مرحبا .. أم فرح انا جربت الشمع وكان عندي مناسبة وما ناسبني .. ابدا وجهي صار احمر .. وثلاث ايام حتى راحت الاثار
بس الخيط او الفتلة ناسبتني كثير مع ان بشرتي دهنية .. لا تخافي هو على حسب استجابة الوجه جربي الحين ايش اللي يناسبك وجربيه لا تغامري وتسوي شي يوم الفرح .. بالتوفيق .. |
مرحبا .. أم فرح انا جربت الشمع وكان عندي مناسبة وما ناسبني .. ابدا وجهي صار احمر .. وثلاث ايام حتى راحت الاثار
بس الخيط او الفتلة ناسبتني كثير مع ان بشرتي دهنية .. لا تخافي هو على حسب استجابة الوجه جربي الحين ايش اللي يناسبك وجربيه لا تغامري وتسوي شي يوم الفرح .. بالتوفيق .. |
اها
يعني لازم اجرب شئ الحين وما اجازف بس احترت ما دري شو اجرب شمع او خييييييييط لوجهي |
وما الحل الأن ؟؟
|
| الساعة الآن 08:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©