|
ممكن؟؟؟ لو تسمحون بس الكل يدخل ويساعدني ؟؟؟
السلام عليكم خواتي .... :) بغيت منكم طلب وعساكم ما تردوني :rolleyes: بغيت افكار وحركات :23: اولا لانه ميلاد ريلي بداية شهر 9 مب عارفه شو اخذ له هديه وبنفس الوقت هو بيوصل بالسلامة إن شاء من السفر آخر الشهر ... يعني بغيتكم تعطوني افكار شو اسوي حركات له في البيت او انا نفسي وشو الهديه ... بليز لا تردوني ولا تقولون روحي المفضلة لانه الصراحه عيزت وانا افتش فيها ما فيها شي يديد.. اغلب الحركات سويتها لانه ريلي من النوع الي يسافر وايد ... بليز يالمشرفين ما توقفون موضوعي...وانا على فكره اول مره احط موضوع واطلب منكم طلب ... فبليز لا ترودني :o ومشكوووووووووووورين مقدما على كل شي :o |
ياحبيبتي أهلا بك وسهلا ..
وبصراحة ماعندي شئ أفيدك فيه في الموضوع اللي طلبتي بس ودي أقولك حاجة افتحي قلبك لي : ليس للمسلمين سوى عيدان ، بلا ميلاد بلا ذكرى بلا بطيخ ، رضا ربك أولى وألزم عزيزتي.. يقول ابن القيم ( إن الشيطان ليفرح بالبدعة أكثر من فرحه بالمعصية) تدرين ليش ؟!! لأن العاصي يفعل المعصية وهو يعرف أنها معصية ويشعر يتأنيب الضمير وقد يتوب منها يوما ما .. أما المبتدع فهو يمارس البدعة وهو لايرى فيها حرام ولايشعر معها بتأنيب ضمير وقد لايتركها بسبب ذلك .. أيتها الغالية (من أحدث في أمرنا هذا ماليس منه فهو رد) عزيزتي ، سوي لزوجك حفلات كل يوم إذا بغيتي ، بس انتبهي تحددينها بيوم الزواج أو يوم الميلاد ..! تراك تأثمين مع علمك بالحكم .. اللهم هل بلغت ..اللهم فاشهد.. أثق بتقبلك .. وفقك الله وأسعدك بزوجك .. |
مشكورة اختي ما قصرتي ... بس انا ما بسوي حفلة ولا شي .... بس مجرد اعطيه هديه ... لا غير انا الاهم عندي اني استقبله استقبال حلو لما يوصل بالسلامة ان شاء من السفر بس ... فلو تفيديني بأفكارج
|
ملاذ الطير.... تحياتي لك...بس كلام أختي أجواء حالمة :22: مية المية وأنت ردتي عليها أنك ستعطيه هدية... طيب لو سألك شو المناسبة؟؟؟ بتقولين لأنك جيت من السفر :25: أكيد بتقولين كل سنة وأنت طيب عيد ميلادك ..!!!!! :11: يالحبيبة الله أعلم بنياتنا سواء عملنا حفلةأو لا ... يالحبيبة من ترك شيء لله عوضة الله خير منه وراح تشوفي تركك لهذه البدعة في حياتك وربي بيوفقك فيها...وإلاأحد يكره الفرحة والحفلات لكن أختي أجواء وفت وكفت اللهم هل بلغت اللهم فاشهد... ربي يسعدك بس بدوووووووووون بدع ياحلوة |
مشكورين خواتي اشتقت لأمي وأجواء حالمة ما قصرتو>> ما ادري ليش الكل بيعلق على سالفة الميلاد . ؟؟؟ انا ما يهمني ميلاده كثر ما يهمني شو الحركات الي المفروض اسويها له يوم بيوصل ان شاء بالسلامة >>>وانا ما قلت بسوي احتفال اذا فكرت بتكون هدية بسيطة مني له ومب شرط نفس اليوم .. ومشكورين خواتي الغاليات ...وانا صارلي متزوجة من سنيتن والصراحه ولا مره هديته .. المهم ابي افكاركم سو اسويله او ما يوصل..؟؟
على الاقل اذا ما بغيتو تساعدوني بالطلب الأول... ساعدوني بأفكاركم الحلوة ... والسموحه منكم. |
هلا أختي ...
.................................................. ................... انا في عيد ميلاد زوجي قلت له يروح يجيب لي مكسرات وعصيرات عشان صاحباتي راح يجوني انا قلت له كذا عشان يطلع واقدر ارتب المكان !! طبعا انا وصيت على كيكة وعملت له كم اكله حلوة من عمل ايدي واشتريت شموع كثيرة وحطيتها من عند الباب الى الصاله يعني المكان اللي يمر فيه كله شموع مافتحت ولا نور المكان كله شموع وحطيت موسيقى هادئة يعني كان الجو جدا رومنسي ولبست احلى لبس وحطيت مكياج جدا جدا خفيف وناعم وعطرت المكان وبغرفة النوم كذلك حطيت شمعتين شمعة على الطاولة الي جنب جهته بالسرير وشمعة ثانية عند جهتي وحطيت على مكانه بالسرير باقة ورد مرة كبيرة واشتريت له هدية عطــــر وكتبت له كلمات بسيطة في بطاقة حلوة ... اول مادخل طبعا تفاجئ وقالي طلعوا صاحباتك !!! قلت له ايه تفضل وخليته يجلس بالصاله طبعا اهو قاعد واهو مندهش وانحرج وبنفس الوقت فرحااان المهم قلت له كل عام وانت بخير عمري وكم كلمة حلوة !!!!!!!!..... بعد كذا قلت له وش رايك تشوف غرفة النوم كيف صارت حلوة بالشموع ورحنا غرفة النوم طبعا عشان ابغاه يشوف الهدية اللي جبتها له طبعا اول مادخلنا غرفة النوم شاف الهدية واستانس حيييييل وبعدين قضينا ليله ممتعة جدا ً .. بس ملاحظة مهمة جداً: حلو بعد لو تصوري بالفيديو اول مايدخل بحيث تحطي الكاميرا في مكان ممكن انه تتصوروا انتوا اثنينكم راح يطلع مرة حلو وذكرى حلوة حيييييل لما تصوري استقبالكم لبعض وبعدين وانتوا قاعدين كل شوي صوري كم لقطة ولما يشوف الهدية كمان صوري شوي المهم انك تصوري الاحداث بشكل عام ترى التصوير مهم بالمناسبات عشان تتذكروها على مدى السنين طبعا انا الغلطة اللي سويتها انه ماصورت شي قهرررر بس من اخطائنا نتعلم إن شاء الله بالمرة الجاية ناوية اصور !!! واتمنى انه يعجبك يمكن تكون فكرة بسيطة وعادية بس انا توني متزوجة ماصار لي حتى سنة يعني مبتدئة بس إن شاء الله تعجبك الفكرة !!! وبالتوفيق !! الأخت الفاضلة . لا يجوز شرعاً في دين الله وسنة محمد بن عبد الله أعياد مثبتة ومؤرخة سوى عيدي الفطر والأضحى . وليس ما ذكر من الاخوة الأعضاء يعتبر وجهات للنظر . الدين ليس وجهات نظر ، والعبادة توقيفية . وأما الأفكار المذكورة للاستقبال فهي أفكار في غاية الروعة . شكراً لكِ وبارك الله فيك جرى هذا للتوضيح . |
عزيزتي ملاذ الطير صباح مُشرق .. اولاً حددي نوع الستايل الي راح تتبعينه يعني استايل هندي .. بريطاني قديم .. استايل جزر هاواي استايل بدوي .. استايل شرقي ..صيني((شوي صعب)) ..هنود الحمر ؟؟؟ اذا حددتي لستايل نحدد الادوات الي بتحتاجينها وطريقة التقديم واللغة الي راح تستخدميها والاكل الي راح تطبخينه او تشترينه .. واللبس والمكياج وكل شي وايضاُ الهدية راح تكون تناسب الاجواء . فكريّ وردي عليّ وانا من عيوني اقول لج من طأطأ وانتِ تقولي سلامو عليكو .. تحياتي لج |
تسلمين اختي mayameen على الأفكار الحلوة والبسيطة بنفس الوقت وان شاءالله بسويها بمناسبة قريبه ...:)
|
هلا اختي همسة ... مشكورة فديتج على هالمساعدة ... والله يالغاليه انا بروحي مب عارفه شو بسوي على قولتج شو نوع الليلة انا ابيها بسيطة لانه عندي هم بشهر 1 عيد زواجي.. انا قلت بسوي كل شي مره وحده يعني لميلاده وبمناسبه وصوله من السفر.. وانا ابي شي بسيط لانه بيتي اسويله صيانه حاليا الصاله ما اقدر استخدمها ... فياريت بحدود غرفة النوم بس وانا عن نفسي شو اسوي من ناحية لبس وووو وتعرفين الحركات طبعا اانتي ;)
ومشكووووووووورة الغالية على كل شي :) |
بالنسبة لي ما احب أعياد الميلاد وأهلي ما عودونا عليها أحيانا يشتروا كيك ونشب شاي معاه ونجلس نسولف وبس.. لكن عندي صحباتي يحبوا الأشياء هذي.. مرة عزموني في مطعم وكنت متوقعة وجبولي هدايا وفرحت.. ومرة عزموني وقلت لهم ما ابغي أفلام وأعياد وحركات مالها داعي كبرنا قالو طيب... لكن تفاجئت في المطعم الموطفين جابو الهدايا والكيكة والشموع وقعدوا يغنوا.. انفجعت ومرة فرحت من قلبي.
الزبدة.. انك تستقبليه عادي كأي يوم وهو متوقع انك راح تستقبليه بالهدايا و الأحضان.. خليه يدخل واجلسوا شوي وخليه يحكي على السفرة.. وأكيد راح يدخل يغير ملابسه فغرفة النوم.. تقليلي فين المفاجأة.. إذا عندك غرفة زايدة في البيت أو غرفة الطعام عبيها بالونات حمرة إلي فيها اكسجين تتعلق في السقف و عبي الغرفة ورق مقصقص و زي اعياد ميلاد الصغار وحطي كيكة في النص و عشى وهديه.. وبعد ما يستقر قليله في شي في الغرفه هذيك ممكن تجيبلي هو وروحي وراه و هو يتفاجأ.. وبعدين تتفرجوا على شريط الفرح والصور إذا موجودة وتسترجعوا الذكريات الجميلة :) أو إنك تطلعوا تتعشوا برة وإذا يتقبل الفكرة اللي عملوها صحباتي ليه !! أو إذا تحبي.. تعزمي عائلته وعائلتك وعندما يدخل المنزل تكونوا مطفين الأنوار وتفتحوها لمن يدخل ويتفاجأ بالجميع و تمضوا وقت مميز وحب زوجك لك يزداد لأنك اشركتِ أهله بأفراحكم. وإن شاء تكون أيامكم كلها سعادة ووئام. |
قوووووووووة ملاذ الطير... أنا جاوبتك يالغلا عن اللي لازم يجاوب عليه أسلم للعقيدة ..أما أختي ميامن . فياأختي ماعندنا في الدين شيء اسمه مذهب كلنا إذاكنا نؤمن بالله وسنة نبيه فيحرم علينا فعل هذا الأمر لأنه بدعه... وأنا على فكرة أول سنة لي في ديرتي أعيش...ومن ولادتي لحد العام الماضي وأناعايشة برى البلد نصها في أمريكا والنص الثاني في ألمانيا... ومع كذا مافكرت ولله الحمد والمنه أنو نقلدهم ..فلنا ديننا ولهم دينهم... جينا لك ملووووووووذه ...إذا كانت مجرد استقبال هاك فكرتي اشتري هدية حلوةلزوجك بس أتأكدي إنه محتاج لها وماعنده زيه ممكن عطر مع طقم شاور غلفيها في علب قلب كبير ..وضعبه في مكان احتفالكم ومن عند باب المدخل جيب لك طاقة تل أحمر...وفيه قلوب حمراء وبيضاء وزعيهم على التل بالأرض...وفي كل مكان .. اشتري لك تورتة على شكل قلب أحمر وأكتبي فيها كلمة أحبك... إلبسي قميص برضواأحمر :30: وخلي الدنيا أحمر باأحمر...أبجورة وأنوار أحمر خافته...ولو تجيبي بوكيه ورد بهذا اللونين يكون جنان..وقصاصات باللونين واكتبي فيها كلمات الغرام والعشق وأهم شيء لاتنسي تجيبي صور زواجكم للوقوف على الإطلال :25: .وساوي لك طاولة بس ياليت لو تغيري مكانها يعني لوبالمطبخ خليها بالصالون ولو كانت بالصالون خليه في مجلس الضيوف وافرشي التل الأحمر عليه وخلي عليه الأكل اللي بيحبه مع مناديل حمراء,,,وروج أحمر :14: هاهخلص يارب وصلتك الفكرة ...تحياتي لقلبك |
عزيزتي ملاذ الطير .. مساء المسرات .. ولوو فديتج حاضرين .. انا اقول مثل رايج ادمجي المناسبتين مع بعض بس بعد لو اخترتي استايل عشان نبدأ منه ... اقترح يكون البيت مثل ما هو لا تغيري شي الا بغرفة النوم خليها رومانسية .. تخيلي معاي غرفة نومج مافيها نور الا نور لشموع الموزعة في كل مكان+ مصباح واحد ملون باللون الي تحبيه(اما تشترين او تلونين الي عندج) ترتبين مكان للجلسة يعني وين بتيلسون .. يكون فيه كوشنات مرتبه ومعطر المكان ومبخر (مايحتاج اوصيج) لوتقدرين يبيعون في اماكن الاثاث او الثريات لمبة كبيرة ملونة بحيث لما تركبيها تلون لج الغرفة وكل شوي يطلع لون بتلقين في هوم سنتر او ذا ون .. او مكان الثريات والابجورات وبسعر عادي جداً .. عشان يجدد الاجواء سفرة الطعام .. حددي انتِ نوع الاكل وحلو لما يكون في مقبلات وطبق رئيسي وحلا وعصير او مشروب غازي اهم شي في السفرة ..نسق الترتيب .. يعني حطي الطبق لكبير تحت وفوقة طبق الشوربة مثلاً بالمقلوب وبعدين المنديل والشوك والملاعق والسكين مرتبين من اليمين الى اليسار ..طريقة العصير اما انج تيبين صحن كبير غزير وتحطين فيه العصير بحيث بعدين تغرفينه بملعقة مقعرة في الكأس او تيبين صحن غزير يشبه الي تحفظ الثلج وتملينه ثلج وتحطين علب المشروب الغازي وسطة و الكؤس تملينهم بالثلج ((لما بتثلجين الثلج حطين في كل تجويف قطعة فراولة صغيرة او ليمون وبعدين الماي وثلجيه بيظهر لج بشكل حلو)) ولاتنسين الكيكة والاهم طريقة تقديمها .. وشموع على عدد عمره ولما بتحطين لشموع لازم هو يكون معاج .. تحطين الشمعة الاولى وتقولين له ((حبيبي فديتك عمرك سنة اممم كنت تلبس بمبرز)) تحطين الشمعة الثانية وتقولين(( ياعمري كبر الولد وصار يمشي )) تحطين الثالثة وتقولين (( وااااااو طلعوا لك اسنان )) تحطين الرابعة وتقولين (( اشوفك صرت تضرب ولد الجيران)) وووووو الى ان يوصل لعمره وانتِ تتذكرين معاه طفولته ومراهقته وشبابه وتطفون لشموع وتاكلون بالهنا .. بعد كل هاي المهم انتِ الحين تجهزين من كلووو مثل العروس .. مااعتقد يحتاج افصل من شعر لمكياج لملابس لعطر وروايح ..واسلوب حلو كللللللللله حنان يقطر عسسسسسل ولاتنسين امدحي زوجج مدح في جماله واخلاقة وكل شي قولي له انج تحبين قوته وتعشقين صوته كل شوي ذكريه .. والهدية طبعاً عليج وشوفي ميزانيتج .. زوجج شو يحب يعني لو بتشترين له عطر اشتري له عطر ممييييييييييييييز جداً سواء بالسعر والريحة مثل ماركة باريس غاليري .. مع اني اتمنى تكون هديتج عبارة عن قضاء يوم ممتع في سبا على حسابج طبعاً ..تحجزين له جلسة مساج وجلسة فيشل وبعدين يقدر يستخدم الحوض يسبح . تحياتي لج واتمنى اني مانسيت شي ولو نسيت ذكريني وامنياتي لج بقضاء سهرة رومانسية وردية عسلية سعيدة |
فيه افكار اعتبرها اكسوسيريز يعني تضيفيها عشان تكمل فكرتج الي بسيونها يعني مثلا
تقدري تغيري بشكلج في الشعر الطول والون يعني تقصينه وتسوي فيه قصه حلوه او تصبغيه او اذا مابدك صبغه تضل فتره طويله تحطي مثل الي يحطوه للعروسه ماعرف شسيمونه بس يطير بالماي المهم وتقدري هم تتحني وفيه فكره حلوه بعد انك تحطي لي لصقات برسومات ناعمه وفي اماكن انتي ادرى فيها مايحتاج اقولها او انتي ترسمي لك اشياء حلوه بهاي الاماكن بقلم تحديد الشفاه يكون احلى بعد وحلو لو انج تغيرين في نوع البس بطريقه ملحوظه بالنسبه للمرات الي طافت هههههه تصدقي يالغاليه اندمجت بموضوعج ونسيت اسلم اسمحي لي اسلم بالنهايه وعسى اكون افدتج واذا استحضرتني افكار بحكي لك (وادعي لي زواجي نهاية هالاسبوع ) |
تسلمييييييين اختي همسة على أفكارج الأكثر من رائعه ... انا بقولج من ناحيه نفسي ولبسي ووو لا توصين انا متعودة أصلا بين فترة وفترة اغير يعني اتحنى واقص شعري او اصبغه ... فما بالج يوم بيي ريلي ... وانا متعودة اذا كان وصوله اخر الليل البس قميص نوم .. اما اذا بنهار او بأي وقت ثاني البس تنورة قصيرة وعليها بدي ... عاد الحين مب عارفه شو البس .. ابي اغير بلبسي شوي محتارة شو البس لو تفيديني بأفكارج.. أنا ناويه طبعا مثل ما خبرتج اتحنى واتنظف طبعا كامل جسمي ... وشعري اوردي قاصته بغير شوي بالقصه وبصبغ شوي منه ... اما من ناحية غرفة النوم هم مب عارفه شو اسوي افكارج حلوة وايد من ناحية والشموع وباقي الاشياء .. شوفي انا غرفة نومي لونها غريب (بيج وبطيخي شوفي شو يناسب غرفتي انا بغير الفرش طبعا .. وفي مره من المرات خذت فرش يديد ونثرت عليه ورد احمر وحطيت له يم راسه عالكمدينه بوكيه ورد وايد استانس ....
تسلميييييييييييين فديتج :) |
مشكورة اختي يادنيا ... لا توصين حريص من ناحيتي انا وتسلمين الغالية ...;)
والله يوفقج ان شاءالله بعرسج ;) لا تخافين ترى العرس حلو ههههههههههههههههه اقول عيل ما عزمتيني لعرسج :23: رزة فيس خخخخخ تراني امزح الغالية :d |
تسلمون خواتي (Miss Hawaii-اشتقت لأمي) على أفكاركم وعلى التفاعل معاي :)
|
ختي العزيزة ملاذ الطير .. من ناحية اللبس .. اقترح فستان سهرة ,شي شيك يعني كأنج سايرة حفلة والكعب العالي أو لاتلبسي شي غير الاندر وير وخذي لج اما شيفون او حتى لو عندج شيلة طويلة ملونة او فيها شي ولفيها على جسمج كأنها فستان (مرريها على رقبتج بعديت تغطين صدرج وبعدين يروح ورى ضهرج على هيئة اكس بعدين مثل التنورة القصيرة والبسي الجوراب لطويل الى آخره دانتيل بدون حماله ) الأماكن المكشوفة ارسمي عليها شي بسيط او حطي ستيكرس بعدين البسي ثوب نوم مثلاً .. غرفة نومج حلو لو تدخلين فيها الذهبي .. لو تقدرين ابجورة ذهبية وشموع ذهبيية حطي له قطعة شوكلاته عند المخدة وبطاقة صغيرة فيها كم كلمة حلوة وترحيب به تحياتي لج وامنياتي لج بنهاية تخطيط سعيييييييييد |
تسلمييييييييييييييييين اختي همسة
|
| الساعة الآن 08:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©