زواج الصغرى قبل الكبرى
 

السلام عليكم
اخي الكريم الاسلام لم يقيد زواج البنت الصغرى بزواج البنت الكبرى ولكن هناك جهل من الناس واعتقادات خاطئة . فما ذنب الصغرى تحرم من الزواج بينما الكبرى لم يكن لها نصيب . هل نحن بحاجة إلى عدد عوانس أكثر مما هو حاصل الان . أم هل ندفع البنات للإنحراف بسبب منعهم من الزواج . فعلى ولاة الأمور الخوف من الله في بناتهم وان لا يعرقلوا زواجهم بسبب هذه المعتقدات التي ما أنزل الله بها من سلطان فقد قال صلى الله عليه وسلم ( إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفاسداً عريضاً ) أو كما قال عليه أفضل الصلاة والسلام . فلنجعل هذا الحديث نصب اعيننا ونتمسك بما جاء فيه .
واتمنى لكل الفتيات التوفيق والسداد والستر والعفاف
كما هي أمنيتي لكل شاب
ودمـــــــــــــــــتم

badr

هذي قضية إجتماعية لا زالت موجودة

ولها رواسب نفسية وإجتماعية كثيرة

وبما إني مالي أخوات بالتالي ما عندي رد

بس الموضوع فعلاً رائع ويستحق أن يأخذ حقه من النقاش والتثبيت



يثبت

ليلـــــ Lilac ــــــــك

ما كنت اعرف ان المشكله هذي باقيه في بعض البيوت مانتهت لكن المشكلة اللي اعرف انها موجوده للآن وكثير من صديقاتي يعانون منها هو ان عاداتهم ماتسمح انهم يزوجوا البنت من عائلة مختلفة ,,, فأما يكون ولد عمها او احد الذين يحملون نفس اللقب.......
لكن والدي دائما يقول النصيب الاول للبنت لايرد.... وانها الفتنة اللي اخبر عنها الرسول ,,,,
فأذا جاء نصيب اي بنت فلتتزوج وليبارك لها الرب فلماذا تعقيد الامور...
تحياتي

انا أجاوب على السؤال
نعم أتقدم لخطبتها فما الذي يمنعني من ذلك
ليس هناك نص من الكتاب أو السنة يحرم أن أخطب الفتاة التي تناسبني ولو كان لها اخت اكبر منها لم تتزوج
اتمنى ان اكون على حق وان اجد تأييد من الأخوة الكرام
وتقبلوا تحياتي

السلام عليكم ورحمة الله وبركاته

انا عن نفسي عانيت من هذي مشكلة فأنا الثانية بين اخواتي

وكلهن متزوجات ولله الحمد..... وانا فرحت لهن واتمنى لهن السعادة.... وليس لي الحق بان ارفض زواج اختي الصغرى واربط مصيرها بمصيري

لكن الاحساس بالضيق والوحدة يصاحبني دايما عندما ارى اخواتي اصغر عني متزوجات وانا جالسة بدون ونيس .....

لم اشعر بالضيق او بالوحدة ابد عندما تزوجت اختي الكبرى كنت فرحة جدا جدا.... لكن بمجرد من انتهى مراسم الزواج اختي الصغرى بدأت بالبكاء ....... ولا زلت بين فترة وفترة ابكي

للاسف هذا المشكله قديمه جدا ولازالت الان في بعض البيوت وخاصة القرى
البنات نصيبهم ينزل من رب العالمين قد تتزوج الثالثه او الرابعه قبل الاولى اذا جاءها النصيب مثلا عندنا في البيت تزوجت اختي الثالثه وبعدها الثانيه وبعدها الاولى ...

وش ذنب الصغيره تنظر لين مايجي عريس لاختها ممكن ينقطع نصيبها بعد زواج اختها الكبيره ومايجيها عريس ....

وهذه قصه حصلت لاحد معارفنا ...

عائله فيها ثلاث اخوات بين كل وحده واللي اصغر منها سنتين
تقدم واحد وخطب الثانيه رفض ابوهم مع ان اللي تقدم انسان خلوق مشهود له بالصلاح وتحجج بزواج الكبيره اولا اتزوجت الكبيره وعمرها 25 وبعدها بخمس سنوات تزوجت الثالثه والحين الثانيه عمرها 27 سنه وقاعده مع ابوها في البيت ....

الحين النبت الثالثه والاولى اتزوجوا وش ذنب الثانيه في اللي حصل مش لو كان زوجها من اول ماكان احسن لهذا البنت الضعيفه تشوف اخواتها كل وحده في بيت زوجها الاهي قاعده عند ابوها ...

اخيرا كل بنت حصلها نفس مصير البنت الثانيه وش يكون ردة فعلها تجاه ابوها

المسالها كلها نصيب وكتبت ربي والحمدالله على كل حال
هو يعتمد على طلب الخاطب اذا راغب بالكبيرة او صغيرة او الوسطيه طبعاا الوالد مهب معارض
اما اذا جاي منغير تحديد فدور الوالد هينا بيتوجه للكبيره .....
يعني زبدة هو الخاطب وطلبه
واذا الصغيرة تزوجت والكبيره عادها اكيد خير لها وكل تأخيرا فيها خيراا
والحمد الله على كل حال وربي مايكتب الا الي فيه خير
والله يرزق كل بنت راغبه لزواج النصيب الطيب
وقرررررررريب انشالله

.

لماذا لا نكون متوسطين
 

أنا لا أوافق ولا أمانع على إطلاقه
فالنظر لنفسية الكبرى أمر مهم ومع ذلك فليس من حق الكبرى أن تتشرط حتى إذا ما عنست وعنس من تحتها وافقت وقد ترك القطار أخواتها حيث أعرف أسرتين من أقاربي الكبرى تشترط حتى بلغت فوق الثلاثين وتحتها ثلاث بنات متتاليات ثم تزوجت وبقين هن ضحية تشرط أختهن الكبرى
ولذلك أقول يعرض الخاطب الكفؤ على الكبرى فإن رفضت قيل لها سنعرضه على من تحتك وبهذا نكون قد كسبنا الحسنيين فإما أن تعيد النظر في قرارها وإما أن توافق على زواج أختها بخيارها

السلام عليكم ..
طبعا وجهة نظر ككل اللي شاركوا صحيحة مئه بالمئه ..
بس اغلبهم من الشباب .. اللي مستحيل ينحطون في موقف مثل كذه .. فأكيد هم ما يعرفون وش رح يكون وقع هالشي على نفسية الاخت الكبيرة ..
رح يصيبها بإكتئاب و رح تتحطم نفسيتها بشكل كامل .. لان مجتمعنا ما يرحم .. ولا يترك اي احد في حاله .. و ما رح تسلم من كلام الحريم ..
اعرف كثير بنات .. الله يستر عليهم بأزواج صالحين يسعدونهم .. بس من يوم تزوج اخواتهم اللي اصغر منهم خلاص .. راح عليها القطار ..
طبعا ممكن يتقدم لها احد .. بس رح يكون شاب مناسب تتمناه اي بنت ؟؟ لا طبعا .. بيكون واحد يبي زوجة ثانية .. او رجل كبير بالسن يبي زوجه صغيرة ترجع له شبابه ..
فتلقاها معتزله العالم .. تكره تشوف الناس .. تكره تخرج حتى لعمامها او اخوالها .. ما تبي تشوف اللي اصغر منها متزوجات و صايرين امهات .. حتى صديقاتها و زميلاتها ما تبيهم خلاص تقطعهم .. تشوف ان اخوانها اللي اصغر منها سنة بعد سنة يحققون شي في حياتهم لين ما يسبقونها وهي لسه بعد واقفة في مكانها ما تحركت .. و تصير تحس ان مالها اي فايدة في هالدنيا وان شبابها يذبل ببطء .. و اذا كان الحمد لله عندها وظيفة تلقاها احسن وحده في قسمها و كارفه عمرها و باذله كل جهدها عشان تثبت ان لها مكانه و عشان يصير عندها حساب بالبنك و ما تنقص على عمرها ولا شي ..
و لو زرتوا الجامعه رح تلقون معظم اللي يدرسون دراسات عليا من البنات .. هم البنات الكبار في العائله اللي تزوجوا خواتهم الصغار قبلهم .. يدرسون عشان يشغلون وقت فراغهم و عشان تحاول تثبت لعائلتها انها حققت شي في حياتها ..

انا ما ابي اكون انانية .. بس بعد ما ابي اللي ردوا على هالموضوع يتكلمون وكأننا في مجتمع مثالي كامل ..
مافيها شي لو الأهل صبروا شوي لين ما يجي نصيب بنتهم الكبيرة .. خصوصا ان سن الزواج صاير متأخر يوصل عند البنات لأواخر العشرينات .. و ما اقول ان البنت الكبيرة تتشرط و تتنقى من العرسان اللي يجونها ..
بس البنت غير الشاب لو ما تزوجت معناها حياتها ولا شي .. بس جلسه في بيت الأب .. و ما حد يدري الأعمار اذا ابوها وامها توفوا وين بتروح ..
بس من جد صايرين في اخر الزمان .. اللي فيه الاب لازم يلحق على بنته و يخطب لها قبل ما يفوتها القطار

الله يستر على كل بنات المسلمين الكبار منهم و الصغار .. و الله يرزق كل بنت بزوج صالح يسعدها و يعوضها عن كل شي ..
يمكن اكون خرجت عن الموضوع بس من زود الحماس .. :d
تحياتي ..

هذة مشكلة بالفعل موجودة فهذه حصلت معى أن فعلا فلقد زوجت من زوجتي وهي الصغري فانا احس اني ظلمت الكبري فالناس تاخذ فكرة ان الكبري فيها عشان كذا لم تتزوج رغم علما والله شاهد انها جميله ودينه وعل خلق

فك التثبيت