|
سيناريوهات و تعليمات الشوفة للشباب ( (ممنوع دخول النساء ) )
طبعاً البنت يوم يتقدم لها شاب و تقبله مبدئياً تكون فرحااانة مرررررررررة و ودها تقاااااااامز من شدة الفرح ... بس أكيد هذا كله يحصل داخل غرفتها و الا قدام أهلها تسوي نفسها ثقيلة و محتارة و يمكن في الحالات المستعصية تسوي نفسها مو مهتمة ... سرعان ما تغتال الفرحة بكلمتين من والدها: يا بنتي ترى اتفقنا ان الشوفة يوم كذا .! هنا تدخل الفتاة في مرحلة من الهواجس و الوساوس و الخيال العميق .. :24: :24: :24: :24: :24: تفكر .. ايش تلبس .. :24: :24: :24: :24: :24: كيف تمشي .. :24: :24: :24: :24: :24: كيف تجلس .. :24: :24: :24: :24: :24: وين تجلس .. :24: :24: :24: :24: :24: كيف تتنفس .. :24: :24: :24: :24: :24: ايش تتنفس .. :24: :24: :24: :24: :24: ليه تتنفس <---------- (تذكرون اللي حالتها مستعصية !!) :24: :24: :24: :24: :24: وين تحط عيونها .. فوق .. تحت .. عليه .. :24: :24: :24: :24: :24: و الله مشكلة هالشوفة .. الله يعينهم البنات تحياتي - انتهى الموضوع - . . . . . . . . . . . . . . . . . . . . . . . . . . . . . . . . طبعاً الحين يفترض و بعد هذه المقدمة المرعبة انه لم يبقى الا الشباب أو المتزوجين و المتزوجات ... يعني اللي موجه لهم الموضوع أصلاً: نريد نصائح للشباب المقدمين على الشوفة .. كيف يخفف من ارتباكه و ارتباك البنت ؟؟ كيف يبدأ الكلام معها ؟؟ كيف يقرأ أفكارها و يعرف اهتماماتها و سلوكها ؟ غالباً بيكون شافها و هي مقبلة .. ماذا يفعل اذا كان يريد أيضاً أن يراها و هي مدبرة ؟ ايش يسوي اذا كانت طالعة متحشمة مررررررررة و هو يبي يشوفها بلبسها العادي ؟ نرجوا مشاركة الشباب و طرح استفساراتهم .. كما نرجوا مشاركة المتزوجين و المتزوجات بالاجابة على الأسئلة السابقة و طرح تجاربهم لكي يستفيد منها البقية .. شكراً |
ممممممممممممم
بننتظر النصائح من المجربين ،، ومشكوور ع الموضوع يا اخي الكريم ،، وتقبل فائق احترااامي... |
السلام عليكم أخوي
موضوعك حلوورجعنا لايام حلوة ..بالنسبة للارتباك فهذا طبيعي في البداية ولكن مع الوقت بيروح وخاصة اذا ارتاح كل طرف للآخر وعادة تكون البداية من الشاب طبعا البنت بتدخل وتسلم وزين منها بعد وبعدين يجي دور الشاب يسلم ويسألها عن احوالها ودراستها اذا كانت طالبة او عملها اذا كانت موظفة (وطبعا لا تسأل عن الراتب ) ولاتكلمها ابدا عن الزواج وممكن حتى تكسر ارتباكها تقدر تسألها اذا تبي تعرف اي شيء عنك واثناء ماهي تجاوبك بتعرف االكثير عنها وكذلك من جلستها اذا كانت مغرورة او متواضعة ..رزينة او مخفوفة ...وهي بعد كذا بتقوم تطلع وبتشوفها وهي مدبرة واذا ما قامت تقدر تطلب منها تحضر لك اي شيء ( ابحث عن شيء مو موجود) مثل ماء او منديل .....وبتشوفها كذا ...والله يوفقك أخوي ويكتب لك الخير |
موضوعك رووووعه ولقافتي ( بدخول الموضوع ) جابتلي ام الركب من الخوف
شوفتي الشرعيه قريبه كل شوي ناطه المجلس اسوي بروفه ههههههههههههههههههههههه وربي ميييييييييته مدري خوف ولا خجل واكثر شيء احس اني راح اخجل من اخوي ياااااااااااااااااربي من جد مرتبكه وقررت اني ماراح ارد على اسألته اصلاً عساني اسمع من الخجل محتاااااااااجه دعواتكم ان ربي يوفقني ويجملني بعينه ويجعلني له كما يحب يارب |
السلام عليكم و رحمة الله
موضوع حلو و رائع ,, بالنسبة لي , كان يوم الشوفة يوم ما ينسي ,, دخلت المجلس و تفاجأت بمجموعة حريم جالسات يتقهوون , طبعاً انصدمت و تراجعت و بغيت أحط رجلي , قلت يمكني داخل غلط , ما أمداني الا أسمع وحدة من الحريم تناديني تقول لي تعال يا وليدي حياك تعال , دخلت و سلمت عليهم و أنا مرتبك و حالتي حالة. طبعاً لاحظ اني مسوي بروفة مع الوالدة قبلها و محضر أسئلة بس اللي صار لخبط أوراقي كلها و خلاني اختفي جو هدومي من الربكة و الحياء. بعد ما جلست فطنت ان البنت جالسة معنا لأنها كانت الوحيدة اللي كانت كاشفة و مو لابسة عباية , يعني ما يبيلها ذكاء. طبعاً ما سألتها و لا سؤال و ناظرت فيها مرة و لا مرتين. أمها حاولت تفتح مواضيع للنقاش بينا بس ما في فايدة , أنا رايح فيها و قلبي قاعد يدق دق دق دق , تلوموني ! , و البنت مستحية مرة و وجهها كنه طماطة. عاد سلمته عليهم و مشيت. بعدين كلمتهم و قلت لهم أبي شوفة ثانية بس هالمرة بدون جمهور لو سمحتوا ,, و فعلاً رحت شفتها مرة ثانية و كان معنا بس اخوها الصغير ,, و سألتها عن دراستها و ايش ناوية تسوي في المستقبل و ايش نظرتها للزواج و هل تحب الأطفال , يعني أسئلة عامة و تقليدية , و بصراحة أسرتني بشدة من هذي الليلة و صرت ما أفكر الا فيها , حتى أمي صارت تناظرني و تبتسم , عرفت اني خقيت على البنت و حبيتها. هذه تجربتي بكل اختصار أتمنى أنكم تستفيدوا منها و بالتوفيق لجميع الشباب و البنات و الله يرزقكم بابن و بنت الحلال تحياتي أخوكم / اصقر |
هلا بك أخي ليوناردو ذكرتني بنظرتي لخطيبتي قبل كم شهر المهم دخلت علينا وكان معي اخوانها ويووووه يالبنت والخجل وجهها محمر ومرتبكة مررره وخايفة سلمت و جلست جنبي وأسألها بعض الأسئلة لكن ماحولك أحد!
المهم عرفت ان الموقف صعب لديها قلت خلني اسولف مع اخوها علشان اجريها على الجلسة وانها ترد لكن لازال الخوف والخجل مسيطر عليها وبعدها قامت من المجلس والحمد لله البنت دخلت المزاج وحبيتها والزواج قريباً إن شاء الله ،،، |
يا ليوناردوا والله انك ما ادري اش اقول
انت ليش تسال وانت صاحب النظريات الجميله والعلمية المفروض انك انت اللي تعلمنا ولا انت مرتبك وخجلان من يوم الشوفة طيب سؤالي (((للعزابيه))) اش اللون اللي تفضل ان البنت تكون لابسته يوم الشوفه(لون يبشر بخير) ثانيا البنت والولد اذا ما ارتبكوا فهذا يدل على شوفات سابقة يعني لما يرتبكون هذا دليل على انهم باقي على الفطرة بعدين ماله داعي الكذب ((تسألها عن دراستها )) اصلا ما خطبتها الا وانت عارف كل شئ عنها ثالثا خلو النقاش ذاك اليوم ودي وحلو وهادي مو كننا جالسين في ((أوراق ثقافيه)) وش ناويه عليه ،تحبين الاطفال.................................الخ قولوا مثلا ان شاء الله يكتب لنا الخير بشوفتك وان شاء الله انك ما تشوفين الا الخيروالسعادة |
اقتباس:
تحياتي |
اقتباس:
شكراً على التكتيكات الخطيرة سلمتي |
اقتباس:
كل هالبروفات و آخرتها ما راح تردين على أسئلته !! الله يكتب لك اللي فيه الخير و انشاء الله تكونين أحلى ما شافت عينه تسلمي على اللقافة قصدي المرور |
اقتباس:
و الله قصتك فريدة و غريبة ! العادة تكون البنت و أبوها أو أخوها و غالباً أخوها عشان ياخذ الشاب راحته أكثر في النظر و الكلام بس زين سويت يوم طلبت شوفة ثانية الله يوفقك أخوي و نتمنا لك حياة زوجية سعيدة |
اقتباس:
يوووووووووه .. يا زين الحياء على البنت ... بس أهم شي دخلت قلبك شرفتنا بمرورك |
اقتباس:
شفتي عاد ... فيلسوف زماني و ماني عارف ايش أسوي في الشوفة !! أما اللون المفضل للشباب ففي رأيي الألوان الفاتحة تأسر الشباب و بالذات الأحمر و الوردي أما الأسئلة فهي لقرائة أفكارها و معرفة شخصيتها أكثر من البحث عن الجواب نفسه .. ثانياً .. اذا بتناقش معها ما راح يوصل لحد نقاشاتنا (الاتجاه و الاتجاه المعاكس) .. يعني بيظل نقاش خفيف و ودي مررررة .. سلمتي |
شف يا اخ ... ليوناردو
الا خطبت و عزمت و كلش قل لنسيبك ابشوف منيره كان اسمها منيرة والا ابشوف حصة كان اسمها حصة والا ابشوف نورة كان اسمها نورة المهم ما نطول السالفه ......... من جد قل لهم ودي اشوف البنت و تشوفني .... و اهم شئ قبل الشوفة انك ماترسم في راسك صوره لملكة جمال و تخيل انك بتروح تشوف لك حوريه من حور الجنة ، و الاحسن انك ماترسم اي صوره او ترسم صوره عاديه عشان ان جت احسن تنبسط و ان جت عاديه ما تنصدم و تهون ... و ياليت قبل ماتنزل من باب السيارة لا تنسى تناظر وجهك عشان ما تحسب انك ملك جمال ههههه ،، بس ،، انتبه و انت داخل لا تكون المعزبه تطل مع الدريشة و انت ما تدري ... و اذا دخلت دور لك محل استرتيجي في المجلس و يفضل انه يكون بعيد عن الباب عشان يمديك تتهيأ و تشوفها وهي مقبله و مقفيه (( اهم شي )) ثم اذا جلست حط عيونك فيها و ناظرها زين و لا تستحي تراك ما جيت تسولف مع اهلها و لا جيت تقهوى جاي تشوف و الاهم انك تشوفها زين مهوب الا قامت قلت و الله ما ادري ما شفت نادوها ثانيه ترى ذا الحركه مالها داعي !!! و بنات الناس مهمب لعبه عندك ،،، و انتي بعد الا دخلتي فاجلسي شوي الين يمديه يملا عيونه منك ماهوب ما يمديك تجلسين الا و انتي ناقزه ،، و خلي راسك مرفوع عشان يشوفك مهوب تطمنينه لان هذا من مصلحتك و من مصلحته و كانك تقولين استحي فارفعي راسك و نزلي عيونك ، و ناظريه بعد ترى الشوفه لكم كلكم ، و ترى حياك مهوب سارك الا وافقتي عليه و انتي ما شفتيه زين و صار ((( اشهب الهب ))) و انت يا اخو البنت الا جاء احد يشوف اختك لا تصير قلق و تناظره خله ياخذ راحته و سو نفسك منتب يمه ... و اذا ناظرتها و راحت عاد تفرغ لشرب العصير و السواليف 00 و انتبه لا تشرب عصيرك كله اترك فيه شوي لا يقولون وش هالمشفوح و لا رحت لهلك اشرب عصير على كيفك ... و سلامتكم (معليش الكلام طلع بالعاميه) |
على طاري موضوع الشوفه
بقولكم موقف وحده من صديقاتي لما دخلت على خطيبها..دخلت مع عمتها وقعدت ..ودقايق ولا المسكينة مخبيه راسها ورا عمتها وتبجي ..فشيييييييييلة |
أعرف ان الموضوع للشباب لكن بذكر تجربتي للفائدة..
يوم الشوفة كان ملخبط و ما صار اللي توقعته، أول ما فتحولي باب المجلس استقبلني بابتسامة وهاذا الشي يساعد كثير (^_^) دخلت مع أم خطيبي وخالته وأنصدمت باخواني الكبار واخوانه الصغار قاعدين وفي حريم واقفين عند الباب يشهدون الحدث (خواته وأمي و ماعرف من)!!!! طبعا أنا ارتبكت وعقلي مو مركز أبدا وكل همي اني أطلع من المجلس! جلست على كرسي و هو على كرسي ثاني جنبي ما قدرت أشوفه ولا هو قدر يشوفني لأني كنت أشوف اخوي وأشوف الحريم ومنزله راسي، و هو مسكين مرتبك من اخواني والحريم ويحاول يشوفني وما يقدر، ما قدر يكلمني ولا قدرت أكلمه.. خالته حاولت تفتح مواظيع عشان نتكلم لكن أبدا، ما كان في أمل حد منا يفتح فمه إلى أن سلم و طلع و أنا منصدمه و هو منصدم منهم و من الموقف، لأنه ما اتوقع اللي صار واتوقع اني أدخل مع امه وخالته ويشوفني ونتكلم دقيقة وأنا اطلع!! وحسيت انه بكون مرتاحه معاه اذا ما كان كل هاذا الجمهور يشوفنا واحنا في هالموقف، طبعا بوجود أحد مثل امه أو اخته.. فنصيحتي لكل شاب مقبل على هاذا اليوم انه تسأل اهلك عن اللي بيدخلون معاكم المجلس و تأكد انو محد يدخل معاكم غير احد المحارم اللي البنت ترتاحلهم مو العايلة الكريمة كلها ماشاءالله! الخطوات يوم الشوفة: - استقبلها بابتسامة خفيفة - حاول ان تجلس في نفس الوقت اللي حتجلس فيه - لا ترتبك عشان ما ترتبك البنت - اسألها عن حالها ودراستها اذا كانت تدرس أو شغلها اذا كانت تشتغل - ابدي اهتمامك باجوبتها واختصر الكلام بعد هذا استاذن واطلع وان شاء الله الأمور تتيسر وبعد هذا اليوم انت تركت انطباع حلوا للبنت وبتتعلق فيك أكثر.. تحياتي.. الشقراء |
ليوناردو دائما عندك أكشن ؟؟
بس أكشن حلو ، الصراحة رهبة الشوفة مالها حل أبدا أبدا أبدا أبدا أبدا لا للبنت ولا للشب ...... |
تصدق يا ألنيدير ( تصغير ليوناردو )
أغلب الشباب والشبابات اللي شافوا بعض يوم الخطوبة ...يقولون مانذكر من أوصاف الثاني شي ... اللي يقول ماشفت إلا صينية العصير ..واللي يقول ماشفت إلا الجزمة وطرف التنورة ... واللي يقول ماشفت إلا الشعر .... واللي تقول ماشفت إلا علبة المناديل ..... أو في أحد يقول شفنا يوم الشوفة شي , ويوم الزواج أو الملكة شفنا حاجة تانية خالص ..... لكن اللي وفقهم ربي كانوا جميعا متفقين ..إنه مجرد اجتماعهم بغرفة وحدة ...مع عريس أو عروسة المستقبل ...حتى وهم مغمضين عيونهم ... والخجل طاغي عليهم ....حسسهم براحة كبيرة ...وهالإحساس هو زبدة الشوفة ..... الله يوفقك ....عسى أهلك لقوا لك بس ؟ |
تصدقون توني اعرف اني ملقوفه بزيادة الموضوع للرجال وان مادخلت مرة وحدة الا مرتين بس ابي اقول شغلتين:
الاولى=فعلا كلام سكوتر جد فيه ناس يدخلون على خطيباتهم (مع انهم جميلات مررة)الا انهم ما يرتاحو الراحة النفسية وتحس انها دخلت فب قلبك اهم شئ الثانية= حاجه مهمه انت اللي ادخل عليها احسن من العكس حتى يخف ارتباكها :24: ولا تجلس حتى تجلس هيه وروح اجلس قدامها بزاوية مائله(مو 90 درجه:d ) واهم شئ طبق وصية الرسول وهي ان تنظر فيما يعجبك فيها يعني اذا تحبها ، شعرها طويل،تحب انها تكون طويله يعني الصفات اللي تحبها انت تكون في زوجتك عشان ما يجي بعدين ما تلقى الشئ اللي تبغاه (طالع فيها زييييييييين وبلاش خجل لانه زواج مولعبه عطها فرصه تطالع فيك يعني لا تبحلق:11: نصـــــــــــــــــــــــــــــــــــتحه للبنات لما بتدخلون على الشاب لا تغيرين في نفسك اي شئ لانه بشوفك مرة ثانيه حرام يتفاجا لان في شاب لمن دخلت عليه خطيبته كانت لابسه كعب عالي مررة تحت الفستان ما شافه وكانت حاطة مكياج قوي طبعا الولد اعجبته قام واتفق مع ابوها على المهر والخطوبه وكل شئ ودفع 40000 مهر واشترى لها ذهب وفي يوم من الايام راح يزورها زياره خاطفة تفاجأ الا وهي ماهي على قد طوله وبشرتها معدومه وما هي زي اللي شافها اضطر انه ينفصل عنها لانها غشته (زي ما قال)وراحت فلوسه عليه خذوها عظه وعبرة ان شاء الله تلقى خطيبتك زي اللي في بالك تحياتي |
اقتباس:
عجبتني سالفة الاشهب الألهب :d عموماص ... نصائح قيمة لكل الأطراف شكراً لكي |
اقتباس:
شكراً على المرور |
اقتباس:
شكراً على النصائح الذهبية تحياتي |
اقتباس:
و مثل ما قلتي الرهبة بااااااااقية خصوصاً للي مالهم تجارب في الشوفة تحياتي |
اقتباس:
و أتفق معك ان الراحة النفسية و القبول هي الاهم في يوم الشوفة حتى أهم من الشكل و أما العروووووووسة فتو الناس .. لقينا بس ما لقينا الشي اللي في البال .. لا تنسانا من دعواااااااتك تحياتي و شكراً على المرور |
اقتباس:
و للشباب أقول لا تنسوا تاخذوا معكم علبة هندسة عشان تحسبوا الزاوية تحياتي |
انا برضوه حابة ابدي رأيي مع اني بنت
بالنسبه للشاب طبعا مثل نصايح الاخوان لازم تطالع البنت كويس لانه مشكله لو ما شفتها زين ودقق في الاشياء اللي تهمك شعرها مثلا وجهها جسمها على راحتك وطبعا ما اوصيك تهتم بشكلك ولبسك عشان البنت تنبسط لما تشوفك بالنسبه للبنت انا انصحك انك تاخذين حل وسط بالنسبه لشكلك يعني انا ضد المبالغه بالمكياج واللبس والكعب العالي اللي اسمحولي اقولكم انه ممنوووع لازم تلبسين صندل واطي وسح بعد لان الرجال من حقه يشوف طولك الطبيعي وحتى لو كنتي قصيرة لا تخافين لانك لو لبستي كعب وخدعتيه انتي زدتي المشكلة تعقيد بكرا اذا اكتشف بينصدم ويمكن يحطمك وبالمقابل ما تجيك البنت صاحيه من النوم وناقزة كشتها وتقول احسن خله يشوفني على طبيعتي لا يا اختي برضوه لازم تتزينين بشكل بسيط يعني رتبي نفسك وحطي مكياج خفيف والبسي لبس يبين معالم جسمك نوعا ما لا تبالغين بالاحتشام لانه هو جاي يشوف مواصفاتك ومن حقه ولا تلبسين مشدات وماعرف ايش لازم يشوف كلش على طبيعته لانك بكذا تتفادين مشاكل عظيمة بعدين ..صدقيني اريحلك لانه كذا ولا كذا بيشوفك على طبيعتك فخليك صريحه من الاول وبالنسبه للي بشرتها حبوب وماعرف ايش لابأس من تخفيفها لكن اصحك تخفينها بالمكياج يعتبر من الخداع وحتى مثلا اللي شعرها خشن لا تروحين اقرب كوافير الين تخليه لك حرير برضوه تخدعينه ولا تطلعين له بكشه تروعينه حاولي ترتبينه زي منتي متعوده تصلحينه بالجامعة او بالشغل يعني الشكل اللي رح يشوفه دايم طبعا ابعدي عن اي اكسسوارات ملفته او مجوهرات عشان يركز على شكلك ولا يتشتت انتي حكمي ضميرك اي شي تحسين فيه تغيير يخدع لا تسوينه مثلا لا تركبين رموش او تلبسين عدسات او توصلين شعر او او او يعني تزيني او رتبي نفسك بالشكل اللي رح يشوفه اغلب الاوقات وهذ احسن شي |
اخي الفاضل انت قلت ممنوع دخول النساء وانا اشوف انو اغلب اللي ردوا هم النسااااااااااااااااااء
يا ملقفنا انا والله ودي اكتب قصة شوفتي >>>>>>>> تحزن وابشركم مو بس انا لوحدي يومها لا لالالالالالالالا معي اختي بالشوفه بس بعد ما تاذن لي ليوناردوووووووووووووو ولي عوده اذا اذنت لي شوووووق |
اقتباس:
اختصار كلامك .. يفترض في البنت انها تطلع على طبيعتها لأنه هو يبغى يشوفها على طبيعتها و أي خداع ما راح يفيد و راح يدمر الحياة الزوجية فيما بعد .. و هذا ما يتعارض مع انها تكون أنيقة و مرتبة في يوم الشوفة لكي تترك أثر طيب في قلبه .. شكراً لكي على النصائحة الرائعة و اثراء الموضوع سلمتي |
اقتباس:
بصراحة أحرجتيني مررررة و عشان كذا بقول لك و بدون تردد لااااااااااااااااااااااااااااااااااااااااااااااااا ا أمزح معك .. بالتأكيد يشرفنا عرض تجربتك .. بانتظار مشاركتك ...... تحياتي |
هههههههههههههههه والله ضحكتني ليوناردو:d :d اسفه على التاخير بس حبيت اشوقكم شويه عشان تسمعون وتشوفون وش صار معي لدرجه انو زوجي يضحك عليا للحين بعد زواج ثلاث سنوات :) الموهم ما اطول عليكم انا بعلمكم وش صار معي بالتفصيل>>>>>>>> من الفضاوة ما عندي شي الحين غيركم دق التلفون !!!!!!! الو مين هلا والله الحمد لله ايش اخباركم انتو طيبين الله يسلمك ايوا ايوا اها ان شالله اللي فيه الخير يقدمو ربنا طرخ سماعة التلفون هاه يمه وش السالفه؟؟؟؟؟ والله عمتي فلانه تقول تبي تخطب لعيالها الاثنين عندنا >>>>>>>>> الاخت انا مابغا اتزوج لسه صغيره عمري 18 سنه:15: خلي اي احد غيري يتزوج الموهم بعد زن واقناع >>>>>>> طيب اشوفه واحكم اتصلت امي على عمتها تقولها والله ودنا تمهلونا اسبوع عشان بنتي فلانه (موانا ترا) مسويه عمليه في رجولها وعلى ما تفكها ..... العمه طيب ولا يهمكم مر الاسبوع واحنا ندور بالسوق وش نلبس وش نسوي >>>>>>> وفي الاخير لبسنا من الدولاب هههههههه مر الاسبوع واختي اللي اكبر مني لسه عمليتها ما فتحوها قالو خلاص يجي يشوفها برجولها مجبسه بالله نخيلو الوضع :d ..... واحد رايح يشوف وحده عشان يتزوجها وهي رجلها مجبسه خخخخخخخخ:28: ما علينا هو حال الدنيا كذاخخخخخخخخخخ جا يوم الشوفه واليدين مثلجه من الخوف>>>>>>> طبعا اختي اللي اكبر مني ماشالله عليها قلبها حديد :18: جو الناس ودخلو الصالون وانا الاخت الملقوفه رحت اطالع من فتحة الباب:23: >>>>> استبق الاحداث شفت واحد منهم ما عجبني ( اقصد ما ارحت له ) والثاني كان على الجنب مو واضح رحت لاخواتي وخالاتي وقلتلهم لو ذاك اللي شفته وما عجبني هو اللي يبيني انا رافضه خلاص من غير ما يشوفني:11: :11: قالولي والله احنا ما نعرفهم من بعض لكن اصبري لمن اختك تدخل الاول وبعدين تعرفين اذا هو والا لا طبعا بما ان اختي رجلها مجبسه يا بختها هو دخل عليها ما اضطرت تدخل ولا تمشي قدامه ولا غيره الموهم شافها وعجبته ولبسها الشبكه وانتهى امرهم:14: جينا للي ترجف هناك في الغرفه>>> ياللا يابنت دورك لا بالله استنو شويه>>>>>>> طبو عليا اخواته وجروني على الصالون لمن وقفت عند باب الصالون والله والله اني وقفت وقلت خلاص هونت انا مابيه الموهم اني ما ادخل ولزقت بالجدار ..... واخواتي واخواته فتحو الباب حق الصالون ودفوني داخل اقسم بالله لقيت نفسي وسط الصالون واناماني عارفه ايش اسوي ولا وين اروح وانا اناظرهم وهم ياشرون لي اجلس جنب ابو الشباب وكان معي ابوي الله يرحمه في نفس الغرفه انا ما صدقت عيني تجي على ابوي الله يرحمه وعلى طول بروح اجلس جنبه:17: الا واسمع صوت عالي يقول لا لا اجلسي هناك جنب فلان << اللي هو ابو الشباب:d وجلست جنبه وبدا يسال ومنتظر اجابه عشان يسمع الصوت وانا ارد ايه ولا بس بدون صوت اهز راسي بس ماسمع صوتي الا لمن ابوي قال انا بطلع واخليكم <<<< وانا اكلم ابوي اقوله لا خليك هنا لا تروح لكن بصراحه شوي شوي بديت اهدا وكان همي اعرف انو هو اللي شفته وقلت مابيه والا لا وطلع مو هو ههههههههههههه عشان سبحان الله الواحد يعرف انو كل شي نصيب وخلاص لبست الشبكه وانتهت الشوفه :14: واخرتها تنهيده هههههههههههههههههه:d بالله علموني وش رايكم ؟؟ ومرة ثاانيه يا اخ ليوناردو لا تقول ممنوع دخول النساء لانو محد بيرد عليك غيرنا :29: :29: :29: :29: :29: والا تبي تسوي اكشن وبس على عنوانك هههههههههههههههه تحياتي ,, شووووق |
ووووالله حلووووه سالفة (( الشوووفه )) وياريت عندنا مثل هالعاده:)
وقصصكم كثير حلوووه وسلمت يا اخ ليوناردو على الموضوع بهجه |
أخي : ليونـاردو .......الموضوع جدير بالمناقشة..
وأذكر في هذا الموضوع قصة شاب رأى البنت بدون مقدمات فتزوجها لما أعجب بها... وإليكم القصة: كانت أختين تغسلان السور ولم تعلمان أن في الملحق الشاب وهو زميل أخوهم ، فرشت وحدة من الأخوات أختها فما كان من المرشوش عليها إلا أن أخذت لي الماء ولحقت بأختها وهي ترشها بالماء وردت عليها الصاع صعين حتى صار شكلها ؟؟؟؟؟؟؟ فما كان منها إلا أن دخلت الملحق وأغلقت الباب بسرعة ولم تنتبه أن في الملحق زميل أخوها فلما تنحنح كاد أن يغمى عليها من الإحرج ولكن بعد ما شاااااااافها؟؟؟؟؟؟؟؟؟؟؟؟؟؟؟؟ ونتهت هذه الشوفه بالزواج ولله الحمد والمنة . |
ماشافني ولا شفته ألا يوم العرس كأننا من العصر الحجري مع أني متزوجه من 7 سنين بس ,وأنا عندي أحساس يااخ ليوناردو أنه بيصير لك موقف خطير يوم الشوفه وبيكون من أصدقاءك بعد فنصيحه لا تعلمهم
|
مواقف طريفه بصراحه :22: ... عن نفسي لاشفت خطيبي قبل الخطوبه ولا شافني :( ... ويوم الخطوبه كل أهلي كانوا حاضرين وخطيبي وأهله كمان ... لكن أنا لا ... والسبب إن مافي احد عزمني على خطوبتي :d !!! الله يجمعني فيه عن قريب إن شاء الله ... |
يسلمووووووو بس لازم شوية لقافة
السلام عليكم ورحمة الله و بركاته. موضوع جميل جداً و يعيد إلي ذكريات شوفتي الميمونة . *بالنسبة للنصائح للشاب فهي أن يجهز الأسئلة التي تهمه فيباله قبل ما يجي . و نفس الكلام للبنت مثلاً تسأله عن صلاته ( هل يصلي كلالفروض ) تسأله هل يدخن . تخبره أنها تتحجب عن أقاربها لأنه فيه بعض الرجال ما يحبواإنه زوجاتهم يغطوا على أخوانهم أو ما يحب إنه مرته تتحجب في السفر. تخبره إنها بودها إكمال الدراسة والتوظف حتى لا يمنعها فيمابعد إذا كانت ترغب بذلك. *شيء آخر على الشاب ألا يعلق التعليقات البايخة زي واحد فيشوفته البنت كانت لابسه بلوزة واسعة ومالت على قدام فبان صدرها فبكل غباء و قلةحياء قال لها : " لا خليك زي ما إنت " لا أفضل أن يطلب الشاب من البنت أن تحضر له منديل أو كأسماء لأنه كأنه بيقول لها : " شوفي من البداية لازم تعرفي إنه أنا الآمر هنا " وشخصياً لو أنا واحد قال لي في شوفتي ممكن كاسة موية حأستثقل دمه مرة . إذا كان يبغى يشوف جسمها فيقدر يتأمل و هي داخلة أوخارجة. *شيء آخر ... إذا ما عجبتك البنت لا تبين إنك مقروف منهاوتدير وجهك بالعكس كلمها الكلام اللطيف و امتدح ذكاءها و امشي . * اجلس في موقع استراتيجي بعيد عنالباب بحيث إنه حتى إذافيه أحد ملقوف و طالع من الباب ما يكون وجهك عليه. * إذا شفت البنت مرة مستحية و عينها على الأرض ... اتكلم معأخوها أو المحرم اللي معاكم لفترة حتى تهدىء من نفسها ثم وجه الحوار لها . * اجلس بالقرب منها لتسمع صوتها لأنه في الغالب سيكون همس . * ابتسم . * اغلق جوالك * لا تقعد تلعب بحاجة في يدك زي مفاتيحك ولا تقعد ماسكمناديل ولا تقتح وتسك جوالك ....خليك راكز. * اعرف من أهلك البرنامج كيف...يعني إذا عجبتك تلبسها فيساعته ولا تستنى إلى ما يجي أبوها و أمها و أهلك . و أساساً إذا ما عجبتك إيش تسوي. * إذا كنت من النوع اللي تستخدم الانجليزية في كلامك بشكلمستمر حاول ما تستعمل غير العربي لأنه البنت ممكن ما تفهم بس تستحي تسوي نفسها ماتعرف. آمل أن أكون قد أفدت و آسفة على الإطالة |
اخوي انت خطير جدا
انت وموضوعك هذا واحد من زملائي يقولي يوم الشوفه يوم دخلت علي قعدت اناظرها بعين حاره من الجمال اللي فيها شوي إلا هي طايحه كان قدامها كرسي ههههههههههههه عطاها عين ههههههه اخوكم ابو عامر |
اقتباس:
أتوقع أول سؤال سألها اياه هو : في أي نادي تلعب الاخت ؟؟ :d أما قصتك فواضح انك خجولة مرررررة بس زين طلع هو في الأخير .. و في المحصلة النصيب و الراحة النفسية تلعب دور كبير شكراً لكي تحياتي و تقديري |
اقتباس:
تحياتي و تقديري |
اقتباس:
و الله احراااااااااااااااااااااااااااااااااااااااااااج .. بس زين انه تزوجها و لا كانت بتتعقد في حياتها :d سلمت |
اقتباس:
للأسف البعض يتشدد في هذه المسألة رغم أهميتها الشديدة في تحديد القبول النفسي لكل طرف اتجاه الآخر .. أما شوفتي فالله يستر .. بس أكيد أصدقائي ما راح يعرفون الا بعدها سواءً حصل نصيب ولا لا تحياتي و شكراً لكي |
| الساعة الآن 04:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©