عزيمه وزوج
 

السلام عليكم ياأخواني وأخواتي
سؤال محيرني لاتقولوا سؤال تافه لأنه بالنسبة لي مهم ويؤرقني عند أي عزيمه عند الأهل المهم ماأطول أحيانا أهلي مثل أعمامي وأخوالي يسووا عزيمه عندهم وتكون كبيره وينسوا يعزموا زوجي وكنت ماأروح تقديرا له ولمن يسألوا أقول إللي مايقدر زوجي ماأقدره وهو لايعلق لأنه قليلا مايعلق بسأحس إنه ينبسط من داخله المهم لمن هو ينعزم عندأحد أقربائه وأكون أنا مو معزومه يقول ماأقدر أتأخر عنهم ماأدري هل لأن الرجل غير المهم نرجع لموضوعنا هل أن غلطانه في إللي بأسويه وألا أروح وأطنش يعزموه مايعزموه الرررررررررجاء ورجاء حار ردوا علي وبسرعه :confused:

طيب أنا أبغى أعرف هل أنا محقه وألا غباء ماأروح وهو في المقابل يروح العزايم حقته وكذا مره عتبت عليهم ولافي فايده مشكور أختي رمش الزهر أرجو الإفاده أكثر

أنـــــــــــــا أقدر بحرارة موقفك الأكثر من رائع
أما بالنسبة لزوجك موضوعه يختلف لأنه رجل والرجل لازم يتواجد في مثل هذه العزائم لأنه راح تكون نقيصة في حقه إن لم يحضر .
أما بالنسبة للمرأة فهو أمر عادي وعلىفكرة راح الجميع يحترمك على موقفك هذا
الله يوفقك يا رب ويسعد ك مع زوجك
أخوكم
القلب الكبير

أشكر الأخون
رمش الزهر
القلب الكبير
بدر
لقدأفدتوني جزاكم الله ألف خير وجعل دعائكم لي من حظي وحظكم إنشاء الله

شو السبب ؟؟؟؟؟ ليش يقصرون فيه وما يعزمونه ؟؟؟؟؟؟؟؟؟؟

هل بسبب مشاكل ... ام ان العزائم عائليه جدا ...... يعني اذا اضطروا يعزمونه يعزمون ازواج مثيلاتك من بنات عماتك وخالاتك والاهل .......وبعدين ما تصير عزيمه تصير حفلة عرس من كثر الي فيها .


بيني السبب وانا راح احكم بمنطقيه :)

الحمد لله مافي مشاكل ولاشئ وكمان هما يعزموا ناس وناس لا يعني أزواج بنات أعمامي وأخوالي نصهم في ونصهم لا

بس الي يعزم زوجك كنه عزمك لان كلكم واحد مو صــــــــــــتح



مع تحياتي..........................

كلاكما على صواب بس انت حاولي توصلين فكرتج بشكل افضل وارق بدون ماتخليهم يعاندون............. والله الرياييل ما ينعرف لهم بيني وبينك.

أشكر كل من قام بالمرور على موضوعي
ربشه المرتبشه
المرحه
الطائر المحلق

اختي احسنت صنيعا فلابد ان تري الزوجة اهلها مقدار زوجها عندها
اما بالنسبة لزوجك فانا ارى ان الرجل دائما هو الذي يعزم وعزيمته عزيمة لزوجته ماتحتاج لدعوة خاصة

والله شوفي انه انتي ماتروحي للعزايم اللي ماينعزم فيها زوجك من طرف اهلك فهذا زين العقل واا قصة انه زوجك مايحب يتاخرعلى العزايم الي ينعزم عليها وانتي ماتكوني معزومه فانا اقولك هو يروح للهعزيمه اللي اتوجهت له بس برضه مو شرط انه ياخذك معاه لانه يمكن اهل المعزب مايعرفونك ولا مايبونك يعني عزومت رجال عاممه والنساء تقتصر على اقاربهم

وهذا اللي اشوفه
بس بصراحه احييك على موقفك مع اهلك لانه بصراحه انتي بينتي لزوجك انه غالي عليك
والله يوفقكم جميع
باكي

والله انا اشوف انك تابعة لزوجك واللي مايحترم زوجك كيف تروحين له و تطنشين زوجك - بصراحة هو جدا مبسوط لانك مقدرتة - بس انتي خابرة مايقدر يقول

و شكرا

احسك مكبره الموضوع .......... لاتكونين من هذا النوع لأن بتصيرين قاطعه رحم بسبب هذا الموضوع .

معاك حق ما تروحين ليش زوجك ماله حق يعزمونه والا مالهم خلق عليه مو زوج بنتهم

المفروض يعزمونه قبل لا يعزمونك .............
وشكرااا

أشكركم أعزائي على الرد علي ولقد أعبني رد الأخت سمسمه ولقد أرحتو ضميري من هذه الناحيه ودمتم لي سالمين ورمضان مبارك-

رائي أذا كانت عزيمه رسميه وتم فيها عزيمتك أنت فقط تحديداً بدون زوجك أن لاتذهبين
احتراماً لمشاعر زوجك بشرط أن لاتخبريه عن العزيمه
وكأنك لم تعرفي شئي
أو أنك تطلبين منهم أن يكلمون زوجك ويعزمونكم جميعاً
يمكن أنهم ينسون أو عدم مبالاة مثل هذه الامور مع العلم انني اتفق معك بحساسيتها
اما العزيمة للرجال فغالباً يعود على صاحب العزيمه عندما يدعو الرجل فإنه يقول له أنت ولاهل

تحيه طيبه أخت ريتال

أنا ودي اقول ان المتعارف عليه في بلادنا العربيه أن المرأه هي الي تتبع زوجها وين ماراح وليس العكس فإذا أنعزم زوجك فالواجب عليكي أنك تروحي معاه لأن البنت من يوم تتزوج يصبح أهل زوجها هم أهلها وعصمتها .

أما فيما يخص موضوع أن اهلك يعزموكي فلو انا مكان زوجك وماوصلني منهم أي دعوه والله ماروح لأنه هذا تجاهل واضح منهم لي يعني كيف يعزموكي انتي ومايحسبون لزوجك اي حساب وفي نفس الوقت ممكن أنه يوصلكي لأهلك ويمشي ولا يجلس عندهم هذا اذا كنتي مصره على حضور عزيمة أهلك .

وأحب قبل لا أختم ان احييكي على موقفكي الي فعلا هو يدل على أنك أنسانه تقدر زوجها لأنه كرامة الزوجه هي من كرامة زوجها وياليت كل البنات يوصلن لتفكيرك الراقي يا أخت ريتال ونعم الزوجه وأم الأولاد أنتي .

أخوكي
حــــا@كــــم>><<Ha@K@em

احييج اخت ريتال على قمه الاحترام لزوجج
فانه انا دل فنه يدل على اصلج الطيب

المهم اللي تسوينه عين الصواب واذا كان عمامج وخوالج يعزمون ناس وناس لا

فهذا دليل قاطع على ان زوجج بالتحديد ما يبونه يحظر العزيمه

موقفج رائع مع الزوج ونبيل جدا جدا ومحترم

اما بخصوص ان اهله يعزمونه ولا يعزمونج انتي فهذا شي عادي لانه انتي تعتبرين بنتهم بحكم زاجج من ولدهم وانتي من اهل بيتهم ما تحتاجين لعزيمه انتي المفروض تروحين اول وحده وترحبين بالناس كانج راعيه البيت

وشكرا

الله على الردود إللي تطيب الخاطر وتسلم الأنامل التي كتبت الردود الحلوه وجزاكم الله خيرا