ماذا افعل بشعر ابنتي؟؟
 

:( السلام عليكم
يعطيكم الف عافية حبيت استشيركم بموضوع مضايقني

بنتي عمرها سنتين وشعرها ما ادري اشلون اوصفه لكم جاف ومقصف وتالف وشخن حيل

طبعا عامل الوراثة لاعب دور

ما القى عندكم حل.؟

في ناس انصحوني اني احلق راسها بالموس هل هذا الكلام صحيح؟؟؟

واذا احد عنده اي معلومة عن تنعيم الشعر يفيدني ؟؟؟

والله لا يحرمنا منكم

ما ندري بدونكم شنو نسوي ؟؟ نضيع والله

اختي الحبيبة
الموس يخشن الشعر اكثر لإارجو ان لا تحلقين شعرها بالموس
أما لتنعيم الشهر فلمذا لا تجربين أن تضعين زيت الزيتون الدافيء على شعرها لمدة على الأقل ساعة
وبعدها تغسلينه بالماء والشامبو

اختي

لا تأخذين بكلامي >>>>>>>>>>>>>>>>>>>>>>>>> من البداية

عندنا الجدات ( الحريم الكبار )

الطفل الرضيع >>>>>>>>>>>>>> وخاصة البنت

اول ما تجي

يحلقون راسها بالموس

ويطحنون ( كراث )

ويضعونه على رأسها مثل الحنه

كم يوم ثم يغسلونه

يقولون >>>>>>>>>>>>>>> والذمه عليهن

انها تفتح المسامات وتطول الشعر وتنعمه



هذا ما كنت اسمعه منهن


وبناتنا فيهن من شعرها رائع ماشاء الله وفيه من هو خشن وفيه عادي


والله اعلم

تحياتي

اخواني ارجوكم لا تبخلون علي بارائكم

عقولة محد عنده فكرة عن الشعر التالف

عزيزتي أبني كان شعره خشن ومشكلة عويصة
وديناه الحلاق وسواه أقرع تماما ....وبعدين طلع له شعر غير ...ماقولج ناعم ...بس أفضل من الاول وأغلظ

اختى الكريمه

من ضمن افضل الحلول حمامات الكريم للشعر واستخدام زيت الزيتون عليه

اما من حيث حلاقة الشعر بالموس فهذا يودى الى قوة الشعر وكثافته

والله اعلم

تحياتى

قبل ما تسبحين بنتج بثلاث ساعات حطيلها دهن الشعر الخلطة العجيبة تلقينها عند الحواي وبعد ما تسبحين بنتج حطيلها حمام زيت تحصلينه عند محلات الصالونات او في الجمعية مكتوب فيه للشعر التالف الصراحة أنا استخدمته حق بنتي وصار شوي ناعم ويلمع .
مع تحياتي
هدووله

من الحلول حلق الشعر بالمكينه عدة مرات حتى يصبح ناعم وكثيف وهذا مجرب

مرحبا اختي انا بصراحه جربت زيت الخروع نصحتني به احد الاخوات
تضعينه لليله ولليله مع غسله عند الجلوس صباحا
بصراحه ضبطت معي
ارجواان اكون افدتك

شكرا لجميع من اعطاني راية
وانا ان شاء الله باخذ الراي الافضل

السدر

السدر

السدر

تعجنينه مثل الحنه ويوضع علي الشعر 3 ساعات مره كل اسبوع

مرحبااا اختي..
انا بصراحه عندي بنت وعمرها سنه و3شهور وشعرها اعتقد مثل شعر بنتج..بس انا من جبتها وانا احلقه بالمكينه كل ماطلع احلقه ويوم تمت السنه..قمت اوديها الصالون واخففه ..واشوفه احسن وكل يومين قبل ما اسبحها بساعتين احط لها زيت النارجين الاخضر..ودااااايم خففيه حرررررررررام تحلقينها 0 لانها وقت لعبتها وطلعتها..
وصح السدر زين وايد والخروع بعد زين بس مش لعمر بنتك جلدت شعرها ما تتحمل..
والله العظيم بنت اخوي نفس شعر بنتج بالوصف..ومن ولادتها دايم تحلقها امها ومن بدت تمشي تخفف لها وايد الى دخلت المدرسه وقامت كل اسبوع سدر وحنا وزيت نفس الكلام اللي اقولج بس تعالي شوفي شعرها ماشاءالله كان حرير وكثيف..تغير360%:14:

سويلها حمام زيت قبل الاستحمام