|
موضوع خطير خطيبتي زعلانة وانا اكثر...
اخواني ... أخواتي السلام عليكم...
بدخل في الموضوع بدون مقدمات... بختصار انا حددت موعد زواجي ولمن كلمت خطيبتي فية تحججت بأنها ليست جاهزة وان شراء الاغراض يحتاج الى اكثر من 5 اشهر مع العلم ان لنا اكثر من 6 اشهر مخطوبين ولم يتبقى سوى الزواج.. واالمشكلة تقع في اني كنت احادثها بالجوال عن الموعد فتدخلت امها وكلمتني وقالت ان مافية زواج الا بعد 6 اشهر اخرى بحجة ان البنت غير جاهزة وانهم غير مستطيعين الان علما ان التكاليف عليه انا.. بعدها قفلت الجوال ولم اكلم البنت نهائيا لمدة تزيد عن 3 اسابيع بس ليلتها ارسلت لي رسالة حلوه زي الاعتذار ولكني قلت لها : انك خميتيني في حبك وكذبت عليه واني ازعجتك بالأتصالات (على حد قول امها)!!! وانا لم اتوقع هذا منك تحديدا وحسيبك تفكرين في اللي سويتيه فيني. سؤالي ... هل من حقهم اهل الزوجة يؤجلون الزواج بناء على رغبتهم ويجبرون الزوج على الأنتطار هذه المدة؟(تكثر من 6 اشهر) وهل تجهيز العروس يحتاج الى كل هذه المدة؟؟؟ وهل البنت تزعل لمن يقول لها خطيبها انك كذابه (بطريقة غير مباشرة طبعا) ومانتي واضحة معاي؟؟ وما مستوى الزعل؟؟؟ وهل من حقي ازعل بأمااانه؟؟ وانا مأكلمها لأنها عنيدة شوي ولا اراسلها فودي اني ابين لها اني زعلان يمكن تعتذر فهل ترون ان ذا حل؟؟؟؟؟ أرجوا من اخواني واخواتي المشاركة وتوضيح حل مناسب لهذه المشكلة لأنها والله مزعحتني ولا انام الليل الا بالقوووه من التفكير تكفوووووووووووووووووووووووون وبسرررررررررعة. وعلى فكرة عشان لا تقولوا من حقها تفكر ولا تستعجل الزواج في خطيبها... لأن البنت تحبني موت وهي تقرب لي وانا احبها لأكثر من 12 سنة ولا صدقت اني أخطبها... بس سبب المشكلة من وجهة نظري تدخل امها وكمان والله ماصار بيننا اي مداعبات نهائيا من كثر حيائي وحيائها فهل هذا طبيعي برضة؟؟؟... طولتها ادري بس ابغاكم تفهمون المشكلة من جميع النواحي.......تكفووون شوفوا حل والله والله والله محتااار وما فيه غيركم يساعدني |
لا انت ما غلطت
ومن حقك تحدد الزواج انت مو امها اللي بيتزوج عذرا ان كنت اخطأة .... لكن هذا ما كنا نعلم واتوقع مافيها شيئ اذا بينت لها انك زعلان علشان تعرف ليه كل هالفتره انت ما كلمتها ... عموما بعد 3 اسابيع ما كلمتها هي ماحاولت تدق ولا تسأل ..؟؟ |
شكررررررررررررر لك يا هند ام احمد جزيلا...
لا والله ما دقت ولا حتى رسالة ولا حاولت عنيده مررره .. شكلها ودها انا اللي ادق واعتذر فهل افعلها بس والله ما ودي انا اعتذر لأني والله زعلان من جد. |
شوف انت ماغلطت لان العريس هو صاحب القرار في تحديد وقت الزواج
ولكن كان الاجدر بك تحديد الزواج مع الاب لان هذه الامور الرجال هم اللي يفعلونها وليست النساء وحل وسط مني اجعل الزفاف بعد ثلاثه اشهر وليست سته اشهر كما يريدون حتى تستطيع الفتاة تجهيز نفسها كااي عروسه والله يوفقكم ويسعدكم |
اهلا اخي المفروض الاهل مايتدخلون في تحديد موعد الزواج واغراض العروس حدها شهر وتجهز والكلام اللي انته قلته لها هو نوع من العتاب فاذا بتزعل لكلمة عادية الله يساعدها على الكلام الاصعب اللي بعد الزواج وثانيا ياخي مافي اعتذار بين الازواج صدقني ام انته تبدا اوهي تبدا يعني مثلا اتزورهم وتقدم لها هدية من النوع اللي تحبه وميل مخها بالكلام العسل موهي اتطرش لك رسالة حلوة وانته تصدها غلط المفروض اتقوي العلاقة اكثر وتميلها صوبك بعيدا عن امها يعني قول ليها انك محتاج الها وموحلو انطول اكثر في الخطوبة
وجرب وشوف ترا مخ البنت سريع الغسال |
كلام الاخت ام احمد كلام زين وعدل مره وكمان تستطيع ارسال ابوك لمقابلة ابوها ولتثبيت موعد الزفاف طبعا تكون برفقته والزعل هادا شي بسيط بصير بين كل المخطوبين عادي والجاي اثقل اخي الحبيب لسه انت بالبر اههههههه ولكن احذر ان تمشي الخطيبه كلامها عليك لانها حتتعود خاصة اذا كانت عنيده زي ما حكيت اطلع انت اعند منها |
شوف انت ماغلطت لان العريس هو صاحب القرار في تحديد وقت الزواج
ولكن كان الاجدر بك تحديد الزواج مع الاب لان هذه الامور الرجال هم اللي يفعلونها وليست النساء ^ أتفق مع هذا الرأيي كثيراً .. :) وفقك الله .. |
ما أدري والله شنو بتسوي خطيبتك من تجهيزات خلال 6 شهور؟؟؟؟
ههههههههه امر مضحك ... بس باين إنها باردة شوية و ماخذة روحها على رواقة !!! بالنسبة لي تجهزت لزواجي خلال شهر واحد و كنت ماخذة راحتي تمام .. لأني كنت على علم بموعد العرس .. و في ناس كثيييير أعرفهم يتجهزون خلال أقل من شهر بكثيرررر ... بس يبدو إن البنت عندها أسبابها الخاصة ... يمكن تبغي تتأكد من حبك لها و العكس .. أو يمكن عندها سببها الخاص اللي تستحي تخبرك عنه مع إنها المفروض تخبرك عنه .... نصيحة مني ... لا تخلون سالفة العرس فيها توتر من البداية تراه يؤثر على حياتكم بعدين ... و إذا إنتوا اختلفتوا على العرس !!! ما بقى شي عشان تفرحون فيه!! عدل ولا لأ ؟؟ المهم .... حاول تصلح الموضوع ودياً معاها ... طرش لها باقة ورد مفاجأة ... و فيها رسالة تخليها تذووووب فيك ... تتضمن كلمات مثل: ما أقدر أصبر بدونك لحظة !!و تبغيني أنتظر 6 شهور بساعاتها و أيامها ؟؟؟ أو تقدر تكتب لها .. من شوقي و لهفتي عليكِ ما قدرت أمسك نفسي !!! و حاجات زي كذا يعني .. و إنت أكيد تعرف خطيبتك شو بتحب من كلام ... أهم شي يكون هالكلام مكتوب .. عشان تقرأه ألف مرة ... و بعد كذا كلمها في الموضوع مرة ثانية و بتشوف إستجابتها إن شاء الله بتكون أفضل من الأولى .. أهم شييييييييي لا تختلفون من البداية .. تراها أيام حلوة و ماتنسي ...و لاحقين على الكدر و الخلافات ... تحياتي لكم ...... سميدعة |
الخت سميدعه فتره شهر ابدا غير كافيه ومادري من اللي تعرفينم تجهزو باقل من شهر بكثير؟؟؟ يعني باسبوع مثلا؟؟
يمكن هي ناويه تحط حفلة زفاف كبيرة وتبي تحجز صاله وتجهزها غير تجهيز نفسها واغراضها يمكن تبي تضبط اشياء تنحف مثلا تستعد اي شي عادة الزواج او حفلة الزواج تكون باتفاق العريسين مب بايد العريس وحده او بايد العروس وحدها ولا تخلي هالموضوع يفرق بينكم وبنفس الوقت لا تتنازل وتعتذر وهي غلطت عليك خصوصا ان امها تدخلت في مكالمه خاصه وغلطت عليك وقالت انك تزعجها بالمكالات.. يعني من حقك تزعل واتركها لين تدورك بس لا تكون عنيد اذا كلمتك وحاول تتنازل شوي يعني قلها خلي الزواج في ثلاث او اربع شهور مثلا |
يا جماعه حرام عليكم تتهجمو على العروس
اهي غلطة في شي واحد ان خلت امها تتدخل بس 6 شهور للتجهيز شي عادي اهي ليله بالعمر بس انك تروح تختار لك غرفة نوم واثاث للشقه يبلها وقت طويل غير فستان العروس الي ياخذ وقت عن الخياطة بعضهم اربع شهور وشي عادي البنت تبي ترتب امورها وتكون الافضل حرام عليك ماتكلمها ولا تخليها وتكسر خاطرها بفترة خطوبتها وصدقني 6 شهور يمكن حتى قليله اذا زوجتك تحب تتميز بهجة الروح |
شكرررررا لكم جميعا... وأشكر نصايحكم بس
اولا... مافيه اسباب خاصة ولا شي البنت معررروفه بأخلاقها ودينها زحيأئها زيها زي بنات الناس المحترمات.. ثانيا.. ابو البنت متوفي الله يرحمة والاتفاق مع امها من خلال ابوي.. ثالثا.. الزواج حيكون عادي زيه زي زواجات الناس لا كبير ولا شي . رابعا..امها تبي تزوج ولدها(اخو البنت) في نفس زواجي وينتظرون لين زوجتة تنهي الدراسة فلذالك طلبوا تأخير الزواج 6 أشهر . سؤالي للأخوه والأخوات.. 1 - هل من حق اهل العروسة يجبروني على انتظار اخوها لمن يجهز مع العلم اني جاهز تمااااما حتى الشقة جاهزة. 2- سؤال للبنات.. هل تروني جرحتها يوم قلت انك خميتيني وكذبت علي... ولوا مثلا اكلمها او ارسل لها ما تشوفون انه تنازل كبير مني مع انها حتى ما حاولت ترسل رسالة جوال بعد المخاصمة ذي. 3- هل من حق البنت تدخل امها في كل حاجة بينها وبين خطيبها قبل الزواج؟؟؟؟ وش نصيحتكم الأخيرة طولت عليكم وأشكر بهجة الروح وسميدعةونايس وبلوبيرد ووبنت الصباح وnedaaوهند ام أحمد شكر خااااص جدا على مداخلاتكم ونصائحكم الحلوه بس تابعوا وعطوني رأيكم في الأخير تكفوووووون. |
غريبه
3اسابيع بلياليها لاوالله حرام انا باالنسبه لي اذاقعدنا يومين انا وخطيبتي متزاعلين تكون الدنيا عندي مودنيا احس :( ضلااااااااااااااااام وايااام سوداء
والله غريبه قدرت تصبر اسبوعين؟؟؟؟؟؟؟؟؟؟؟؟؟؟؟؟؟ |
مادري والله يا اخوي اذا كان قالولك انك انت بتزعجها باتصالك شلون تبي ترجع انت تتصل
لا طبعا لازم تعلمها من البدايه ان زعلك شي مو سهل لان يبدو صاير فيها تحدي شوف اخوي انت من حقك تكون ليلة العرس ليلتك ولا احد يشترك فيها خلي زواج اخوها بعد اسبوع او قبل اسبوع بس لا تخليها مع بعض والله مو حلوة معازيمك غير ومعازيمهم غير الا اذا كنتو ناويين تسووها مع بعض حتى تكون المصاريف مناصفة خليك اقوة من هيك و كون صارم هذه حياتك وهذه زوجتك ولا تخلي احد يمشي كلامه عليك |
بصراحه انا مستغرب يعني من الموضوع اخوي هذي الأشيا الرجال يتكلمون فيها
بطريقه رسميه ويتم تحديد الموعد وكل شي مع ابوها من بداية الخطوبه امها مالها شغل . وثاني شئ انا اشوف 6 شهور فتره طويله جدا لتجهيز العروس الا اذا كان عندها شي خاص مثل عمليات تجميل مثلا او اشياء ثانيه تحتاج وقت تسويها العروسه لكن الملابس والاغراض وكل شي ممكن انه تجهزه بشهر . عالعموم انصحك انك تاخذ موقف قوي وحازم مع البنت انا ماقولك خليك لئيم ودكتاتوري ولكن لاتخلي شخصيتك ضعيفه من البدايه بياخذو عنك انطباع موزين انك سهل وحتى البنت مهما تحبها لازم تشد معاها شوي وتبينلها موقفك ..... لأنه اصلا الحق معاك بصراحه وهذي الأشيا الرجل يحددها مش الام او حد ثاني . البنت باين عليها امها مأثره عليها وهي مالها شغل حاول تعرف السبب الحقيقي للتاخير صارح البنت وخليها تصارحك وتبينلك شو السبب . الله يعينك واتمنى المشكله تنحل ويوافقون بتقليل المده . |
صراحة فترة 6 شهور فترة بالكاد كافية لتجهيز العرس
يعني عادي مافيها شي .. كفاية ثوب العرس ياخذ من 6 الى 8 شهور (عندنا ) اذا كان تفصيل فيا اخي مافي داعي للمشاكل .. صبرت 12 سنة اصبر كمان 6 شهور عادي ما طارت الدنيا اقتباس:
هي كلها 6 شهور!!!!! اقتباس:
ايوة اكيد زعلتها و جرحتها (دامك تقول انها تحبك موووت ) فكيف تتهمها كذا و انت متأكد من مقدار حبها لك... وارسالك للورد بيزيد من احترامها و حبها لك .. و بتتأكد انك شاريها .. اقتباس:
و تقولي اكيد مدام البنت ببيت ابوها .. لازم يتدخلوا !!!!!!! و الله يوفقك |
والله ياأخي ما ادري وش أقولك ,, بس ما فيه أحلى من الصراحة بين الزوجين ,, وترى 6 شهور عادي ,, وتصير في أغلب العائلات ,, أنا تأخر زواجي 7 شهور ,, بس كان مو مني من زوجي ,, وعادي والحمد لله ,, تزوجنا ,, وصدقني إن الست الشهور هذي بتطير ,, ولا راح تحسون فيها ,, بالعكس راح تتذكرونها بعدين ,, وتتذكرون المواقف والذكريات الحلوة اللي صارت فيها ,, وترى أيـام الخطوبة أحلى أيام ,, وأي شئ يصير فيها ماراح تنسونه أبد ,, فلا تحرم نفسك من السعادة ,, والله يكون في عونك ,, تحياتي : أخــــتـــــك / * أمـــــــيـــــــرة الورد * |
هل من حقهم اهل الزوجة يؤجلون الزواج بناء على رغبتهم ويجبرون الزوج على الأنتطار هذه المدة؟(تكثر من 6 اشهر)
اكيد الأهل يتدخلون لأن الأهل هما لهم القرار وهل تجهيز العروس يحتاج الى كل هذه المدة؟؟؟ لاتجهيز ما يحتاج لكل هالمدة ، اكثر شي 3 اشهر يكفي و زيادة لتجهيز العروس وهل البنت تزعل لمن يقول لها خطيبها انك كذابه (بطريقة غير مباشرة طبعا) ومانتي واضحة معاي؟؟ وما مستوى الزعل؟؟؟ طبعا بتزعل يا أخوي و مستوى الزعل يكون عادي في وجهة نظري. وهل من حقي ازعل بأمااانه؟؟ ليش تزعل فالزواج قسمة ونصيب اذا اليوم ما تعرست لازم بتتعرس في يوم من الايام وانا مأكلمها لأنها عنيدة شوي ولا اراسلها فودي اني ابين لها اني زعلان يمكن تعتذر فهل ترون ان ذا حل؟؟؟؟؟ نا اشوف انا هذا مب حل لمشكلتك و خاصة اتقول انها عنيدة يعني تبنون جدار بين علاقتكم من الحين قبل الزواج و الله يستر بعده شي يصير. ترى البنت بترضى بسهولة بس المفروض يكون عندك مهارات في التعامل معاها . واتمنى لكم حياة مستقرة مع التحية: اخت:أوتار القلوب |
اخي nonah_sh ... حقيقة لقد مررت بتجربة مشابهة لتجربتك تماماً .. وهي انه عندما تم عقد قراني (قبل 3 اسابيع) أردت تحديد موعدالزواج ... وعندما طرحت الموضوع للنقاش .. اعترضت ام البنت بحجة انها غير جاهزة وأن التجهيز يحتاج لوقت طويل وكذلك خطيبتي فضلت تأجيله مدة 10 شهور ... وكان السبب (على ما اعتقد) انها تريد تخيف وزنها ومعالجة بعض الحبوب الناتجة عن الحساسية في جسمها .. فعلا كان هذا هو السبب الحقيقي ولكنها لم تذكر السبب وانما اكتشفته بنفسي وحينا اقنعتها بأني اريدها كما هي ...
ولكني عند تحديد موعد الزواج تحدثت مع والدها رسميا واستغرب من استعجالي حيث انني حددت موعدا بعد العقد بأربعة اشهر فقط فأقنعته بأنني لن احصل على اجازة إلا في تلك الفترة ... والحمد لله تم الامر بسلام ... خلاصة القول ان الاقناع هو سيد الحلول ... اطرح اسباب تحديد الموعد .. وخذ اسبابهم .. وتوصلو الى حل وسط ... اما في موضوع الزعل ... فإياك ثم إياك ثم إياك أن تتصل عليها او ترسل لها رسالة ... (لتحافظ على رجولتك) أمامها ... ولتكون السيد في علاقتكمأ... صحيح انه لا توجد مسألة كرامة بين الزوجين ولكنك لم تخطئ لذلك فلست أنت من أخطأ... وإن اتصلت بك فهذا يعتبر اعتذارا فتصرف معها طبيعيا .. ولكن لا تكن انت المبادر بالاتصال ... أقولها لك من واقع تجربة ... ان عودتها المبادرة بالاتصال وهي من اخطأ عليك فلا تحلم بعدها باعتذار وسوف تفرض عليك دوما مراضاتها وهي المخطئة.. |
اخوكم01 اشكر مداخلتك جدا ولكن والله بالقوه صابر ما أبغى ابدى في الاتصال انا...
الفلوجة ... اتفق معاك تماما بس... بس ماعطيتني حل للباقي..واشكرك جدا ضاحي ....((البنت باين عليها امها مأثره عليها وهي مالها شغل حاول تعرف السبب الحقيقي للتاخير صارح البنت وخليها تصارحك وتبينلك شو السبب )) مافهمت قصدك في هي (مالها شغل) لكن اللي اعرفة ان الأم تؤثر على بنتها وسؤالي كان هل من حق البنت تدخل امها في كل صغبرة وكبيرة تحصل لها مع خطيبها في فترة الخطوبة؟؟ واشكرك جدا. noora ... بصراحة كفيت ووفيت واتفق معاك بس متردد جدا واشكرك والله. * أميرة الورد * شكر للنصائح ولكن والله شكلي ما حنسى ذا الموقف وخايف انه يؤثر في علاقتي فيها بعد الزواج وخلا هذي الفترة محتتااار مازلت.. اوتار القلوب .... البنت عنيدة وخاف اذا اتصلت دائما تحسبني اتنازل ... واشكرك جدا جدا جدا.. النورس الطائر ...والله افدتني كثيرا بس اعيد واكرر البنت ما عندها اسباب خاصة غير انتظار اخوها وجهاز العرس فقط..واشكرك مرة ثانية.. جميع الأخوه والله اشكركم بس ابغا اعرف هل اذا اصريت على موقفي بعدم الأتصال او الأرسال لها انها بتأخذ فكرة سيئة عني واني ما أحبها هذا اللي اخاف منه ارجوا من الخبراء والخبيرات التوضيح...؟؟؟!!!. |
اوكي اخي ليش هي بعد ما تفكر انك انت ممكن تاخذ فكرة عنها
الرجال قوامون على النساء ولازم تفهم هذه من الحين واخي لالالالالالالالالالالالالالالالالالا تتنازل ابدا اقلك طريقو ممكن تتصل على اخوها وتتكلم معه وبعدين اذا عندها اخ كبير لازم يكون الكلام معه هو وليس مع الام |
والله حيرتني قاعدة افكرلك في حل لان شكلك تحبها جدا ومتعلق فيها
انتو مالكين (عقد قران) ولا لا وهل انت متأكد من اختيارك لان الزوجة العنيدة متعبةةةة جدا للرجل وراح تضطر انك دائما تتنازل في سبيل ان حياتك معها تستمر عندي لك فكرة اتصل بيها وقول لها انك منصدم فيها وشكلك ما كنت فاهمها صح والحمد لله الامور بانت بدري لا تعطيها لا حق ولا باطل خليها معلقة من اتصالك سود الدنيا في عينها و قل لها من قال لك انا ابي اتزوج مع اخوك يعني شد عليها وبعدين راح تتجادلون و في الاخير يتم الصلح انا اسوي هيك لما زوجي يزعل مني اتصل فيه علشان عامله نفسي اريد اعاتبه (لاني اكره فترة السكوت) و نتناقش ( بصراحة اقوة من النقاش) وبعدين نتصالح |
تبغى حل بس يبغاله صبرجباااااااااااااااااااااااال
أجل انت الزواج الى مابعد6شهور خليهم هم الي يراضوك |
اشكرك يافلووجة .... ايه عقد شرعي بشهود واقمنا حفلة الملكة بس باقي الحفل النهائي.
والله سويتها يا فلوجة وهي الحين معلقة بعد أخر رسالة وانا بصراحة صرت معلق زيها ... لا أعرف انها زعلانة مررررة... ولا أعرف انه ما همها..... وخوووووفي انه يكوون ماهمها ومحتتصل الأ بعد شهر او شهرين اذا قرب موعد الزواج هذا اللي خايف منه ... ومتأكد جدا من اختياري وكنت اعرف انها عنيدة بس قلت يمكن عنادها على اهلها واخوانها وهي بصراحة ما عاندتني ولا زعلت شكلها الا بعد رسالتي الأخيرة التي اتهمتها بأنها خمتني ولا تحبني زي ما تقول وانا قصدي من الرسالة اوضح لها اني زعلان الا والله عارف انها تحبني موووت بس مالقيت طريقة وحل ثاني ابين لها اني زعلان الا بالرسالة وقطع الاتصالات لفترة......... سؤالي ... هل جرحتها؟؟؟ وهل هذا الأمر ينقص حبي في قلبها؟؟ وهل يمكن يبقى أثرة علينا اذا ما وجدنا حل ؟ ولوا كلمتني او ارسلت هل نتناسى هذا الأمر ونكتمه في قلوبنا ام نناقشة لأني ودي صراحة أناقشة وابين وجهة نظري لها حتى تفهمني البنت وليس بالظرورة يغيرون موعد الزواج بس عشان نكون صريحين مع بعض ولا نحقد او نخبي عن بعض اللي في قلوبنا.... وبعدين موضوع المداعبات والله ما قد من فترة 6 اشهر خطوبة داعبتها او اي حاجة بس مسكت يدها فقطططططط.. وانحرجنا جدا ... فهل هذا طبيعي وان المداعبات مالها ضرورة في فترة الخطوبة ونخليها بعد الزواج ؟؟؟؟ اللي اعرفة ان المداعبات السريعة وليست العميقة كبوسة مثلا حتزيد من حبي لها محتاااااار صراحة ..... البنت ماهي بارده بس مستحية جدا وانا مثلها. |
بالله كل من يشوف حل يشاركني لأني والله محتااار جدا تكفووووون بسرعه.
|
والله مشكلتك صعبه
ضروري تنازل من احد الطرفين لاكن عليك بصلاة الاستخاره وتقرأ دعائها ((اللهم اني استخيرك بعلمك واستقدرك بقدرتك واسألك من فضلك العضيم فإنك تقدر ولا أقدر وتعلم ولا أعلم وانت علام الغيوب اللهم ان كنت تعلم ان هذا الامر.... ارسالي لزوجتي...............خير لي في ديني ومعاشي وعاقبة امري فاقدره لي ويسره لي ثم بارك لي فيه وإن كنت تعلم ان هذا الامر شرلي في ديني ومعاشي وعاقبة امري فاصرفه عني واصرفني عنه واقدر لي الخير حيث كان ثم ارضني به)) وتوكل على خير الراحمين |
لا تتعامل برسايل لانك اكييييييييييييييييييييييد ما راح توصلون لحل
خليها تلفون علشان يكون النقل بينكم مباشر |
| الساعة الآن 12:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©