|
قولوا لي عندي سالفة ولا لا؟؟
السلام عليكم...
شلونكم شعلومكم؟؟ وحشتووووووني كلكم صار لي زمان ما شاركت في المنتدى فقلت اليوم بأشقر عليكم شوي ما دام بكره ما دام اني خلصت مذاكره....و فيه شي أبي آخذ رايكم فيه :o ليلة أمس كنا أنا و زوجي جالسين نسولف عادي..و مدري أيش جاب سيرة أول ما خطبني و يوم نظرتنا الشرعية (يعني من سنتين و نص تقريباً) و كذا فهو قال لي بأقول لك شي..قلت له أيِش؟..فقال لي إنه أول مره شافني ما عجبته و فكر "هذه اللي يقولون عنها حلوة؟؟؟ :confused: "...لأني كنت مرتبكة و حالتي حالة و شوي و أبكي...بس يقول يوم صار يكلمني عجبته شخصيتي و طريقة تفكيري و يوم شافني مره ثانية شافني بمنظار ثاني (حسب تعبيره) الحين أنا كلامه هذا ضايقني شوي..مع اني في نفس الوقت أحس إن ما عندي سالفه...ساعات أفكر خلاص هذا موقف منتهي ما المفروض أشغل بالي فيه...بس ساعات أفكر أقول ما دام إني ما عجبته ليش استمر في الخطبه؟؟ يعني أصلا الغرض من النظرة الشرعيه هو "جس النبض"...و ما دام انه ما ارتاح لي هذاك اليوم كان المفروض انه يبطل و يقول خلاص كل شي قسمة و نصيب......فكرت أسأله ليش استمريت بس بعدين قلت لنفسي بلا عبط لا تسوي من الحبة قبة و تفتحي على نفسك باب..........بس المشكله ان أنا مو قادرة أنسى كلامه كل ما تذكرته يضيق خلقي :( وش رايكم عندي سالفه ولا لا؟؟؟ |
أقول لك شي بصراحه بس ما تزعلي
صدق ما عندك سااااااااااااااااااااالفه الحين متزوجه من سنتين ونص وسعيده مع زوجك وتجي سالفه مثل هذي تكدر خاطرك انتي ما كنتي عاجبته في البدايه بس الحين اكيد انك عاجبته ونص وألا كان ما تزوجك من الاساس لا تشيلي هم انسي السالفه وشكراً أ م لندا |
الحب ليس مرتبط بالجمال فقط ... وياما ناس ما أعجبوا بزوجاتهم في أول نظرة ولكن ... عندما يتغلغل الحب في القلوب
تصبح الزوجة ملكة جمال الكون في عين زوجها ... |
لا عادي يا عمري
لا تتضايقين لانه برر لك ليش ما عجبتيه لانك كنت مرتبكه وتبكين ........والخ وش افضل عندك انه يقول اول ما شفتك ما عجبتيني وبعد ما عرفت عجبتيني وحبيتك ولا يقول العـــــــــــــــــكــــــــــــــــــــــــــــس اكيد الاولى اهـــــــــــــــــــــــون هذا دليل انه حبك لشخصيتك مو لشكلك بس احكيلك عن خالي اول ما شاف زوجته جته غلقة (كتمه) ابدااا ما عجبته على انهاا مره مملوحه وكيوت البنت ومو بس كذا حتى ايام الملكه مو مقتنع بـــــــــــــــــــــس تعالي شوفيه يوم تزوجها...........تسوى الدنـــــــــــــــــيا عنده الى درجه انه يحرجها بالمدح عندناااا ويقولي اني اموت فيها :) الله يديم عليهم الهنااء وهي نفس حالتك:):):) مع انك اهووووووووووون بكثير يعني بس الشوفه الي ما عجبتيه فوســــــــــــــــعي صدرك الحــــــــــــــياة حلوة بــــــــــــس نفهمها...:):):) اخـــــــتك,,,,شوقي للحبيب |
معندي شي اقوله البنات وفو وكفو
|
وسعي صدرك .. واهم شي انه حاطك بعينه الحين ويحترمك ويحبك .. انا مرات ما احب ناس في لقائي الأول معهم كذا ما ارتاح .. وهذا يكون عاده طبع بالواحد انه ما يحب اي واحد يدخل في حياته جديد بس مع الوقت تبدي تتغير الأمور وتبدي شوي شوي ترتاح له وبعدين تنقلب الي صدااااقه قويـه وتستمر لسنين ويمكن يكون من اعز اصحابك ..
يعني الدنيـا ما تسوى ... وعيشي حياتك |
اختي مس ملقوفه
هذا شي عادي حتى انا زوجتي اول ما عجبتني والان هي كل الدينا بالنسبه لي ؟؟؟؟؟؟؟ |
ذكرتيني باول بيوم خطبني زوجي نفس الشي ما عجبني بس بعد ما ملكنا صرنا نتكلم بالتلفون بس ما نشوف بعض المهم من خلال كلامي وضح لي اني مو عاجبته حيل مثل مدح اهله بس استخار وخذاني لما قالي قلتله اوكي مر عند الباب بعطيك شي وعطيته صورتي لابسه بنطرون وبدي ومولابسه حجاب يقولي والله لو شفت الصوره طرت بالسياره 180 وانا مشغل الاغاني وابوس صورتك لاني مو مصدق شكلك بدون حجاب
ومن يومها واهو يتذكر اني مو عاجبته بس يقول بس بدون حجاب بالصوره غير فعادي خليها ذكري حلوه واهم شي رايه الحين يا ملقوفه وبالتوفيق |
اطرحي هذا السؤال على (عشرة السنتين ونصف ) اللي عشتيها معه فتعامله معك خلالها وكذلك احترامه لوجهات نظرك ومدى ما لمستيه من محبة وود ..
كل هذا سيجيب تساؤلك عمليا وليس نظريا وعلى الورق فقط ..فإذا كانت تمام ( ترى ما عندك سالفة ) ـ أما إذا كانت عشرته تبين غير ذلك فاعلمي أن ما قاله عبارة عن فلتة لسان أخرجت ما بداخله وفي ذيك الساعة ( عندك سالفة ) عموما لا تشيلي هم ترى الرجال أحيانا يلحنون ألحان ما لها داعي . |
[quote=عموما لا تشيلي هم ترى الرجال أحيانا يلحنون ألحان ما لها داعي .[/quote]
فعلاً.....يحسبون أنهم بيصلحون....وإذا فاق من الغيبوبه....ولا هو مهب هبايب... احمدي ربك انه يظهر ما بداخله ويسولف .....غيره...ما تدرين وش في قلبه.. ويا مالك من الألحان... |
عزيزتي مسز ملقوفة
صدق إنك ملقوفة(بدون زعل) صدقيني الأمر طبيعي جدا وماتجدينه في نفسك من الشيطان وأنا أختك يدور أي شيء علشان يفرق بين الأزواج نسيتي أنه نصب عرشه على الماء ويستقبل سراياه المرسلة إلينا ونسيتي أن أحب شيطان عنده اللي يفرق بين زوجين ومرة من المرات حصل معي مثل ماحصل معك وأخذت في خاطري بعدين أستعذت بالله من الشيطان وتذكرت العشرة طول سنواتنا العشر أخربها بزعل ماله داعي.............. الله يوفقك مع زوجك وأرجعي ذاكري دروسك وراجعي أحسن لك وأنا أختك............ |
:mad:
انـا اشوف ما في اي مشاكل انتي مكرة السـالفة وهذا طبيعي لا تــزززززززززعلين ولا تشيلي هم اضحكي ووووووفرفشششششششششي :D تحياتي :eek: |
بعض الأحيان الأزواج يحبون انهم يغيضون زوجاتهم...
يعني يشوفون ردة فعل المرأه... حتى أنا بعد شاف زوجي صورتين من صوري في نفس يوم الملكه... وحده عجبته مره والثانيه ما دخلت في باله أبدا... وعادي رمى الكلمه في وجهي ولا دق حساب حق مشاعري أبدا.. صحيح اني انقهرت واجد في البدايه بس الحين ولا أدق حساب أبدا إذا كرر نفس الجمله... وفيه واحد من عيلتنا لسه متقدم حق بنت ولا بغى رأي أي واحد من عيلته... لأنه شاف أخوها (صديقه) حلو فقال أكيد البنت حلوه مثل أخوها... ولما تقدموا لها اخواته ما عجبتهم أبدا واتمنى انهم ما يوافقون.... بس أهل البنت 3 أيام وبعدين ردوا انهم موافقين ومستعجلين على الملكه... فقام الرجال يصيح انهم وافقوا... |
هو المفروض من طول الغيبات........
شو جايبة لنا.... :d أهلا بعودتك ونتمنى نقرأ منك الجديد والمفيد أختي الكريمة لولا أنك تعرفين انك على خطأ وانه الموضوع مايستاهل ما كنت كتبتي "قولوا لي عندي سالفة ولا لا؟؟ يعني انت تعرفين انه الموضوع ما يستاهل بس تبين أحد يبعد عنك هالوساوس و الأفكار ويريحك...ولذلك كتبتي في المنتدى اللي تعرفين انه الأخوان(جزاهم الله كل خير) راح يبعدون عنك هالأفكار ويريحون بالك بإذن الله ;) أسأل الله أن يسعدكم ويديم المحبة بينكم تحياتي مع أمنياتي لك بالنجاح والتوفيق |
اقتباس:
انتي الضاهر على اسمك ملقوفه شنوا ما عندك سالفه ماعندك سالفه شوي في حقك الا مافي راسك بعدين وش يدريكي بس انا متاكد ان الرجال استخار الله ووافق هذا انتوا يالحريم اذا صارحناكم قمتوا تتصيدون في الماء العكر وانا بلعنها ومشينا قلتوا انتوا غامضين نقطع نفسنا عشان ترتاحوا ننتحر عشان تستانسوا ننتبر عشان تنبسطون والله تعبنا فيكم صدج ماعند سااااااااااااااااااااااااااااااااااااااااااااااااا اااااااااااااااااااالفه :p |
اختي بصراحه عندك سالفه ونص
بس ترى انا موقصدي اكبرها بس حابه اقولك انه انا لو مكانك كنت بزعل بس بزعل بيني وبين نفسي :( صح ان الموضوع قديم بس يخليك تقولي لنفسك ليش يعني انا مش حلوه يعني ليه ما سحرته من اول نظره ;) يمكن نكون وخذين مفلب في انفسنا بس احتا البنات او "الحريم" نحب المديح عمال على بطال لكن الظاهر زوجك زي زوجي صريح جدا وطلما انتوا مبسوطين مع بعض قولي الحمدلله وقفلي على الموضوع |
انا شايف ان الموضوع مهم لان نظرة الاولى مهمة جدا وهى احد اهم اسبا الارتباط
|
حبيبتي ...
أسمحي لي .. بصراحه موتني ضحك :) شي طبيعي أنه يشوفك بنظره ثانيه وكلنا مرت علينا هالنظره .. حبيبتي أول مره شافك كنتي شي جديد عليه وماهو مصدق انه حصلك وكل الرجال على هالحال لأن النظره الأولى دائما ماتبين شيء .. أقرب لك أكثر .. لو أنتي شريتي لك طقم جديد .. (طقم ملابس مثلا) أول ماشفتيه بالمحل أنجنيتي عليه بس لما أشتريته ولبستيه صار بنظرك عادي .. أنت اللحين صرت شي عادي فطبيعي تتغير نظرة الأنبهار عنده .. فهمتي السالفه حبيبتي .. |
تدرين لا نتي عندك سالفه ولا زوجك عنده سالفه
الظاهر هو ملقوف نفسك يعني زوجتك مرتاحه معاك وتحبون بعض بدل ما تقول لها كلمه حلوه تتفوه بهاللقافه وانتي تعالي بقولك ماعرفتي تردين عليه كان قلتي له ما دام مو عاجبتك كان ما اخذتني لكن ما في مفر حلوه لو شينه البضاعه المباعه لا ترد ولا تستبدل ههههههههههه وحولتي الموضوع مزاح لكن عن جد مفروض تفرحين لأنه اختارك على اساس شخصيتك مو جمالك لأن الجمال يزول والروح المحبه تبقى لكن بعد اسلوبه خطأ لأن بعض الرجال ما يعرفون يلفون ويدورون ويقذفون قنابل موقوته يمكن تهدم بيتهم |
اقتباس:
صدقت أم لندا فيما قلت صحيح انها ما عندها سالفة. أختي الفاضلة إنما هذيه وساوس شيطانية تعوذي بالله ......... |
السلام عليكم..هاديذي اول مشاركه لي بالمنتدى مع اني اتابع هذا الموقع من قبل سنتين تقريبا ..من قبل ما يكون في منتدى و انا فخوره بهذا المنتدى الرائع..بصراحه موضوع الاخت خلاني اسجل و ارد عليها..عشان احكيلها انو كلام زوجها ممكن يضايق في البدايه ..بس اكيد هو الحين يحمد ربه انو رزق بزوجه مثلك الله يوفقكم لابد..بس الصراحه انا عندي مشكله قريبه من موضوعك ..وهي انه تقدملي شخص عن طريق زوج اختي و طلبب انه يتكلم معي بالتليفون بعلم اهلي والى ان يأتي و يشوفني لانه انا في بلد تاني..المشكله انه يقولي اني انا الحين موافق عليكي من غير ما ؟؟؟وأشوفك و انا بصراحه مو مقتنعه بكلامه كيف ما يهمه الشكل ..طبعا انا قلتله اني لازم اشوفك عشان العين و النظرة والراحه النفسيه هي اللي تحكم..هل انا غلطانه ؟؟ و احسه انه يضحك علي كيف يتزوج انسانه موافق عليها من غير ما يشوفني..يقولي الشخصيه اهم من الشكل :mad: ..انا خايفه لما يشوفني ما اعجبه و يوافقعشان هو اعطاني كلمه.مع اني جميله و متأكده اني راح اعجبه ..بس انا حاسه انه مش صادق من هاي الناحيه..هل انا بعد ما عندي ساااااالفه ؟؟ :rolleyes: :(
أرجوكم ساعدوني بأرائكم |
أبشرك ترى ماعندك سالفة بإمتياز مع مرتبة الشرف
ياأختي أحمد ربكِ إن كلام زوجكِ وفضفضته لك عن مافي نفسه دليل على قوة حبه لكِ ودليل على إنه مايخبي عنك احاسيسه والمفروض تفرحي لإنه قال لكِ إنك أستطعتي تملك قلبه. وأختي قال لها زوجها نفس كلام زوجك ومازعلت بالعكس فرحت إنها بفضل الله خلته يشوفها حلوة وترى جمال الروح يغلب ويخلي كل شيء في المرأة حلو حتى شكلها.. يالله لاتخلين الشيطان يدخل بينكم بالعكس هذه نقطة لصالحك أن يتعود زوجك يقول لك مشاعره المفروض تشجعيه وإذا زعلتي من هذا الموقف ..ثقي أنه بيحرم يقول لك أي شيء عن اللى في خاطره مرة ثانية وأنتِ حرة أم جوجو |
صدقينى كلامه ولافيه اى شئ بالعكس عادى والله ياختى احمدى ربك
هذا انا عكسك تماااااااااااااام الكل كل يتمنانى ووافقت على زوجى وكان بينهبل انى وافقت عليه ..والله يهديه لى تعالى شوفيه الان والله والله لو شغاله كان حن على وربى انواع العذاااااااااااااااب النفسى والجسدى تعالى شوفى شعرى اللى يتساقط والقلق موب مخلينى انام مثل الخلق ووووو الخ اختى المعامله الحسنه بعد الزواج افضل بكثير وعن تجربه من قبل الزواج .. والحمد لله |
|
| الساعة الآن 03:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
