|
أخبروني أي طريق هو الصحيح!!
السلام عليكم
انا عضوة مو جديده على المنتدى كنت اشرك على خفيف فيه بس لان صار عندي مشاكل بالنت مع شركة زاجل وانقطع لفترة يقولون لانكم تعديتوا المساحة المحدد للتحميل وووووو.. المهم انا مخطوبه (عقد قران ) صار لي 10 شهور :d بداية خطوبتي كانت مررره حلوه :23: :23: بعدين بدأت المشاكل تدرج تدريجي تقريبا من الشهر الثالث :29: انا احب خطيبي وهو يموووووووت فيني :o اول مشكله ظهرت لي غيرته الزايدة ذبحتني لدرجة انه اوقات يعارض زياراتي لقرايبيني طبعا ماتكون الزيارات الا مرتين بالشهر تقريبا و في الليل وفي الويك اند(بغض النظر عن بيت جدي لأنها اسبوعيا وفي العصر ولليل يكون يوم الخميس وماعنده اي مشكل لانه قريب من بيتهم في العاده اطلع من بيت جدي ويمر علي اروح بيتهم اجلس مع اهله ) و الحمد لله مافي اي مشاكل بيني وبين اهله كلهم الله يدومها ان شاء الله.. المهم تعديت المشكلة الاولى بعد جهد طوووووووووووووويل وتعب وتعديت مشاكل كثيره والحمد لله اما الان فمشكلتي معاه شوي عويصه :( زواجنا قرب وانا صايره جدا عصبيه و ماتحمل لان اشياء كثيره ماخلصتها وخصوصا فستان الزواج مش عارفه ايش اعمل فيه :( :( مدوخ راسي :( وهو كمان فوق راسه مسؤليات كثيره اخر فترة حصل على ترقيه في عمله وصار الضغط عليه اكثر لدرجة انه مايرجع البيتهم الا متأخر يعني على 5 العصر و صاير مايتحمل مني اي كلمة والله احس ان حياتي صارت جحـــــــــــــــــــــيم مو قادره اتحمل ليش تصير هالمشاكل مدري؟؟ (مع اني مااطلب منه طلب الا اذا كان في حاله جيده وسبب تاخيري كل من هالحاله اللي هو عايش فيها اوقات يكون تعبان وهو الي يقولي قومي نروح السوق انا ارفض :( اقوله انك تعبان وكذا يقولي لا عاد ويصر على روحت السوق) لما نتفاهم في مابينا ونصلح امورنا دايما يقولي انا محتاج شوية اهتمام منك!! انا: كيف يعني :d :d ؟؟ يقولي انا مااقدر اعلمك بالشي اللي انا ابغيه المفروض انتي اللي تسوين الشي هذا انا: لاتقول لي كذا وضح اكثر :( هو: ....... بعد اسبوع.... أنا: اقول حبيبي.. هو: أأمري.. أنا : بالنسبه للموضوع اللي تكلمن عنه الاسبوع الماضي تذكره ؟ قال لي : لا! اي موضوع انا: موضوع الاهتمام! قالي لي : اي وشو فيه؟ انا: تحس انه فيي تغيير؟؟(مع العلم اني ماتغيرت لاني موعارفة ماذا يريد بالضبط) قال: كثيييييييييييييييير وافضل من اول بس كمان شويه :d :d ---------------------------------------------------- البارح قلت له خلنا نغير لون صبغ غرفة الجلوس (مع العلم انها لسى مانصبغت بس كان اختيار) عصب علي و زعل وصلني البيت وقلت لها بعد شي ساعه وشوي وبكلمك قالي اوكي ولليوم وانا ادق عليه ومايرد عليي (موب عادته) -------------------------------------- ايش اعمل معاه؟؟ وكيف الاهتمام اللي اهتم فيه؟؟ وكيف اخفف عنه الضغط ؟؟ وكيف امتص منه غضبه؟؟ احس اني اوقات اقدر اخفف عنه واوقات لا !!!!!111 والله محتـــــــــــــــــاره ومستـــــاأه امتحاناتي الMD2 قربت مش عارفه اذاكر ولا اركز بسبب التفكير كل مره اذاكر افكر فيه ســـــــــــــــــــــــــــــــــــاعدوني رجاءً ----------------------------------------------- معليه تحملوني طولت عليكم!! :d :d |
عامليه زي الطفل مسحى على راسه دلعيه
قوليله لين بطفش انا احبك احبك احبك احبك بالنسبه للضغط انتى لا تطلبين منه حاجه في الفتره الى هو مش رايق ولا تطلبين اشياء تعجزيه عشاعن مايحس انك متطابه بزياده اطلبي في المعقول ok انتو ماصبغتو الغرفه بس اخترتو الون وهو عصب لانك تبن تغيرنه وبصراحه من حقه يعصب لانفسيته زفت انتى امشي معه برواقه وخليك co0o0o0l وبارده في هذه الفتره اي طلب يبغاه عطيه اياه وحتى لو انتى ما تبين ارضي عشانه تحمليه اذا تحبينه وانصحك خليه يدخل النتدى عشان يفضفض الى في راسه حاولى تكوني جنبه ملاك عشان ما يقولى انا فيك عيب اليوم ارسلى له رساله قبل ما تنامين قوليى له ما ني قادره انام ابى اسمع صوتك تكفى تدلعى عليه زوجك |
عاااادي تحصل في أكبر العائلات :d
يمكن طول فترة الخطوبة أو الملكة لها دور .. |
أشياء عادية والمفروض ما تأثر على الح باللي بينكم
وبعدين أخوي عامليه زي الطفل استشعري الشيء اللي يضايقه وخففيه عليه وسهليه وحاولي تعطينه فكرة إن هذا الشيئ عادي والكلام الزين يقضي في الدين |
كان الله فى عونك
|
الصبر الصبر
|
اختي الكريمة يبدو ان خطيبك مستاء من ان اغلب احاديثكما هي عن التجهيزات للحفل ولمنزل الزوجية ، في الوقت الذي يحتاج منكِ الى اهتمام به شخصيا ، هو اصلا متعب ومرهق من المسؤوليات في العمل وفي استعدادات الزواج وعندما يحدّثكِ يجد ان اغلب الأحاديث هي نفس ما يعاني منه ، لذلك حاولي قدر المستطاع الاهتمام به شخصيا ، استمعي لمشاكله باهتمام ، دلعيه واسمعيه الكلام الحنون ، اشبعيه عاطفيا لتكسري حالة الملل التي يعيشها بسبب تراكم المسؤوليات.
وفقكِ الله. |
شكرا على المرور والرد اخر عمري
"بالنسبه للضغط انتى لا تطلبين منه حاجه في الفتره الى هو مش رايق ولا تطلبين اشياء تعجزيه عشاعن مايحس انك متطابه بزياده" " مع اني مااطلب منه طلب الا اذا كان في حاله جيده وسبب تاخيري كل من هالحاله اللي هو عايش فيها اوقات يكون تعبان وهو الي يقولي قومي نروح السوق انا ارفض اقوله انك تعبان وكذا يقولي لا عاد ويصر على روحت السوق)" انا هالفتره محتااااااااااجه اني انزل السوق زواجي قرب ماخلصت تجهيزي مع كذا مااطلب منه اني اروح السوق اذا شفته تعبان او مضايق :25: هوه يطلب مني نروح السوق انا ارفض بس هوا يصر (أوقات :d ) المنتدى يعرفه خطيبي بنفسه قالي عليه :d انا كنت ماعرفه ثنكيو كتير كتير على المرور.. |
د. بطاطس شكرا على مرورك.. :22:
امااعتقد ان فترة الخطوبه لها دور الا اذا كانت مررررررره طويلة بس حنا فترتنا زينه يعين وسط موب طويله ولا قصيرة :) انا بس حابه اعرف انتم الرجال ايش تحبون من المرأه تسويه لكم يعني من اهتمام؟؟ انا هذا اللي حابه اعرفه؟؟؟ :30: |
sgh شكرا على الرد
احاول اني اخفف عليه قد مااقدر، والله اوقات يكون واصل حدددددددده من الزعل و الغضب شوي ويقوم الدنيا ويرميها فوق راسي اتكلم معاه دقايق بس وينقلب 180 درجة :d يعني كذا قدرت امتص غضبه :d :d اوقات محاولاتي تكون فاشله والله اني احاول بس مدري كيف؟ |
شكرا اخي عبد الرحمن 5
و النعم بالله.. |
البتوول شكرا على ردكِ
لكن كلامنا متعدد مش من جانب او جانبين بس اوقات يسألني عن السوق وشو الي احتاجه وشنو اللي تحتاجه الشقه..وبس "لذلك حاولي قدر المستطاع الاهتمام به شخصيا " ؟؟ هذا سؤالي محد جاوب عليه يومياً اذا مااقدر اطلع معاه بسبب دراستي مكالماتي له ماتقل عن 5 مرات في اليوم :27: اكلمه في الصباح وقبل مااطلع اروح على الجامعه وبعد ماارجع يعني في الدوام ادق عليه 3مرات وبعدين بعد مايرجع ويرتاح يكلمني بين فترات متفرقه.. لما يكون جالس معايا ويتكلم عن ايش اللي مضايق اول شي اعمله اقربه ويقرب ويكون راسه في حضني وامسح عليه.. طيب كلام حنون و يومياً اتكلم معاه بطريقة البنت الناعمه الحنونه الحبيبه..اما الدلع صار لي زمااااااااان ماتدلعت عليه :d :d <===== لأني نادراً مااستخدمها شكرا لكم كلكم بس ياريت تجاوبوني على السؤال |
عزيزتي كلما قربت المدة للزواج تزيد عصبية وتوتر الزوج والزوجة حتي لو كانو مخطوبين وجاهزين للزواج ...
فمابالك أنتو لسه ماجهزتو...بما أن خطيبك منشغل لماذا لاتطلبين من والدك او أحد أخوتك يأخذك الي السوق ..او مثلا خالك او زوج أختك حتي تكون أختك معك وتستشيرينها في أمورك .... عزيزتي بعد الزواج ستهدأ الامور تدريجيا ويسود جو المحبة والراحة النفسية علي كليكما وتستطيعان التعبير عن مشاعركما بحرية أكثر ويشعر بهتمامك |
سويله مساااااااج ينسيه تعب الجسمي والنفسي ترى المساج يريح النفسيه حتى .
بس هذا اللى فيه من تراكم المسئوليات الله يعين خليه يقرأ سورة ((ألم نشرح لك صدرك)) .......وبيحس بارتياح كبير مجربه ترى . يوم تحنين عليه وتسمعينه كلام حلو حسسيه انك انتي اصلا جذي يعني مش تمثيل كوني صادقه اللى يطلع من القلب يوصل للقلب . حتى لو بين عدم مبالاه وانتي مهتمه فيه من داخله هو فرحان ومستانس بس عاد اونه يتغلى عادي كملي لاتقولين شكله مالاحظ اني مهتمه فيه . المرح والمزح ضروري جدا بهالحالات خرجيه من الجو اللى هو فيه . اخيرا انصحك لاتكثرين المسؤوليات اجلي اشيا بعد الزواج وخففي عليه بالتوفيق ان شاءلله تحياتي |
[
لما نتفاهم في مابينا ونصلح امورنا دايما يقولي انا محتاج شوية اهتمام منك!! انا: كيف يعني :d :d ؟؟ يقولي انا مااقدر اعلمك بالشي اللي انا ابغيه المفروض انتي اللي تسوين الشي هذا انا: لاتقول لي كذا وضح اكثر :( هو: ....... بعد اسبوع.... أنا: اقول حبيبي.. هو: أأمري.. أنا : بالنسبه للموضوع اللي تكلمن عنه الاسبوع الماضي تذكره ؟ قال لي : لا! اي موضوع انا: موضوع الاهتمام! قالي لي : اي وشو فيه؟ انا: تحس انه فيي تغيير؟؟(مع العلم اني ماتغيرت لاني موعارفة ماذا يريد بالضبط) قال: كثيييييييييييييييير وافضل من اول بس كمان شويه :d :d ايش اعمل معاه؟؟ وكيف الاهتمام اللي اهتم فيه؟؟ وكيف اخفف عنه الضغط ؟؟ وكيف امتص منه غضبه؟؟ احس اني اوقات اقدر اخفف عنه واوقات لا !!!!!111 والله محتـــــــــــــــــاره ومستـــــاأه امتحاناتي الMD2 قربت مش عارفه اذاكر ولا اركز بسبب التفكير كل مره اذاكر افكر فيه ســـــــــــــــــــــــــــــــــــاعدوني رجاءً ----------------------------------------------- تصدقي انا زيك وكم مره اطرح هالتساؤل انه ليش يقولو نبي اهتمام ولمن نسألهم يقولو ما يصير نعلمكم انتو لازم تعرفو ومايصير لانه لازم يجي منك انتي بعدين يروح طعمه :( خب احنا اشلون نقرأ تفكيرهم :( يعني اشلون نعرف شنو ينسج خيالهم وشنو الي نقدر نسويه من مفاجات يعني نخليهم يجرو ورانا :18: |
بسم الله الرحمن الرحيم اسعد الله اوقاتك اخيتي الطيبه بكل الخير اختي انا مريت بفتره ورأيي هو : بحكم الوضع بأنكم مقبلين على الزواج ومو باقي على الزواج شي فهذه فترة قلق وتوتر تلاقيه يطلع حرته فيكي وواجبك انك تدلليه وتستحمليه لا تركني له مشاكل اي احد وابعديه عن مشاكله ابحثي عن اهتماماته وأسأليه عنها مثلا لو هو يحب الرياضه/كرةالقدم/نادي برشلونه <<== مثلا ابحثي عن اخر الاخبار وقولي له : انتي : حبيبي ما دريت هو : وش انتي : نادي برشلونه فاز على ليفربول 2 صفر <<= مثلاً وصعبه ترى :d هذا حل من حلول الحل الثاني هو يحب نوع من انواع الحلى ,, <<== مثلاً فاجئيه بأحضارها او بعملها اذا تعرفي تسوينها وقولي له انك تعبتي وانتي تسوينها وانك من الصباح جالسه تسوين فيها <== حتى لو شريتيها من السوق ترى حنا الرجال نحب البنت الي تهتم زي كذا خطيبك قصده بالاهتمام يعني دوري على اهتماماته واهتمي فيها اسأليه ايش يحب فيكي وايش ما يحب اسأليه عن اخبار صحته كثير <<== الله يديم على الجميع الصحه واوقولك نصيحه ارشديه على انواع العطور يعني قولي له : حبيبي عطرك شي خيالي بجد يهوس بدون مناسبه احضري له هديه بسيطه مو شرط غاليه يعني ورده مفكره وفي فكره مجربه والله والله رااائعه وحلوه ما شاء الله اقترحت على خطيبتي اشتري دفترين واحد لي وواحد لها ويكون اسبوع عندي واسبوع عندها اي شي نشوفه يعصب حلو غريب نكتبه وبعد اسبوع تعطيني الدفتر واكتب انا فيه نفس الشي والا ما يصير موقف يعصبني مثلا ما اروح سيدا على الدفتر اخليه ساعه ساعتين وبعدين اروح وامسك الدفتر واكتب فيه واخر الاسبوع نجلس سوا ونمسك الدفتر ونتناقش بهدوء ومن اول الجلسه حت اخرها ضحك وانبساط والحمد لله اشتري دفتر لك ودفتر له من عند ابو ريالين وجربي وشي جديد ونوع من انواع التجديد وصدقيني مهما كان مشغول مستحيل يكون على مدار 24 ساعة الا ما يجي اخر النهار ساعه يجلس يكتب فيها خواطر شعر شي ما يقدر يقوله يكتبه كذا بتصير عملية تقارب وما هي الا فكره مؤقته حتى تصير عملية التفاهم اكبر واحلى مافي الخطبه المراهقه والدلع ::: كوني دلوعه معه وسوي هالاقتراحات وما بتخسري شي وبالتوفيق ...,,,, اخيك في الله محمد |
| الساعة الآن 02:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©