|
وزوجي يريد الانجاب وانا لا اريد
استفدت الكثير من هذا المنتدى الطيب واعضائه الطيبين عشان كذا كلي امل وكلي شوق في فراغ الصبر بانتظر حلولكم الى اختكم الصغير صار لي سنه من تزوجت وزوجي يحن عليّ بالانجاب وانا لا اريد ان انجب الان لاسباب: اولا: لسه صغيره وابي اكمل دراستي عمري بس 18 ثانيا: لسه باقي على مسؤليه الجهال انه اتحملها المهم الحين وقت الدوره فات عليها مده يعني سبوعين كذاا وانا سويت تحليل حمل بيتي بس طلعت النتجه سلميه يعني مافيه حمل وزوجي على علم انه شريت لي تحيليل بيتي على امل ان اكون حامل ولكن خبرته ان النتجه طلعت حامل طبعا هو فرح وانا اقول من حقه بس وش اسوي على حساب سعادتي مستعده اضحي لان قال لو ماحملت الحين راح يتزوج عليّ انا بالصراحه ماكان ودي انه اكذب عليه وفي نفس الوقت انا احببببببببه واحنا ماتزوجنا الا عن حب ومومعقوله بالسهوله وعشان مشكله صغيره يطلقني او يتزوج عليّ بس انا الحين خايفه كذبت عليه كذبه ثانيه وقلت له انه اجهضت ونزل دم والحين هو يبغى يوديني المستشفى عشان يطمأن عليّ وانا بالصراحه موت خايفه مابغى يأخذ عني فكره مب حلوه وفي الوقت نفسه ماقدر اقول الى احد من اهلي لن ادري اني غلطان وغلطه كبيره مب صغيرررره ارجوووووكم يااعضاء المنتدى ومن لديه خبره ومن ذوي الاختصصات انه يرد عليّ وباسررررع ووووقت ارجوكم ساعدوني عشان بيتي لا ينهدم ادري اني اغلطت بس الشي كله كان دافع حب ولانه حاولت وياه كذا مره مابي اجيب اعيال الحين بس ماقتنع ارررجوكم حياتي في خطررر ارجووووكم ابي من ام واب واخت واخفي هالمنتدى الكريم انه يسااااعدني عشان حياتي بس ارجووكم وكلي شاكره لكم وارجو انه تفيدوني اليوم لان بكره ناوي يوديني المستشفى يوم الخميس يبي يوديني المستشفى |
اختي انتي قلتي انك سويتي تحليل حمل بيتي لازم تخبرين زوجك ان التحليل المنزلي غالبا تكون نتيجته غلط
وتقولين له انك ما تعرفين وشلون يكون الاجهاظ عشانك ما كد جربتيه بعدين ما فيه احلى من الصراحه بين الزوجين ونصيحتي اذا كان يبغى حمل ليش ما تجيبن له طفل ينسيه النوم وحتى لو كنت صغيره احتمال يكون زوجك كبير ويبي يشوف عياله |
شوفي حبيبتي إنتي عجبتيني إنك أعترفتي بخطأك وبعد كدا إيش ماكان الموضوع مايحتاج نكدب والعلا قه بين الأزواج عدوها الأول الكذب(في نظري)
المهم أنا أعرف إنو عادي لوطلع تحليل الحمل وحصل إجهاض مايبان الحمل حصلت لأختي كانت حامل وأجهضت ولما سولها تحليل ماطلع في حمل يعني بالمختصر أتوكلي على الله وقولي له مافي داعي للدكتوره لأن الأمر في بدايته وإنك أخذت أدويه وأعشاب منظفه من أحد يعرف (ولو إنوفيها لف ودوران )لكن أفضل من معرفة الكذبه الأساسيه والـله يكون في عونك ويساعدك |
كمان أنصحك بإنجاب طفل ثم التوقف لإكمال الدراسه
وإذا كنت مصره حاولي إقناعه بالتأجيل وماشاء الله ياما عرقت ناس عندهم 3و4وكملوا دراستهم وكانوا من المتفوقين الله يعينك ويسعدك |
أنا أرى أن تعترفي بخطاك له قبل ذهابك إلى المستشفى ولكن إستخدمي الأسلوب الحسن و توددي لقلبة أكثر من عقلة ولا تندمي مهما حصل ,,,,, ولا تردي في حال إنفعاله
|
تولة عود .... شكرا حبيبتي على الرد
بس اللي ابيه اعرف انه التحليل البيتي ماهو بلازم انه يطلع النتجه صحيحه والا شلون وربي ترى تحملوني انامااعرف بالسولف هذي ولاعرفت الا من منتداكم الغالي بس اللي ابيه يعني مولازم يطلع التحليل صحيح يعني يمكن اطلع حامل ؟؟ بالعكس لوماكذبت عليه كان انتهت حياتي وياه القهر اني احبببببه وحياتي من دونه ولاشي لوقلت له اني اكذب عليك كان زعل وسوا من الحبه قبه واناادري انه كذبت كذبه كبيره بس الله يشهد عليّ انها بيضه وماكان اصلا من القصد انه اكذب عليه بس الظروف جت كذا واناوالله كنت افكر نفسي حملت لان الدوره انقطعت سبوعين والى الحين ماجتني مادري وش السبب شلون اجيب جاهل من الحين واناا المفروض خلصت ثانوي بس انقطعت عن الدرسه عشان الزواج وقلت بكملها السنه هذي ولو جبت جاهل مايبي عنايه ورعايه مابي اخلي الجاهل يضيع بسببي وبعدين هو ماهو بكبير 23 سنه عمره يعني توى الناس على الحمل والجاهل اختي شمس الحيارى.. نهر عذاب...شكرا لكم على التفاعل .... بس اللي ابيه اعرفه طيب لو كذبت عليه وقلت له مافيه داعي للدكتور واذا اخذت اعشاب وكذا اكيد بيسألني لا هذا خطر على صحتك ولازم نروح للدكتور على الاقل للطمئنان واحنا ماهو بخسرانين شي وبالاساس انا خايفه من مشكله الحمل واللي اسمع عنه |
اقتباس:
أنا مع الأخت تولة عيد رأيي واقتراح صائب 100% ونصيحة مهما كان الوضع لاتلجئي للكزب كحل مريح للمشكلة لأن الكزب باختصار أكبر مشكلة |
روح الأحرار.........لا تبنين مشوار حياتك على كذب لأن إذا كذبتي مره ،،،بيصعب عليه يصدقك في المره الثانيه
مافي أحلا من الشفافيه في الحياه الزوجيه! وإذا حملتي ماراح يأثر على دراستك.....وتأكدي الدراسه ماهي شهاده وبس..ياما ناس عندهم شهايد عليا ولكن للأسف أسم وصفه وبس!! على فكره أنا مش ضد دراسة البنت!!! بالعكس الشهاده سلاح البنت إذا قدر بها الزمان والله يوفقك |
انا لومكان زوجك هزعل زعل لايحتمل لانك لاتريدى الانجاب منى
فمتى ستنجبى لما يكون سنك 25 سنة يعنى ابنك يكون 5 سنوات وانتى سنك 30 |
راح اركز على مشكلتك ولا راح الومك لانك أدرى الناس بظروفك وسبق السيف العذل
وفيه مثل مشهور يقول ( بغى يكحلها أعماها ) أنتي اضطريتي تكذبي حتى تحافظي على زوجك مايتزوج عليك ولقيت مخرج للكذبه بقولك انك أجهضتي الآن راح يأخذ فكره زوجك انك بمجرد ماتحملين تجهضين يعني مستقبلك مايبشر بالخير !! وهذا اللي يدعيه ويخليه يصر انك لازم تراجعي الطبيب يبي منه فقط يطمنه ان حملك القادم بيكون سليم الحل من وجهة نظري مايلي : عليك ان تتوسطي بطرف ثالث يكون حنون عليك جداً ويهمه مصلحتك وهذا لايخرج عن والدك أو أحد أخوانك في البداية لازم تفاتحين الشخص اللي حددتي منهم ان حصل معك كذا وكذا الخ وانك ترغبين في حل المشكله ومشكلتك تمثل مشكلة لمن يسمعك وراح يحاول يساعدك وطريقة المساعده انه يزوركم قبل موعد المستشفي يعني الاربعاء او صباح الخميس ويحاول يآخر الموعد باي سبب إن شاء الله تكون عزيمه أو يخبره ان أحد اهلك مريض مثل والدتك او ماشابه وبكذا راح يفوت عليه الموعد اللي حدده للطبيب ومع مرور الايام راح ينسى حاجه أسمها طبيب وحبذا لو الشخص اللي أخترتيه سواء الوالد او احد اخوانك تنبهيه اذا أخبره زوجك ان معكم موعد مع الطبيب يخبره ان مافي داعي لمراجعة الطبيب فمثلا المستشفيات الحكومية زحمة والخاصه فيها خسائر كثيره ويضرب له مثل على نفسه وعلى زوجته انهم صبروا ونالوا ويخبره انكم مازلتوا في بداية الطريق والله يعوضكم على صبركم .... الحل الثاني : المواجهه !! تخبرين زوجك انك تحبينه اكثر من نفسك وتخافين عليه من هبة الريح وتقولين انا كنت أشك في البداية إني حامل ولست متأكده ولا حبيت اكتم عنك الخبر اللي أفرحني وبعد فترة حسيت بشئ ( يشبه الاجهاض ) طبعاً كل كلامك وتوقعاتك لا تلتزم الصحه والتأكيد ( لأنك لستي طبيبه ) وبكذا يكون لك مخرج اذا أصر على مراجعة الطبيب واخبره انه لايوجد حمل ولا يوجد اجهاض وربما تكون شكوك أيضاً هنا مخرج وهو ان تصري عليه ان تكشف عليك طبيبه طبعاً اكيد ماراح يكون موجود معكم وانتي صارحي الطبيبه بمشكلتك وقولي اخبرته اني حامل واجهضت بسبب كذا وكذا وراح الطبيبه تعطيه كلام يجمع بينكم ولا يفرق لأن مهمة الطبية مساعدة الناس وسعادتهم هذا اللي أقدر اساعدك فيه وانتي حره في الاختيار .. تحياتي / هتــــان |
حل المواجهة ل (هتان ) اشوف انه هو المناسب جدا إن شاء الله ،،
|
اذا أصر على مراجعة الطبيب واخبره انه لايوجد حمل ولا يوجد اجهاض وربما تكون شكوك
أيضاً هنا مخرج وهو ان تصري عليه ان تكشف عليك طبيبه طبعاً اكيد ماراح يكون موجود معكم وانتي صارحي الطبيبه بمشكلتك وقولي اخبرته اني حامل واجهضت بسبب كذا وكذا وراح الطبيبه تعطيه كلام يجمع بينكم ولا يفرق لأن مهمة الطبية مساعدة الناس وسعادتهم هذا اللي أقدر اساعدك فيه وانتي حره في الاختيار .................................................. .................................................. ..................................... ما فيه أجمل من الصراحة والتفاهم....(وأن كنتم ما تزالون صغار سن أعانكم الله)...... لذلك أرشح طرف ثالث متقدم في السن يعمل على اصلاح الوضع علما أن الامر لا يستحق التظخيم. ولك أطيب تحية |
غاليتي التحليل المنزلي ليس دقيق انا تاخرت علي الدورة اسبوعين وحللت تحليل دم ولاوضح فاتوقع انة لسة مابين واذا رحتي للمستشفى خلك طبيعية وعندكلمتك انة طلع في التحليل المنزلي حمل وبعدين طلع دم لانة لو كنتي حامل شي طبيعي يطلع00ولوماطلع حمل في المستشفى يبييقولو تلخبط هرمونات00ولوقالك شي قولي انا بكر لسة ماعندي خبرة لان التحليل المنزلي مب مضمون
|
خلينا نترك سالفة الكذب لانك عرفت نتائجها واتمنى ان لا يكون هذا طبع فيك لان مصيبة ومراح يثق فيك وبيتزوج عليك حتى لو جبتيل درزن عيال
الطريقة الوحيدة انك تقولين له خلينا نروح نسوي تحليل بالمختير لان تحليل البيت يقولون مو مضبوط وبالفعل سوي تحليل (لان ممكن بالفعل تطلعي حامل ) اذا طلعت النتيجة سلبية روحي على الدكتورة ولا تقوليلها قصة حياتك بس قولي طلع نتيجة ايجابية عل تحليل البيت وسلبية في المختبر هي راح تسويلك سونر و تشوف ان ما في حمل و الامر عادي لان التحاليل المنزلية احيانا تتأثر بالهرمونات . انت تقولين ما تبين عيال ان شاء الله ماخذتي حبوب ولا شي لان يسبب العقم في بداية الزواج لذاللك توكلي على الله وسوي لزوجك طفل لان هو لو ما يحبك كان ما راد منك اطفال ولي صديقة عندها 4 اولاد وهي الان حامل و مثلك تزوجت صغيرة وكملت الدراسة شوي شوي وهي الان سنة رابعة جامعة ومن المتفوقات . وبعدين لا تجعلي الخوف يدفعك لفعل الخطأ والزوج اذا هدد مو معناه انه راح ينفذ هو يريد يخوفك بس حتى تخضعي له لان لو اراد الزواج كان ما قالك كان راح تزوج على طول . وان شاء الله يرزقك الله بالذرية الصالحة و تكملين دراستك . |
حبيتي لاتكذبي على زوجك في شئ لانه الكذبه اذا بدت صغيره تكبر
غير كذا لو اكتشف زوجك انك كذبتي عليه راح تهتز الثقه بينكم وكلام الاخوان صحيح انه تحليل البيت مو دائما صح وعشان كذا حاولي تكوني صريحه معاه وموضوع الاطفال ان شاءالله فرجه قريب يعني انتي تقولي لا ماابي بس بعدين راح تحسي بمتعة الامومه وانتي مو صغيره مجرد الزواج يعني عارفه تبعاته الله يهديك ويسعدك بس قولي لزوجك الصراحه انك ودك تستني سنه كمان وتفاهموا يمكن يقتنع بوجة نظرك |
اختي سيـــدرا ... شكـرا لـك على الـرد
طيــب وانــــــا وعــــدت نفســــي انه ماكــــذب على زوجـــــي مـــره ثانيـــه وانــاقلــت لــكم انه ماكــان قصـــدي اكـــذب عليــــه ،،،،،،،،،،،،،،،،،،،،،،،،،،،،،،، اللقــي ....داريــــه والله عارفه انه مش من المفــــروووض الكــــذب وداريــــه انه احـــلى من الشفـــافيـــه في الحيـــاه الزوجيـــــه مافيـــــــه وش اســـــــوي هذا الليـــي صـــاروانـــا ابــــــــي مســــــاعدتكم الحيـــــن بهالمشكـــــــله هذي لا اذا حملـــت راح يأثـــر لان انــاوانــا كـــذا وجـــع البطـــــن مـــوقــادره منه شلــــون لويصــــــــير في بطـــني جنيــــن 9 شهــــور هذا بيتعبنـــي والمشكله عادي لوماكلمـــت دراستـــي الحيـــــن بس الحيـــن ســـلاح البنت شهــــادتها على العمـــــــوم شـــكراا ع المرور والرد ,,,,,,,,,,,,,,,,,,,,,,,,,,,,,,,,,, شبـــرواي.... ادري واناا لو كنت بحمـــــــــله اكيـــــــــد بزعل بس الشيطــــــــــان واعتقــــــــد مافيه اسهـــــــــــل من الشيطـــــــان والعيـــــــــذو بالله منه لا افكــــــــــر بالحمــــــل الحين عشــــــــــــــــان سعــــادت زوجي والله مستعــــده اســوي اي شــي عشــــانه ،،،،،،،،،،،،،،،،،،،،،،،،،،،،،، اخــــوي هـــــــتــــــــــان سلمــــــــــت يمنــــــــاك على ردك وبصــراحه ومااخفـــي عليك اناكنت افكــــــر باللي قلته (((ان تكشف عليك طبيبه طبعاً اكيد ماراح يكون موجود معكم وانتي صارحي الطبيبه بمشكلتك وقولي اخبرته اني حامل واجهضت بسبب كذا وكذا وراح الطبيبه تعطيه كلام يجمع بينكم ولا يفرق لأن مهمة الطبية مساعدة الناس وسعادتهم هذا اللي أقدر اساعدك فيه وانتي حره في الاختيار ..))) هذي اسهـــل طريقـــه بس اخـــاف انها طينــــها وياي وسين وجيم بس مافيـــه بيـــدي الا الحـــل هذاا واليـــوم ومن حظـــي قال لـــي انه عنــــده شغـــل ف راح ياجـــل روحت المستشفــــى للسبــــت والله يعينـــــــــي والله قلبي حيـــــــــل يرتجـــف ,,,,,,,,,,,,,,,,,,,,,,,,,,,,,,,,,,, المتأني .... ايـــه وانــا اقـــول كـــذا ومشكـــــــــــور اخـــوي على ردك ,,,,,,,,،،،،،،،،،،،،،،،،،،،،،،،،،، محبكم المشتاق ...... ما فيه أجمل من الصراحة والتفاهم....(وأن كنتم ما تزالون صغار سن أعانكم الله)...... لذلك أرشح طرف ثالث متقدم في السن يعمل على اصلاح الوضع علما أن الامر لا يستحق التظخيم. ــــــــــــــــــــــــــــــــــــــــأخـــــوي ادري انه مافي اجمـــــــــل من الصــراحه والتفاهم بس بهالمــوضوع هذا بالذات مستحيــــــل اقول لــــه الحقيـــــقه وانا مابــــي اهـــدم حيــــــاتي بيدي اكــــون جنيـــــــت على حالي ولوقلت له الصراحه هذي عشرت عمر لاهي يوم او يومين واناا حاربت الكل عشانه حاربت هلي حاربت ناسي حاربت الدنيا كلها عشان اتزوجه وبالنهايه تقول لي اقول له الصراحه والله ماغير يزززعل ولا عمري كله لو اعطيه هديه مايرضى عليّ على العمووم تسلم اخوووي على الرد ,,,,,,,,,,،،،،،،،،،،،،،،، *أعذرونـــــــــــــــي* تسلمـــــــي عيــــــــــوني على ردك وان شاء الله اروح المستشفى ويقولو حامل لان جد جد من الخوف خايفه حتى اطالع بوجهه على العمو م شكــــــرا حبيبتي على ردك ولاخلا منك ومن ردودك ,,,,,,,,,,،،،،،،،،،،،،،،،، اختــــــــي الفلوجـــــــــــــــه (( واتمنى ان لا يكون هذا طبع فيك لان مصيبة ومراح يثق فيك وبيتزوج عليك حتى لو جبتيل درزن عيال )) لا واللـــــه هذي آخر مـــره اكــــــــذب عليــــه وصدقيـــــني هــذا موطبـــع فينــــــــيوان شاء الله له مايكــــــــــون طبـــــع ((الطريقة الوحيدة انك تقولين له خلينا نروح نسوي تحليل بالمختير لان تحليل البيت يقولون مو مضبوط وبالفعل سوي تحليل (لان ممكن بالفعل تطلعي حامل ) اذا طلعت النتيجة سلبية روحي على الدكتورة ولا تقوليلها قصة حياتك بس قولي طلع نتيجة ايجابية عل تحليل البيت وسلبية في المختبر هي راح تسويلك سونر و تشوف ان ما في حمل و الامر عادي لان التحاليل المنزلية احيانا تتأثر بالهرمونات . )) ان شاء الله وهــــــــــذا اللي راح اســـــــــويه ((وبعدين لا تجعلي الخوف يدفعك لفعل الخطأ والزوج اذا هدد مو معناه انه راح ينفذ هو يريد يخوفك بس حتى تخضعي له لان لو اراد الزواج كان ما قالك كان راح تزوج على طول .)) ادري ماراح يتزوج بس راح يغضـــــــــب منـــي ويمكـــن يفقـــــــــــد الثــــــقه فيـــــــني بعدين انا شلــــون اعيش امــــــــــوت لو ســـوى فيني كــــــذا ((وان شاء الله يرزقك الله بالذرية الصالحة )) الجميـــــــــــــــع يارب ((و تكملين دراستك .)) ان شاء الله يارب ــــــــــــــ,,,,,,,,,,,......................... .... اختـــي زوجة رجل مميز ((حبيتي لاتكذبي على زوجك في شئ لانه الكذبه اذا بدت صغيره تكبر)) والله العظيــــــــــم ادري بس والله غصبـــا عليّ والله العظيم ((غير كذا لو اكتشف زوجك انك كذبتي عليه راح تهتز الثقه بينكم)) اكيـــــــــــد هــذا بيصيـــــــر عشــــــــــان كــــــذا ماراح اقـــول له والله يسامحنــــــــي على الكذبه ((وكلام الاخوان صحيح انه تحليل البيت مو دائما صح وعشان كذا حاولي تكوني صريحه معاه وموضوع الاطفال ان شاء الله فرجه قريب يعني انتي تقولي لا ماابي بس بعدين راح تحسي بمتعة الامومه وانتي مو صغيره مجرد الزواج يعني عارفه تبعاته الله يهديك ويسعدك بس قولي لزوجك الصراحه انك ودك تستني سنه كمان وتفاهموا يمكن يقتنع بوجة نظرك)) صارحتـــــــه بمــوضوع الاطفــال بس ماقتنـــعومن حقـــه انه يبي جهــــال وصدقينـــي انا احـــب الاطفــــال وامـــوت فيهــم ربيـــــت اخــوتي على ايـــدي طبعـــا بفضـــل امـــي واحبهم مثل اولادي شلـــــون لو كــان ضنـــاي وحشاشت جــــوووفي شكـــــــــــرا حبيبتي على تفــــاعلك معــــــــــاي آآآآآآآآآآسفه على الاطــــــــــاله بس ارجووكم لاتخلـــــوني واصلـــوو معــــــــاي الحلـــول وهــذا كلــه في ميـــزان اعمــــــــالكم والله يجـــازيكم كلكـــم بالخيـر |
أحسن حل هو حل الأخت تولة عود .....
تقولين له إنك سويتي فحص حمل بيتي ... و مو شرط يكون صيحي 100% ..... و كان الله غفور رحيم ........... |
لا تتعودين الكذب من اول زواجك نصيحة لان زوجك ما راح ينساها عليك
وبينكد حياتك بعدين وليش ما تبغين الجهال؟؟؟؟؟؟ هم زينة الحياة الدنيا وبعدين لازم تجيبين الاول عشان زوجك يتطمن ويرتاح بالة كل الرجال كذا يبغون الطفل الاول بسرعة عشان يتطمنون انة يقدرون على الانجاب وبعدها براحتك يعنى مو لازم كل سنة جاهل والله يوفقك ويرزقك الذرية الصالحة ااااااااااامين |
| الساعة الآن 03:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©