|
ارجوكم ساعدوني
السلام عليكم
صراحة موضوعي وباختصار اني ابروح بيت اهلي بعد4 ايام عشان الاختبارات :29: وفكرت اكتب اوراق واوزعها في البيت عشان حبيبي يتذكرني عالطول :o المشكلة ان عقلي مشغول وامشتت وماني قادرة اركز او اكتب عبارات لحبيبي :( فياليت اللي عندهم ابيات شعر حلوة او عبارات عن الحب والفراق يكتبون لي الله يخليكم ويحققلكم امانيكم بسرعه |
أختي الكريمة (تولة عود):
بالتوفيق إن شاء الله في امتحاناتك و للحقيقة فالذي يحضرني الآن ليس مثلما طلبتي بالضبط و لكن تذكرت موضوع كتبته الأخت هانديا بعنوان: القائمه السوداء فكره خطيره جربوها آمل أن تستفيدي منها تحياتي |
أختي العزيزة تولة عود
الله يوفقك في دراستك لقد حصلت لك على هذه الكلمات الجميله أن شاء الله تنال اعجابك قد تسمع أصداء صوتي تتعالى في أنحاء قلبك مخترقة طبقات صدرك لتملأ أسماعك بأغلى و أحلى كلماتي قد تشعر بروحي تتحرك و تتجول في أرجاء جسدك لتخبرك أنني دوما معك قد تشعر بأن أصابعك تحتضن كفي أينما ذهبت لتعلم أنني دوماً أحتاج لإرشادك قد تشعر برأسي منكبة على صدرك و براحة يداي على كتفك لتخبرك بأنني لم أشعر بالأمان قط إلا معك قد تراودك أفكار لم تشغلك من قبل لتعلم بأن عقلي و تفكيري قد توطنا عقلك قد لا تشعر بغيابي عنك لأنك ستشعر بوجودي دائماً معك ولكن لن تغمض عينيك يوما و تفتحهما لتراني أمامك فضلت أن أشتاق إليك إلى أن ألقاك و حين يتم اللقاء يتجدد شوقي إلى اللقاء القادم و بت الليالي أترقب اللقاء ولم تبرح أفكاري حيرة تعجز عن إدراكها العقول فإن إلتقيتك حبيبي مشتاقة فأيهما سيهدأ روع شوقي و يسكن خفقان قلبي سأعشقك ما حييت و سأكتم حبك بين أضلعي أختك الممشوقة |
هلا اختي
فعلا فكرة الاخت هانديا حلوه ونفس اللي كنت بقوله لج بس بدل الاوراق البيضا قصي قلوب حمرا مو احلى؟؟ وشكلها يجذب اكثر وتقدرين بعد تحطين له شوكولاته مثلا على المخده او بشنطته حطي له كارد حلو بدرج السياره مثلا حطي شريط او سي دي حلو بالسياره ويمه ورقه مكتوب عليها اسمعه سجلي له صوتج قوليله شعر او اي شي حلو يم السرير تقدرين تحطين له اذكار النوم حطي له ورده مجففه ومعطره عالتسريحه تجولي بالبيت وانتي توزعين الاوراق وبتخترعين بنفسج اكتبيله نكت بالاوراق او ارسميه بشكل كاريكاتير سويله اشيا تضحكه وتخليه يفكر فيج وماينساج ابد وطبعا لاتنسين المسجااااااات وانتي تدرسين بوقت الراحه اتصلي له خليه يحس انه معاج كل شوي طرشي مسج اكتبيله شقاعده تسوين اي ماده درستي واي ماده خلصتي وشبقى لج تدرسين اطلبي منه يدعيلج بوقت الغدا اتصلي بمطعم يحبه اطلبيله وطرشي الاكل على عنوان بيتكم بس مو تنشغلين بريلج وتنسين الدراسه وربي يوفقج ويوفقني امتحاناتي بعد جم يوم وانتظر نتيجة امتحان مهم واااااايد ادعولي لحضه لحضه تذكرت شي اخير لاتنسين تعطرين له ملابسه وتبخرينها قبل ماتطلعين عطري له روب الحمام مثلا؟ امسحي عليه دهن العود وحطي يمه ورقه مكتوب فيها نعيما حبيب قلبي او حمام الهنا اكتبيله بالروج على منظرة الحمام او علىمنظرة التسريحه(المرايا) اطبعيله بوسه حمرا بورقه وحطيها على مكتبه يم التلفزيون حطي ورقه مكتوب عليها لاتسهر وايد اخاف على عيونك من التعب ورى الريموت تقدرين تلصقين ورقه بعد اكتبي فيها اي شي مثلا بسك مباريات اي شي يضحكه مو بس كلام رومنسي خلاص تعبت من الكتابه بايووووووو |
والله انا اشوف تجلسي في بيتك
|
اي والله وانا مع الاخت a4a4
خليكي في بيتك ليش تروحي بيت اهلك بالعكس احس في بيتك اهدا انا ايام الامتحانات ماكنت اطلع من بيتي |
اختي ريمونا
مشكورة على الرابط اختي الممشوقة الكلمات شوية عليها كلمة جميلة واحسها مأثرة وكأني انا اللي كاتبته صراحة اخنقتن العبرة وماقدرت اكمل بس اوعدك راح اكتبه وما يروح تعبك خسارة |
اختي مهاوي
مشكورة يابعد عمري شكلي تعبتك احس تفكيرك قريب من تفكيري انا فعلا اشتريت ورق من المكتبة على شكل قلب ولونه وردي وناويه اكتب عليه عبارات اختي الله يخليك كملي والا ترى اصيح :rolleyes: (وحده طماعه ولاتعطى وجه) بس فعلا اختي خدمتيني يارب اخدمك بالافراح العبارات اللي كتبتيهم عجبوني مرره انتي :22: |
اقتباس:
|
اقتباس:
ثاني شئ اختك في الله ماتعرف تقعد على دروسه اذا كانت في بيته(لايروح بالك بعيد وتحسبينه سنع)بس طول الوقت قدام المرايه تعدل ماتبي ابو الشباب يجي ويلقاه حوسه :o واللي يقهر انه مسوي نفسه ولا هامه :25: ثالث شئ بنتي لو قعدت في بيتي ماراح تصير بنتي عندي عشاني راعية سهر ومواصل ولا تزين مذاكرتي الا في آخر الليل والآنسه طالعه على امه تعجبه قعدة الليل وانا مااتحمل فراقه(مسويه فيها حنونه) شفتي اختي وحده مثلي يالله تقعد عند امه وكل اشوي تجي لمي امي وتقولي ذاكري زين اخر سنه شدي حيلك مابقى شي وانا يعجبني دلال امي ترى مهما كبرنا مانكبر على دلال امنا وابونا :15: رابع شئ يعجبن اذارجعت ولقيت زوجي صاير كذا :23: من فرحته برجعتي خامس شئ شكلي طفشتكم بقصة حياتي خلاص ماراح اقول الخامس |
[size=3]السلام عليكم ورحمة الله وبركاتة
الله يوفقك اختي تولة عووووووود. اختاري المكان الي يناسبكِ ........ بيت اهلكِ او بيتك المهم راحتكِ . وعندي عبارة وااااااااااااااااايد حلووووووووووووووووه ..بس تكتبينها بالكمبيوتر مع تنسيق رائع وصورة زوجكِ على جنب ..من الورق المقوى اي ورق البطاقات . (( على شــــانـــــك )) على شانك يهون الألم اللي بصدري لا لا الألم اللي بقلبي ..لا بل كل الألم بنفسي .. علشانك تنور كل انوار الدنيا من شوفة وجهك وطلوع نورك .. على شانك تنزل الدمعة حزن والم .. على بعدك.. (أيــام فقط ) تذكر انك احتويتني ملكتني.. ملكت كل شيئ فيني .. تذكر ولا تنسى انك صرت كل شيئ في حياتي .. كل ما تذكرتك يا بعد الروح " ينغزني قلبي " وتفز روحي كل ما شفتك كن الدنيا كلها بعيونك ... احساسي يقول ما يحبني احد بهالدنيا غيرك يا نور هالدنيا .. تذكر حبيبي ان الدنيا عندي ما تسوى ان كان صوتك مو فيها .. يا حسافه على ايام من عمري بتمر .. بدون شوفتك.. وبدون همستك.. وبدون نظرتك .. اذكرني لأني يا حياتي ماني بنساك .. يا ريت القلوب كلها اللي بهالكون توصل ربع الطيب اللي بقلبك .. ان بغيت تنام خذ فلبي من مكانه تراه تحت راسك .. وان ماكفاك قلبي خذ عيوني وخلها تناظرك وانت نايم .. تذكر حبيبي كل كلمة كتبتها تقول لك .. انني أحبــــــــــــــك .. أحبـــــــــــك أحبــــــــــــــــــــــــــــــــــــــــــ والله يصبرك على بعدي .. والله يصبرني على بعدك .. التوقيع : حبيبة زوجهـــــا .................................................. ................................................. (على فكره انا افضلها مغلفه تغليف حراري )اذا ممكن او تفنني على ذوقكِ ... خلى احد يساعد فأنت مشغوله ؟! ان شاء الله تعجبك .. وضاعت الدنيا |
اقتباس:
بس الفكره اعجبتن بس مره صعبه خاصة اني انا وخواتي كلنا مشغولين بالامتحانات بس الكلمات راح اكتبهن بس بطريقة ثانيه مشورة يابعد عمري تعبتك معي :) |
ارجوووووووووكم ساعدوني
فما زلت بحاجة للمزيد من العبارات |
هلا اختي تولة عود
واسفه عالتأخير بالرد طيب شرايج تحطين بعض المسجات الحلوه اللي يطرشها لج ابو الشباب وتوزعينها باوراق بعد؟؟ او تقدرين تطرشينها له مره ثانيه من جوالج وتكتبين تحتها تعليق مثلا التاريخ والساعه اكتبي تحت المسج مثلا كلامك محفور بقلبياو مافي احلى من كلامك اكتبيله مسجات وطرشيها له يعني اكتبيله اسم الدلع وماشتقت لي؟؟ الحين بحط لج شوية مسجات حلوه 00000000000000000000000000000000000000000000000000 0 شفت القمر فوق وحوله نجوم منثوره عرفت ان القمر انت وحولك الناس مقهوره 000000000000000000000000000000000000000000000 وعيت اليوم وفي حبايب على بالي قلت ارسلهم شوقي واقول صباح الخير يا غالي طرشيه الصبح قبل الامتحان واكتبيله مثلا ادعيلي؟؟ 00000000000000000000000000000000000000000000000000 00 وجبت لج دعاء حق الدراسه اللهم اني اسئلك قوة الحفظ وسرعة الفهم وصفاء الذهن اللهم افتح علي فتح العارفين 00000000000000000000000000000000000000000000000000 0000 والله ماني كاره وصل الاحباب لكن ظروف الوقت هي عاندتني يا وقت انا اللي من ضحاياك منصاب وزود البلا دنياي ماريحتني مهما حصل مانسى الحبايب والاصحاب ولهم مكانه ولو ظروفي ابعدتني 00000000000000000000000000000000000000000000 يسعد صباحك ياصباحي عن الغير يسعد صباح اللي فؤادي يحبه ارسل لكم مليون همسه مع الطير ياعشق قلبي ياغرامه وطبه يحضر بهن عندك مخصص عن الغير فيهن غلا واشواق والفين حبه 00000000000000000000000000000000000000000000 الله من قلب به الشوق وقاد والله ن عين تزايد سهرها كني سجين من ورى الباب بقياد ضاقت به الدنيا وجرب قهرها يامن بحبه عالي القلب يزداد ياللي ملك روحي وعيني سحرها حاولت بالكتمان لاشك مافاد شمس الضحا تكسف ويخسف قمرها 000000000000000000000000000000000000000000 وعندي اقتراح ليش ماتسوين له ليله عجيبه قبل ماتروحين بيت هلج ؟؟ بيتم يذكرج ويشتاق لج ليما تردين واذا تبين اي قتراح او اي شي لاتترددين تحياتي |
هلا اختي مهاوي
والله حبيتك من كثر ما تعبتك فعلا انا فكرت اسوي ليلة يعني مو ليلة كاملة بس من بعد مايجي من الدوام الين الساعة 12 وبعدين اروح بيت اهلي يعني تقريبا قبل روحتي بساعات وعشان تبقى آثار هذي الليلة الين ارجع(الشموع والورود) |
هلا حبيبتي تولة عود
عندي اقتراح ثاني شرايج قبل ماتطلعين تبخرين البيت وتزينينه بالورد والشموع وتقدرين تغيرين بعض الاشيا البسيطه في ديكور غرفتكم سويله سويت كيك مثلا او تشيز كيك ويفضل نوع السويت اللي يحبه وخليه بالثلاجه ولاتقولين له عنه لو كيكه اكتبي فوقها بالكريما اذكرني مع كل قطعه تاكلها او شي من هالقبيل واذا جاتني اي فكره بقولها لج تحياتي |
يابعد عمري يا مهاوي والله استحيت من كثر ما تعبتك معي
اما فكرة الكيكة رووووووووووووعة ولا عمره خطرت على بالي بس الله يخليك اختي مهاوي انتي وكل الخوات بسررعه عطوني افكار عشاني خلاص ابروح بكرا بيت اهلي |
شيلي قشج شيلي قششج طلعي من بيتي
اتغشمر هههههه اممممم فكره ثانيه بخصوص المسجات كل يوم طرشيله مسج باقي كذا يوم على رجوعي للبيت لين يجي يوم رجوعج اكتبي اليوم بنور لك البيت واذا السايق بيوصلج طرشيله مسج قبل ماتوصلين عد لل10 مثلا وتلقاني عنك او اتصلي قوليله ماعندي حد يجيبني تعال الحين واوقفي له عند الباب او ردي البيت وانخشي وخرعيه بووووووووووووووووووووو بس يمكن يكون مسويلج مفاجأه وتكشفينها الله يوفقج حبيبتي |
| الساعة الآن 05:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©