|
ساااعدوووووني
السلام عليكم جميعا ..
أكتب الموضوع هذا وأنا في أشد الحزن والزعل. موضوعي أحب أطرحه بالذات على الزوجات بالأخص. أنا متزوج وأحب زوجتي مووت .. وهي نفس الشي مع اني أعاني شوي من نقص في حبها لي بس حاط أمل كبير انه يزيد في يوم من الأيام. بس بشكل عام نحب بعض. المهم مره من المرات كنت ابيها تحقق لي شي في رغبتي (شي عادي وحلال) .. وطبعا ماسوت الشي هذا الا بعد مطالبات مني لها لين اقتنعت .. أول مره صار الشي هذا واعجبت فيه وعبرت عن شعوري (بس ماكان بالشكل المطلوب على حسب كلامها). بعدها بفتره سوت الشي هذا بس كنا بنطلع برا البيت ومستعجلين وماعبرت عن شعوري لأني كنت أصلا مو مروق وتعبان من الدوام.. بس عبرت بشكل بسيط .. بعد فتره طالبتها بالشي هذا وقلت أنا محتاج تحققين اللي في رغبتي .. قالت لا من أول مره ماكان فيه شعور منك .. قلت مايصير الزوجين لازم يحققون رغبات بعض وأنا يوم تسوينها كنت تعبان و مو مروق .. طبعا هي تعصب ويتغير وجهها اذا قلت كنت تعبان وتقول مو عذر. قلت مايصير الواحد منا ييأس من أول شي لأنه على كذا ماتستمر الحياة الزوجيه لو مافيها تنازل وفيها ان الواحد يجرب مره ثانيه ويشبغ رغبات الثاني .. وأقولها ان الزوجين اللي يحبون بعض دايماً مايسوون شي الا يحلي حياتهم .. وخصوصا اشباغ الرغبات من حب وعاطفه وحنان .. ترد علي وتقولي أسوي لك كل شي الا الشي هذا لأن شعورك مبين من أول مره تجاهه .. قلت مستحيل .. كلامك غلط .. صدقيني ان أحب الشي هذا فيك ومستحيل أشوفه الا فيك مو بغيرك .. قالت أنا اتمنى انك تشبع رغبتك بالشي هذا في غيري .. طبعا ردها يزعل .. عصبت وزعلت وقلت ترى مستحيل الحياة الزوجيه تستمر بهالشكل .. لكن الله يسامحك .. ونمت بروحي :( لأني كنت زعلان حيل الحين ابي اعرف .. هل انا الغلطان والا هي غلطانه .. أنا راضي بأي رد سواء مصالحي والا مصالحها .. ومشكووورين |
أخي العزيز
لما افهم منك ارجو توضيح ما هذا الشيء الذي تطلبة متزوج و سعيد جداا |
اخوي بماني متزوجه راح اقول لك ايش الدافع اللي ممكن عشان كذا هي تصرفت بهالشكل ممكن هالشئ اللي انت طلبته منها يخجلها وانت ماتدري فلما سوته اخيرا لقت منك عدم الترحيب فاحرجها هالشئ وخلاها تعصب وتظن انه ماعجبك فيها ولما طبلبته ثاني ظنت بس تقضي غرضك منها فوقته يعني مو اعجاب منك
صدقني المرأة من يفهمها لو يعلم الرجال ماتريد وما سهولته لا تلاشت الخلافات احنا معشر النساء مانبغى الا كلمه حلوة وحضن دافي حنون وحب مايطول غيرنا لان كل وحده اذا حبت زوجها ماتبيه يلتفت لم احد حتى ولدها تغار منه صدقني انت صير امدحها في اي شئ تسويه لك حتى اذا اقبلت عليك وجت جلست هلي ورحب فيها كانها جايه من برى او مسافرة لما ترجع انت احضنها كانك ماحظنتها من اسبوع يعني يالملخص حسسها بقيمتها بقوة |
أخوي متزوج وسعيد جدا .. ما عليش أحتفظ بالشي هذا لنفسي .. بس صدقني حلال وعادي جدا
أختي خليجيه .. شكرا على ردك .. بس احب اضيف شي .. أنا مشبعها بالحب .. وهي معترفه بالشي هذا ... وفي كل شي أمدحها .. حتى عيني ماتلف يمين والا يسار وانا معجب فيها وفي جمالها وهي متشبعه بكلامي لها .. وهي اعترفت بالشي هذا .. وهي معترفه اني ما أقصر بالكلام معها .. لأني أقول كل كلمه من أعماق أعماق أعماق قلبي بما اني أموت فيها .. ومستحيل يمر يوم من دون لحظات رومانسيه أكون أنا اللي أبادر فيها (أغلب شي) .. وأنا عارف ان الزوجه تبي حنان وعطف وحب .. وهذا اللي أسويه .. سؤالي .. هل مره وحده يغلط الوزج ويعتذر عن الغلطه ويشرح ظروفه ممكن يخلي الزوجه تعصب وتعاند؟ ... يعني مافيه شي اسمه حب يخلي الزوجه تتنازل وتجرب مره ثانيه وثالثه؟ .. مادري .. يمكن أكون غلطان وعلشان كذا ابي أحد يساعدني :( |
أؤيد كلام الأخت (خليجية ) جزاها الله كل خير
وكذلك لا بد من تنازل الزوجين لبعضهما البعض والتغاضي عن بعض الأمور والخلافات حتى تستمر الحياة في حب وسعادة :) اخي الفاضل (suzuki) ...حاول التغاضي عما حصل وابدا بداية جديدة مع زوجتك :) ومع مزيد من الحب والصدق بينكما ستصطلح الأوضاع بإذن الله تعالى وعند الإعتذار ... يجب أن تبعد التفكير بأنك أفضل منها أو ترى نفسك عليها بين لها ندمك لأنك زعلتها .... ورضاها عليك هو غايتك وسعادتك عسى الله ان يسعدكما دوما ويبعد عنكم كل هم وغم وحزن:) ***** http://nightwolf1980.jeeran.com/Love_U_4ever.JPG والخوفُ يملأ غربتي ,, والحزنُ دائي أرجو الثباتَ وإنهُ قسماً دوائي والربَ أدعو مُخلصاً .. أنتَ رجائي أبغي إلهي جنة ً , فيها هنائي . |
بصرحه الزوجه تزعلا و تضيق
كمان أذا زوجها ما أظهر مشاعره لها وخصوصاً أذا كانت عمله شيء متوقعه منه الاعجاب من ناحيتك أو مسويه هذي الحاجه عشانك لكن أذا الزوج قام بالعتذار فا عد خلص لا زم ترضاء بس يمكن تقدر تخليه تسوي هذا الشيء الي تقول عنه أذا الحيتا عليه بتكرار وخصوصاً أذا أنت تذكر الشغلة الي سوته في الامره السابقه فذكرها فيها مثلاُ تقوله والله عجبتني هذيك الحركه منك كنتي في غاية الروعه عيشتيني في حلم ما كنت أحلم فيه أنا عايش مع حوريه مو أنسأنه عاديه ومن هذا الكلام يمكن تسويه لك مره ثانيه |
أخي\أختي مناجي الصمت ..
أنا اعتذرت اني ذاك اليوم كنت تعبان وقلت لها سامحيني وارجو انك ماتحطينها مقياس لاعجابي بشي .. لأني والله كنت تعبان .. ماقبلت اعتذاري وعصبت وتقول لايكون عذرك انك كنت تعبان مع اني احلف لها .. صدقوني ياجماعة الخير اني سويت كل شي بس عشان ابين لها ان الحياة الزوجيه معناها حب من الطرفين واشباع رغبات كل واحد من الثاني .. تقولي الا الشي هذا .. قلت أنا آسف عليه صدقيني أول مره وكنت تعبان .. وأحضنها + قبله على الجبين .. وتأسفت من دون يأس .. وكانت معانده لأبعد الحدود ومؤمنه ان الشي هذا يتكرر منها مره وحده بس .. قلت مو معقوله .. لو الحياة الزوجيه بهالشكل معناتها مافيه اخلاص والواحد يأيس من أول مره ونقتل كل حب بيننا .. أنا اتنازل اذا غلطتي لأني أحبك وانتي تتنازلين اذا انتي تحبيني وانا اعتذرت واوعدك ماراح يتكرر .. وترجع وتقولي الا الشي هذا .. يعني جيت في كذا اتجاه وما شفت اي ردت فعل حلوه .. بالعكس شفت عصبيه .. وهذا اللي زعلني بالأخير :( |
أختي hfhf10
أنا مقدر كلامك وفاهمه .. وأصلا ما تكرر الشي اللي انا طلبته علشان ابدي اعجابي فيها .. لأن من أول مره أيست وقفلت على الموضوع مع اني أطالبها وبشده ان الشي يصير بما انه في رغبتي .. يكفي الحاحي عليها .. أنا اتوقع ان الحاحي عليها المفروض يبين لها صحت كلامي .. والا انا غلطان؟ |
لا لست غلطان
لكن مثلا ما كتبت لك حول تمدح الي سوته قبل عشان تفكر تعيده من كثر ما قعد تمدحها لكن عفوين لا تقولها سوي ذك الشيء عشان لا تعاند لكن بين فتره و فتره ذكرها بأنك معجب فيه لما كانت تسوي ذك اشيء أتوقع هذا أجدا |
اقترح يا أخي أن تعطيها فرصة و يمكنك أن تطلب ما تريد في فترة أخرى فربما حالتها النفسية الآن ليست مرتاحة
|
اخي الكريم سوزوكي
جد لزوجتك عذر ولا تدقق فهذه المواضيع عاديه بين الازواج ولا تجعل القصه كبيره الله يسعدك ويسعدها |
يا أخي
كل إنسان و له نفسيته و مزاجه و ردود أفعاله اتجاه مواقف معينه و يبدو لي أن زوجتك من النوع الذي أخذت رد فعلك على هذا الشيء باتجاه سلبي هي ليست مخطئة كما أنك لست مخطئ أيضا و في نظري عليك أن تقدر ردة فعلها هذي و تتجاهل الامر فترة و تحاول تتقرب منها بوسيلة مغايرة تماما.. و تستدرجها إلى ما تريد أنت و ما يرضيها في نفس الوقت.. حتى لو في لحظات نشوتكما... و عليك أن لا تمرر الموقف هكذا، بل عبر لها عن إعجابك أثناء تقربك منها... و دللها بكلمات ناعمة... و أشعرها أنك تشتهي منها ما تحب و ما يرضيها... عليك أن تصبر و الله يعينك، فكل إنسان يختلف رد فعله عن الآخر و يبدولي أن زوجتك رد فعلها يتطلب الصبر فترة و التجاهل خلال هذه الفترة و مع المسايرة و الأيام أعد المحاولة كون ذكي و لماح في اقتناص فرصه رومانسية أو موقف عاطفي بينكما و إنت و شطارتك ياخوي |
أنا عطيتها فرصه وفعلا حسينا بفترة راحه وتغيرت حياتنا .. وهي حست بالشي هذا .. .وخصوصا بعد ماخذت اجازه وارتحت فيها .. بس مجرد ماتكلمت بالموضوع انقلبت حياتنا وصار فيها زعل .. :(
أنا لو امدحها انها سوت الشي هذا مره في يوم من الايام متأكد انها راح تضحك ضحكة يعني اني أتكلم مجامله مو من قلبي .. لأن صارت كذا مره .. يعني بالعربي اللي صار بس صار مره وحده وأنا اعتذرت لها على طول وسويت المستحيل علشان أشوفه في زوجتي لكن حصلت الرفض النهائي منها .. يعني قالت لي لاتحاول وانسى الموضوع .. هل هذي هي الحياة الزوجيه؟ هل بهالسهوله الواحد يرفض شي من أول مره ومايحاول حتى لو كان شي حساس .. مع انها قالت ترى هذا الشي تافه ومايستاهل .. قلت اذا عندك تافه انا مو تافه عندي لأني أحبه فيك .. والله ياجماعه اني حاولت المستحيل لكن دون جدوى :( |
الله يرضى عليكم ويجزاكم خير ..
مشكورين والله على النصايح .. شكرا بلوبيرد .. شكرا shabbah_muslima .. شكرا للجميع .. يمكن أكون مخطئ اني متأثر بالموضوع وصار كبير في راسي .. ولأجل الحب اللي بقلبي لها بعديها .. وأحاول اتناسى الموضوع .. ومثل مانصحتوني بالمسايره وبكل هدوء .. ألف شكر للجميع .. وأتمنى لو فيه ردود ثانيه أو نقاشات ثانيه حول موضوعي |
طيب كويس اخوي تبي الكلام على بلاطه انت ماقصرت ولازم يكون في خضوع من كلا الطرفين للطرف الاخر
انت مو غلطان بس عندي لك فكرة ان كنت تلح وتطلبه منها مرارا وتكرارا هالطلب وانت جالسين مع بعض قل لها خلاص ماعاد ابيه ان كان بيجي بمنه ولاعاد تعيده وسو انه ناقصك وتبيه بحركاتك وانك تحاول تسويه بنفسك عشان ماتمن عليك هي صدقني انا زوجة واحب زوجي وهالامور ناجحه بيننا لانها راح تحس بالذنب وفيه شي ثاني يمكنها من النوع اللي تكابر عشان زي مايقولون تحدها بمكان بحضنك ويكون مالها مفر واتقولها بكل شغف على اللي تبيه وانت تبوسها وعيونك فعيونها ياشيخ لو انها نعصبه ذاك اليوم كله ماراح تمسك اعصابها في هاللحظه |
فعلا اخي.......حاول تنسى الموضوع هالفترة...
وتعامل عادي.......بس اذا جا اي طاري حسسهاان قفلت منه وما تبغاه بمنة.. معليش يمكن ما قدرنا نعطيك حلول لان طبيعة الشي مو واضحة... بس صدقني اي امر تبغاه من زوجتم اذا انت تلح عليه راح تشدد في الامر وترفضه...بس اذاهديت الوضع...راح يهداعندها هي... وفعلا زي ما قالوا يمكن الفترة هذي متوترة وراح ترجع لطبيعتها بس فيه سؤال...معليش اخوي هل طبيعتك مع زوجتك اندفاعية؟ يعني هي حاسة انك مندفع لهاجدا؟ لان الزوجة اللي ضامنة زوجها ما يزعل منها وقلبه عليها حيل...تصير شوي ثقيلة وما تعترف باحتياجات زوجها الخاصة... انا ماادري كم لكم متزوجين....اذا معاريس طبيعي شعورك وصعب تغيره.....بس اذا لكم فترة...فلازم الزوجة تحس ان اهمالها لاحتياجات زوجها يؤثر على مشاعره... ما اقصد في هذا الموضوع لا اقصد بصورة عامة....! |
شكرا اختي خليجيه على نصيحتك وماقصرتي والله.
بس احب اقولك انتي والأخت اتكاءة حرف انه صارلنا اكثر من سنتين متزوجين .. وأنا مندفع لها جدا .. وأنا اللي دايماً ابدأ بالشي .. حتى التنازل .. أنا عارف طبع زوجتي .. هي من الزوجات اللي صعب تتنازل .. وصعب تقتنع .. ياما صار زعل بيننا سواء الغلط مني أو منها وأقول لها أنا ابي نبدا صفحه بيضاء .. وأي شي حلو نسويه لبعض .. أي شي يعكر حياتنا ويسود الصفحه نخليه بعيد .. وأنا أكون صادق بكلامي .. بس بالأخير اكتشف انها تشيل أشياء من الماضي وأغلاط صارت وتخليها تدخل بالصفحه الجديده وتسودها :( .. زي موضوعي هذا .. يعني وش حلاة الزوجين لو اقتنعوا كلهم ان حياتهم ماراح تحلى الا اذا كل واحد سوا كل شي حلو للثاني وينسى اي شي مو حلو ويتغاضى ويتنازل عن الأغلاط .. فهمتها الشي هذا .. بس للأسف متمسكه برايها ..! |
نسيت أقول شي ..
الشي هذا قالت لي زوجتي انا اتمنى انك تشوفه في غيري (سواء بالتلفزيون أو وين ماكان) علشان تشبع رغبتك .. مثل ماقلت لكم هو شي عادي وممكن اشوفه بالتلفزيون .. بس كلامها يحسسني انها من جد منتهي من ناحيتها .. وأحس انها تقوله جاده .. لأنها هي حساسه جدا .. وأثر عليها بشكل كبير من أول مره .. بس هل صحيح ان حساسيتها الزايده ممكن تتلاشى اذا انها (تحبني) حب صادق وقوي؟ |
ما عندى شى اقوله الا
الله يهديلك زوجتك ان شاء الله ويا بختها فيك |
حيرني هذا الشيء .. بس تعرف (المرغوب الممنوع) مع (السياسة واللّين ودرجة الحب والاقناع) يتحقق هذا الشي.. والصبر طيب، ولا تظهر إنجرافك لهذا الشيء حتى لا يكون حرمانك منه نوع من العقاب يتخذ سلاح ضدك.
كل يفسر هذا الشيء على شاكلته .. ولا أعتبره جرماً ترفضه الزوجة طالما أنه في حدود ما يسمح به الشرع. ولك شكري. |
اقتباس:
كيف تأمر الزوجة زوجها بهذا الأمر ..... وهي التي يجب ان تعف الزوج عن الحرام وتبعده عن الخطأ ؟؟؟؟ مهما وصلت درجة الزعل والخلاف مع الزوج فلا تصل الأمور إلى معصية الخالق عز وجل وإغضابه أخي الحبيب .. مهما حدث بينكما ذكرها بالله تعالى حتى لو لم تنوي مسامتحك ,, عسى أن تدرك مالذي تفعله بحياتكم الزوجية !!! والله يكون بعونك ويصلح حالك عاجلا غير آجلا .. |
شكرا على الرد ياجماعه الخير
شاكر ومقدر لكل من شارك في موضوعي .. وأنا ان شاءالله راح أحاول بشتى الطرق بحل الموضوع بطريقه سياسيه .. ومنكم نستفيد .. وبالله التوفيق |
*
& * suzuki مع اني احس اني احل لغز اخوي زوجتك تتدلع عليك لانها شايفه غلاها في عيونك ربي يزيدكم غلا وحب ولاجل عين تكرم مدينه وماتصير حساس بزياده لكلامها |
وش العادي عندك وش العادي عندها ..
لازم تسأل نفسك هالسؤال .. وبعدين لازم تعرف ان النفسيه المرتاحه المهيئه لبدء ممارسة العلاقه ليست مثل النفسيه المرتاحه من طرف واحد .. وبما انك تطرقت لذكر موضوع التنازلات تنازل انت ولتبدء التضحيه منك كأني فهمت ماطلبته منها لكن أقولك هناك مداعبات في العلاقات الزوجيه وليس كل نوع من هالمداعبات مقبول عند بعض الزوجات فلاتحاول الظغط عليها .. الله يوفقك ويرزقك الحلال وشكرا لك على تفهمك زعل زوجته ... |
هو مو دلع .. عمر الدلع ماجاب عصبيه .. متأكد انه مو دلع .. أنا اعرف حركات الدلع اللي عندها وبالعكس افهمها وهي طايره وتعجبني .. بس اللي شفته هالمره عناد شوي .. لكن مثل ماقلتوا راح أهدي الوضع شوي و أشوف كيف أحل المشكله
شكرا جميعا |
أخي الكريم..
بالنسبةللموضوع اتفقناانك تؤجله شوي..وهذا شي طيب منك.. بس اعذرني اخي الكريم... واضح ان زوجتك ما تتحس رغباتك... وانت قلت انك مندفع لها جدا.. وهذا ماهو فسي صالحك حاول اخي انك تخفف شوي...! خففمن اندفاعك لها...من اي اشياء روانسية كنت تسويها.. قلل سهراتك معها ..الخ.. مو تعاملها بجفاء........لا خذ حذر ترى هي تدور فرصة تزعل..! بس حسسها ان عاطفتك تجاهها عادية! ضروري هذا الشي لك ولها.. اندفاعك الزايد ما يخليك تفكر وش التصرف الصحيح في المواقف..وهذا يجعلها تتمادى في أشياء كثيرة.. بالنسبة للصفحة البيضاء بين الزوجين تنفتح فعلا اذا تركوا الامور السابقة بدون نقاش! وخذ مني هذي النصيحة.. حتىلو ناقشتك هي بموضوع صار زمان وانتهى...خلها تطلع اللي بقلبها بس لا تناقشه معاها..يعني طنش تعلقها بالماضي.. حتى اذا طلبت منهااي شي وربطته بموقف صار...بين لها ان هذا مو حقها بس ايضا طنش الموضوع..صدقني اذا شافتك انك انت مطنش الاشياء اللي راحت راح تتغير مع ا لوقت.. بس اهم شي انتحاول تهدي المواقف معاها عموما اصعب شي على المراة انها ترى زوجها مو همه تصرفاتها حتى السيئة! تتضايق ليش ما اثرت فيه! والله يعينك على شخصية زوجتك...بحاجة انك في الاوقات ا لودية... تناقشها بشكل جاد.مو عاطفي.........إن فيه حقوق بين الزوجين اذا احد قصر فيها فالطرف الثاني يتحمل مرة مرتين ........بس تدخل في عقلها لباطن وتتجمع مع الزمن..أبغاك في هذه الجلسة خصوصا تتكلم معاها بطريقة جداة مو طريقة رومانسية.......علشان تحس نبرة الجد في كلامك..لعل وعسى... الله يهديكم لبعض يارب.. |
يمكن يا اخى الكريم اانكم حديثي الزوااااج وهذا الشىء عاااادى ...>>>>>>>>>>>>>>>>>>>الحرمه تستحى
|
اخي الفاضل ، واضح انها حساسة وأنك ايضا حساس .
لذلك ارى ان يتم التعامل مع هذا الموضوع بالشكل التالي طالما انها متمسكة برفضها وانت متمسك بما طلبته منها: اضغط على نفسك ولا تطلب منها مجددا ما طلبت ، ولتدعها تتساءل بينها وبين نفسها : ( لماذا تغير؟ ) ، وخفف من اندفاعك خصوصا ان نتيجته كانت الثقل من جانبها ، مع ان كثيرا من النساء تفضل تلك الصفة في الزوج ، الا ان كثيرات للأسف تتخذها نقطة ضعف ربما تستغلها فيما بعد سواء بقصد او دون قصد . من المهم ان تدعها تشعر انك لا تريد منها شيئا تنفذه فقط لأنك تريده لأنه سيكون بلا نكهة لأنه بدون احساس صادق منها ، وانك حريص ان يتم الامر بتلقائية منها ، وقل لها انك سمعت وقرأت عن زوجات يفضلن ذلك الامر ويعرضنه على ازواجهن ، حتى وإن قالت لك انها عملته من اجلك فقط ، اخبرها انك لا تريد ان تجبرها على شيء لا ترغبه حتى وإن كان حلالا، فما أجمل الاداء عندما يكون نابعا من احساس صادق . انصحك بالغموض معها ، لا تكشف كل اوراقك لها ، فبعض النساء يدفعهن غموض الازواج الى التفنن والابتكار . اهمل الأمر ودعها تلاحظ انه لم يعد يعنيك الموضوع وانك نسيته ............اصبر واثبت على موقفك وانتظر النتائج. |
شكرا لردودكم ..
الحمدلله تقريبا حليت المشكله .. مو حليتها 100% .. بس اعتذرت وأجلت الموضوع في وقت ثاني ممكن هو يطرح نفسه .. وأنا فعلا راح انسى الشي هذا وخصوصا انه فيه أشياء كثيره بيني وبينها تنسيني الشي هذا وتخليه يصير من تلقاء نفسه من دون ما أنا اضغط عليها .. فعلا طبقت الشي هذا وأنا الحين مرتاح (نواعا ما) وهي الحمدلله ارتاحت .. والزعل راح :) .. والله لايحرمني من نصايحكم وأتشكر لكل واحد شارك في موضوعي |
| الساعة الآن 07:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©