|
استحي آكل مع زوجي00
السلام عليكم ورحمة الله وبركاته .. مشكلتي باختصار .. هو إني اسسسسسسسسسستحي آكل مع زوجي !!! مع اني متزوجة من سنتين ونصف !!!! أحط الغدا واجلس معه اتفرج.. أو آكل ملعقة أو 3 ملاعق !!! وإذا قال وش أجيب عشاء.. أخخخخخخخخخجل أحدد شي معين أشتهيه.. دايم أقول : على راحتك أو شبعانة .. وأنا في غاية الجوع.. احيانا اجلس انتظر وقت خروجه عشان اسكت عصافير معدتي .. وآكل على راحتي 00 في باقي الامور عادية معاه 00 وش رايكم 00 |
يوم قريت عنوانك قلت يوووه مشكلة شهر العسل الدائمه .. بس يوم دريت ان لك سنتين ونص متزوجة؟؟؟؟؟؟؟
لييييش يا اختي عااادي بتعيشين معاه عمرك كله لازم تشوفين لك حل عودي نفسك مافيها شي الاكل مب شي يفشل ولا يضحك انا من غير ما يقولي زوجي وش مشتهيه اصجه ابي كذا ومشتهيه كذا اعقلي وحاولي تغيرين نفسك ولا مارح تتغيرين ابد |
بصراحه انا حاسه فيك لأني كنت مثلك
بس نصيحة مني حاولي قد ماتقدرين انك تتجرئين لأن ما حد بيخسر غيرك انا اتوقع ان فترة خطوبتك قصيرة علشان كذا مامداك تتعودين عليه في الخطوبه والحين في العرس المشكلة اكبر لأنك معاه بالبيت والثلاث وجبات معاه يعني مشكلة بصراحه اذا ما كلتي ترى بتضعفين :) حبيبتي ترى الزوج يستمتع اذا اكلت معاه زوجته فلا تحرمين زوجك من هالمتعه اصلاً انتي لو تحطي نفسك مكانه مارح تشتهين تاكلين واحد قاعد معاك وبس يناظر فيك ولا ياكل ؟؟؟ شيء يسد النفس مووووو !!؟؟ انا اكرر واقوللك ترى هذي المشكلة مو عويصه وحاولي تتعدينها وترى انا ماقلت لك هالكلام الا اني مجربه وحتى كانت تصير معاي مشاكل لأني اروح معاه المطعم وطبعاً يطلب لي معاه وانا ولا احرك شيء واذا مره مره اكل شوي بس وهو اكيد بينقهر لأنه موديك مطعم فخم ومدلعنك ودافع مبلغ وقدرة بعدين ينرمي بالزباله ترى كذا بتكرهينه انه ياكل معاك او يعزمك على مطعم والله يعينك |
والله انا زيك اجل والله انا استحي اكل معة كل الناس بس معة خواتي وامي عادي
|
غريبة والله
هو الحياء بس الشهور الاولى من الزواج وخاصة الاسبوع الاول هذا جوع فظيع كنت افرح لما اروح لاهلي علشان اكل اي شيء!! اما اكثر من سنتين غريبة..لكن عزيزتي عودي نفسك على شوي شوي وشكل زوجك مايلح عليك بالاكل معه كثير لكن انتي عودي نفسك ...والله يعينك |
لا لا لا لا كل هادا حياااء معقوول ،،
يعني قلنا اول اكم من ساعة يمكن ،، بس سنتين و نص ،، الله يهديكي يا اختي الكريمة ،، اتشجعي ،، ما في اشي بيخوووف ،، زوجك مش رايح ياكلك مع الاكل والله يوفقك انتي واياه ،، وتقبلي فائق احترااامي... |
اكيد في سبب لان سنتين زواج و بعدك تستحي لا مستحيل :rolleyes: يمكن هو علق على طريقة اكلك او يمكن لانك سمينة شوي اولانك من كنت ببيت اهلك متعودة تاكلي لوحدك بس اكيد في سبب لان هذا مش طبيعي :confused: |
بصراحة بصراحة أنا لا أعتقد أنه باقي الأمور تمام ، إزا من الأكل تستحي رح تتجرئي بالأمور التانية !!!
أشك ولا أشكك بكلامك ، اعتقد إنك معتقدة أنها تمام بس داخليا أكيد في إإإإإإإإإإإإإإإإإإإإإإإن ،،، |
يا زين الحياء على البنت ... بس مو لهالدرجة .. لأنك بهذي الطريقة تحطين حواجز بينك و بينه ..
هو أعتقد انه مبسوط من هالوضع .. فالرجل بفطرته يعشق المرأة الخجولة .. أما أنتي فلازم تشوفين حل |
ليت كل الزوجات مثلك حتى ينحفون !
عدم أكلك مع زوجك يرجع لعدة أسباب أكثرها نفسية : اثناء وجودك في بيت والدك نظامكم ان الرجال يأكلون سوى والبنات سوى !! أنتِ حساسه جداً وتخافي يعلق على طريقة أكلك او يقول تحب الأكل أكثر من حبها لي ! سبق أن نصحتك والدتك بعدم الاسراف في الطعام أثناء جلوسك مع زوجك حتى لا يتعقد منك ! أحد من أخوانك علق على طريقة مضغك للطعام وتخافي زوجك يحس بها وينزعج ! إحساسك بعدم الاستطاعة على البلع أثناء الاكل يسبب لك ارباك ! حل المشكلة : أنتِ الآن زوجة وراعية بيت خاص يعني لازم تكوني واثقه من نفسك أكثر وتعرفي قيمة نفسك ! أعطي زوجك مايشتهيه بيدك وسوف يقلدك ويناولك بيده مايشجعك على الاكل مع حبيبك ! لاتكون بدايتك في الوجبه الرئسيه ولتكن بالخفيف مثل السلطات وما شابه وبالتدريج تنفتح نفسك ! لا تكثري من استنشاق روائح الطعام اثناء الطبخ وأتركي مهله لنفسك ترتاح قبل بدء تقديم الطعام ! إذا لم تنفع كل الحلول السابقه مالك الا حل واحد : قبل موعد اي وجبه أصنعي لنفسك وجبه خاصه واقضي عليها في المطبخ ! تحياتي / هتــــــان |
مرحبا أختي
الله يساعدك على اللي إنتي فيه.....كل البنات يمروا بمشكلتك بس كم أسبوع أو شهر ويتعودوا:22: وبعدين ما يخلوا شي للزوج المسكين:29: (ياكلوا كل شي قدامهم):23: ، لكن في ناس زي حالتك يظلوا فترة بس مو سنتين ونص:rolleyes: يعني سنتين و3شهور بس:cool: :p ما إلك إلا حل الأخت هتان مالك الا حل واحد : :22:قبل موعد اي وجبه أصنعي لنفسك وجبه خاصه واقضي عليها في المطبخ !:17: |
قولي استحي من شئ ثاني معقول لكن الأكل عادي
|
يا حليل بعض البنات عليهم حركتات :18:
أنا ولا مرة جاء في بالي أستحي من الأكل...لا أول أسبوع ولا أول يوم ولا أول ساعه :23: بس يمكن قبل الملكة يوم طلعنا نشتري الدبل مع أمي و أمه و خواته و جلسنا بعدين نتعشى حسيت باحراج لأن هو كان يطالعني من تحت لتحت :11: و أنا آكل و أنا كنت خايفه يطيح على شي ولا يصير بين أسناني شي و أتفشل :21: أختي الحياء حلو بس إذا زاد عن حده انقلب ضده..و سنتين و نص أعتقد مده كافيه لأنك تتعودين على زوجك لدرجة انك تاكلين معاه أول شي لازم تسوينه هو انك تشيلين من راسك ان هذا شي محرج أو يخليك تستحين...يعني عادي كل الناس تاكل شي طبيعي يحصل في أحسن العائلات ولا هو عيب ولا هو حرام إذا شلتي هالفكرة من راسك بعدين راح تقدرين بالتدريج تتعودين على هالشي أول يوم تاكلين ملعقة و بعدها ملعقتان و بعدين ثلاث لحد ما بعدين تصيرين تنافسين زوجك في أكله :d |
عزيزتى
تركى عنج الخجل وجابلى زوجك وايد احسن.......الرجل يحب المراه اللى تجابله وتقطع له وياريت توكلينه بيدك يكون احسن.... والا شرايك يتزوج عليج وحده تبره وتفتح شهيته للاكل؟؟؟ صدى اصيله |
لجميع الأعضاء والعضوات اللي تكرموا
بالرد علي ..شكر خاص من أعماق قلبي .. واللي قالت أنت حساسة صح عليها .. واللي قالت زوجك ما يلح عليك بالأكل كثير.. أيضا صح عليها،، اللحين يلح أحيانا .. لكن في الأيام الأولى من الزواج ما كان يلح كثير.. يمكن لأني نحيفة وشكله ماخذ فكرة إني ما آكل شي .. أو كان متصور إن الأمور راح تتعدل مع الأيام .. أنا أنصح كل مقبلة على الزواج إنها تاكل من البداية.. لأن التغير بعد مرور فترة طويلة صعب .. ما أدري كيف أغير عاداتي في الأكل بعد مرور سنتين ونصف.. وأنتم عارفين كيف الجوع يأثر على مزاج الإنسان .. أحيانا ما انبسط في السفر.. وشلون انبسط بالمناظر والتمشية ومعدتي تصااااارخ؟؟ أظن كل من يقرأ كلامي بيحسبني أكاااااااالة وتموت في الأكل.. بالعكس أنا ما احب كثرة الأكل.. وش رايكم ؟ عطوني حلول بس لا تخوفوني .. |
في حال تكرار وضع البريد الالكتروني سيتم إيقاف عضويتك ـ المتحدث الرسمي ـ
|
غريبة أذا كان الزوج ما لاحظ على كل حال المفروض من الزوج:
1. يأكلك بيده حتى تشبعين غصب عنك 2. يقطعلك الهبيرات ويجبرك تأكلين خاصة الخضروات والأشياء المفيدة{ خس خرخير كراث جزر} 3. من سنة الرسول علية الصلاة والسلام أن يلعق الرجل يد زوجته هذه وصايا للزوج أما أنت يا ست الدلال ذا كنت تستحين من الأكل ,,,,,,,,, لا تعليق |
يا أختي مافيها شي تاكلي امامه وبعدين ماتخجلي من اشياء اخري:25: :d تستحي من الاكل كلي حبيبتي ولايهمك لطخي وجهك بالاكل والله يسعدك
|
عادي جدا أختي الكريمة
أنا من طلعت على الدنيا و والدتي حفظها الله ما تأكل مع الوالد أبد ... الحريم أول يستحون أما اللحين فالمرأة تأكل حتى قبل أن يبتدي الزوج !! و أنا على فكرة متزوج منذ 19 سنة و الحمدلله و زوجتي إلى الآن ما أعرف كيف تأكل؟ يعني هي تستمتع تشوفني آكل و تشرف على خدمتي وقت الأكل هذا في بعض الأحيان و في أحيان أخرى تكون هي مشغولة بأمور أخرى فآكل أنا مع الأولاد و هي تأكل بعدين نعم هي أحيانا تأكل معي و لكن بطريقة تشعرني أنها فعلا تستحي من ذلك و أما العشاء فلا أذكر أنها تعشت معي يعني فقط تجلس و تناظر و تخدم جزاها الله خيرا ... و أما زوجتي الثانية فهي أبد تأكل و تشرب و لا في البال و مرات أنا أجيب لها الماء خ خ خ :23: يمكن لأنها صغيرة شوي فتتدلع و لكني بلا شك أحب الأولى أكثر و أميل لها لأسباب عديدة و من أهمها الخدمة الجيدة التي تقدمها الأولى حفظها الله و رعاها ... خليكي على طبعك الحلو إن كان هذا لا يزعجك أما إن كنت متضايقة من هذه الصفة فنصيحتي أن تلزمي نفسك بالأكل و تطردي عنك الخجل ... و خير الهدي هدي محمد صلى الله عليه و سلم الذي كان يأكل مع نسائه و كان يتحين الأماكن التي أكلت أو شربت منها زوجته أم المؤمنين عائشة رضي الله عنها ... و أنتِ الان هذه المشكلة صارت تسبب لك مشاكل أخرى أنت في غنى عنها فلذلك نصيحة طلقي هذا الخجل و تشجعي و كلي و استمتعي ( ما تروحون مطاعم؟ ) أنا زوجتي عادي تأكل معي في المطعم و لا مشكلة نهائي ... و وفقك الله و رعاك |
كل الحلول اللي اقترحها الاخوان والاخوات صحيحه ومفيده
حاولي تطبقيها وحده وحده.. وبالتوفيق .. |
ياقلبي حرام عليج :)
جربي تفتحين موضوع وانتي تاكلين راح تلهين وتاكلين واهوا بياكل ويسولف معاج او وقت الاكل شغلي التلفزيون علشان تلهون بالتلفزيون ومااطالعون بعض لما تاكلون .... جربي تقطعين الاكل صغار صغار علشان لا تبطلين حلجج وايد اذا تستحين من جذي يعني ... خلي لقمتج صغيرة حيل طولي بالاكل اكلي على كيفج علشان لا ينزل شي ولا يصب عليج شي ... من زمان لازم هالحجي ياقلبي بس ماعليه جربي الحين ان شالله بتعودين .. ان شالله ما يكون ملاحظ راح اتكون مصيبه :) اتغشمر معاج الله يبعد عندكم المشاكل بس يمكن يتضايق لانج للحين تحسينه غريب عليج مو اكثر لا تحاتين ... |
السلام عليكم...
أختي صراحه مشكلتك غريبه أظن انها مو هي المشكله لكن هي أثر من آثار مشكله ثانيه مدري وش ممكن تكون مشكلتك بس اكيد في شي مو مجرد حياء .. لأن لو جد تستحين تاكلين؟ معناته انك تستحين تسولفين من باب اولى ... وتستحين تعطين زوجك حقوقه ... مقصره معاه .. تستحين تتزينين له ؟ تستحين يشوفك مثل ماتشوفينه؟ أنتي لو كنتي كتبتي زوجي مو معطيني فرصه اجلس معاه واتكلم معاه وما امون عليه لاني ماجلس معه كثير... وحتى استحي آكل معه ...ممكن افهم لكن مستحيل تكون حياتك طبيعيه .. تسولفي مع زوجك تطلعي معاه تضحكي معاه معطيته حقوقه الزوجيه بشكل كامل ...ايام الزواج قضيتوا مع بعض وقت طويل وكافي ؟؟ أنتي عايشه مع اهله ؟؟ ممكن تكونين ماتختلين فيه الا فغرفة النوم عشان كذا كل شي برا هالحدود ماتعودتيه مع زوجك في شي غلط... في حلقه مفقوده......هذا مو حياء طبيعي ..في شي .. أنتي زوجته الوحيده؟؟ من النوع الرسمي جدا زوجك؟؟ مايجي البيت الا وقت الوجبه ياكل ويروح؟؟ فكررررررري زين ... وقولي وش المشكله الرئيسيه اللي فرع منها هو انك ماتاكلين بما أنك تستحين تاكلين مع زوجك أكيد لو عندك مشكله بعلاقتك الزوجيه .. او بأسلوبه معك بتستحين تقولين لنا :17: لاتستحين احكي لنا عشان نساعدك في حلقـــه مفقــوده :11: |
ايه صح نسيت أسألك؟؟
عمرك طلبتي منه فلوس ؟؟ مستحيل كيف تطلبين فلوس وانتي تستحين تاكلين بتجنن من مشكلتك....او بمعنى أصح ليش كل مشكله ثانيه عندك سبب من اسبابها الحيا تجاهلتيها ومشكلة الحياء فالأكل شفتي انها مشكله تستاهل تطلبين لها حل ... فاقده الأمل من شي ثاني ... ولا راضيه وساكته ...مليون علامة استفهام؟؟؟؟؟؟؟؟؟؟؟؟؟؟؟؟؟؟؟؟؟ |
انا عن نفسي أتمنى زوجتي تقول لي أريد أكل كذا وكذا ... أرتاح لما أشوفها تأكل.. كأني أنا إللي أكل..
|
| الساعة الآن 09:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©