|
ساعدوني صرت اكررررره ...
السلام عليكم ورحمة الله وبركاته
كتبتلكم قصتي مع زوجي قبل كم يوم ولكن مالقيت الموضوع .. باختصار زوجي يخووووني بكل الاساليب اللي يقدر عليها بالنت بالجوال .. حتى واحنا بالسياره مع بعض ما فيه احترام لمشاعري او كرامتي يتلفت شوي وتنكسر رقبته لو مرت اي وحده.. انا كنت احبه موت وربي يشهد اني ما قصرت معه بشي كنت ما انام الا وهو راضي .. واكتشفت قبل فتره طويله ان له علاقه مع وحده وواجهته واعتذر ووعد انه ما يعيدها وسالته ان كنت قصرت بشي وقال ابدا والله انا لو الف الدنيا والله ما الاقي مثلك... لكنه الان بكل وقاحه يسوي كل اللي يبيه ولنا الان حوالي الاسبوعين انا بغرفه وهو بغرفه ولا نتكلم .. واذا ابي اروح لاهلي ارسله بالجوال .. ولا بيننا اي كلام نهائي نهائي .. ويطلع من البيت من المغرب ولا يرجع الا 11 بالليل واحيان 1 و2 .. عموما انا الان صرت اكرهه واكره حتى اسمع صوته اذا كان يلعب بنتي .. صرت اكره كل شي فيه واكره طاريه حتى واحنا عند اهله يحطني ويطلع من يطلع ارجع لطبيعتي واسولف واضحك .. ولما يجي اكتم ويضيق صدري واحس بتكه .ز من جد شي لا يطاااااق احس حزن الكون فيني .. اشوف كل اللي حولي يضحكون ومستانسين يطلعون مع بعض ولهم اماكن خاصه الا احنا.. زي الاعداء بالبيت ... تخيلوا لو اسمع صوت الباب ينفتح احس بخووووف ورعب .. ادري لخبطت بالكلام لكن من جد انا تعبانه وحيرانه ما ادري وش الحل .. ولا عندي استعداد اروح اصالحه انا لاني ما غلطت ولاني بداخلي مقتنعه انه ما يحبني ولا لي مكان بقلبه ولو كان لي ذرة محبه ما سوى هاللي سواااه.. ارجوكم ساعدوني دلوني وش الحل وش اسووووي بكرههي هذا هل فيه امل تتحسن حالتي والا خلاص اللي انكسر ما يتصلح؟؟؟؟؟ ارجوووووكم ابي حل |
هل كلمتيه بموضوع خيانه
|
خلاص انتهت الدنيا ؟
كل مرة صارحيه واحر جيه بافعاله 00وصدقيني بيجي له يوم ويندم ويرجع يبكي عندك زي الطفل0000 |
السلام عليكم.....
أنا اتذكر موضوعك القديم... بالحرف الواحد بس ما قلتيلنا واجهتيه بموضوع الأرقام والرسايل اللي فجواله؟... اذا كان صارحتيه وما أعتذر أو ما حس بلحرج أو انه غلطان .... فهذا والله المستعان مات قلبه ... الخيانة تمشي في دمه والواضح انه لعاب.... من يوم ما قال (( ابدا والله انا لو الف الدنيا والله ما الاقي مثلك...)) وراضاكي بكلمتين، حتى لها أكثر من معنى.... ما ألقى مثلك انسانة تشوف الخيانة وتسكت عليها..... عز الطلب بالنسبة لانسان خوان! الله يعينك |
هذا ثانى موضوع ارد عليه يتكلم عن الخيانه الصراحه راسى صار يعورنى
اقولك احسن حل استشيرى اي شيوخ عن مسألة زوجك اما تجملى وسامحى واصبرى كل كلام مايسوى شى لان اللى ايده فى النا ر مومثل اللى ايده فى الجنه سامحينى والله يعينك على مابلاك |
لا حول و لا قوة إلا بالله العلي العظيم
اخيتي ، لا تنسي الدعاء ، فله مكانة عظيمة ادعي في صلاتك و في قيامك و في كل وقت ادعي انه الله يهديه إلى الطريق الصحيح و يتوب من افعاله السيئة و يرجع لك زوج صالح كما تريدينه و احسن و انا ما راح انساك من دعائي الله يهديه و يتوب |
زوجك مرررررررررررريض
مررررررررررريض ومرررررررضه خطيررررررر حب النساء والخيانه مرررررررض الرجال الله يعينك على بلواك بس بقولك شغله... صدقيني لو حطيتي كل البنات الي يعرفهم بكفه وانتي بكفه راح يختارك وتوووب المواجه وتضييييييق الخناق عليه وتحسيسه بالذنب راح تفيد ان شاء الله بس باسلوب طبعا مو بصراخ وتهديد تحياتي... بهجة الروح |
أخي الكريم ، يرجى منك الالتزام بتعليمات الكتابة في المنتدى و الموجودة على الرابط التالي المشرفة Reemona |
السلام عليكم
انا قرات قصتك وارى انك تساعدينه على الخيانة اكثر واكثر كيف حينما تبتعدين عنه قد يساعده على البحث الى طرق اخرى الى التخلص من شهوته باي طريقة وانت من يستحق ذلك فما عليك الا الاتي 1-التقرب منه اكثر واكثر انت تقولين اني اكره سماع صوته بس تحملي ومع الوقت تتمنين سماع صوته 2-ان تفتحين له ما في قلبك وتصارحينه بما تعانين 3-توجيهه من خلال اشرطة كسيت تتحدث على الحقوق سواء كان للرجل اوالمراة 4-التزيين له وان تادين كل ما يوجب عليك كامراة لتعدين الثقة بين زوجك والسلام |
اشكر جميع من شارك معي ..
ام قمر ::::: انا ما واجهته بشكل مباشر .. يعني انا تضايقت يوم شفت جواله واللي ضايقني اكثر لما فتحت بوكه ولقيت بطاقات شحن سوا.. وباسعار كبيره.. وكان يدس بوكه ولما طلعته قلت ليه حاطه هنا والا خايف افتحه؟ قام عصب وينرفز!! بعدين ليلتها قلت انا بنام وكنا متاخرين وهو وراه دوام .. قال خلاص شوي وجاي .. طلعت الا هو شابك النت ولما جيت جلس بسرعه يقفل المواقع .. قال تعالي .. رديت لا بروح انام انت تعودت تاخذ راحتك وما ابي اضايقك ورحت(وكنت لي اسبوعين عند اهلي وهذيك اول ليله لي وللعلم جلستي ككانت لانشغاله بالعمل وطلعتهم مشاريع) ورحت انام شوي الا ارسل لي رساله انتي شكاكه وغيوره تعبت منك ومن طبعك عجزت اهتم فيك بدون فايده هذا طبعك ما تغيرينه ابد!! كل هالاهتمام وما قدرت اكسب ثقتك؟؟ طبعا للعلم اهتمامه هذا والله يشهد بس بالفلوس يعني يعطيني بالشهر 2000 واكثر.. لكن من ناحيه المشاعر ما فيه اي اهتمام يعاملني زي وحده من اخواته.. قمت انا رديت عليه.. الثقه ما تنشرى بفلوس!! اذا هذا سبب اهتمتمك .. انا مني محتاجه هالاهتمام .. ورد يسب ويهزيء .... ولا رديت عليه.. وعلى كذا الان لنا اسبوعين ما نتكلم على هالاساس وهو مو محتاج اني اصارحه اكثر من كذا.. لانه من النوع اللي ينكر ويهب فيك ويحطك انت الغلطانه ووووو ... يعني هو عارف اللي مزعلني وللعلم .. صار يعاند بزياده يمسك الجوال ويراسل اذا كنت حوله واشوفه.. يعني متعمد يطفشني.. اسفه للاطاله بس حبيت اوضح لاني من جد محتاجه حل.. هل اطلب الطلاق خلاااااص؟ |
حشحوش....
كل مرة صارحيه واحر جيه بافعاله 00وصدقيني بيجي له يوم ويندم ويرجع يبكي عندك زي الطفل0000 هذا لو كان انسان عنده اخلاق وضميييير... يجي يبكي.. انا لما لمحت له بس قاطعني .ز وقلبها علي تقووول يجي يبكي؟؟؟ ولا بالاحلام!! |
North_star*
فعلا هو مات قلبه من زماااان!!! حتى لها أكثر من معنى.... ما ألقى مثلك انسانة تشوف الخيانة وتسكت عليها..... عز الطلب بالنسبة لانسان خوان! معقوله يكون فيه واحد بهالخسه بالتفكيييير؟!! الحمد لله انا ما امدح نفسي بس يوم سامحته اول مره كنت ارتجي وجه ربي ورضاه .. ومن شيم الرجال اذا احسنت له زوجته يبيع عمره لها وخاصه بمثل هالامووور ! لكن ما اقول الا حسبي الله ونعم الوكيل.. اللجين .. صادقه اللي ايده في النار مو مثل اللي ايده بالماء؟؟!! عادي انت ما قلت شي غلط عشان اسامحك.. المتفائله بالخير ..صدقيني ادعي بس من جد احاول ادعيله مني قادره ما تطلع من لساني تعبت وانا ادعيله قبل لكن كل ماله ويتعقد ويزداد اكثر.. وكل اللي اقوله ان كان فيه خير الله يهديه ويسخره لي وان كان في قربه شر الله يصرفه عني ويصرفني عنه يارب .. والله يجزاك خير.. من جد انا محتاجه دعائكم.. بهجة الروح.. اكييييد مريض ومريض ومرييييض .. لكن معه ما تنفع المواجهه.. هو من النوع العنيد اللي حتى ابوه ما يسمع منه ولا يرضى انه ينصحه.. صدقيني اخوه الاصغر منه مع انه ملتزم وحبيب ولا هو راعي حركات ما شالله عليه .ز والله انه مقاطعه عشان شي تافه والله استحي اقوله.. هذا اسلوبه مع اهله وش تتوقعين يقولي لو خيرته؟؟ اكييييد بيختار يعيش لحاله.. وانا طبعي اصلا ما احب الصراخ وهاديه في نقاشي ولو اشتد النقاش سحبت نفسي وكملناه برسايل جوال.. |
المواجه وارى انك تساعدينه على الخيانة اكثر واكثر كيف حينما تبتعدين عنه
كلامك جارحلوحده مثلي!! اولا هو اللي بعد عني مو انا .. وهذا الخيار الاسهل بالنسبه له .. قد يساعده على البحث الى طرق اخرى الى التخلص من شهوته باي طريقة وانت من يستحق ذلك اصلا هو من كنت بجنبه ومعه وهو يدور عن علاقات ثانيه.. واي شهوه هذي اللي تتكلم عنها ..؟؟ هذا الكلام عن واحد طبيعي مو مريض مثله!! يكون بعلمك نجلس بالشهر والشهر والنص ما قربني !! ومهما احاول يتعلل بالمرض والسكر وانه ماله شهوه!! اسفه عالصراحه.. لكن انا شكيت بنفسي قلت يمكن اللي اسويه والبسه مو مناسب لكن رحت اختبر نفسي .. وقلت بعض افكاري لزوجه اخوي وزوجة اخوه ووحده من قريباتي .. وكلهم لما سالتهم وش سوى زوجك يوم لبستي اللبس الفلاني ويوم سويتي الحركه الفلانيه ؟؟.. يقووولووون رجالهم انهبلوا .. معناته اللمشكله مو مني المشكله فيه هو!! عموما هو مدمن قروبات اباحيه وافلام وصور قذره وحقيره .. مره مسحتها من الجهاز وحطيت بالملف نفسه ايات واحاديث صغيره ومعبره .. لكنه رجع بزياااااده .ز يمكن هالشي موت الرغبه عنده ... انا رضيت بهالشي وانه مو شي اساسي بالحياة وكملت معه طبيعي مع اني احيان من جد احتااجه لكن ما ابين له عشان ما يفشلني ويحرجني وكنت ما ابي اثقل عليه بشي.!! |
اسفه على لاطاله بالردود لكن انا خلاص قربت اجن.من هالسجن وهالعيشه اللي عايشتها ..
بديت افكر بالطلاق لانه ما فيه حل انسب منه .. انسان ما تهمينه بشي ولا لك بقلبه ذرة حب وماخذك صوره له قدام الناس وقدام المجتمع بس .. لكنه عديم المسؤليه .. وعديم الاحساس.. ما هو فاهم معنى كلمة زوجه ولا عنده للحياة الزوجيه اي قداسه.. كيف بتحمل اعيش؟؟ لوكنتوا مكاني.. وش بتسوون ويهمني راي الرجال .ز لوانتم مثله لاسمح الله وش نظرتكم لي وهل ممكن تعيشون مع وحده ما تحبونها لانها عاجبه اهلك والمجتمع اللي حولك .. ولان عندك منها عيال..؟؟ ارجووووكم عطوووني حلوووووول اي حل .. والا اتوكل واطلب الطلاق .؟؟ وشرايكم؟ |
انا بعد ما قريت كل الموضوع .. والله محتارة اقولج هالكلمة .. ولا اتحاسب عليها .. ولا انا غلطانة ...
محتااااااارة .. خاصة انه مالي خبرة ولا لي نصيحة ممكن انصحج فيها .. بس الكلمة الي تدور في بالي طول ما انا اقرى الموضوع هي .. ايش هالعيشة .. يعني مو الانفصال احسن ؟؟؟؟؟؟؟؟؟؟؟؟؟؟؟ والله ما اعرف هل انصحك بالتفكير بالانفصال عن هذا الشخص الاناني أم لا محتارة .. هل تفكيري وتفكيرج بالطلاق صحيح ام لاء .. الجواب أني لا ادري ومالي غير اني ادعيلج الله ييسر امورج .. واترك الاجابة للمختصين .. الله يوفقج للي فيه الخير .. تحياتي لك اختك M |
أختي في الله,
المحبة لزوجها مع اني كل ما اقرأ هذا الاسم جسمي يقشعرني.... وانا عارف قصتك تبغين الصراحة.... و ولا شي غير الصراحة؟ انت والله العالم ناوية على الطلاق وعقلك مقتنع بالطلاق .... بس قلبك كان يعارض .... مع انه في الطريق للاعتراف بالطلاق كحل عزيزتي.... كررتي أكثر من مرة سؤالك((يعني اطلب الطلاق)) صدقيني هذا القرار مو من حقنا اننا نقرره لكي!.... محد يتجرأ ويتحكم في قرار مثل هذا مهما كتبتي ومهما كان وضع حياتك الزوجية القرار راجعلك..... الأعضاء الكرام كلامهم واضح وما يقدرو على أكثر من كذا.... كوني شجاعة....واتخذي هذا القرار بنفسك بعد ما تستخيري بس يكون خلال يوم واحد.... اذا أجلتي الموضوع ترى ما حتتخذي أي قرار تمنيتي لكي بالحياة السعيدة في الدنيا والآخرة |
الحل
اولاً استخيرى الله كثير على قد ماتقدرين ( فى الطلاق او من عدمه) ثانيأً استشيرى علماء دين ( فى حركات زوجك وافعاله من الاستمرار معه اولا) صدقينى بعد ماقرأت ردودك الاخيرة حزنت كثير عليك اسأل الله الواحد الصمد ان يفرج كربتك وهمك ويسخر لك الخير حيث كان اسأل الله الواحد الصمد ان يفرج كربتك وهمك ويسخر لك الخير حيث كان اسأل الله الواحد الصمد ان يفرج كربتك وهمك ويسخر لك الخير حيث كان اسأل الله الواحد الصمد ان يفرج كربتك وهمك ويسخر لك الخير حيث كان اسأل الله الواحد الصمد ان يفرج كربتك وهمك ويسخر لك الخير حيث كان اسأل الله الواحد الصمد ان يفرج كربتك وهمك ويسخر لك الخير حيث كان اسأل الله الواحد الصمد ان يفرج كربتك وهمك ويسخر لك الخير حيث كان |
أختي الله يعينك على ما أنت فيه بس أنا أرى أن طريقتك في التعامل معه بطريقتك أي هجرانه وعدم الحديث معه لم تجدي نفعا وأعطته مزيد من الحرية ليفعل ما يشاء وواضح أنه كلما زعلتيه ارتاح هو من تعذيب ضميره وتمادى بما هو فيه, إذا لماذا لا تجربي التقرب منه ومصارحته بما تظنين وإخباره بسبب زعلك منه , ووضحي له أنك تغيرين عليه وأنك حريصة عليه وعلى حياتكم الزوجية عبري عن ذلك بكل كلمات الحب ولو خرجت دموعك لا تخفيها عليه فدموع المرأة أمضى سلاح تجعل الرجل فهي أصدق تعبير يمكن أن يفهمه الرجل الحساس , وأعتقد أنك لن تهوني عليه
|
انا برايي انك توجهين له انذار نهائي ، اما ان يرتدع ويتوب الى الله ويحافظ على بيته واولاده او انك مضطره لرفع الامر الى
اقاربك وافاربه الكبار في السن ليتخذوا معاه ما هو مناسب ويتدخلوا بالامر بشكل حازم وهو ربما يخاف من الفضيحه ويعدل من سلوكه. |
ياختى بدلا من طلب الطلاق او حتى التفكير فيه لابد لن تحولى مرات ومرات قبل ان تهدمى البيت وياسفنى انكى خرجتى عن الحدود فى كلامك عن زواجك حتى وصل الى التجريح
لماذا لاتجلسوا وتتحدثوا بهدوء ثم دعينى اساللك هل انتى تريدى ان تكملى حياتك معه ام لا ياترى ليس فيه اشياء جميلة اكيد فى مستحيل ان يكون كل مساوءى اسالى نفسك اولا هل فيه مايستحق ان احاول من اجله ولااهدم بيتى ولا ليس فيه مايستحق واذا كانت الاجابه بنعم بدون تجنى يبقى لزم تحاولى ولاا تجعلى الشيطان يسيطر عليكى الكرهية الحالية نتيجة البعد والجفاء ولكن مجرد العودة يصبح كل شىء كان لم يكن اصبرى واجلسى مع نفسك واذا كان جوابك بنعم يستحق ان اصبر عليه فتوكلى على الله ولا ياخذكى العناد واذهبى اليه واجلسى معه وان شاء الله سوف يثمن لكى هذا واعلمى ان الرجل اكثر شىء يضيقه عدم الثقة من جانب زوجته حتى ولو مجرد احساس تحياتى لكى |
اختي اياك والتسرع في طلب الطـــــــــــــــــــــــــــــــــــــــــــــــ ــــــلاق
لانه مو بهالسهولة اللي تعتقدينها واللــــــــــــــــــــــــــه معـــــــــــــــاك |
لا اهدي لك الا هذا الشريط
[sound]http://www.emanway.com/con/show_anasheed.php#[/sound] |
مشكورين والله يجزاكم خير على تفاعلكم من جد احس اني محتاجه احد اكلمه لاني استحاله اقول لاهلي شي .. ولا حتى اهله..
وحيد نانا ... تطلب مني اتقرب منه؟؟ ليييييه ياناس مو انا الغلطانه عشان اتقرب منه افهموني انا مجررررررروووووحه منه وجرحي كبير .. يهيني ويذلني ويحط كرامتي بالارض وتقول روحي تقربي منه ؟؟!!! مستحييييل من سابع المستحيلات.. فوق انه هو الغلطان كوني اتقرب منه بيكبر هالشي براسه وبيظن اني راضيه عاللي يسويه وما اقدر استغني عنه وبكذا بياخذ راحته اكثر واكثر.. وبيعتبرني سهله.. وهالشي اللي انا ما ارضاه على نفسي.. وبالنسبه لاني اكلم احد كبير هذا مستحيل ابوي تفكيره شوي صعب وعنده المرأه ولا شي .. واكييييد يوم اقوله ما راح يتفهم ابدا ابدا.. وابوه مستحيل لانه ما يحب انه يسمع منه وخاصه ان ابوه لك عليه شوي كل شي يتدخل فيه فمابالك اذا عرف شي مثل هذا؟!!! واكييييد ماراح يفهم اني ابي اصلح الامور وبيفهم اني قصدي افضحه واكبرها.. الاخ ابراهيم ايمن .. ما اقول انه ما فيه اشياء حلوه بحياتنا لكن وش فايدتها اذا صارت ذكرياااات؟؟؟؟ مدام هالذكريات الحلوه ما شفعت لي عنده بانه يصون بيته ويحترم مشاعري وش فايدتها انا اتذكرها؟؟ عشان اتعذب بس.؟؟!! |
اختي البرنسيسه .. ادري انه مو بالسهوله .. لكن انا لي كم يوم استخير واستخير لكن ما ارتحت لا لفراق ولا لبقاء..
وادري الطلاق مو سهل وخاصة انه لي اخت مطلقه !! وكان السبب والله يشهد ان زوجها منتهي!! شرب وسهر وسفر ولا جلست معه غير 3 شهور.. فعشان كذا انا مستصعبه الطلاق .. مو عشاني لا والله بس قويه على امي ولا ارضاها عليها لانها بتتأثر اكثر مني ومنه هو حتى... اخي .. خاطر حزييين .. اشكرك على الاهداء .. لكن الشريط ما يشتغل عندي .. ياليت تحط لي رابط الحفظ او اسم الشريط.. والله يجزاك خير .. |
| الساعة الآن 01:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©