|
أسئلة للزوجات ... من يوميات الحياة الزوجية
اخوتي الأناث والنساء المتزوجات دخلت بيوت كثيرة وعاشرة عوائل كثيرة فوجدت اختلاف في العادات والسلوك في المنزل لدى الزوجات فعندي كم سؤال اود اوجه الى كل انثى : 1 - هل تصحين مع نفس الوقت اللذي يصحى فيه زوجك؟ او قبله كي توقضينه وتجهزي له الفطار ا؟ او تصكينها نوم الى مابعد الساعة العاشرة وتتركين القرعة ترعى؟ 2 - اذا صحيتي من النوم هل ترتبين سرير النوم مباشرة ولا تتركينه على راحتك او الا ان يأتي زوجك الى البيت ويراه ؟ وهل اذا شافه مايقول لج شي؟ 3 - هل تتصلين على زوجك وتسألينه ماذا تريد الغداء اليوم؟ او تتطبخين حسب رايك او هو من النوع اللي ما يقول شي ان شاء الله تطبخين ضب؟ 4 - اذا بغيتي شي من البقالة(البرادة) تنتظرين زوجك يجي ولا تنسين وماتقولين له الا اذا جاء الظهر تعبان بحجة انكي نسيتي وتعكرين مزاجة برجعة الخروج الى الشارع اللذي جاء توه منه ليرتاح؟ 5- هل تحطين الغداء في الوقت اللذي يريده او تحطينه متى ماخلص وبمزاجك يعني يبي ولا يرقع راسه في الجدار؟ ولا ماتحطينه الا قبل خروجه بدقائق مثل الزوجات الكسالى؟ 6 - اذا اراد اخذ زوجك اخذ قسط من الراحة في الظهيرة هل تبعدين الأطفال عنه ليرتاح ؟ ولا ما يهمك بكيفله ان شاء الله يتضارب وياهم ويوصل زعيقة الى بيت الجيران؟ 7 - اذا صار الزوج نايم في الظهر والعيال يلعبون وعاملين ازعاج هل تحاولين اسكاتهم كي يرتاح الزوج؟ ولا تخلينهم يولون بكيفهم وياه؟ او تحاولين ان تهداتهم وتزعقين بصوتك الى ان يسمعه اهل المشرق والمغرب؟ 8- اذا افاق زوجكي من نوم الظهيرة واراد ان يتسبح( بس قصدي تيك شاور ) هل يدخل الحمام بنفسه ويدبر امره في احضار الفوطة والملابس الداخلية؟ ولا تتكرمين عليه وتحضرينهم له ؟ 9 - اذا اراد الخروج في العصر سواء لعمله هل يجد ملابسه مكويه جاهزة ولا تقولين له اصبر اكوي ثيابك وتعطلينه ويحط يد على يد ويبدا الزعيق والعتب عليكي ليش ماجهزتي ثيابي من قبل؟ وهل انتي من النوع التي تجمع ملابس زوجها وتكويها بالكمية عشان اي وقت يحتاج يكون عنده ملابس جاهزه؟ ولا كل يوم تكوين قدر الحاجة ؟ ولا ماتكوين الا بالزعيق؟ 10- الأهم ذلك هل تغسلين الأواني بعد الغداء مباشرة ؟ او تتركينها الى العصر؟ او تتركينها الى مابعد الهذرة مع الضيوف اللي بيجون العصر؟ ولا تمصخينها الى بكره الصبح؟ بحجة ان غسيل الأواني فلي الليل مكروه وتتركين فرصة لصراصير والنمل لتجمع وعمل حفلة على باقي اكلم؟ 11- هل انتي من النوع اللي ينام قبل زوجه؟ او تنتظرين زوجك لو يجي نص الليل؟ او تأخذين الأذن منه؟ او هل اذا تأخر وجاء تعبان تصبين في اذن امه كل العتب والزعيق ليش تتأخر؟ الا هو راعي سهر وطلعات من الشلة كل ليلة انا اقول قلعته يستاهل 12 - اذا تهاوشتي مع زوجكي في الليل هل تطاللبينه بتصفية الحساب لازم قبل النوم؟ ولا ممكن تصبرين لغاية غدا كي تكون الأنفس طابة شوي؟ ولا انتي من النوع اللي تنامين وتنسين؟ 13 - هل انتي من النوع اللذي تجادلين زوجكي في العراك حتى لو كان غضبان حيل؟ حتى وان كان غلطان؟ ولا تصبرين الى ان يهدأ وتناقشين الأمور ؟معلوم ان الغاضب ما يبي له الا التمسح على الراس وكلمة ان شاء الله ولا يحرق البيت بمن فيه؟ ولو غلط عليكي بالشتم واللفظ هل تقاومينه او تردي عليه بالمثل بحجة انكي عندي كرامة ولا تسمحين له بالغلط عليكي؟ 14- لو كان زوجكي يسمع اغاني وانت ملتزمة وماتحبين تسمعين اغاني؟ هل تنصحينه باللتي هي احسن؟ ولا تحنين على راسه الا ان يزهق منكي ويرد عليكي بكلمة تزعلك؟ او هل تتركينه لربه ؟ 15 -نتي من النوع اللتي تؤيدين فطور زوجكي خارج المنزل ولا تقولين المفروض انه متزوج ما يطلع من البيت الى تارس بطنه عشان لا حد يقول له زوجتك ما توكلك؟ 16 - هل انتي من النوع اللي اذا شفتي وسخ في البيت تسارعين الى تنظيفه ولا تنتظرين زوجك يحن عليكي ؟ تأكدو ان هذه الأسئلة مستوحاه من بيوت قد هدمت طلاق قد وقع والسبب في ذلك هي بعض هذه المشاكل الصغيرة اللي تتحول من حبه الى قبة ! هذه بعض الأسئلة المختار موجه الى كل اثنى؟ تحياتي لكم |
اشكرك اختي مستوى عالي موضوعك جدا رائع و فعلا كما قلتي بعض الامور الصغيرة تهدم بيوت و بعضها تكون تافهه
و انا عن نفسي و الحمدلله كل الاشياء الحلوة في يعنى باختصار مريحه زوجي كل شي يلقاه بس اذا نسيت اقدم اعتذار من كثرة اشغال البيت و الحمدلله و ان شاء الله ما اتغير و مشكورة مرة اخرى على الموضوع :22: |
شوفي أختي ((مستوى عالي)) انا بجاوبك بكل صراااااااااااااااااااااااااااااااحة وبدون كذب وابي رايك في ردي
1- في بداية زواجي كنت أصحى قبله ، أجهز له ملابسه وفطوره وكل شي وأوقظه من نومه ، لكن بعد ما جى ال :15: الله يحفظه صرت ما أقوم الصبح لاني أصلا ما أنام الا الصبح يعني أنا أنام من هنا وزوجي يصحى من هنا للشغل بس أكيد ملابسه مكويين وجاهزين بس أنا ما اصحى ، زوجي حبيبي لازم يجيني قبل لا يطلع يسالني اذا بغيت شي وطبعا أصحى بس صراحة ما أقدر افتح عيوني تعبااااااااااااااااااااانة :29: :29: :29: من السهر طول الليل 2- السرير أحاول أرتبه قبل لا يجي زوجي بس في مرات رجع وانا مو مرتبته طبعا مو بارادتي خليته بدون ترتيب لكنه ما قال لي شي فديته حنون ومتفهم وضعي :d 3- ما أسوي الأكل الا اذا سألته ويش يبغي مع انه جوابه معروووووووووووووووف ( كيفك سوي اي شي ) 4- اقول له قبل لا يطلع وان نسيت، اتصل له، واذا نسيت اقول له بعد ما يرجع اذا عندك مشوار وبتطلع جيب لي هالحاجة 5- وقت ما يطلب الغداء جاااااااااااااااااااااااهز 6- أخليه ينام براحته بدون ازعااااااااااااااااج 7- طبعا أسكت ولدي وأطلع به من الحجرة بعد عشان يرتاح أبوه 8- صراحة أوقات يدبر نفسه واوقات انا اجهزها 9- انا أكوي الملابس بالكمية أفضل عشان اي بدلة يبغيها تكون جاهزةز ومكوية 10- اغسلها مباشرة بس ساعات ولدي ما يخليني الله يحفظه :15: 11- أنتظره لمل يرجع بس ساعات انام لانه الله يهديه يسهر الى وقت متأخر 12- ما بينا تصفية حسابات بينا مناقشة بدون زعل 13- أقوله لا تعصب هدي شوي بس ساعات أنقهر وأرد عليه بس بدون صراخ 14- المشكلة انه يسمع ونصحته بهدوء والله يهديه 15- فطور البيت أفضل 16- انظفه على طول طبعا اذا سمح لي النونو :15: المحترم هذي أجوبتي بكل صراااااااااااااااااااااااااحة ها شنو رايكم ؟؟؟؟؟؟؟ |
اقتباس:
بصراحه الكلام حلو وجميل لاقصى حدود بس الفقره هذي - الأهم ذلك هل تغسلين الأواني بعد الغداء مباشرة ؟ او تتركينها الى العصر؟ او تتركينها الى مابعد الهذرة مع الضيوف اللي بيجون العصر؟ ولا تمصخينها الى بكره الصبح؟ بحجة ان غسيل الأواني فلي الليل مكروه وتتركين فرصة لصراصير والنمل لتجمع وعمل حفلة على باقي اكلم؟ اسمحيلي الي دايمن تقول بعدين بشتغل ولا يمدي تو الناس والله الولد مايخليني على الغدى لمن يجي الزوجه هذي يبغي لها ضرب على ايدينها .:29: شوفي أختي أبي أقولك شيء لو مو البيوت اسرار ولو الزوج او الزوجه ما يتنازلون ويغضون النضر كان شفت .:11: بس اذا فكرة اذا الزوج مو راخي الحبل ومتهوين ما صارت الزوجه بهذي الاوصاف . :22: اشكرك أختي وأتمنى لكي التوفيق وحياة سعيدة إنتي وزجك و :15: . |
آآآآآآآآآآآآآآآآآآآآآآآآآآي الضرب يعور :29: :( :29: :(
لكن مقبولة ( ضرب الحبيب مثل أكل الزبيب) :d ممكن أيها القاضي :30: أدافع عن روحي شوي :11: أنا ما أخلي الأواني بدون غسال بس ساعات (يعني بلهجتنا تعني أحيانا) ال :15: يقعد يصيح ويقومني من على الغدا فعلى ما أسكته أو أنومه بعدين أروح أغسلهم يعني ما أتأخر بكيفي ها سيادة القاضي (مستوى عالي) خففت الحكم ولا عطيتني مؤبد :) وشكرا على الرد الحلو |
اقتباس:
تم تخفيف الحكم :17: رمش الغزال لكن مو بس إذا خففنا الحكم بتجلسين وتقولي ال :15: وتجعليه حجة دائماً . أتمنى إنه بيكون عبرة لغيرك :30: ومما قد سوف ال:15: يؤدي إلى إعتقالك . بـــــــــــــــــرأة :14: تحياتي لكي |
أنا والله من كثر الأسئله نسيت وش أجاوبك بس بأقول على ألى تذكرته أناأصحى بعد زوجي لسببين الأول بسبب مولودتى والسهر عليها والثاني زوجى مومن النوع ألي يشتهي الفطورعلى طول وهو دايم مستعجل أما السرير نعم ارتبه من يوم اقوم وماعمره جاءوشافه حوسه والطلبات دايم اطلبها في الليل قبل مايجي للبيت ومستحيل اطلب اذا كان توه داخل ألا أذا ناوي يروح مشوار ثانى بالنسبه للغداء قليل ماأسئله لأن له طلبات خاصه ومعروفه واذا أشتهى شي هو يقول والغداء أحطه بعد مايأخذ قيلولته في الظهر وطبعا اي حرمه فاهمه بتبعد عيالها عن أزعاج أبوهم لأنه أذا تعكر مزاجه عكر هو بعد مزاجهم بالهواش والحرمان واذا كان رايق روقهم بالكلام الحلو والطلعات والوناسه وملابسه اكويها مجموعات كل أسبوع والصحون أغسلها بع الأكل مباشره حتى دايم زوجي يقول والله ماراح تطير الصحون اتركيها ألين اطلع ونادر ماأنوم قبله وأحب أصفي الحسابات قبل لاأنوم وفي اغلب الأحيان نتهاوش بصراخ وفي بعض الاحيان أرد عليه ولا أؤيد فطور الزوج في الخارج بس الظروووووووووووووف أما بالنسبه للوسخ اكيد بأنظفه وزوجي ماعمره علق على البيت أو قال ملاحظات . وش رايك في جوابي صررررررررررررريح جدى كم تعطيني من درجه بصررررررررررررررررررحه . وأبي منك طلب ان كانك متزوج تجاوب على اسئلتك وتحكم على زوجتك وتقول لنا .
|
أم سوسو
أبي أقولك شيء إذا إنتي ماتصحين إلا بعد مايقوم زوجك إنتي قولتي لسببين طيب السبب الأول بشأن مولودتك :15: ( الله يحفظها لكي ) والسهر عشانها . طبعاً هذه يبيلها شوية ضرب :16: لأن الحجج كلها اللي تقول عندها طفل صغير مإختلفنا أوكي . طيب السبب الثاني إنه زوجك مو من اللي بيشتهي الفطور . إيش رائيك لو جربتي في يوم وقام زوجك وإنتي محضرة ومجهزة الفطور :o أكيد بيجلس وبيفطر . وهذه حلوة من الزوجة جربيها أكيد بينسعد في ذاك اليوم وكلمة حلوة منك صدقيني اليوم هذاك بيكون مبسوط منك . هذه النقطه وإتعدلت;) . يعني أقول إنتي من النوع اللتي تؤيدين فطور زوجكي خارج المنزل . كان في العمل أو بوفيه .. جميل منك هذه الفقرات:D السرير نعم ارتبه من يوم اقوم وماعمره جاءوشافه حوسه والطلبات دايم اطلبها في الليل قبل مايجي للبيت ومستحيل اطلب اذا كان توه داخل ألا أذا ناوي يروح مشوار . :19: يعني تبيه يقول ليه ماقلتي قبل ماجي ممكن المشوار بيطول فيه والمحلات مقفله هذه شغلة آخر الليل وموال طويل . نقطة بسيطة في هذه الفقرة بالنسبه للغداء قليل ماأسئله لأن له طلبات خاصه ومعروفه واذا أشتهى شي هو يقول والغداء أحطه بعد مايأخذ قيلولته في الظهر . يعني طلبات خاصة إنتو متفقين فيها ... حاولي تسأليه مثلاً وقت العشاء قبل النوم أو إنك تعمليله جدول للغذاء إسبوعياً وينظر إليها :27: . أؤيدك بالكلام هذا :28: وطبعا اي حرمه فاهمه بتبعد عيالها عن أزعاج أبوهم لأنه أذا تعكر مزاجه عكر هو بعد مزاجهم بالهواش والحرمان واذا كان رايق روقهم بالكلام الحلو والطلعات والوناسه وملابسه اكويها مجموعات كل أسبوع والصحون أغسلها بعد الأكل مباشره . جميل جدا ً . لا أؤيدك في الناحية هذه :20: قبل لاأنوم وفي اغلب الأحيان نتهاوش بصراخ وفي بعض الاحيان أرد عليه. أنا من رأئي إنه إذا الموضوع شوي طويل ممكن إنك تتركيه لموعد آخر . بس من غير صراخ أو مهاوشات حاولي إنك من يقوم بتهدئته لأنه في الفترة هذه بيكون تعبان من شغل اليوم ويبي يرتاح . أغلب الأسئلة قومتي بها سليمة وكما ذكرت لكي النتيجة تحياتي لكي بالأشغال الشاقة :eek: |
ههههههههههه
يحليلكم يالمتزوجين بس انا للحين ماجى دوري بالاجابه توني نونو تووووني داشه ال18 بس يا ام سوسو اكرررررررره شي بالدنيا الهواش قبل النوم يعني ماتتأجل؟؟ حرام ينام زوجك وهو متضايق وانتي بعد متضايقه وشلون تقدرين تنامين عقب هوشه؟؟؟ يعني احس الواحد لى جى ينام يبي يكون مرتااااااااح ونفسيته هاديه لكن عقب الهواش بتنكد ويطير النوووووووووم اذا صج تحبين زوجك لاتخلينه ينام مره ثانيه وانتو متهاوشين ولو تهاوشتو راضيه وبوسي يده وراسه حتى لو ماغلطتي لانه حتى لو الغلط منه بتكبرين بعينه وبيحس انه صغير قدامج وبيجيج يعتذر وماتدرين يمكن تحصلين طلعه ولا هديه ولا شي لووووووول تحياتي لكم |
رائع جدا .. طرح متميز واسئله فعلا لاتخرج عن أطار حياتنا اليوميه .. |
شويت ضرب :29: ماتخاف من ربك مايكفي أني ماأنام زين وبعدين بقولك على سر :18: أخاف اسويله فطور وبعدين ويعجبه الوضع وبعدين أتورط :25: خلنا كذا أحسن :22: والهواش هو ألي يبدأ فيه :( بس الحمد لله مانطول :14: وبعدين ليش مانفذت طلبي وعلمتنا عن أجابات أسئلتك بالنسبه لزوجتك اذا مافيه احراج :24:
|
تحياتي لكي أولاً أم سوسو ;) :24:أبي اقولك شيء :p حاولي انك تفهمي وضعي نفسك محل زوجك ماذا يريد وماذا يكره . وإذا على الهواش :rolleyes: حاولي إنك تكوني أكثر عقلانية في ذلك الوقت من معاتبات بسيطة بس من غير نرفزه ومن غير تعصب وحاولي تهدئة الأمور كما ينبغي لها . بالنسبة لطلبك بس حبيت أشاور بعض الناس الحلوين حقوني :o بس صدقيني لما يقرؤها أكيد ححكم على نفسي بالإعدام . :30: :18: لكن مسيطر :22: على الوضع وسليم الحمد لله :11: .وأتمنى لكي حياة سعيدة دايماً إن شاء الله . بالتوفيق لكي . |
اخوي بالنسبه لي احب اسوي له الفطور لكن ولا مره سويتها وصار لي سنتين متزوجه ..وهو دائما يطلب مني اسويله فطور ودائما يعتب علي ..بس المشكله يجي متاخر في الليل وانا انطره لمن يجي يعني اذا ابي اسوي له فطور ماانام كلش في الليل لان دوامه الساعه 5 الصبح وانا انام الساعه 3 والسبب هو ومااقدر اشيل نفسي ...
بالنسبه للغده اسأله من الليل شنو يحب من اكل واسوي له..واحطه من يجي وبالنسبه على النظافه انا دائما اهاوشه على هالشي..ياكل في غرفة النوم ويطيح منه اكل في الغرفه وانا اتهاوش معاه لان ابي اجيب له سفره ياكل عليها وهو متضايق مني بسبب هالشي |
السلام عليكم ورحمة الله وبركاته بداية اشتقت لكم كثيرا وللمنتدى الغالي أخي مستوى سوف أجيبك على أسئلتك وأنا في انتظار ردك للإيضاح زوجي يعمل في منطقة أخرى (يعني إذا جاء صارhttp://66n.com/forums/images/icons/icon51.gif ملك) ههههههههههههههههه
أول ماتزوجنا كنت اجهز سفرة طويلة للفطور وقهوة وشاي وحليب مع إني ماأشتهي بس عشانه وعشان ما أتركه ساعات جوعان وكنت أقعده يفطر ويوصلني الجامعة بعدين أكتشفت إنه مايحب يفطر أول مايعقد من النوم (يعني بعد ساعة ممكن)وأنه كان يفطر عشان أنا أفطر بس..يوم دريت هونت وصرت بس أجهزله كأسة عصير .. وحتى بالأجازة أصحى قبله وhttp://66n.com/forums/images/icons/tongue3.gif(إن كان مرات يصحي قبلي و يقطف الورد ويحطه على وسادتي)..http://66n.com/forums/images/icons/tongue3.gif
في الختام تحياتي ودعواتي لك بس أعتقد فيه أشياء أهم من هالأشياء ماقلتها مستوي.. ولا اش رأيك... |
مشكـــــــــــــــور اخي
مستوى عالى أحب أسال من الفضولية اللي فيني الحين هالاسئلة تشوفها فحياتك اليوميه يعني زوجتك أولسا ماتزوجت؟؟؟؟؟؟؟؟؟؟ |
اقتباس:
ماشاء الله عليكي إكتفيتي وأعطيتي الحمد لله :17: إلى الأمام مع زوجك . أكيد مسيطرة :22: على الوضع أتمنى كل الزوجات الكريمات أحب أكد لهم إنهم يحسنوا ويبتدوا على تفضيل أفضل الخدمات لأنفسهم وللأزواجهم ولأطفالهم و لمنازلهم . . وتشدد على العناية بالأسرة بأكملها ومن جميع نواحيها . تحياتي لكي أختي مع كل التقدير وألإحترام :28: وفضلاً ممكن تقوليلي ويش الأشياء اللي أنا ماقلتها أو فيه ملاحظة إنتي لاحظتيها في البيوت وماذكرت تحياتي لكي |
اقتباس:
ولو مو البيوت أسرار لأنكشفت كلها على طريقتها أنا يعني لسه خاطب . . حبيت ناخذ بما فيه مفيد ونعمل لأجله تحياتي لك |
| الساعة الآن 09:35 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©