|
هل يتعمد اثارة غيرتي ام ماذا وكيف اتصرف معه ؟
كيف تتصرف الزوجة في هذه المواقف
اذا تعمد زوجها اثارة غضبها وعندما يشاهد صورة ممثلة او فنانة في التلفاز يمتدح جسدها امام زوجته ويتغزل بها اذا قال لها انني ساخرج مع فتاة اليوم ويالها من جميلة جدا اذا وضع صورة فتاة شابة وجميلة بلبس مغرى على خلفية جواله اذا اذا من هذه الامور هل هذا صحيح ام انه يتعمد اثارة غضبها واستثارتها وهل يتوقع منها ان تصرخ في وجهه وتزعل وتعصب ام تكون هادية وتتجاهل الامر وبالنسبة لكل موقف كيف تتصرفون لو كنتوا انتم مكانها ولم يفعل هذااااااا ؟؟؟؟؟؟؟؟؟؟؟ |
:28:
|
انا عن نفسي اكيد راح انقهر بس ماراح ابين له
وازيد من تزيني وتجميلي واغير في شكلي واذا استمر الحال بعد هذا كله وقتها اعصب واخانقه واوقفه عند حده واخليه يعرف انه متزوج انسانه لها شعور واحاسيس |
بسم الله والحمدلله والصلاة والسلام على رسول الله اختي ام فرح يجب على الزوجة ان تكون باجمل زينتها عند لقاء زوجها وان تسعى دائما لان تكون في نظره هي المميزة بكلامها وطريقة اسلوبها ومعاملتها ودلالها عليه وغنجها يجب عليها ان تراعي هذه الامور حتى لا ينفر الزوج من زوجته ويسعى الى الزواج مرة ثانية اقتباس:
اقتباس:
ما عليها ان تصرخ بل عليها اخذ الامر بكل هدوء ولين وتصرف حكيم اي تتزين له وتتدلل عليه بكلامها وطريقتها ولبسها والا لماذا هو متزوج حتى يعف نفسه عن الحرام تحيتي |
احترم كل ردودك
بس بدا الشك يراودني ويمكن انا صحيح مقصرة في حقه بس ما اعتقد والله لكن يمكن كل شئ جايز والله الرجال ما يعجبهم العجب في ها الزمن مهما سوت لهم الزوجة يقوولون مو كلهم وولكن اكثريتهم بالتاكيد |
اولاً اختي الغـاليه ،، الف مبــروك الزواج ،، اســأل الله لك التوفيق ،، طبعاً الأخوات ماقصرو ا ،، واتفق معهم في طرحهم انتي لاتتركي له اي مجال انه يطالع غيرك ،، البسي وتدلعي واعطيه كل كلمه حلوة ،، دلعيه وحسسيه بأنه اهم مافي حياتك وحسسيه بأنك افضل من اللي يغايرك فيهم ،، وإذا عمل هالحركات ،، فبالتأكيد يريد اثارة غيرتك ،، لكن ،، نصيحه مني ولوجه الله تعالى لالالالالالالالالالا توضحين له انك تغارين عليه ،، ونفس الوقت لاتهمليه لأنك لو عصبتي على الصغيرة والكبيرة ،، تتعبين نفسياً ( وكما قلتي لن تفارقك الشكوك )،، وهو نفسه راح يمل من غيرتك عليه وتصير مشاكل انتم في غنى عنها يعني باختصـــار ( طنشي ) وصدقيني فترة من الزمن وبينسى هالحركات هذا رآيي والله اعلم تحيتي وتقديري |
السلام عليكم اختي ام فرح,,,,
باختصار زوجك يحبك ويموت فيك ومولاقي منك الشعور المتبادل علشان كذا يحاول لفت انتباهك للعلك تبينين غيرتك عليه ويحس فيها حبيبتي ام فرح يمكن انتي من النوع الي يمسك اعصابه وصبور وزوجك ينتضر ردت فعلك علشان يرضي غروره وهاذولا هم الرجال ,,,,, نصيحتي اذا كان كلامي صحيح حاولي تبينن غرتك عليه وانك تموتين فيه ولا تتحملين تشوفينه مح احد غيرك حتى لو كان الوصول اليه صعب مثل التلفزيون... طبعاهو راح يزيد من افعاله شوي علشان يتاكد من حبك ويرضي غروره عليك بالصبر في هاذي الحاله لين يمل وصدقيني لو كان كلامه صحيح ونابع من داخله ما بين لك الرجال الي عنده هالسوالف مايبينون لحريمهم والله يسعدك,,,,,,,,,,,,, |
اختي زوجك يحبج واااايد بس يبغي يقهرج
يبي يحس اش كثر هو غالي عندج تحيااااااتي |
جربي تحطين صوره ممثل او مطرب على جوالك او جربي تمدحين اي رجل يطلع بالتلفزيون اذا كانت رده فعله سلبيه .......تفهمينه انك تسوين مثل ما يسوي هو .....و اذا كانت هذه رده فعلك فما بالك بي......انتي ما تمدحين الممثل او المطرب لحبك له و لكن لتوضحي لذلك الزوج السفيه بان هذه ليست الطريقه الصحيحه حتى يقيس بها الزوج غيرة زوجته عليه.....
والله يوفقك دوووووووت |
كل هذا ما يهم تقدرين إنتي تغيظينه بعدم اللامبالاة,,,
وبالمقابل تزيدين من دلالك لنفسك,يعني أنا أحلى منهاوأجمل منها,, وإذا كنتي متينه والفنانة أو العارضة ضعيفةقولي:يالله العافية الحمدلله نعمة ربي مبينه فينا مو مشل هالعصي إللي تتمشى(( ومن هالكلام)) بس يحط صورة فتاة متعرية بجواله,أهدده إني أكسره وإللي يصير يصير,,, هذا رايي الشخصي مو تتهاوشون مع أزواجكم بسببي. |
اختي الحبيبة أم فرح
أنا متأكده انه فقط يريد أن يثير غيرتك..وربما لكي ينبهك بطريقة اسهل من أن يقول لك لأمام وجهك انه يريدك أن تتغيري من ناحية لبسك..أة تغيري تسريحتك..أو ما شايه ذلك..وهذا يدل أنه مهتم بك ويريدك على اكمل وجه.. متمنياتي لك بالسعادة والتوفيق |
كيف تضع صورة مطرب
قل للمؤمنات يغضضن من ابصارهن و يحفظن فروجهن سورة النور
اعتقد انه بالمثل تقول له يا زوجي انا و الحمد لله مسلمة و ما يصير اني انظر لرجل غريب لان هذا يضايقك قطعا و كما يضايقك اني انظر للغريب و اتفتن في جماله لا يصير تفعل نفس الشئ ذكرية ان علي المسلم كما المسلمة غض البصر |
والله في رايي يااختي ان زوجك يبي يتدلع عليك ويشوف مدى غلاه عندك والظاهر انه ماعرف يختار الطريقة الصح بس انا انصحك انك اتحاولين قد ماتقدرين تهديين بالك عليه ... حاولي اتنوعين من نفسك كل يوم طريقة غير عن اللي قبل وعاد لاتنسين الدلع ثم الدلع على شويه تغلي على رقة على كلام حلو وعسل وإنشاءالله بيتغير ... يمكن هو يحس بنقص منك عشان جذي يحاول يلفت انتباهك بطريقة او اخرى ... :11: خلك الاحلى في نظره وهوه اللي بيحس بالفرق بإذن الله ... بس لاتحسسينه انك قاعدة تتغيرين عشان تصرفاته عشان مايزيدها عليك |
كلاامكم حلو
عموما انا احاول اكون هادية بس مادري ها الشئ صح ولا غلط وهل التطنيش مفيد في ها الحالات ام لالا يمكن يزيد من تصرفاته وشو انا مو ماليه عينه مع اني مو مقصرة عليه بشي ومهتمة بنفسي والحمد للله بس بحياتي ما فكرت اسوي مثل ما هو يسوي ابد لأني أحبه وأخاف على مشاعره |
:29:
|
أنا أقول تهتمين بنفسج مثل ما قالو وهم مثل ما قالو إذا مدح وحده قوليله هذي لبسها بهالسعر وشعرها مسويته بهالسعر وصبغتها بهالسعر عطني وأنا أصيرلك أحلى منها .. :22: وكل ما يمدح وحده انتي مدحيها معاه ليما يمل :) ... :25:
وأنا أقول ما تمدحين رياييل جدامه صعبة ترى احتمال يكبر الموضوع :14: لي اخر شي خلج انتي الزينه وانتي الي معاج الحق .. ماادري اشوف جذي اضمن لج عن المشاكل وعوار الراس وتبطلين لج باب ثاني ... :11: |
| الساعة الآن 06:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©