|
سر صديقتي يثقلني !
:o السلام عليكم ورحمة الله وبركاته
بدايه أحب أشكر القائمين على هذا المنتدى الرائع... وجزاهم الله الف خير ثانيا : انا راح أطرح مشكلتي هنا.. وماأدري اذا كان هذا هو مكانها المناسب ولا لأ.. بس المشرفين راح يتفضلون بنقلها للمكان المناسب... مثل ماقريتوا .. المشكلة متعلقه بصديقتي .... في يوم من الايام كنا انا وياها نتناقش كالعاده في كل أمور الحياة ... وكان من ضمن هذي النقاشات ..موضوع الزواج...( طبعا هذا هو الموضوع الاول والاثير عند العزابيه ) ;) المهم موضوع النقاش ماأذكره زين..بس انه جرّنا لنقطة ...علقت فيها صديقتي ( بمزاح ) أنها تتقزز..وتقصد من الجنس.. انا رديت عليها وقلت لها هذا الحين بس راح يختلف كلامك بعد ماتتزوجي وراح تتبني رأي آخر :o ( او هذا اللي أعتقده ) :25: المهم السالفه جات كانها مزاح وأغلقنا الموضوع... :30: صرت ألاحظ على صديقتي فعلا ... بعد كذا مرة نقاش انها تتقزز من الجنس... :( وانا حسيت ان السالفه جد ومافيها هزار.... المهم : في يوم من الايام سألتني صديقتي ان كنت أحس بمثل احساسها هذا ! :24: طبعا انا انحرجت :o وقلت لها لأ ...!! توقعت ان السالفه فيها ان جرجرتها في الكلام الين اعترفت لي بشيء خطير...وقالت ان تعتقد ان شعورها هذا ناتج عن تجربه من يوم كانت صغيره... :eek: وهي انها كانت تزور احد أقاربها له بنات بنفس عمرها.. والحقير كان يأخذها معاه ..بس ماتتذكر ايش بالضبط كان يسوي ! حاولت أخليها تتذكر..هل اغتصبها لا سمح الله..ام شي آخر .. بس ماقدرت تتذكر أبدا... فيه كلام غامض وصورة ضبابيه تتذكرها وهو انه قعدها على كنبه وقالها لها انتي شاطره لاتخبري أحد !! ياجماعه الخير في شي أخطر من هذا وهو : ان هالنذل الحقير تمت محاكمته بتهمة اغتصاب البنات الصغيرات ! ... وقصه صديقتي صار لها اكثر من 15 سنه... يعني كان في ذيك الفتره هو يغتصب الاطفال !! صديقتي خافت كثير.. والأدهى والامر انه تمت محاكمته بتهمه اغتصاب ابنته !! يانااااس ابنته اغتصبها...! لا اله الا الله.. طوال عشرين سنه يغتصبها وماحد يعرف !! :29: الحين صديقتي خايفه جدا.. وحاولت اقنعها تروح عياده تفحص بس رفضت... قالت ..الله سبحانه يعلم اني مظلومه وماراح يفضحني ان شاء الله... ونعم بالله..لكن الأمر يحتاج اثبات من قبل العياده المتخصصه انها اغتصبت قسرا ومن سنين طويله... حاولت اقنعها بس هي رافضه ...قالت اذا اكتشفت لاسمح الله انه غير عذراء ماراح تتزوج.. فالاحسن تظل على عماها ! نحن ندرس بالخارج وصديقتي هذي بنت محترمه جدا ...فحاولت اقنعها ان احنا بره مااحد راح يسمع بالسالفه أحسن مانرد ديرتنا ويمكن احد يشمشم الخبر... المهم هي رافضه..وانا أحبها وأخاف عليها.. ان شاء الله النذل ماسوى شي كايد.. بس التأكد ضروري... يااخواني بأيش تشورون علي.. المشكله ماحد يعرف بهذي السالفه غيري.... وهذا سر أثقلني ..لازم اساعدها... سااااعدوني انا الحين... الحل ؟ ؟ :11: |
اعوذ بالله
اللهم احفظ كل بناتنا يارب و انصحك بضرورة اقناعها بالذهاب للطبيبة حتى تطمئنوا عليها و عليها ايضا بالذهاب لطبيبة نفسية ان امكن و دعائى لها و جزاك الله خيرا على ا هتمامك بصديقتك ليت كل الصديقات مثلك |
اقتباس:
أشكرك أختي سوسن على الرد آمين الله يحفظهم... هذي صرخه لكل الآباء والامهات ..لازم ينتبهوا على عيالهم زين..ترى الدنيا مامنها امان.. حاولت أقنعها أختي سوسن بس هي عنيده مارضت... تقول أحسن أظل على امل... من أني أكتشف الحقيقه واعتزل الحياه ! أشكرك على نصيحتك والله يحفظك وكل أحبابك |
ياعالم 31 رد ...ومشاركه وحده بس ! !
وين الفزعه ! صديقتي على وش زواج عمرها 23 وراح تتخرج الحين .... أرجوكم سااااعدونا :16: |
السلام عليكم اشراقة امل 000
انا من رأي صديقتك لا تروح ولا شي اش تستفيد اذا درت انه فقدت البكاره الا الحزن ويمكن الكئابه00 احسن شي تتوكل على الله وكثير الي صار لهم هالشى وربي حماهم قولي لها تتوكل على الله وزي ما قالت هي الله يعرف انها مضلومه واكيد اذا في شي بيستر عليها وقلبي معاها لا تزوجت قوليلي شو يصير معها الله يحمي بنات المسلمين يارب |
هلا
مابه حل غيييير .... ترووح للعيااده............................... وان شاء الله ماصار شي عشان تقطعو الشك باليقين واعااانكي الله ........... |
أختي
الله المستعان علي كل ظالم و لكن أعتقد أنة قبل أن تذهب صديقتك الي طبيب للكشف علي بكارتها أرجو أن تقنعيها أن تذهب الي طبيب نفسي للوقوف علي مدي تأثير ذلك علي نفسيتها أما من ناحية الكشف علي عذريتها سةف يكون عادي بعد أن تعالج نفسيا و اللهم يستر عليها و علي بنات المسلمين أختي الدمار النفسي الذي وقع علي صديقتك قد يكون لة تأثير أكبر من الأثر الجسماني أرجو أن تستطيعي أقناعها و الله المستعان أخيك متزوج وسعيد جداا |
اقتباس:
اشكرك اختي ام الحب بس بعض الرجال أختي مايرحمون..على طول يطلق بدون مايسمع أنا غرضي من الكشف..انه اذا طلعت فاقده عذريتها -لاسمح الله- راح يكون الزوج مطمأن من التقرير اللي راح يعطونها اياه من العياده لانهم يدرون صار لها كم سنه اغتصبت.. والله يسمع دعائك اختي.. |
اقتباس:
أشكرك أختي العزيزه على الرد بعدني راح احاول معاها..وراح اخليها تقرأ ردودكم والله المستعان |
اقتباس:
شكرا على الرد اخي متوزج وسعيد جدا والله يزيد سعادتك راح احاول ..بس هي عنيده وتركب راسها ... الله يعيني... |
ما في حل غير طبيبة تكشف عليها وخاصة انتو في غربة يعني محد راح يعرف
بس اتوقع انها سليمة لانها تقولين كانت صغيرة لو بالفعل مغتصبها كان تذكرت الالم وما ممكن تنمساه لان اكثر ما ممكن تذكره هو الالم مو انه يقعدها ويقول لها لا تقولين لاحد وانشاء الله خيررررررررررررر |
اللى اعرفه وقريت عنه انه اى تهتك بغشاء البكاره عند الطفوله الاحتمال الاكبر انه بيرجع يلتئم عند الكبر فلا تتاثر نفسيا وممكن تتاكد من دكتوره نسائيه
|
يالله ..... البنت لازم تروح الطبيب تكشف ...
الله يستر عليها و عليج و على جميع المؤمنين والمؤمنات |
ياأختي صديقتك عاقلة ومؤمنة ومتوكلة على الله
وبصراحة ردها عين العقل...وش بتستفيد من زيارة الطبيبة ؟ مابتغير شيء في الموضوع وفعلاً ربي بيستر عليها لإنها مظلومة والله بيسعدها ويوفقها بإذنه تعالى. |
أنا إعتقادي لا تروح الدكتور ولا شي لأنه هذه السالفة من 15 سنة وهي صغيرة والآن مر عليها سنين فإذا كانت لا سمح الله فقدتها فتأكدي يوم الدخلة سوف تشعر أنها لم تفقدها لأنها لم تمارس من بعدها الجنس مع أحد وهذه السنين كافية لكي يكون مثل البنت ( ضيق جداً ) صدقيني نحن متزوجات وإذا الزوج سافر شهرين أو ثلاث عندما يأتي يشعر أنه صغير كيف هي هذه السالفة من سنين وأنا متأكدة انه سوف يكون صغير جداً كأنها بنت وبنت بنوت صدقيني وسألي الحكماء وأصحاب الخبرة هل كلامي غلط يا أعزائي
|
السلالالالالالالام عليكم ورحمة الله وبركاته
أشكرك أختي على طرحك للموضوع وأهتمامك بصديقتك وأتمنى من الأمهات والاباء الأهتمام بفلاذات أكبادهم إذا هذا الحقير سوى مع بنت صغيره وتقربله هذا المنكر فما بال الأجانب الذين يعملون في المنازل من العماله الوافدة وكثييييييييييييييييييييير سمعت عن سوالف الله المستعان على أمره ويستر علينا وعليكم. بس كل واحد يبغى يتخلص من المسئولية ويرميها على غيره وهذي النتايج. وإلي يرمي أهله في المستشفى ويمشي وإلي يرميهم في السوق يمشي وإلي يرميهم على السواق ويمشي والأم ترميهم على الخدمات والله أعلم بشنو يسوو أنا بقولكم عن تحرشات صارت لي عشان الكل يتعض مره وأنا صغير أهلي قالوا لي روح ناد حارس العماره رحت عنده إلا مطلع الذكر حقه ويوم دخلت عادي طبعاً أنا ما أدري شنو السالفه كان عمري صغير مررررررره لكن يوم كبرت وأسترجعت الموقف قلت الحمدالله أنه الله حماني ولا صار لي شي. ومره رحت بقاله جنب بيت أصحاب أبوي الله يخليه ويمسكني صاحب البقاله وأنا ما أدري شنو السالفه ويحضن فيني والمشكله مو أجنبي من ديرتي ويوم كبرت قلت الحمدالله أن الله حماني. وأخر موقف تعرضت له رحت مع زوجتي مستشفى سعد التخصصي كانت زوجتي مريضه أنا من شفت الدكتور ما رتحت له المهم جالس يسئل أسئله غريبه حق زوجتي وزوجتي ترد بحسن نيه وأنا أقول في خاطري يمكن غلطان المهم بنهايه شنو قالي أخذ رقمي هذا عشان لو أحتجت شي أتصل علي لحد الحين أنا أمشي الموضوع المهم وهو يكتب الرقم جالس يقوله بصوت عالي يعني سجلي الرقم اممممممممممممممممممممممممممممم علينا يا دكتور هالحركات المهم يوم طلعنا من عنده وأتناقش مع زوجتي عن نفس الموضوع أقول هذا الحقير سوى كذا وأنا معاك, شلون الحرمه أو البنت إلي جايه لحالها فكرت أشتكي عليه لكن ما شتكيت وزوجتي تقولي لا عاد تجبني لهذا المستشفى وهذا الدكتور من الجنسيه العربيه أسمه تقريباً سليمان في العيادة العامه حذروا منه المهم نعود حق محور حديثنا تعليقاً على موضوع الأصلي أنا أشوف أن البنت زين تكلمت وقالت قصتها وهذي البدايه وصبري عليها شوي لحالها بتقولك خلينا نروح المستشفى. بس أنا مو معها أنها تخبي على زوجها على فكره الزوج إذا عرف من البدايه يمكن يتفهم حالتها لكن لو عرف بعد الزواج أو متأخر ما راح يغفر لها لأنها بتكون أستغلفته وهذي كبيره عن الرجال على العموم الله يستر علينا وعلى المؤمنين والمؤمنات أخوكم سي سيد |
اقتباس:
اشكرك أخي الكريم على مرورك وردك والحمد لله اللي الله حماك من هالانذال ...انت ولد وهذا اللي صار لك كيف عاد البنات.. الله يحميهم ويحرس بنات المسلمين... وهذا الدكتور اللي بالعياده لو عطيته طراق على عينه ماكان احد لامك..نذل ووصخ يستغل مرضاه.. بخصوص صديقتي هي قرت ردودكم بس ايمانها عجيب ماشاء الله عليها... قالت انا خلاص طويت هالسالفه من زمان ومااريد أفكر فيها...والله معي ان شاء الله... هي انخطبت هالفتره .. أتمنى انكم تدعولها بالتوفيق والستر.. ويكون زوج متفهم ان شاء الله اشكرك مره ثانيه أخي على نصائحك |
اقتباس:
أشكرك اختي ام سليمان والله ان ردك طمّن قلبي ... الله يجزيك خير وأكيد البنات اللي مروا بتجارب مثل هذي ريحهم كلامك... أنت اهل خبرة وأدرى... الف شكر :) |
اقتباس:
جراك الله ألف خير أختي ام جمانه على ردك الطيب :) |
اقتباس:
آمين يارب العالمين لك كل الشكر على مرورك الكريم :) |
اقتباس:
اشكر لك مرورك اختي |
فعلا اختي الغشاء يلتئم اذا كان الاغتصاب في الطفولة وقبل البلوغ
واكثر التجارب تثبت ذلك |
اقتباس:
|
| الساعة الآن 05:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©