|
وأخيرا حصلت على الدلكه السودانيه.....لكن؟؟؟؟إففففف
السلام عليكم كلكم بابنوتات وياحريم
بقولكن اني حصلت على الدلكه السودانيه من سودانيه نقاشه شريت منها اناواختي المهم بعد ماراحت السودانيه......>>>فرحانه بالدلكه بققققوه واول ماراحت السودانيه وافتح الكيس واشمممممممممم الريحه >>>يففف خيااس ماادري الريحه هذي تبقى بعد الشور والا تروح؟؟ متردده بأستخدامها؟؟؟ هاه يابنات مين استخدمها وشم ريحتها وجربها؟؟؟ ملاحظه/// السودانيه تقول من فوائدها::: تنعيم الجسم لمدة يوم واحد او يومين وانها تساعد في تثبيت روائح العطور في الجسم. |
اختى استخدمتها بصراحة رهيبة للجسم
وريحتها تروح بعد الحمام . لكن اختى سوتها لها السودانية بنفسها . اتمنى اكون افدتك |
أختي ليش ما تستحدمين الدلكة البيضاء اللي بدون رائحة
أنا طلبتها من سودانية بس لسة ما جابتها لي |
السلام عليكم ورحمة الله تعالى وبركاته
هلا وغلا حبايبي شحالك :) بما إن الموضوع يخص السودان او الدلكه السودانيه بالتحديد أظن إني اقدر افيدكم :d لاني سودانيه واستعمل الدلكه دووووووووووووووم :25: الدلكه السودانيه اكثر من نوع في منها الدلكه الحلوه وهذي تتميز إن ريحتها واااااااايد حلوه وتستخدمها العروسه أو أي حرمه تبي تكون ريحت جسمها حلوه وغالبا تستخدمها عقب الشور عسب تمسك الريحه في جسمها لانها تحافظ على الجسم من ريحة الإفرازات والعرق وتخلي ريحته دوم طيبه :22: وفي انواع ثانيه من الدلكه منها يسونه من الخضار أو الرز او غيره وهذي تكون لتخلص الجسم من الاوساخ المتراكمه عليه وتخلي الجسم روعه روعه و وايد ناااااااااعم وتفتح اللون يعني السمره تصير بيضه :17: حتى في ناس تستخدمها عقب حطب الطلح السوداني لو ماتبي آثار اللون مال الحطب لان الدلكه تنزل اللون وفي كل الحالات ريحة الدلكه عادي تطلع عقب الشور عادي تسبحين بالماي والصابون وتتعطرين ولا كأن شيء صار :15: وأي سؤال من عيوني انا حاضره وإن شاء الله تكونوا إستفدتوا :22: دمتم بخير/عاشقة السرآب |
ليش تتعبون نفسكم وتشترونها
سوي سيرج بالمنتدى باسم الدلكه السودانيه حطيت لكم موضوع حلو وفيه طريقة صنعها بنفسك http://66n.com/forums/showthread.php...CF%C7%E4%ED%E5 |
شكرا اكتير الك يا اخت مهاوى لان انا كنت اسال ما حد بعرف مقاديرها حتى نستطيع نعملها بالبيت
لان يا حبيبتى فى بلدى ما فى سودانين تحيااتى |
* هل لها فائدة لنـا نحن الرجال :25: . |
مشكورات حبيباتي على الردود واااااسفه لى التأخير لأني مسافر وغير مستقره
المهم حبيت اسألك اختي عاشقة السراب ان الدلكه السودانيه اللي عندي مااستحبيت ريحتها على اني قد شميتها مع سودانيه ...ماأدري هل الريحه هذي مميزه عندكم ولا لا؟؟ ولون الدلكه سمراااااء وسألت السودانيه اللي شريت منها الدلكه هل يمكنني الغسيل بالصابوووون ...قالت لي لااااااا....بعدين تروح فايدة الدلكه وهي نعومة الجسم وانا خايفه تبقى الريحه بجسمي؟؟؟؟؟ ياليت تردي علي |
والله ذكرتينى باختى استخدمتها
والريحه فاحت بالبيت كله لكنها على طول تبخرت بعد الحمام بخرت جسمها وخفت الريحه بنسبه 90 بالميه وبصراحه انا شميت الريحه وكرهتها ولاعمرى حطيتها |
هلا وغلا
حبيبتي الماسه اول شيء حمدلله على السلامه من السفر وعساك موفقه في كل شيء^_^ شوفي ياعمري عادي ترومين تتسبحين عقبها بالصابون الحرمه هذي ماتقصد أن تروح فايدها من ناحية تنعيم الجسم او هالشيء بالعكس لان كلمة الدلكه من كلمة الدلك وهو المساج يعني أنتي بفركيها بحسمك وهي تنزل بتنزل معاها أوساخ الجسم والقشور الفيه عسب تظهره ناعم وطري ونظيف ولونه فاتح وإنتي تحسن بالفرق من أول مره تستعمليها أما الشيء التقصده الحرمه ان تروح ريحتها لان في مثل ماقلت من قبل نوع من الدلكه يسمونها الدلكه الحلوه وهذي تكون ريحتها وايد حلوه وتمنع تعرق الجسم بريحه خايسه يعني يوم جسمك يتعرق تكون ريحته حلوه هب خايسه وهذي الفايده الراح تخسرينها يوم تتسبحين بالصابون^_^ بس عادي لو ما تبين الريحه ترومين تتسبحين بالصابون وبالليفه المغربيه بعد بس راح تعورك شوي لان جسمك بكون توه طري والليفه تحكك وراح تحسينها قاسيه عليك^_* ودمتي سالميه حبيبتي وعساك مووووووووووووووفقه في كل أمورك الله يسعدك دنيا وآآخره وأي سؤال من عيوني أختك/عاشقة السرآب هلا وغلا أخوي alouchee سؤالك كان من باب الطرفه بس راح اجاوبك عليه *_^ عزيزي عندنا في بعض الأحيان يوم العرسان يكونوا في شهر العسل العروسه تسوي دلكه حق زوجها من باب الطرفه وكنوع من التغير والمتعه يعني تسوي له الدلكه وهي نفس المساج يعني حركه جي يقعدون مع بعض وهي تسوي له دلكه وهو بعد يتحسسون جسم بعض وشوية حركات بالآخر تنتهي بليله سعيده بطريقه غير مباشره^_^ لان الدلكه مساج ووهي تنحط على كل الجسم ويوم تبي تنزلها تم تفركها على الجسم وبالتالي راح تتحسس كل الجسم يعني نوع من الإغراء بطريقه غير مباشره^_^ والحركه هذي تسويها اي حرمه تبي تغير من طريقة معاشرتها لزوجها بطريقة غير مباشره*_* دمت بخير اخوي والسموحه على التأخير أختك/ عاشقة السرأب |
عاشقة السراب شكرا على تواصلك معاي
بصراحه حابه اوصفلك شكل الدلكه وكيفية استخدامها كما قالت لي النقاشه اشتريت منها حق ثلاث استخدامات وهي عباره ثلاث كور من عجينة الدلكه قالت لي اني اضيف عليها مويا حتى تصير مثل رخاوة الصابون المغربي تقريبا بعدين ادلك فيها الجسم لحد مايشف على الجسم وبعدين اشطفه بالماء؟؟؟ هل هذي هي الطريقه الصحيحه وكم مدة تليك الجسم؟؟؟ وبأيش ادلك جسمي بليفه أو بيديني فقططط؟؟؟ |
افااااا عليك عيوني الماسه لا شكر على واجب عزيزتي تحت آمرك في أي لحظه أنت بس تدللي ^_^
شوفي غاليتي في اكثر من طريقه لعجينه الدلكه انا مثلا اخذ الكوره واضيف عليها ماي وخبز سمون يعني قطعه وحده جي ابلها بالماي وممكن تحطين فوقها زيت زيتون لانه يسهل نزول الدلكه او اي نوع من انواع الزيوت سمسم مثلا اي شيء وفي ناس تضيف عليها كركم لو تبي اللون الأصفر على الجسم وغيره وايد اشياء وممكن بعد ما تضيفين اي شيء مثل ماقالت لج الحرمه بس ماي والزيت يكون لتسهيل نزول الدلكه من الجسم عقب جي :11: تسوين فرشه على الأرض مثلا وتيلسن فوها وتحطين الدلكه على جسمك وتمين تفركين بإيدك لين ما تطلع لا تتريناه تنشف وعقب تطلعينها لانها بتصعب عليك :30: وفي كل الحالات ترومين تستخدمين الزيت لانه يسهل نزولها بعدين حبيبتي كل ما فركتيها وهي لينه على جسمك قبل ما تجف بتكون فايدتها اكبر لان الفرك ينزل الأوساخ :26: بس ها لا تفركين بقوه وعقبها يحمر جسمك او شيء ولو في جسمك في شعر وايد يمكن تحرقك شوي لان الدلكه تتداخل مع الشعر وتتعلق فيه :11: عادي فرك ودلك بإيدينك لين ما تنزل كل الدلكه من جسمج عرفتي كيف عيوني^_^ وأي سؤال انا حاااااااااضرت تدليلي^_* أختك عاشقة السرآب :d |
يعني لمدة كم فترة التدليك ربع ساعه مثلا؟؟؟
وبالنسبه للزيت وش كثر...؟؟؟ويعني تكون الأضافه ماء+زيت زيتون؟؟ مشكوره على وساعة صدرك عزيزتي |
هلا وغلا عيوني الماسه :d
شوفي ياغاليه التدليك لين ماتزل الدلكه من جسمك يعني ماعنده وقت محدد بس لين ما تنزل الدلكه كلللللللللللللها من الجسم بالنسبه للزيت يالغاليه ترومين تخلطينه مع الماي والدلكه أو عادي تخلطين الماي مع الدلكه وتلكيها على جسمك وعقب تنزليها بالزيت :25: الزيت يكون مسح خفيف يعني بس يلين الدلكه يوم تجف ويصعب نزلوها او إذا كنتي مستعجله وتبي تخلصينها بسرعه بس لو رمتي تنزليها بدون زيت يكون آحسن^_^ وأي سؤال إنتي بس أشري بأصبعك الصغير أختك عاشقة السرآب :) |
ياعمري عاشقة سراب خجلتيني بأسلوبك
>>>>>> ماتنعطي وجه هذي انا لمااتذكر شيء بسألك على طول ويمكن ارجع للموضوع لمااستخدم الدلكه حتى لو بعد شهر>>>>>متخوفه من الريحه |
| الساعة الآن 05:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©