|
ماذا افعل. زوجتي عرفت
ايها الآحبه:
بدون مقدمات احكي لكم الحكاية من البداية الى النهاية. تعرفت على امراءة قبل اكثر من ثلاث سنوات واستمرت علاقتنا حوالي السنة0 كل هذا عن طريق الهاتف الكارثه انها متزوجة وأنا كذلك اب لعدة اطفال كنت اجد معها نفسي اثتاء المكالمات وأقضي معا اجمل الاوقات وكانت تملاء الفراغ التي تركته زوجتي لانشغالهها باولادها وزياراتها التي لاتنتهي0 مع العلم ( يعلم الله) انه لم يحدث بيننا غير المكالمات ولقاء خاطف اما في مدخل البناية التي تسكن بها أ و احد الاسواق لدقائق معدودة0 بعد فترة اكتشفت عن طريق الصدفه ان لها علاقة مع شخص أخر فقطعت صلتي بها وغيرت رقم هاتفي الخاص التي كنت استخدمه معها . ورجعت الى نفسي وأنها نزوه لن تتكرر بمشيئة الله مرت الايام ونسيتها أو تناسيتها0 بعد عامين كانت القنبلة00000 كانت الكارثة 0000 زوجتي تلمح لي بأشياء عن علاقتي القديمة وانا انكر المهم سالتني في احد الايام ان كنت اعرف ام فلان 0000 ما كان امامي الا الانكار مراعاة لشعورها وخوفا من تفاقم المشكلة وتطورها بين لحظة وأخرى تحكي لي عن حقائق واشياء حصلت اثنا مكالماتنا القديمة وكأنها كانت تتسمع حديثنا تريد الاعتراف مني وانا لا استطيع0 ضميري أخوتي يوؤنبني حالتي يرثى لها لا استطيع النظر في اعين زوجتي نادم كل الندم لكن اسألكم بالله ماذا اعمل... |
ما لك الا التوبة ( التوبة تجب ما قبلها )
وحاول تكسب ثقة زوجتك التي افتقدتها اتمنى لك التوفيق |
عوض زوجتك قد ما تقدر ......... لا تخوض في الموضوع كثير ....... كل ما تتكلم فيه تجاهله
لا ترد لزوجتك طلب ........ بين لها غلاها ومحبتها . |
لو نفذت كل طلباتها ..
ودلعتها .. وبينت غلاها ومحبتها بداخلك .. ساعتها راح تتأكد انك انت غلطت .. وقاعد ترقع الغلطه .. ولابتصدق انك ندمت .. لكن شوري لك .. ماتبين لها اي شي.. وتخلي الموضوع ولاكانه صار .. هي غلطه وعدت .. وبإذن الله ماتتكرر .. بعدين هي لا امك ولا هي ابوك عشان تخاف منها بالشكل هذا .. وانا مااقول هالكلام .. عشان ازيد المشكلة .. لا .. انا اقول هالكلام .. لانك فعلاً ندمت انت ولابترجع للخرابيط هذي .. عشان كيذا ياخوك .. لاتعطيها وجه .. ولاتستحي منها ... ولاتخاف .. وعاملها طبيعي جداً .. وحتى لو اصرت ودقتك بالكلام كثير .. قولها انتي وش تبين بالضبط؟؟؟ وش هالاسلوب؟؟ وش تبين تقولين لي؟؟ وانا ان عرفت ام فلان والا ام علان .. وش الي بيصير ؟؟ اعتذر بس لاني حقدت شوي وتنرفزت .. انا اكره اذا شفت الرجل يخضع وينهار اما امرأه .. مو تعصب للرجال او جهاله .. اعيد واكرر ... لاني شفتك ندمت .. لو ماكنت نادم كان قلت الحرمه معها حق .. بعدين هي السبب .. لانها ماكانت منتبهه لك .. وبسبب إنشغالها انت سويت الي سويته وانتهى قبل تصير اي مشكلة .. الله يكون بعونك .. تقبل تحياتي |
يا اخي صارحها مافيها شيء وبين لها انها نزوة وعدت وانها لازم تهتم فيه حتى ماينجرف لمثل ذلك مرة اخرى
|
لوفينق مع احترامي لك . رأيك غير سديد
|
قلها هذا شئي طبيعي عندما يغيب الخوف من الله وينقص الايمان
و عندما تنشغل أي زوجه عن زوجها مش بس أنا و ماعندي كلام ازيده ارجوكي انسي الموضوع وقفلي عليه و أنا تبت إلى الله وأرجو المغفره و أحرص على الصلاة مع الجماعه و بأذن الواحد الاحد تصلح امورك و الله يوفقك |
صدقني ...طالما ان زوجتك عرفت ....فلن تغفر لك بدون مصارحه واعتراف حتى ولو حولت لها الدنيا جنه .....
المعترف بالذنب كمن لا ذنب له . واترك لها المجال للعتاب .....العتاب غسيل القلوب . اعترافك هو الندم الحقيقي في عينها وليس تغيرك في معاملتها .التغير ياتي بعد الاعتراف . سلامي |
أخوي ساري أرجو أنك تكون صادق مع نفسك قبل ماتكون صادق مع زوجتك هل تركت المرأه لأنها مع واحد ثاني أم تركتها دين؟؟ وبعدين وأرجو تتحمل كلامي ماوضعت نفسك مكان زوج المرأه لو عرف بالموضوع 00 ياليت أخوي تجلس مع نفسك وتفكر بالموضوع تفكير منطقي وعملي00
أما بالنسبه للحل تأكد هل زوجتك عارفه وإلا الأمر مجرد شكوك فقط 00 إذا كانت شكوك لاتخبرهاا واللي راح راح أما إذا كانت ضابطه شي عليك وهي متأكده بحجج وبراهين عليك المصارحه بشجاعه ولاتراوغ وبين لها إنك تركت الموضوع لأنه حرام وبين لها بأنك غاليه عليه جداً وبسبب غلاها لن تنجح أي علاقه مع إمرأه أخرى وأعتقد أن المرأه تنبسط لما زوجها يبين لها أن هذه النزوات الطائشه أظهرت قدرها الكبير عنده 000 ولك تحياتي |
الشكر كل الشكر لكم على ردودكم وأسال الله ان لايريكم اي مكروه
|
اخي ساري متزوج وتقيم علاقه هاتفيه مع وحده ثانيه ومتزوجه بعد
حراااام عليك لقد اخطات في حق زوجتك كثيرا افرض ان زوجتك لاقدر الله هي اللي سوت هذه العمله وش راح تكون ردت فعلك ثاني شي زوجتك مشغوله مع مين مع عيالك قدر وضعها انت تقول انك تبت الى الله اتمنى تكون توبتك صادقه وما تضعف في منحنى اخر وبالنسبه لمعرفة زوجتك حاول تحسسها انك خلاص نسيتها مو زوجتك الثانيه ذيك لو كنت في الابيت لاتقعد لوحدك حاول تقعد معاها ولو تجلسوا لوحدكم احسن عيالك طلعهم عند اهلك ...... تكون خارج المنزل دق عليها من وقت للثاني .... ادخل البيت بهديه صغيره ولا ورده عاد انت وذوقك وهي تستاهل... اكسر روتين المنزل اطلع معاها البحر .. الملاهي ...المطاعم ..ياكثر المحلات وفي النهايه اقولك انسى الموضوع تماما ولا تجيب لها سيره على الموضع حط عليه اغلاق زي مايسوي اخونا فلسطيني للمو اضيع لايزعل مننا اخونا فلسطيني نمزح معاه تراه مايقصر معانا بشيء |
شوف اخوي ساري مادمت انت ندمان اللي على سويت هذا شي جميل واذاكنت تبي تصارح مع زوجتك في هذا الموضوع لا بد ان تكون المصارحة بشكل هادي ورومانسي بعد وقولها وشهي الاسباب اللي خلتك تسوي هذا الشي اعتقد انها ما عطتك وجه بسبب كثره طلعاتها وانشغالها مع الاولاد ... وقولها حتى الرجل يحتاج الى عاطفه وحنان من الزوجة والرجل مثل الطفل الصغير.
اما اذا ماكنت تبي تصارحها علشان لا تزعل وتتنكد حاول تقعد قعده رومانسيه معاها وغيرو من حياتكم الروتينية ولبي طلباتها ودلعها بالكلام وحتى بعد دلعها بالمادة علشان تتناسى الموضوع اللي شاكه فيه وانا عارف انها مهي ناسيه الموضوع بس تتناسى الموضوع والله ويوفقكم ويجمع بينكم قول آمين... |
الاخ سارى ليش تخلى زوجتك تمسكك من ايدك الى توجعك صارحها قول لها انها فتره طيش غلطت فيها وغلبك الشيطان وكلمتها فتره وتركتها0000صارحها يا ابن الحلال وصدقني راح تشيل هم كبيييير عن صدرك مو احسن من خجلك منهاوخوفك صارحها يا ابن الحلال وبين لها انها غلطه او هفوه وعدت وانك مو ملاك انت انسان وتخطى يعني صارحها بأسلوب 000000واللله يوفقك سلا1111111م
|
اخي العزيز
انا رايي انك تصارحها اول شيء لانك سترتاح من هم كبير شايله ولن تعتل له هم بعد ذلك يعني ممكن لو خبيت عليها اكثر تكون قلق ومتوتر لو عرفت من برة ولا من احد ثاني شيء هي لن تنسى الا لو صارحتها وعاتبتك وانتهى الموقف وخلك سيد الموقف وقولها انك انشغلتي بالاولاد واهملتيني وانا فعلا غلطان اني ما نبهتك هذي غلطة وماراح تتكرر بس اعطتني فرصة اني اعرف قدرك وغلاكي وانك مو مثل اي زوجة في الدنيا وان مافي امرأة مثلك وهي راح تنسى انشاء الله ولكن اياك والمراوغة فهي لن تحسب لك بل عليك ولكن بعد ذلك اتقي الله في زوجتك |
بصراحة شديدة اخي وحتى لا احيد عن الصواب
الصراحة تزيد المشكلة تعقيد,,,لانها حتسامحك لكن اي غلطة جديدة حتكون الشعرة التي قصمت ظهر البعير لكن كل اللي اتمناه انك فعلا تكون نسيت امرها وتبت الى الله فأعتقد ان عندك بنات فلا تترك للذئاب سبيلا لساحة بيتك وعرضك اما عن الحل فما اعتقد ان اغراء المرأة بالمال او الهدايا ممكن ينسيها الخيانة لكن اذا انفتح الموضوع مرة اخرى ذكرها انها المرسى وانك حتى لو سفينتك مرت بكل الموانئ فلازم ترجع مرة ثانية وذكرها بمواقف حست زوجتك فيها انك تحبها مثلا اول ما انجبت لك ويوم الفرح وكيف انك احتويتها وحاول تظهر لها لهفة وشوق زائد .... اما انك تعتقد ان زوجتك كانت تسمعكم وانتو تتكلموا فصدقني اي زوجة تحس اذا كان زوجها يخونها او حتى يفكر بغيرها فلا تستغرب يعني لانها مثل ماتحس بآلامك وتعبك حتحس بأي مشاعر تمر فيها وخاصة الحب ومثل ماقلت لك اظهر لها حب ولهفة والله يتوب علينا وعليك وحاول تكفر عن الذنب هذا تحياتي |
والله ماشاء الله عليها كيف ضابطه اعصابها
لو انا مكانها .. قطعت زوجي بالساطور هههههههههههههههههههههههههههههههه لا عاد ترا ما امزح جرح الخيانه لا يندمل بسرعه .. ولازم تتحمل غلطتك كل الجروح تطيب الا الخيانه جرحها حيل قاسي |
اخوي ساري....يمكن تكون فرصه لك ولزوجتك لتجديد حياتكم وتصحيح الاخطاء بس حاول انك تريح اعصابك وتفكر بأسلوب هادئ لانك انت الوحيد اللي تعرف زوجتك واطباعها ونفسيتها وكمان انت عايش الوضع تماما فالايوجد احد غيرك يحل مشكلتك ولا تقول ماذا افعل لانك تقدر تفعل كثير... بعدين المرأه ماهي صعبه لانها حنونه.... اذا بينكم تفاهم راح تقدر تحل كثير من مشاكلك
|
حاول تحسسها باالحب والحنان اكثر من اول وحاول تفهمها انة مهما جرى ومهما حصل منك من طيش انة مافى القلب غيرك انتى
|
السلام عليكم ورحمة الله وبركاته
انا اوافق الأخت بنت الموج والاخت سمسمة على ماقالتاه واعتقد انه هو الراي الصح واللي لازم يصير لاني لو مكانك سويت نفس الشي لكن السؤال الأهم هو : وش اللي عرف زوجتك بالموضوع بعد مرور سنتين على انقطاعه؟؟ يعني لو الموضوع مازال مستمر نقول طاحت عليك لكن انقطعت المكالمات وبعد سنتين جاية تلمح لك وش عرفها؟؟ يا أخي فيه حلقة مفقودة انا للحين مو فاهمها ... هل كان بينكم رسائل مكتوبة؟؟ رسائل جوال محفوظة؟؟ احد غيركم يعرف بعلاقتكم؟؟ في شي انت محتفظ فيه ذكرى لهالعلاقة؟؟ ياخي لازم تعرف السبب اللي خلا زوجتك تعرف بسالفتك لان اللي فهمته من كلامك انك قطعت علاقتك بتلك المرأة قبل ان تكتشف زوجتك امرك حاول انك تعرف السبب لانك لو عرفت السبب راح تعرف كيف تحل المشكلة وحاول تعرف بطريقتك بدون ماتخلي زوجتك تدري لانك من خلال السبب ممكن لو انكرت يكون عندك سبب مقنع او تصريفة مناسبة وتقدر تتلافى المشكلة اللي راح تحصل بينك وبين زوجتك لو صارحتها بالحقيقة لكن لو ماقدرت تعرف السبب الله يعينك تصارحها لان هذا هو الحل الأسلم لك مدامك تبت الى الله وانشالله رب العالمين يقبل توبتك.. اتمنى لك الحظ الطيب والتوفيق والله معاك |
يا اخ لها ساري اسولف لا تزعل اخوي لا تعطي الموضوع اكبر من حجمه هذا عمر واكيد انت نسيت 3 سنين مب شويه وعلى فكره يمكن زوجتك ما تدري عن شي بس هي تمن وانت ميت من الخوف لانك اذنبت والمجرم يحوم حول الجريمه بس الحمد لله الله هداك واذا كلمتك بصراحه انت بعد خلك صريح ولا تتنرفز بس اذا تمت تلمح لا تعطيها شئ وخلها على راحتها لين هي تتكلم والله انت ما تعرف الحريم كثري وكلمها عن موضوع الانشغال عنك ترا الموضوع بيفيدك وانسى محد يذكر الزلات والله تواب رحيم بس في المقابل الله شديد العقاب والخطاء لازم يتبعه صواب.
|
ربي يجزاكم الف خير وما قصرتو اخوتي وأخواتي ويبارك الله بها المنتدى الرائع والقائمين عليه
|
السلام عليكم ورحمة الله وبركاته
أخي ساري كلها كلمتين الي راح اقولها وإذا بليتو استترو وعفا الله عن مامضى ابدا صفحه جديده ولاتفتح على نفسك ابواب مقفله ومشاكل وشك وماعرف ايش المهم خلك على الانكار ومايحتاج تعترف وانت عارف انك غلط وتجرح زوجتك وتخلي حياتكم شك بشك ولاتبين لها اي شي بس تقدر تعوضها وتفهمها بطريقتك وتقول لاتنشغلين عني اعتبريني واحد من هالعيال اكليني شربيني نيميني لبسيني حمميني والله انكم عجبه يالرجال كانكم ماتصدقون زوجاتكم ينشغلون عنكم وررررررررر علطول فرصه تخونون فيها يااخوان اتقو الله وحلوه المصارحه بين الازواج اذا شفتها منشغله نبهها وقل لها باسلوب مازح الله يالدنيا ياأم فلان نسيتينا تراني النونو حقك لين الحين ماكبرت :) الله يوفقكم جميعا |
السلام عليك اخوي ساري ...
حاول ان تجدد العلاقة معها ، وبين لها انك مهتماً بها اكثر من قبل ، وحاول ان تكثر من الجلوس عندها ، كي تثق بك وبين لها بطرقة خاصة انك نادم على ما فعلت وبدون ان تشعر هي وتوب إلى الله ، عسى ان يجعل مستقبلك خيراً لك من الايام التي انقضت 0 واسأل الله ان يجعل حياتك هانئة وسعيدة ان شاء الله 0 تحياتي : بوحمدان |
السلام عليكم
مرحبا بك اخي وسهلا انا اتوقع ان الحل بيكون من الطرفين منك ومنها!!!!! منك: تتوب الى الله توبة نصوحا عسى الله ان يكفر عنك ويغفر لك انه جواد كريم،، بالاضافة الى انك تحضر هدية جميلة وراائعة لزوجتك وتكتب لها عبارة رائعة ومختصرة تشعرها بالندم وعدم العودة كأن تكتب:: أحبك وسأظل كذلك،، أعشقك حى الثمالة،،أحتاجك فلا تتركيني واريد ان انبهك اخي انها اذا انشغلت عنك حاول تنبهها مثل ما قالوا الاخوان والاخوات بطريقه ذكية كأن تعزمها على طلعه او تخرج معها اسبوعيا.. كما انه من الافضل لك ان تتذاكر معها بعض الاحاديث والآيات التي نشعرها من خلالها انك تائب ونادم واياك والتصريح ابداااا . منها : ان تسامح وتعفو وتخضع ولا تتكبر ولا تذلك بغلطك وان تفتح لك قلبها لتشعرك بالامان والثقة كي تستطبع انت ان تتعايش معها بعفوية وحب وامن متحررا من ذل المعصية والخيانة... اتمنى لك التوفيق |
اعتقد انك لو صارحتها ها يبقى اريحلك واريحلها وهى فعلا مش ها ترتاح ابد الا لما تصارحها وطالما انت ندمان ولو دى اول وقعه ليك يبقى ان شاء الله ها تعدى على خير ويا ريت كل راجل يتقى الله فى زوجته مش معنى ان هى بتراعى ولادها يبقى تعاقبها
|
| الساعة الآن 10:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©