الله يخليكم جاوبوني مالي الا الله ثم انتم
 

اسبوع .......................اسبوعين ....................ثلاثة......................شهر :(

الفترة التي تنتظرها الفتاة بعد رؤية اهل الخطيب لها ؟ :11: :11: :11: :11:

وهل من المعقولة اذا لم تعجبهم الفتاة يسكون لا اعتاذر ولاشي ؟؟؟؟ :( :(

وهل يكون السؤال عن البنت اخلاقيا و....قبل شوفت الخطيب لها او بعد ؟؟؟؟؟ :24:


الله ييخليكم افيدوني :11: :11: :11:

انا من رايي في ناس يطولون في الرد وفي ناس على طول يردون يعتمد على اهل الخطيب واذا ما عجبتهم البنت لازم يردون
بعدين يا عزيزتي هالامور شوي اتطول وما عليج ان شاءالله ما بيصير الا كل خير ..

الفتره اللتي يردون اهلالخطيب لأهل البنت ماراح تتعدى اسبوع في نظري ..

وحتى فتره اسبوع تعتبر كثيره ماتوصل اسبوع ...

بالكثير يومين او ثلاث ...

واذا لم تعجبهم لاتتوقعين منهم اتصال او اعتذار راح يسكتون وانتي اعرفي انه مافي نصيب ..

وبالنسبه عن السؤال عن البنت غالبا يسألون قبل الرؤيه الشرعيه وفيه ناس بعد الرؤيه الشرعيه على حسب ...

الله يرزقنا وياك بالزوج الصالح ..

تحياتي

هلا ...
عادي يروحون ولا عاد يرجعون :)
جدا طبيعي ..
انتي اصلا يا قمر ماعليك من احد ..
وبعدين منتيب ميتة عليهم هم اللي المفروض يموتون عليك ..
خلك اكثر ثقة بنفسك :d
واعرفي انه اذا صار شي ما شي بالخطبة فلأنه مافي نصيب ..
موبعشان شي ..
ترى مكتوب بالسما فلان لفلانة وفلانة لفلان ..
فربي راااح يجمعهم ببعض بأي وسيلة :)....
والله وش ملحي انا لا أسأل ولا أهتم لين تصير السالفة جد ويقولون نبي بنتكم يعني نبي بنتكم :d
حتى الوالد ما اسأله عن احد جا يخطب او شي لييين هو يوافق وهم يلزمون .. :25:
ياشيخة وشوله عوار الراس اللي لك ماراح تاخذه غيرك :23:

برأيي ان اذا لا سمح الله ما حصل قبول . . من الواجب على اهل العريس ان يتصلوا و يخبروا اهل العروس انه ما حصل نصيب . . لأنه من اكبر الأخطاء ان يتركوا اهل العروس في هذه الحيرة . .

صراحة التطنيش غير لائق .....

ولكن يوجد من يفعلها ... لايخبر بالنتيجة إلا بعد فترة طويلة .. ( قلة سنع ) مع احتراامي الشديد



كما قالت الأخت رفيعة الشان ... لاتلقي بالا .. للموضوع .... إن تمموا كان بها ,, وإلا ...ربي كاتب لك الأفضل مع غيره



ونصيحتي لك ..... لو حصل نصيب ... لاتنسين .... امسكي العريس ( وملصي ودانه ).... عقابا على هذا المقلب السخيييييييييييييف

المفروض اهل الخاطب يردون بعد اسبوع او اسبوعين اما ترى مااراد الله والا يواعدون متى يجون بالهدية ويشوف الخاطب مخطوبته
وانا عندي قانون ان الخاطب هو الي يشوف مخطوبته وبعدين اهله حتى لو ماصار نصيب ماينشرون عيوبها والخاطب اذا اعجبته
ماراح ينطر مثل حالاتي ماجاني نوم هذيك الليلة ابصير ثقل لكن خقيت .هههههههههههههههههههههههههههه

هذي المواضيع تحتاج وقت فهذي مسأله عمر مش يوم يومين تمهلي اختي فلا داعي للتسرع ولكن لابد ان يردوا بلموافقه او بالرفض واذل لم يردو اذا كانو رافضين يمكن مابدهم احراجك والله يوفقك وادعلي الله يوفقني

أعتقد أنه أهم شيء انك ما تفقدين ثقتك في نفسك :18:
ردوا ما ردوا بكيفهم ... عمرهم ما ردوا
و ترى بعض الناس يخلون البنت معلقة يقالهم بيدورون بنات ثانيات في نفس الوقت للمفاضلة بينهم :28:
نتمنا لك التوفيق ان شاء الله

في بعض الحالات يكون أهل الخطيب كأمه وأخته هم الذين يعاينون العروس ويقابلون عدة بنات ويعملون فيهم مفاضلة لكي يطلبوا الرؤية الشرعية للبنات الأفضل وينسوا البنات الأقل تناسبا مع احتياجاتهم.

يعني أن الشاب لا يجب أن يذهب ويرى الفتاة من قبل أن تراها أمه إذا كان قد قام بتوكيل أمه لاختيار عروس له.

وهنا تقع البنات في حيرة ويقع أهل الخطيب أيضا في حيرة... فالبنت وأهلها يشعرون بالإهانة كونهم لم يسمعوا أية رد من أهل الخاطب... وهذا نفس الشي بالنسبة للخاطب فربما يرى فتاة معينة ويحتار بينها وبين الأخريات ويحتاج بعض الوقت للتفكير.

أنا من رأيي أنه إذا كانت الزيارة تتضمن الرؤية الشرعية فالحد الأقصى أسبوع. ولكن إن كانت فقط زيارة بهدف الاستكشاف ومعاينة الفتاة فيمكن أن تطول شهورا.

أنا بصراحة كنت أشفق على حال الفتيات في مثل هكذا مواقف أن تصبح معرضا ويعرض عنها الناس... ولكن تذكرت بعدها أنه أيضا من الممكن جدا أن يتقدم شب إلى فتاة وترفضه الفتاة وهذا ممكن جدا... ولذلك فالخطبة فيها القبول وفيها الرفض الذي يكون قرار مشترك بين الطرفين فلا يجب على البنات أن تتحطم لمجرد أنها لم تعجب فلانا من الناس... لأنها هي نفسها يمكن أن تكون قد رفضت العديد من الخطاب الذين طرقوا بابها... فهل هذا يعني أن يعلن الشاب عقدته ويقول بأنه غير مقبول من الجنس الآخر؟؟؟

جوابي ..

دعِ الخوف , ولا تقلقي , فلن يكون في ملك الله , مالا يريده ,

ألف شكر على هذي الردود والله ريحتوني الله يريحكم

أخيتي الغالية كل شيء جائز لكن دائما إدعي لله ( اللي فيه خير الله يقدمه ) ،،،،،،