|
+*+*+* لا تفكر ولا تحتار وغير ابو ثنيان لا تختار +*+*+*
بسم الله الرحمن الرحيم أعزائي أعضاء المنتدى السلام عليكم ورحمة الله وبركاته كما تعلمون بان المنتدى مشعلل ها الأيام بسبب الضجه الكبرى اللي أحدثها المنيو الخاص بي صحيح أننا لسنا الوحيد ون في الساحة ولكن نحن الأفضل وان خدماتنا لا تتوقف عند منيو فقط بل سيكون هناك العديد والعديد من المفجأت السارة للأعضاء الكرام لم اشارك في المنيو آلا من اجل آن أغير مفاهيم الرجال الخاطئة بأن البنت يجب آن تدخل آلي منزل زوجها وهي طباخة ماهرة ...... كما سيكون من أولويات حملتنا الانتخابية بان تقوم دورات بالمجان في الطبخ للرجال سوف اعمل على تشكيل لجان وفرق عمل من مهامها وأولوياتها تقصي الحقائق والوقوف على معاناة المرأة وخصوصاً المتزوجة ...... وسيكون هناك تنشيط وتوثيق وترسيخ فكرة الزواج لدي البنات المتخوفات من الزواج بداعي عدم مقدرتهن على الطبخ سيكون جل اهتمامنا هذا العمل كما سوف أقوم بعمل مشروع خيري كبير يتمثل في تغير مطابخكم على حسابنا الخاص وكلاً على رغبته الشخصية وسوف نضع احدث الآليات الكترونية في المطبخ بحيث تطلبي منيو اليوم التالي في الليل وسوف يكون جاهز في الغد بدون دخول للمطبخ احلمي في الليل ونحن نحققها في الصباح آن الأوان للمرأة آن ترتاح من المطبخ وتبعاته سيدتي لا نريد منكي آلا آن تخلدي آلي الراحة ودعي العناء والشقاء للرجال تفرغي لحياتك الخاصة ودعي لنا الباقي حفلاتك نحن خير من يعتني بها منا سباتك العائلية تخصص في أدارتها زواج صديقات صديقاتك نحن من يتحمل نفقاتها ( وممكن الجيران إذا حبيتي ) أعطونا أصواتكم اليوم وسوف نوصلها آلي العالم في الغد رضاكم طموحنا خدماتنا فندقيه طبخاتنا طريقكم آلي العالمية.......... اغاريد واللى يرحم امك صوتي لى انتي وكل اللى تعرفين من الجامعه من الجيران وحتي اللى ماتعرفينهم وحتي عيال اختك بعد جيبيهم يصوتون احس ان طبيبة القلوب احرجتك اقسم بالله والله العلى العظيم انا ما راح احرجك |
بالتوفيق اخي ابو ثنيان
والله سويت دعايه ماسوووها مرشحين البلديه بس خليك صادق ونفذ اذا فزت دعواتنا لكم |
والله حلووووووووووو صاير عندنا مجالس ترشيح ... صراحه عروضك جدا مغريه اخوي ابو ثنيان لكن بصراحه انا احب اطبخ ...يعني ماني مستفيده كثير من عروضك ..... الا عندي طلب ...... ادخل شارك معانا في تحديث المفضله الي تحت في توقيعي .... انا ارشحك:22: ولا كمان بعد اتوسطلك عن زميلتي دهن العود ((( حلوه الواو هنا ))) هيا ... لاتضيع وقت :23: |
صدقني أخوي أبو ثنيان ودي إنك تفوز لأنك تمثلنا هنا
بس المشكلة إنك تلعب بالوقت الضايع :22: ترى الطيور طارت بارزاقها :17: وطبيبة القلوب حازت على 90% من الاصوات ونصيحتي لك روح اشتر مقادير منيو طبيبة القلوب وشارك فيه بالمسابقة القادمة وأنا مستعد أقود حملتك الانتخابية في المستقبل |
هههههههههههههههههههههههه والله ضحكتني يا اخ ابو ثنيان . . خلاص انا اطلب تغيير مطبخي كاااامل . . و شرط يكون من ايطاليا . . :14: :14: نتمنى التوفيق للجميع . . :22: :22: |
أخوي ابو ثنيان يقول المثل اللي حضرته خصوصي لك ومن تأليفي بكل( توا توا تواض تواضع) ##يا داخل بين النسوان ما ينوبك الا الجنان ## لا أقصد الجنات بل الجنون وهو من الفنون .
المشكلة الحين هي التزاماتك بمساعدتك لاعضاء المنتدى باالاطعمة الجاهزة وتغيير المطابخ والله يستر شو بعدها انت الظاهر مش عارف وين طايح ترى آخرتك بتفلس وبتستلف من اللي حواليك والمسابقة كلها 200دولار ما تستاهل العذاب وغيره انا عن نفسي ما حبيت اشترك مع اني واثق من طبخي فهو من هواياتي التي احبها وقلت يمكن اللي بيفوز يستفيد من الفلوس احسن مني . الاخت دهن العود بدها مطبخ ايطالي ( شكلها بتتوحم). الاخ متعاطف متاكد من فوز طبيبة القلوب ( الظاهر الجائزة مناصفة). الاخت بنت الموج اكيد رح بتغرقك بشي موجة هي غير مهتمة ولكن لها طلب( ما شاء الله ). الاخت دبدوبة تصر على التزامك بوعودك( يمكن بتخطط على شي ثقيل). والسبحة ( المسبحة) بتكر والعداد بيحسب والخير للامام انتصح من أخوك انسحب من الانتخابات احسن ما يسسسسسسسسسسسسسسحبوك. ترى هناك مؤامرات دولية تقوم بها جهات امنية خارجية هدفها زعزعة الاستقرار الامني في المنتدى وانت مش قدهم.؟؟؟ وتسلم يا بوثنيان اللي داخل بين النسوان انتبه من الجنان وأكل الباذنجان وانسحب بأمان واطمئنان يا أبو ثنيان . |
اخي في الله السوري ..
عجبني المثل .. يا دخل بين النسوان ما ينوبك الى الجنان .. اياكي اعني فاسمعي يا جارة .. والله يا ابو ثنيان .. لا تزعل نفسك يعني انت شايف شلون الوضع .. شوف يا ابو ثنيان بما انك مسكين وجديد على عالم الطبخ وتعطينا الوصفات ناقصة .. انا رح اشفق عليك واخلي اغاريد تصوت لك .. الخاينة هذي مصيرها تشوف .. وبعدين انا ما احرجتها .. هي اللي احرجتني وقهرتني المصيبة اني قلت لها شي تقوم تسوي عكسه .. ولكن مصيرها تشوف اللي عمرها ما شافته .. وبصراحة كذا انا فكرت اسوي زي بعض الناس واخلي الناس تسجل وتصوت لي .. مادام الدعوة كذا .. بصراحة مرة استغربت من الحركة ويوم كتب الاخ تركي ما صدقت .. ولكن مهما حدث ومهما سويت حملات يا ابو ثنيان .. رح تشوف النصر لنااااااااااااااااااااااااااااا يا جماعة لا تصدقوه يعني الميتين دولار تجيب مطبخ من ايطاليا .. يعني انا وعدتكم بامور مقدور عليها .. صوتولي يا ناس .. |
يااااعيني ،، حملات انتخابيه من ورانا :18: عموماً ،، والله كلكم تستاهلون الفوز ،، لأنكم بالفعل ابدعتوا :17: وخصوصاً اخوي ابو ثنيان ،، كونك الرجل الوحيد المشارك في المسابقه اتمنى التوفيق للجميع ،، واللي مافاز لايزعل لأنّا استمتعنا بكل اللي قدمتوه :22: الله يعطيكم العافيه وإلى الأمام تحيــاتي وتقــديري |
اقتباس:
ام بدر ادعميني من خلف الكواليس وتشوفين ابوثنيان يصدق ويوفي بوعده ولا لا اتمني انك تتبنين فكرة يكون هناك تصويت سري من قبل الكادر الاداري واتمني التوفيق للجميع |
اقتباس:
بنت الموج وما ادراك ما بنت الموج من مميزات الحملة الانتخابية باستطاعتك تعطينا الاسرة اللى ترغبي في اعطاها الهدية ماهو شرط انتي بس اهم شي الدعم والواسطات ودهن العود ماتقصر هي كريمه واحنا نستاهل :22: بخصوص موضوعك ودي اسألك بس اخاف يجيكي تشنج في شعرك >>>>> لاتزعلى امزح :) دخلت بس ماني عارف وش المطلوب مني هي مشاركه او ابداء راى ممكن توضحي الله يعطيكي العافيه ولا تقولى انك تبين تعطيني 50 موضوع اقراها ..... |
اقتباس:
اشكرك على حضورك اولاً واخيراً طبيبة القلوب اخت قبل المنيو وبعد المنيو وتستاهل اكثر من 200 دولار الله يوفقها ماهو عشان تعبها وبس عشان خاطر ام طلعت >>>>>> هذا اسم اخوها الكبير وامها الله يطول بعمرها ويحفظها معروفه باسم ام طلعت :d بخصوص الحملة لاتخاف مسلمه لشركة وهي الراعي الرسمي للحملة الانتخابية وان كنت اعتبر تواجدك هنا بمثابة تجسس :30: بس اسعدني حضورك |
اقتباس:
من اولوياتنا وجل اهتماماتنا هي اسعاد الاخرين بخصوص المطبخ افضل شي يكون خشب زان الا اذا عندك تصميم خاص ممكن ترسلين طلبك على موقع الحملة الانتخابية www.abuthnyain.com.sa :d اتمني التوفيق للجميع |
اقتباس:
السوري كنت اتمني انك تعطيني صوتك بحكم اني خير من يمثل الرجال بخصوص دخولى بين النسوان ، اعتقد ان المسابقه لجميع الاعضاء بدون استثناء ولو تلاحظ وترجع للحقائق ومن الممكن تسأ ل المهتمين والمتابعين راح تعرف بعد دخول ابوثنيان بدات الغيره عند بعض الناس وبدات المشاركات تتولأ على القسم انا كنت متابع للمسابقه وكنت مخطط على شي معين بس تمديد المسابقه لعب دور كبير في تغير المفهوم العام على العموم اتمني الفوز للجميع وانا على يقين مافينا خاسر كلنا ربحانين بخصوص الاخت ام بدر>>>> هي تستاهل دهن العود >>>>>> ماطلبت شي راس مالها مطبخ تامر واحنا حاضرين بنت الموج >>>>> مدري ليه اخاف منها متعاطف >>>>> مدير حملة انتخابيه ناجح الحمد لله انك شايف الوضع وانت قلت موامر دولية شرسه ، انا قدهم وقدود بس اتمني ان الرجال يدعموني على فكره افضل اطباء النساء والولاده رجال افضل الطباخين رجال افضل مصففي الشعر رجال افضل مصممي الازياء رجال افضل من يسوق السيارات رجال |
عاد لكم موقع بعد www.abuthnyain.com وانا مسويه فيها مراقبه وجايه احذف الموقع واقول يمنع وضع الروابط الخارجيه واتره رابط فشنك ..... بانت من اولها ..... ودهن العود تحلم في مطبخ ...ياقلبي عليها خلاص مسامحينك لاتقرى 50 موضوع بس روح شجعنا قول ... يعطيكم العافيه استمرو .... رفع معنويات بس على الاقل يارب تتوفقو كلكم |
ام طلعت .. اخرتها امي صارت ام طلعت ..
عارف يا ابو ثنيان .. لو ما كان عندي محاضرات الحين كان استقعدت .. ولكن انا تأخرت ومني قادرة انام من كثر القهر .. يا جماعة الحين لا احد يقول اني مقهورة عشان مسابقة .. اللي قاهرني شي ثاني بصراحة يعني ما كنت اتوقع .. عموما خليني ساكتة .. تعرفون لما طفل يجلس يتحرى العيد ليلة 29 رمضان ويجلس يجهز اغراضه عشان العيد ويحلم بالعيد يصحى بالصباح يقولو له ما جا العيد .. هو ما يكره رمضان بس اشتاق للعيد .. وصلاة المشهد .. يجي بكرة وهو صاحي يعرف خلاص ان رمضان اكتمل وجا العيد ولكن الفرحة تكون مبتورة في قلبه .. وبعدين يا ابو ثنيان متعاطف ما يتجسس حنا اصلا ما نحتاج نتجسس ما شا الله عليك صوتك يرج المنتدى رج واخبارك منشورة بالسي ان ان .. واخوي في الله متعاطف فوق كل شبهة .. عموما رح ارسل ايميل لأخوي الحين واقوله صار اسمك طلعت .. واشوف ايش رح يصير فيك .. |
ابو ثنيان ..
لا تنكر ان مشاركتي هي اللي حركت النساء يشتغلوا ويطبخوا .. بالمناسبة ايش كان تخطيطك ؟ خلنا نشوف السياسة الثنيانية وش كانت ؟ بالفعل مثل ما قلت يا ابو ثنيان .. كلنا ربحنا .. ولكن .. انا مقهوووووووووووووووووووووووووووووووووووووووووورة |
بنت الموج انا مستعدة اقرأها .. بس صوتيلي واللي يسلمك ..
شفتي كيف الرجال مالهم امان قال احسن طباخين واحسن دكاترة .. يا ناس يا ناس اصحوا .. |
اقتباس:
افا ياطبيبة لايكون انتي زعلانه بعد والله حرام اخرت التعليقات والمزح والجو الحلو ينقلب حزن وزعل صراحه شي يحز في النفس اذا كان اسم طلعت مزعلك انا اسف وش رايك نقول رامي :d :d :d :d طبيبة انتي وغيرك اخت لله في الله وترا والله مجرد مزح وتلطيف جو اتمني انك ماتكونين زعلانه او بخاطرك شي واذا تحسي اني غلطت انا اسف وحقك على يا اخت رامي :d :) :d :) :d |
اقتباس:
ابشري راح نمر ونشجع طبيبة جهزي الطيران والطبول مانبي صاجات ياحبك للشر على طول شطب وحذف |
اقتباس:
مافيكي شك طبيبة انتي ولولو واجنحة الامل ومني وكل الاخوات اللى شاركو حركو المنتدى وكان نحتار مين نختار كلكم رموز واعلام في المنتدى وصدقيني مانستغني عن حضوركم وتفاعلكم بخصوص تخطيطي لا عيوني خلى مدير حملتك الانتخابية ينفعك وسلامتك من القهر كلنا اخوان |
اقتباس:
صدقني زاد تعاطفي معك حتى حد الشفقة ودي تفكر معنا بعقلانية ونسوي تحالف بين المنيو بتاعنا واللي بتاعك وقل للي رشحوك يعطونا اصواتهم ( طبعا راح نتحاسب بعدين ) بس الأهم نقلب الطاولة على البعض ونحقق الفوز وبصفتي مدير لحملة طبيبة القلوب اؤكد لك أنك ستربح معانا الكثير تمام ؟؟؟ خلاص موعدنا الليلة تحياتي |
افا عليك .. والله ما زعلت ..
انت اخونا في الله .. واخ مسكين وفقير توه جديد بعالم الطبخ وكذا فلازم نستحملك .. وانا اخت طلعت .. قصدي وانا اخت رامي .. المصيبة ولا حرف من الاسمين موجود باسم اخوي .. عاد اخوي بالثلاثين تخيلت المنظر .. الله يحميك ويحميه ويحمي شباب المسلمين .. |
اقتباس:
اشكرك على تعاطفك يامتعاطف نتحد ليش لا بحكم ان طبيبة هي اكثر مني اسماء كلم ربعكم خليهم يصوتولى عشان نتعادل وبعدين انا راح اكلم اللى اعطوني صوتهم وبكذا نكون متحالفين :25: :25: بس بدون ما نقلب طاولات :18: ونكسر كراسي :18: انا انتظر ردك عشان اكلم الشباب |
افا يكلم الشباب ..
يعني متوانس معهم انا اعترض .. شفتوا سجلوا يقول اكلم الشباب يعني ما عجبهم المنيو بس عشان هذوله اخوياه وتلاقيه عزمهم على مطعم رشوة .. انا اشجب واستنكر ما يحدث .. متعاطف حاول تسوي شي ارجوك ... |
اقتباس:
الله يا الدنيا ها الحين صرنا جدد في عالم الطبخ ، الله كريم |
يعني يا ابو ثنيان حنا ناس متواضعين ..
أي نعم ما طبخنا بالمنتدى قبل كذا ولكن .. مافي عزيمة تقوم بدون لمساتي الرائعة .. مافي طبخة تقدر تقول عليها لذيذة الا تكون خارجة من مطبخي .. شوفوا انا مارح اقتنع بالنتيجة الا لما نسوي قرعة .. طبعا انا اللي اكتب الاسماء واسوي القرعة عشان انا بصراحة ما اثق في احد .. يعني مع احترامي ولا احد بالله يزعل .. مشاركة رقم واحد .. اصوت لغاليتي .. من جد عصر السرعة .. ان شا الله نشوف المرشحين الجدد دايم بالمنتدى مو بس وقت التصويت .. يا اني مقهورة قهر .. ايش اقول لأولاد اختي .. |
أبو ثنيان
عزيزي ما أدري وش أقولك جماعتنا مو راضين يعطون أصواتهم لك ( يقولون كلام مو طيب بحق المنيو بتاعك ) المهم ..دامك رضيت بمبدأ التحالف خلاص سهلة ..كلم اللوبي اللي عندك ( شباب أو بنات أو أي شيئ حتى لو .....) خلهم يرشحون طبيبة |
السلام عليكم.. أختي طبيبة القلوب ليش مستغربة..!! على فرض إحدى المشاركين متزوجة و أراد زوجها التصويت لها..فسجل بالمنتدى و صوت..عادي بتصير..((أو على فرض صديقتك المقربة أو أمك..أخوك ..أختك)) ..يعني الآن في ناس أول مشاركة لهم و صوتولك..عادي ما بستغرب..أعجبهم المنيو بتاعك.. أنا فعلاً ما صدقت و استغربت من ما كتبه الأخ تركي..بس في عالم شكلها حابة تفوز بأي وسيلة.. و بعديــن الجميــع تعب بالمنيو تاعه..حتى لو كانت الصور منقولة من النت..أو بدون صور و إنت أدرى..يعني الكتابة لوحدها بدها وقت كتيــر..أنا و الله من فوق الأسبوعين و أنا أزبط بالمنيو تاعي و كنت مفكرة المسألة أبسط بس فعلاً متعب..يعني الله يعطي الجميع العافية.. و اللـه يوفق الجميــع.. تحيتي |
اخي ابو ثنيان
افهم من كلامك انك حاسس فيه وانك في صفي ولا تبغى تكسب صوت قولي حتى احدد موقفي اذا كانت الاولى فلا تشغل نفسك انا وطبيبة نتفاهم ترانا زي الاطفال الصغار إلي يضاربو والاهل يدخلو ويسير زعل بيمهم وفرقة ويطالعو للاطفال يلاقيوهم رجعو يلعبو مع بعض ولا كانه شيء سار وانا وهي نتفاهم مع بعض سواء داخل المنتدى ولا خارجه واذا انت ماراح تحرجني لما اصوتلك بس انا راح اخونك يعني في النهاية انت الخسران وان شاء الله ربي يفرح طبيبة القلوب وتفوز ويفرحو اولاد اختها ونشوف كيف حتوزعها عليهم كلهم راح يطالبوها حساب للدعوات إلي دعولها هي والتصويت إلي من ناحيتي ومن جيراني انا احاسبهم عليه |
اجنحة الأمل .. غاليتي ..
لو الدعوة البحث عن الفوز ترى اسهل شي الواحد يسويه .. وعلى قولتك اخلي احد من اهلي يسجل ويصوت لي مشكلة يعني .. ولكن ايش فائدة انه يدخل يسجل ويكون النك هذا ما يظهر الا وقت التصويت .. وعلى العموم حبيبتي انتي لو تقري الكلام تشوفيه وتفهمي انه مزح .. بس كان ودي ان المسابقة تصير زي المسابقة الثقافية .. تعرفي الاعضاء اللي يصوتوا لك تفخري ان هذا صوت لك وهذيك صوتت لك .. لأنك تعرفيهم وتعرفي اسلوبهم وتحاورتي معهم .. فجأة كذا يدخلوا ناس جداد ويصوتوا ما ادري عموما بالتوفيق اختي الكريمة .. عموما هي امنية ولم تتحقق .. واغاريد زعلت مني عشان قلت خاينة يعني الظاهر ان المزح الزايد عن حده يخلي الناس يزعلون مع اني قلتها بصفاء نية .. انا عارفة مين ورى كل هذي الضجة ... كله من بودنج البرتقال حق ابو ثنيان |
نعم أختي كلامك مزبوط..و لسا اليوم كنت بحكي عاملين ضجة غير شكل..و بقول مسابقة عالم الثقافة كانت غير.. هو المزح كان تقيل شوي و في ناس ما تتحمل هالنوع من المزح!! و بالفعل لو فاز الشخص بأصوات من أعضاء فعلاً أعجبوا بما قدمت..بتكون الفرحة أكبر بكتير من إنه يكون عن طريق الأهل و الأصدقاء والجيران ووو :d بس برضوا هالأعضاء الجدد اللي صوتوا ..يمكن سجلوا بالمنتدى شافوا هالمنافسة القوية و قرروا يشاركوا..يعني في كتير أعضاء بنعرفهم بالمنتدى بس ما شاركوا.. على كل حال بالتوفيق لنا جميعاً.. تحيتي |
لا مازعلت وبعدين انتي مو دائما تقوليلي اني انا يائسة من الدنيا
ولاني يائسة ماراح ازعل عاجبك كذا يعني حتى الزعل مستخسرته فيه ليش كذا الدنيا بتقسى عليه |
سلالالالالالالالالالالالالالالام.........
شباب هدوا اللعب !!!وش فيها المسابقه قلبت طقاق حريمي ..صراخ ودموع!!! حرام عليك يا أبو ثنيان لعبت في حسبة البنت ... :20: القهر اذا في النهايه لافزت أنت ولا طبيبة القلوب :23: |
| الساعة الآن 03:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©