|
اتخنقت من كتر التفكير .. أنا صح وللا غلط
أنا خلاص لم أعد أفهم بنات حواء
مش عارف هما عايزين إيــــــــــــــــه من الرجال أولا:- خطيبتي يا جماعة بقالي شهرين خاطب ولحد دلوقت لم أسمع منها كلمة بحبك إلا مرة واحدة فهي لا تستطيع أن تقول هذه الكلمة ولا أي نوع من الكلام الحلو فقط محتفظة به داخلها لي وتقول : كل الكلام أنا مدخراه لبعد الزواج ثانيا:- أنا مهتم بها جدا أسأل تملي عليها ولما أزورها بقعد معاها وأقولها أجمل الكلمات وساعة ما أطلب منها تقول الكلام الحلو تقولي لا تطلب مني ذلك وأنا سأقوله لوحدي ثالثا : وده الأهم جداااااااااا أنا خايف يكون اهتمامي بها ده له أثر سلبي على شخصيتي لأني سمعت كتيير أوىىىىى إن البنت بتحب الرجل التقيل وليس ( المدلوء ) عليها فأنا أتغاضى عن عيوبها الناتجة من خجلها عشان أتجنب المشاكل ونعيش مع بعض فترة الخطوبة اللي المفروض هي أحلى فترة في حياتنا معا لكن هل اهتمامي بها واهتمامي بأن تكون معي باستمرار وكلامي الحلو ليها وهزاري ده سيؤثر على شخصيتى بالسلب فعلا لإن يا جماعة بصراحة كتير من الناس قالولي إنها وثقت من حبك خلاص وشافتك هتتجنن عليها عشان كده بتتجاهلك لإنها عارفة إنك متعلق بيها ومش قادر تستغنى عنها فما الحل يا جماعة ؟؟؟؟ هل أعاملها بنفس أسلوبها وأكف عن الكلام الحلو والإهتمام بها كثيرا ؟ أم أستمر على طبيعتي ( إذا كان ما حكيته لكم عادي في البنات ودي طبيعتهم كلهم ) وأجعل الأمور تمشي زي الأول وأكتر ؟؟؟ ردوا عليا .. اتخنقت من كتر التفكير |
أنا عايز ردودكم يا جماعة فيها حلول ناجحة لمثل مشكلتي وتكون مجربة ونتائجها هايلة...... ولكم جزيل الشكر
|
بسم الله الرحمن الرحيم
اللهم صل على محمد و ال محمد السلام عليكم اخي الفاضل قبل اي شيء ، هل تم عقد القران بينكم ام انها فقط خطبه؟؟ اذا تم كتب الكتاب فالف مبروك و تمنايتنا لكم بحياة سعيده و اما اذا كانت فقط خطبه فانك مازلت اجنبي و لا يحق لك ان تجلس معها او تتكلم بكلام الغزل الا بعد عقد القران |
انا رأيي تثقل شوي
خفف من الكلام ومن الزيارات ومن اهتمامك ... وشوف اذا انتبهت ولا ضاربتها طبنجة على قولتكم يالمصريين؟؟ ومن ناحية انها تخجل تقول كلام حلو فهذا فعلا الحقيقة لأن البنات تخجل من هالكلام خصوصا ان هذا راح يكون زوجها وفي مجال يتأجل هذا الكلام حبتين ... أنت لاتستعجل على رزقك .... وخفف زي مانصحتك ...<=====نصيحة مجرب بجد ... انا زوجة ومررت بفترة الخطوبة أختك قصيميه |
أخت قصيمية عايز أقولك حاجة .. خطيبتي تحبني جدا .. وساعات لما بنبقى لوحدنا بنبقى في قمة الرومانسية ، بس ده بالتعبير فقط وليس بالكلام .. فهي لا تعبر بلسانها أكثر ما تعبر بأفعالها وتعبيراتها
|
السلام عليكم ورحمة الله و بركاته
بص يا باشا الحاجه اللى فى منها كتير ........مانزعلش عليها لو تطير ياعنى حواء ( عن تجربه ) تتقل معاها من الأول تدوب فيك من الأول للآخر أما تبعتر نفسك معاها من الأول ( عن تجربه) تتقل عليك و لما تقولك بحبك يبقى المفروض تعملها تمثال 1/ لا تهتم بها لفتره يا أبو الفراعنه .........و خليك بااااااااااااااااااااااااااااااااااااااارد تلاجه 2/تقولك إزيك قولها إزيك ....و بس مش أكتر من كده 3/ هى :- مالك ساكت ليه ؟ أنت :- لا عادى و كمل كلام مع حد من قرايبها 4/ خطيبتك من النوع العقلانى .....هتتقل أكتر ...... لو بتحبك فعلا ( إن شاء الله ) ......هتلاقيها بتكلمك و الله العظيم عن تجربه الخطيبه الأولى / نفس طريقتك ( رومانسيه طاغيه ) منى طبعا و العمل معها بمبدأ الإقناع .....( باظت ) ليه ؟ عملتلى فيها هدى شعراوى فى زمانها ........العبد لله يعمل إيه بعد كل المحولات أسيبها !!!!!!!!!!!!!!!!(ليييه) على شان بدأت أوصل للسيادتك هتوصله كمان مقابلتين و هو إن إنت بأيت الطرف اللى يتحايل و يراضى و ده دور حواء و هم يموتوا فى الراجل إاللى يجروا وراه بس ما يطنشهومش .....يحن عليهم و يحتويهم الخطيبه التانيه / بال.......... من الأول أول ما فكرت فيها و إستخرت ربنا و ربنا يسر .....بعتلها طوب الأرض يقولها إنى أخنأ راجل خلقه ربنا / عصبى/ بارد / مش رومانسى بالمره ( مع إنى و الله بحب على نفسى من 3 إعدادى/وهادى جدا / ومش عصبى إلا فى حدود الأدب ) النتيجه إيه موافقه .....خطبتها / كنت أتكلم بحساب و الحياه عندى ثواب و عقاب لآيت صحبتنا بدأت تزهق بدأت أنا أفك شويا شويا ...............أنا دلوقتى ما أضرش أستغنى عنها هى كل حاجه ببساطه إتقل يا أبو الفراعنه بالله عليك على شان تنقذ حبك و إياااااااااااااااااااااااااااااااااااااااااااااااا اااااااااااك تضعف السلام عليكم ورحمة الله و بركاته |
أخي العضو الكريم
أولا اوجه لك واخوني الاعضاء اصدق التحية ثانيا :- مشكلتك دي نفس مشكلتي بس انا الطرف التاني في مشكلتك ممكن أقولك ايه اللي ممكن بيكون بيدور في دماغ خطيبتك أو بمعني اصح ايه اللي بيمنعها من الكلام معاك عن تجربة زي ما طلبت انا برضه مخطوبة وعن قصة حب عمرها 5 سنين دلوقت رفضت اي حد علشانه بس طيلة الخمس سنين مفيش اي نوع من انواع التعامل الا السبع شهور الاولي بس لان كانت تربطني به علاقة عمل وكان شغل وبس ومش عايزة اقولك اد ايه حبي ليه كتبت فيه شعر لكن برضه بواجه معاه نفس مشكلتك مع خطيبتك لسبب بسيط الخجل واللي اكيد وفي المقام الأول بكون سبب لكدا وعلشان كدا بقولك ياريت تطول بالك عليها اكتر ادفعها للكلام بانك لما تقولك كلمة ولو بسيطة اهتم بالكلمة دي حسسها انها فعلا فرقت معاك كتير مش مجرد كلمة قالتها سعادتها لاهتمامك بكلامها دا هايخليها تقولك اكتر بس تطول بالك اما بقي لو حصل وانت تقلت عليها زي ما احد الا عضاء اتفضل وقال لأن خطيبي عمل نفس الشئ وكانت النتيجه ان انا بعدت أكتر لسبب بسيط اني حسيت انه مش مهم كلامي معاه مش هاتفرق اتكلمت اولا او تقدر تقول اني فسرتها علي اساس انه خلاص اتعود علي طبعي كدا ومتكلمتش غير في نطاق العادي والعادي جدا اللي ممكن اتكلم مع اخويا او حد يكون قريب ليا فيه وكلامي فيه بتحفظ وكمان بيكون دلوقت انا هاطق وهو مش عايزة اقولك بيشتكي فعلا من بعد المسافة اللي حصلت بيننا لحد بقيت بتوصل دلوقت لمكالمة التليفون لا تتعدي السؤال عن الاهل فياريت تتعامل في الموقف بحنكة شوية وجايز تكون من النوع اللي يحبك تقوله مثلا قولي كذا تقوم بخجلها مثلا متقولهاش بتبقي عايزاك يعني زي ماتقول تطلها تاني فعادي طول بالك علي اد ما تقدر وتاكد انها بتحبك لانك وبعدين عايزة اقولك حاجه في اعتقادي الشخصي ان مش كلنا بنقدر نعبر بشكل كويس عن حبنا لكن الاكيد اننا بنحب فنصيحة مني بلاش تبعد وتقول اتقل عليها علشان تفكر وكلام من دا لاوالف لا كمان هي هاتتعود انك بعيد وانت هاتتعود علي كدا والنتيجة هاتبقي مش كويسة بالمرة دا رايي الشخصي ولك حرية الاختيار تقبل تحياتي |
اذا كنت متأكد من حبها لك . متأكد تماماً ، فمايهم انها تقول كلام حلو ولا لأ
لانها لو تحب صحيح راح تقول كلام حب عاجلاً او آجلاً . اهم شي تتأكد من حبها لك |
نفس مصيبتى مع خطيبتى
|
اخي الكريم
مرات كثيره تظهر المرأه حبها بطرق اخرى غير الكلام احتمال نظرات حركات اشتياقها لك لهفتها على ملاقاتك ورؤيتك توددها اليك بطرق مختلفه اتصالات هاتفيه وغيره اثقل عليها شويه ابخل عليها بكلمات الحب ؟؟؟؟؟؟والاشتياق |
اخي الكريم المشكلة انه احنا البنات بنخاف من التصريح عن مشاعرنا لان بعض الشباب بيعتبروها خبرة غير مرحب فيها هذا من ناحية و من الناحية التانية بنحب نأجل هالمواضيع لبعد الزواج لان النصيب الفعلي بيد الله و البنت الجد بتعتبر انه لو لا سمح الله ما صار نصيب و هي كانت تعبر عن مشاعرها بالهمس و اللمس هذا يعني انها فقدت عذريتها ليس بالمعنى الفعلي بل المجازي و علشان هيك بتبقى البنت خايفة و متحفظة طول فترة الخطوبة و ان شالله لما بتنجمعوا سوا في بيتكم راح تلاقيها نهر متدفق من الحنان و الرقة و الحب و انا بقول هالكلام من واقع تجربتي الشخصيه
|
يا جماعة عايز أؤكد لكم على حاجة مهمممممممممممة جدا
هي إن خطيبتي بتحبني جدا وأنا تأكدت من ذلك عدة مرات حتى إني في مرة فتحت دفتر محاضراتها للاطلاع فلقيت اسمي ده في أغلب الصفحات ترافقه كلمات الحب و شعاراته وأغانيه غير إنها بتعبر عن حبها بالفعل وليس بالكلام أنا بقصد من كده إن حالها ده معايا مش ناتج عن عدم حب أو حاجة تانية لا .... بل هي في كل مرة بتحاول تزعلني علشان تشوف رد فعلى وهي اللي تجري ورايا لما أزعل عشان تصالحني لقيتها بتحب كده بتحب تزعلني عشان تجري وتصالحني يااااااااااااااااه عشان كده بقول لكم مش فاهم ليه كل الحكايات دي ليه منبقاش زي السمن علىالعسل على طول ونتعامل مع بعض على طبيعتنا شوفولي حل أقنعها به وتبطل كل اللي بتعمله ده بعد كده هههههههههههههههه معلش .... إوعوا تكونوا مليتم وزهقتم استحملوني و ردوا عليا وجزاكم الله خيرا وسخركم لنفع غيركم تيتو.... |
الله يعينك عليها
وعليك ان تصرحها وتقول لها انك يجب ان يكون بينكم فترة مشاعر حلوة فى حدود الاحتارم والحب والاخلاص تحياتى لك |
السلام عليكم ورحمة الله وبركاته ليه يا جماعه كلكم اتعملتوا مع الموضوع ده على انه تقل من البنت او مشكله ليه مايكنش ده طبع البنت فى ناس كثير جدا طبعهم قلة الكلام وانا نفس الموضوع قليلة الكلام مش معنى ده انى مش بحب جوزى وعاوزاه باستمرار هو اللى يحايل ويراضى لا معناه ان ده طبعى ربنا خلقنى بحب اسمع اكثر من انى اتكلم 00000000وانا برده جوايا مشاعر حب كبيره واحترام لجوزى وفى ايام كثيره جوزى باسلوبه الحلو الهادى المتفهم لشخصيتى قدر يغير كثير من اسلوبى واصبحت اتكلم معاه فى الحب والرومانسيه والحياه كل ده من اسلوب جوزى الراقى 00 الراقى جدا معايا فارجو منك انك تتفهم طبيعة خطيبتك وتحاول انك تغيرها واحده واحده بالصبره مره وبالحب مره وان شاء الله هيكون فى نتيجه حلوه ترضيك اذا كنت انت بتحبها فعلا 00لان الحب بيعمل المعجزات ياما سمعنا عن ناس كثير جدا كانوا طبعهم وحش جدا وفيهم طباع زى الزفت لكن الحب الحقيقى غيرهم 00فارجوا منك المحاوله وراى ده عن تجربه انا شخصيا مريت بيها وكانت تجربه ناجحه00اختك فى الله ام نانسى
|
ماذا تقولون في خطيبتي اللي من كتر خجلها تخجل تيجي وتسلم عليا أمام الناس أو أمام أهلها
وده حصل فعلا بالأمس لما كنا رايحين حفل خطوبة لأحد أقاربها نزلت من بيتها ... سلمت على كل الموجودين تحت من أقاربها .. ولم تسلم عليا مشت مع قريباتها البنات اللي من نفس سنها .. وأنا مشيت مع أخوها وأبناء عمها لاحظت إحدى قريباتها ده فلامتني إني ليه مش ماشي معاها .. وتقول المفروض إنك تروح وراها رديت وقلت : ليه ؟؟؟ المفروض هي اللي تيجي وتمشي معايا دي حتى مسلمتش عليا !! فنادتها قريبتها وخلتها تمشي معايا وأنا لم أنطق بكلمة واحدة معها هل أخاصمها .. هل أحاسبها ؟؟؟؟؟ أم أطنش وأرمي من وراء ظهري وأحسسها إني مش مهتم بيها برضه وكأني مش محتاج إنها تمشي معايا ؟ هههههههههههههههه عذرا .. من كتر الخنقة بضحك ردودكم ............................................ بسرعة.............. |
كيف تتعامل مع مثل هذه الفتاة؟؟؟؟؟
تريد رجلا قاسيا عليها وتريده يضربها بعد الزواج إذا غلطت
لما تشوفه زعلان منها تفرح وتبقى مبسوطة تريده يغار عليها تريده تقييييييييييييل عليها تريده لا يقول أي كلمة غزل فيها تريده يلح في طلبه لجلوسها بجانبه تريده أن لا يلح في أن تقول له بحبك إلى أن تقولها بمفردها تريده لا يشتكي منها لأهلها إذا حدثت بينهم مشكلة بل الحل يكون بينهم هما الإثنين فقط تريده لا يكثر من الكلام دي خطيبتي يا جماعة هل ما تطلبه ده عادي وللا دلع بنات وهل فيه بنات كده وإذا كان هناك بنات كده أتعامل معاها إزاي في ضوء ما ذكرته من طلباتها وطباعها |
وعلى فكرة الحب بيننا موجود وحقيقي بس تقريبا دي أحلامها مع الإنسان اللي بتحبه
في حين أنا بغير عليها بقولها كلام غزل في شكلها ولبسها وذوقها بقولها بحبك تملي أحسسها باهتمامي بها ( يعني مش تقيييييل ) بتكلم معاها في أي شئ يخصنا وساعات كمان بلعب معاها |
تم دمج الموضوعين |
السلام عليكم
هي صح .. انت غلط .. لــــــــــــــــــــــــــــيه ؟؟ .. كدة .. أنا معها على طول الخط .. وأنصحها .. وأنصح كل بنت .. أن تكوني حريصة في مشاعرها إلى ما بعد الزواج .. مين عارف .. سبحان الله .. ممكن أي شئ يحصل .. بعدين .. إياك أن تطلب منها انها تقولك " بحبك " .. ده غلط .. راح ييجي اليوم اللي تشبع من هالكلام وتزهق منه .. أنت متأكد من أنها تحبك .. يكفيك هذا .. على الأقل الآن .. وفقكما الله لما يحبه ويرضاه .. ومبروك إن شاء الله تحياتي |
بسم الله والصلاه والسلام على اشرف خلق الله0 اخى الحبيب مررت مثلك بتلك التجربه وصدقنى واكثر من ذلك ايه يكون السبب فى الجفا من ناحيتها اسباب كتير بس الى انا متاكد منه انها تحبك اكتر منك انت نفسك هى بتلتهف الى لقائك اكتر منك وبتعد اللحظات حتى تكون الملكه المتوجه على عرش قلبك وسيدت بيتك اياك والجفا منك حتى لا تدمى قلبها الرقيق وتصيبه بالجرح بين جوانبه استمر على اغداق الحب عليها واشملها بحبك وكثر من حنانك تمتلك قلبها وارضى لنفسك ما تناله منها الان فهى لن تنسا ولن تتذكر الا حبك فتذوب المسافات بينكم فصتصبح كمن ذاقت العسل ولن تنسى طعمه ولن ترضا هى عنه بديلا اجعل من حبك العسل الذى ترتشفه ومن نفسك الدنيا التى لا غنا عنها ولن تحسب عليك صدقنى بل ستحسب لك وبعد الزواج لن تظل الا رجل مازال يمضى شهر العسل مع عروسه مهما طال الزمان ومضى على زواجكم تذكرنى بعد زواجك واتمنى لك السعاده واسئلك الدعاء 0 واخر دعوانا ان الحمد لله رب العالمين0
|
يا جماعة
من خلال ردودكم على مشكلتي لقيت أنكم في صف خطيبتي يعني طالما بتحبني وأنا متأكد من كده إذن كل ما يحدث المفروض أن أطنشه وأعيش حياتي ؟؟؟ مش قصدكم كده ؟؟!!! فهل أرجع أتكلم معها وأعيش حياتي عادي خالص وكأن الموضوع لم يكن ؟؟؟ أم أتقل عليها وأطنشها عشان تجري هي ورايا شوية ولما يحصل كده أعاتبها ؟؟؟؟ ردوا عليا بسرعة وصدقوني اللي هتقولوه النهاردة هعمله بكره عشان أنا راح أشوفها بكره وبعده وبعده والجمعة إن شاء الله في زيارتي الأسبوعية لها شكرا |
اخي الكريم واضح ان خطيبتك انسانه خجولة و يمكن تكون اول بنت اتخطبت عند اهلها لذا تكون متحفظة امامهم خوفآ من انتقادهم لها او لك و صدقني هذه الانسانة نفسها راح تخليك تزهق من كتر الحب و ملام الحب و يا رب وقتها ما تتغير انت و كل اللي عليك انك تشد حيلك و تستعجل بالزفاف
|
| الساعة الآن 10:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©