|
يوميات زوجه >>>>جوعانه>>>>>
حياكم اخيييتاي واخوتي هذه الزوجه الجوعانه صديقتي ايام الجامعه وكنا ايام الامتحانات جاءتني بالصباح وهي ماتقدر تتكلم من الفشيله:( قالت اسكتي........ البارح صارلي موقف جعله مايمر عليك خير خير وش صار<<<هذي انا اسالها لقافه قالت البارح واناادرس حسيت بالجوع............ وزوجي كعادته يخرج من البيت ليهيئ لي الجو المناسب للمذاكره<< اتصلت عليه وقلت له جوووووووووووعانه وياليت تجيب لي عشاء معاك قال بس ان بغيييتي جبت المطعم واهله قلت لاتسلم لي يكفيني العشاء بس:) مرت ساعه ساعتين .>>>>>>>وانا اعتصر جوعا . . . . . سمعت باب الشقه يفتح وقلت جاء الفرج . . . . . . ودخل علي ليس بيده كيس لامحمول ولامعلوق<<<<من الصدمه صار معلوق:confused: ماجبت عشاء وانا انتظرك من اليوم اصلا هذا انت مافيك خير ولاتحبني ومن شفتك ماشفت الخير<<<نسيت الفسح والسفرات ولو هي احدى خواتك كان جبت لها وانت تركض او ربعك كاان احلى الاصناف كل هذا وهو متسمر في مكانه ويطالعني:eek: <<<زوجها بارد والا كان علوم:eek: ياليتني تزوجت ولد عمي مدلع زوجته وشايلها على كفوف الراحه ((لاتلومونها امتحانات وبطنها يقرقر ))) المهم امطرته بوابل من الرصاص ذكرت اشياء من ايام الخطبه ثم استدار ناحية باب الشقه وظنيت انه بيرجع لااستراحته قلت احسن ارجع لهم (((لم ارى منك خيرا قط))) ثم احضر كيسا من المجلس ياترى هل هو العشاء , ,, , , , , , . نعم العشاء خباءه يبي يسويلها مفاجاءه ياليتنا بلاها مفاجاءه تقول رمى الكيس علي ودخل ينام ولم ينطق بكلمه واحده . . . . . وتمنيت لو معاي البخاخ اللي في افلام الكرتون اللي يخفيني 3 ايام الى ان ينسى والصباح لبست عباتي قبل يشوفني مستحيه احط عيني بعينه اكيد بتسالون عن العشاء تقول من الجوع حاولت ابلع لقمه ماقدرت واخفيته ,,,, المهم انهن ((يكفرن العشير))كما قال عليه السلام ياترى فيه رجال يكفرون عشيراتهم ؟؟؟؟؟ انا اشوف كثير والا وش رايكم:) |
بسم الله والحمدلله والصلاة والسلام على رسول الله سامحها الله رفيقتك يا اختي ليش تستعجل راكضة على رزقها وما خلت بالرجال شي منيح هههههههه:) ولكن من الجيد ان الزوج اعطاها العشاء ودخل نام والا واحد غيرو كان عمل العمايل هههههه:mad: الله المستعان على حالنا والهمنا الصبر يا رب في كل لحظة امام الزوج تحيتي لك اختي |
بصراحة حشى صديقتك هذه قنبلة؟؟
الظاهر فعلاً الجوع كافر بس والله كسر خاطري زوجها الظاهر جدا مسالم علشان كذا تجرأت عليه وألا لو غيره كان ما لقت نفسها إلا عند أهلها وبصراحة مايتلام والله قصتك نرفزتني وش هذه المرأة ؟؟؟؟؟؟؟ الله يعينه. |
:mad: :mad: :mad: والله نرفزتني هالقصة ..
تعطي الرجال فرصة يتكلم ليه ما جاب الأكل .. مش يمكن المطعم كان مقفول :mad: :rolleyes: الله يعينه .. ان شاء الله اخذت درس من الموقف |
دبدوبه امتعتينا بالقصه ولو ان صحبتها كانت رف شوي
اانا بصراحه لو طلبت شئ من زوجي ودخل يد وراء ويد قدام اول شئ اخرج افتش برا باب الشقه ومرات اطلع افتش السطح ولو ما لقيت المطلوب مين يمسكني وخاصة لو قلي نسيت :d |
سبحان الله نفس الموقف حصل لي طلبت من زوجي (حاجه ضروريه) المهم الرجال دخل ورحت أركض ويوم ماشفت الكيس معه على طول تداركت الموقف وقلت : هلا حبيبي مو كائنك تأخرت شوي اشتقت لك بالحيل .. :) ودخل وهو مبسوط وجلس وحطيت له العشاء وبغد ماخلص .. :D قلت : أكيد ناسي الأغراض بالسياره .. فجاءه ناظرني باندهاش وقال : يييييييييييييييييو معليش ياعمري والله نسيت أمر السوبر ماركت .. :eek: قلت له عادي وعلى طول صاروخ على غرفة النوم وقلبتها منا حه ..http://vb.66n.com/images/icons/cry3.gif المهم نقز الرجال وراح جاب لي الأغراض الساعه 1 بالليل وهوأنواع الترضي وأنا أنواع الصياح .. لين مارضيت .. :) :rolleyes: |
قصــــــــــة ممتعة ..وصحيح الـــــــــــــــــــــــــجوع كافر..
وعلينا أن نحذر من الكلمات التي تخرج منا في وقت الغضب كي لانندم بعد فوات الأوان.. جزاك الله خير .. |
والله يا اختي دبدوبه ...هذا يصير معانا احنا الحريم كثير ...... بس عاد مو لدرجة تقول ياليتني تزوجت ولد عمي :mad: هذي حاله من الدرجه الثالثه ....:) الله يصلحها ... نستفيد كثير من يوميتك ....ان الوحده منا لازم تتريث وتهدأ وما تتسرع ابدا .... وتحاول تحكم الفاظها مع زوجها ابو عيالها مهما كان واصل حد غضبها .... وسبحان الله كفر العشير في الحريم حقيقه .... مهما حاولنا نثبت العكس .... واهم شي نراقب انفسنا دائما ...عشان مانوقع في كفر العشير .... شكرا دبدوبه |
....
قصتك يادبدوبة فتذكرني بزوجي لما أطلب منه شي ويجيبه يخبيه في المجلس ويتظاهر أنه نسيه وأعمل أنا أنه ولا على بالي وعادي جدا ........بعدين يطلعه مفاجأة لي وأنا عارفة بس ماأحب أحرق له المفاجأة ......... بس بصراحة زميلتك هذه كأنها قنبلة الله يكفيها شر نفسها ....... محبتكم .... بنت طيبة الطيبة .... |
فعلا قصة معبره
عموما الرجل اوسع صدر من المراة في مثل هذه الحالات |
أشكرك أختي دبدوبة وهذا المقطع خيالي :
(ومن شفتك ماشفت الخير<<<نسيت الفسح والسفرات ولو هي احدى خواتك كان جبت لها وانت تركض او ربعك كاان احلى الاصناف --------- والسبب أنه يدعم موضوعي : أيها الزوج لا تترك الزوجة على هذه الوضعية . حيث أن المخ البشري يبني مواقفه على آخر موقف حصل . أشكرك |
المهم انهن ((يكفرن العشير))كما قال عليه السلام
ياترى فيه رجال يكفرون عشيراتهم ؟؟؟؟؟ انا اشوف كثير والا وش رايكم ـــــــــــــــــــــــــــــــــــــ والله أنا أشوف ان الجووووووع يسوي أكثر وزين اللي جت على كذا ولك أن تتخيلي لو نفس الموقف صار له ، يعني داخل جوعان وطناش ما لقى عشا .. وش بيقول ؟ إلا وش بيخلي ! |
لالالالا ما الها حق تحكي هيك لجوزهاااا :(
واللــه انو مسكـين وشخصيتوو ضعيفه :mad: |
بصراحه الله يلوم الي يلوم صديقتك ياجماعه ترى الجوع كافر وانا لو مكانها بسوي مثلها يعني سويت مثلها كثير في ايام الامتحانات بس مااخلي الاكل لاوالله اكله واعزمه عليه بعد<<<يعني احاول اراضي ابو الشباب
|
يا ساااااتر على هالموقف يا لـــهـــــا من فـــــــشـــــــــيـــــــــــــلةِ عــــــــــــظــــــــــيــــــــــمةِ :D بس تراها تضحك وتصيح بنفس الوقت :D . . . :( العجلة ام الندامة .... تصدقين سبق وصار لي مع اخوي نفس الموقف بس الحمدلله احاول ارقعها ... لكن احس اخوي امون عليه حبتين لكن ولد الناس .... فشيلة :rolleyes: |
موقف لا تحسد عليه ...صديقتك
وكما قالوا ...لا اعرف صحة المقولة ...{ الجوع ....كافر } |
هو صحيح الجوع كافر ... بس توصل المواصيل تقول لو اخذت ولد عمي ... هذي فيها قبايل ..
بس يمكن يحبها ويدري انه مو من قلبها او الظاهر يقول ما باليــد حيله .. عموما موقف يقهر ويضحك شوي |
في سكرة جوع الطرف الاخر او في غضبه ... او حتى في قمة فرحه الافضل الابتعاد عن المزاح الاستفزازي لان ليس كل شخص قادر على ضبط الاعصاب ....وكمان موكل شخص يتحلى بالاخلاق التي تلزمه بالصبر.....
وقصتك طريفه جدا يادبدوبتنا الحبوبه واضحكتني واحزنتني... بس خسااااارة انو تضيع معاني حلوة كثير بسبب كدا مواقف.... تحياتي لك |
ياحرام على هالفشلة
الله يعينها كيف قدرت تقابل زوجها بعد هالموقف الله يهدينا نحن النساء ويهدي ازواجنا |
موقف من جد يفشل خصوصا انه الزوج ممكن يكون اخذ عنها فكره سيئه....
شكرا اختي دبدوبه .... |
بسم الله الرحمن الرحيم اعوذبالله هذي قنبلة وانفجرت في وجه الرجال المسكين - الله يعينة عليها - الانسان بعض الاوقات وفي اشتداد الازمات - زي الجوع طبعا - يقول اشيا مايتخيل بعدين انة قالها لكن بعد مطاح الفاس بالراس الله يعينها تصلح الي خربت وتنسية الكلام الي قالتة ** ********************************************** وبالنسبة لمقولة الاخ ابو انس عن صحة مقولة -- الجوع كافر -- الذي اعرفة ان اول من قالها علي بن ابي طالب رضي الله عنه وقد قال ايضا -- لوكان الفقر رجلا لقتلتة -- |
وش حليلهم الرجال ،،،
جزاك الله خير،،، ام بدر،،، |
الصراحه زوجها مره متفهم... وياحظها على هذا الزوج..
أنا بعد زوجي ماشاء الله بعد متفهم وياما أطلقت عليه رصاصات من الجمل بس يكون صبور مررره علي.. بس انا عندي تعليق: مش حلو أبدا ان المرأه تقول إني لو تزوجت فلان والله لو تزوجت علان... ترى هذي مرررررره قويه.. ويحس الرجال كأن زوجته أطلقت عليه قنبله مش رصاصه... |
يسلمووووووووووووو كل من عاضد وساند الزوجه الجوعانه :) ومن انتقدها يسلمووووو بعد;) بس اقوله تراى الجوع كافر ماتدري لو صرت مكانها وش يصير وعلى فكره وهي تحكي لي السالفه مازالت جوعانه :( يعطيكم العافيه جميعا:) |
بسم الله الرحمن الرحيم...
القصة واقعية وتحدث في صفحات حياتنا المليئة كثيرا... وأريد أن أركز على نقاط... لفتت نظري في هذه القصة الجيدة... أولا... الزوج كان منصتا صابرا بالرغم من يقينه بأنه على حق وأنها تظلمه.... ولم يتسرع ويقطع عليها حديثها... ثانيا... الزوج لم يأنب بالكلام أو بغيره... أنبها بأن جعل ضميرها يؤنبها... وهذه من أفضل الوسائل التربوية على الإطلاق ثالثا... الزوجة سكتت بعد أن بان الحق وظهر... وكان عليها الاعتذار بساعتها وبعدها... وبدل الاختفاء 3 أيام... عليها الاعتذار حتى توقن أن قلبه قد صفي من ناحيتها... رابعا... ننتبه جميعا أن التسرع ليس صحيحا ولا حكيما! وعلينا أن نلتمس الأعذار والحجج لمن نحب... هذا ما عندي وشكرا على الموضوع الشيق المفيد و شكرا للمشاركات القيمة... جزاكم الله خيرا... |
| الساعة الآن 10:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©