|
مدري ابكي ولا افرح
السلام عليكم
والله ماكنت اتوقع ان بيجي يوم اكتب عن هذا الموضوع بس الواحد مايدري عن المستقبل وانا شكلي انهدم مستقبلي بيدي :29: صارت هوشه بيني وبين زوجي وانا الحين عند اهلي .. واهو لا من صوت ولا خبر مادري اهو راضي بالوضع او بيعطيني فرصه افكر صراحه انا كنت رافضه رفض قاطع اني ارجع له بس يوم هدأت اعصابي ماودي يصير هالشي .. واهو الله يهديه عصبي ومايتفاهم وكلمة الطلاق دايمأ ع لسانه رشدوني ؟؟ ساعدوني الله يخليكم |
ارسلي له مسج بكلام لطيف وذكريه ان الشيطان لايريد الخير لابن ادم ويقوده للخطأ 0 وان شاء الله الامور ترجع بينكم على خير الله يوفقكم ويستر عليكم |
ما فى يا اختى كرامة بين الزوجين وهو راح يشعر انة غالى كتير عليك لو رجعتى لبيتك ومش خسارة فية شوية ثقة بالنفس,وسف يتذكرها ليكى علطول ,ومش عيب ان الست تحارب عشان زوجها وبيتها.ربنا يصلح ما بينكم ويجعل بينكم مودة و رحمة .وطمنينا عليكى
|
السلام
مشكور اخوي الكبير ع الفكره بس زوجي ماتجي معاه المسج لا لطيف ولا رقيق اهو طبعه دايما متكبر موب بس علي على الناس كلها مايشوف الا اهو الصح والناس الغلط اجل ليه انا جيت عند اهلي.. اختي gannat شنو يعني مافي كرامه اخليه يذلني ويدوس على كرامتي واقوله والله ماقصرت معاي معاملتك احسن معامله لو ان معاملته زينه معاي كان مافكرت اني ارجع عند اهلي .. ع العموم اختي والله ادري انج قاصده خير بس انا اهم شي عندي كرامتي موب كل مره اقول خلني ساكته احسن يعني اصبر الى ما اهو يتصل ويعتذر ولا انا اتصل ولا اخليه كلام رجال يعني ابوي مع ابوه جذي احسن؟؟ على شان مايعيدها ويعرف اني بنت ناس موب لعبه عنده .. ولا اللي انا اسويه موعدل ؟؟ |
أختي العزيزة ( و لهم ) ..
اشرايج لو انج تردين لبيتج وقت دوامه أي في الوقت ال يكون خارج المنزل .. و تجهزي له و رتبي المنزل و لما يرجع لا تفتحين معاه الموضوع أبدا لكن بعد ما تخلصون غداكم و ينام و يرتاح قوليله : ودي أتكلم معاك بكل هدوء و صراحة .. و لا تكلمينه عن ال صار بس بيني له انج ترغين بفتح صفحة جديدة بيضاء معه و انج تحبينه و ما ودج تصيرلج مشاكل معاه ( و من الكلام الطيب ال أنت أدرى فيه ) و كلميه باللين و اذا انفعل لا تكملين النقاش لأن النقاش مع العصبية ما يثمر بأي نتيجة .. يقولج ( اسمع نصيحة مجرب ) صدقيني يالغالية ترى الزوج مهما وصلت عصبيته فهو يلين أمام ذكاء المرأة و تعاملها الطيب اللين معه .. خلي ايمانج بالله كبير و ادعي ربج و توكلي على الله و رجعي .. على الأقل تكوني سويتي ال عليج و حاولتي الاصلاح .. لا تتسرعي ( أرجوك ) .. بشرينا بعودتج السعيدة لزوجك عن قريب .. بانتظارج عزيزتي |
اختي العزيزة الغالية
نصيحة من شخص اكبر منكِ بالعمر وبالتجربة وقد جربت مثل هذا الموقف نصيحتي لكِ اسمعيها وضعيها حلقة في اذنك قال أحد الازواج لزوجته في ليلة عرسه : اني إن غضبت اصير لئيما اتعرفين بما اجابته قالت له : ألئم منك من يجعلك تغضب أبنتي الحبيبة فكري قليلا هل اذا جلست في بيت اهلك مطلقة هل تكونين قد حافظتِ على كرامتكِ ؟ هل إذا رجعت إلى بيتك وعشت مع زوجك تكونين قد أهنت كرامتكِ أنا اعتقد بأن الزوجة ملكة مكرمة في بيتها ، جارية ذليلة في بيت اهلها مهما أكرموها عودي إلى بيتكِ وقبلي رأس زوجكِ وتسامحي منه وتذللي له وأكنسي البيت واطبخي له ألذ مايحب وأغسلي ملابسه واكويها وعطري غرفة النوم وألبسي افضل ملابسك المغرية واعطيه حقه الشرعي بأفضل مايكون ثم انظري هل لايزال مكشرا ومستاءا منكِ نصيحتي هي بأن لاتجعلي الشيطان ينتصر منكِ وارجعي لحديث رسولنا الكريم صلى الله عليه وسلم عن الشيطان وكيف يضم الى صدره احد اتباعه الذي استطاع ان يفرق بين الرجل وزوجته بالطلاق وهو يقول له انت انت ان الشيطان كان لكم عدوا فاتخذوه عدوا عاندي الشيطان وافكاره وعودي الى بيتك وانسي مسألة الكرامة أنا لا أود ان اورد قصصي الشخصية ولكن ام عبدالله تقول عندما أسألها ألا تزعلين وتذهبين لبيت اهلك تقول : ازعل انت واذهب لبيت اهلك أما انا فلن اخرج من بيتي الا الى قبري بيتك قصرك وزوجك جنتك ونارك فاختاري ماتريدين والسلام ختام |
اختي
مدام طبعه كذا ادعي الله في اخر الليل وفي سجودك وبين الأذان والإقامه ان الله يهديه وانه يكون رجال حبوب جربي وشوفي النتيجه |
خلي حد من أهلك يكلمه وينصحه .. لعله يهتدي ويعرف حقوق زوجته عليه
فالكثير من الرجال في مجتمعاتنا الخليجية بالذات لايحسنون التصرف مع الزوجة ولا يقدرونها :( الصبر .. الصبر .. ثم الصبر يا أختي الكريمة.. وعليك بالدعاء والأخذ بالأسباب تحياتي، |
امل الاسلام
ابوعبدالله ابو رواء علياء مشكورررررررررررررره ع النصايح والله حسيت انكم اخواني .. انا ما ابي اتطلق من زوجي واهو ساااااكت لا من خبر .. وابوي حالف علي قالي اذا تبيني ارضي عليك واتطمن عليك لا تروحين الا اهو اللي يجي ياخذك لا يعتذر بس على الاقل يجي يتفاهم ولازم تحطون حد على هالهوشات لانه الله يهدي ابوه تدخل وطين السالفه بس ما اقول الا الله يهديه ياااااااااااااااااارب والله هذا انا ادعي وصابره ياربي ماتواجهون اي مشكله في حياتكم اختكم ولهم |
أذكر نصيحة سمعتها من زميلتي ..
تقول يوم تزوجت أبوها قال لها ( مهما صار بينك و بين زوجك ، لا تطلعي من البيت ) و هو اللي يطلع منه .. :D |
تعرفون إن فكرة خروج الرجل من البيت أثناء الغضب بدلا من خروج المرأة فكرة جديدة علي ولم افكر بها من قبل ، فعلا الحياة تجارب ...
|
اختي سيدرا :)
لقد اصبح طبع عندي بأن ابتعد عن زوجتي حين اغضب منها حتى لايتمكن الشيطان من اشعال النار بيننا وفي كثير من الاحيان استحم بالماء البارد حتى اطفيء نار الغضب ثم اصلي ركعتين تقربا لله حتى يهديني للحل الامثل و نكاية بالشيطان وقد نصحت زوجتي بأنها ومهما حدث بيننا فأن عليها الا تخرج غاضبة من بيتها حتى لاتنزل من قيمتها وتشمت الاخرين فيها وهي تنتظر اعتذاري والسلام ختام |
أختي ( ولهم ) ..
أرجوك لا تيأسي أبدا .. هذا زوجك و محد يقدر يمنعكم من بعض .. حاولي ترضين كلا الطرفين بطريقة ذكية .. و عبري لكل الأطراف عن مشاعرك و رغبتك في العودة .. ياريتني أقدر أسويلج شي .. قلبي معاج .. عسى الله يفرج همج أخيتي .. |
اشكر كل من رد على موضوعي العويييييييييص
اختي امل الاسلام والله احسك قريبه مني وحاسه بمأستي !! بقولك شي ابتستغربين .. انحلت المشكله بتدخل عمي الكبير ابتعد ابوي عن الموضوع لانه موب من صالح ابوي وزوجي انهم يتقابلون لانه ابوي احتمال يقتله لانه من جد معصب المهم انحلت المشكله وجا اهو بنفسه وخذني واعتذرت له واعتذر مني وصرنا مثل عصافير الحب ومارجعت البيت ولا بشروط منه مليون شرط وشرط بعضها مستحيله وبعضها سهله انا وافقت لاني ابي احافظ عليه اوكي دخلت البيت واحنا راضين على بعض لبست وتزينت ورتبت البيت ونظفته وسويت له العشا وحالنا في احسسسسسسسن حال بعدين دردش معاي .. قالي ترى ابوي مايبغيك تنزلين البيت غضبان منك ليه تطلعين من بيتك قالي لاترجعها خلها تتأدب اوكي قلت له اهم شي انت ماعلي من اهلي ولا اهلك ولا الناس كلهم (( طيب ايش دخل ابوه في السالفه))؟؟ مايبغى ولده يعيش سعيد انسان دكتتوري صحيح!! طيب جا يوم ثاني الرجال منقلب علي .. قلي يافلانه روحي عند اهلك اريح لك انا ما ابي اظلمك ومدري ايش قلت له لا تظلمني ولا شي انا راضيه عليك وما ابي اطلع عن بيتي ما ابي اخسر حيااتنا.. اصر اصر الا اروح بيت اهلي مايبيني اعيش معاه اتصل على ابوي قاله تعال اخذ بنتك لانه بنت خالي ولا ابي اظلمها خل تروح عندك اريح لها والله انا على وجهي علامة استغراب وتعجب .. اسفه لاني طولت عليك بس والله ابي افض فض لك انا الحين عند اهلي طلعت من بيتي اصرار من زوجي وانا منكسر قلبي قالي ابوي لا تكلمينه ولا تراسلينه خليه واهو اللي بيرجع لك (( صراحه ابوي احس فيه مايبيني ارجع له )) بس انا راكبه راسي وماعلي من كلام الناس وبرجع له وبنتظر عسى سنه الله يهدييه لي ويصبرني على فرقاه ((اتصلت عليه وقلت انت مرتاح كذا بعيد عني قالي لا موب مرتاح وكرهت الدنيا وكرهت الفرحه بس هم اذا رجعتي عندي بترجع المشاكل وانا تعبت من المشاكل وثاني شي اخوانك شوهوا سمعتي عند الناس وقالي كلام وااااجد استغربت من اخواني صراحه انا مادر عن شي .. )) طيب انا لي دخل في هالموضوع ان اخواني يتكلمون عنه ؟؟؟ وكيييييف احل هذي المشكله؟؟ ايش رايك في مشكلتي العويصه .. |
اختي الفاضله
ان ابغض الحلال عند الله الطلاق من الواجب عليكي ان تسعي لااصلاح ما فسد بينكم وانتي الادراء بزوجك لاتجلسي مستسلمه ثم تتجرعين الحسرة والندم على ما فات من الواجب ان تراجعي نفسك اولاً لتحديد سبب عصبية الزوج ثم تعملى على مدوات الجرح واعادة المياه الى مجاريها عبر توسط من تثقين فيه وفى حكمته من اهلك او اهله |
اخوي الفارس مشكووووووور على النصيحه
اقرأ الرد اللي فوق ردك وبعدين عطني رايك اووووووكي؟؟ |
عزيزتي الحياة كالسفينه تدور بنا دوران الرحى والمؤمن الحق هو من يستطيع ان يقف في وجه مصاعب الحياة فكل ما يحدث هو اختبار وابتلاء من رب العباد عز وجل وكما يقولون الرجل كالطفل متقلب المزاج وعلى المرأه ان تكون في هذه الايام الاب والام في المنزل وما يحث لك اراهن انه يحدث للآلاف غيرك وافضل شئ اللجؤ اللى الله ولك مني خالص الدعاء
|
والله كلامك نووووور ياالغرام الحائر
بالنسبه حق مشكلتي انحلت 65% تقريبا اليوم اتصل علي زوجي وقالي انا شاريك وما اقدر اعيش بدونك (( ياربــــــــــــــــ ساعدني ـــــــــــي )) ساعه يبيني وساعه مايبيني .. المهم عطيت ابوي خبر ان زوجي المبجل اتصل علي يبيني ارجع له ابوي عصـــــــــــــب وقالي انتي موب لعبه عنده ساعه يبيج وساعه مايبيج ابي اوقف واقوله ابييييييييييييييييه هذا زوجي بس اخاف يفهمني غلط ويحسب اني بكسر كلمته مايبي يكلم زوجي ولا يشوفه كيف اقنــــــــــــــــعه؟؟ |
حبيبتي حركاتكم انتي وزوجك فيها كسره لكرامه ابيك قبل ان تكون كرامتك
الرجال لاعب بايده وبريله ويذل ابوك عن طريقك انا زوجي لما ظربني اول مره زعلت وكلمت ابوي قاله اذا ظربتها مره ثانيه ماراح ترجع لك حتى لو كانت تريد ترجعلك ,, فا انا اصبحت آكل ظرب ولا اقول لابي خوفا من كسر كلمته وكسر بخاطر لانه يزعل اكثر مني لاني بنته فكري بابيك قبل ان تفكري بزوجك ,, لاتخلينه يذل ابووك عن طيرقك ,, واذا انتي راضيه يعيشتك مع زوجك لا تروحين بيت اهلك وقولي لزوجك ان ابوك حلف عليك انك اذا رجعتي مالك رجعه لزوجك بصراحه زوجك ينرفز ويبيله عين حمرا الله يعينك وسامحيني على كلامي لكن انا حاسه بابوك وكيف قاد تنجرح كرامته بسبب زوجك صيري حازمه مع زوجك أكثر ,, والرجل مثل الظل كل ما لحقتيه انحاش منك .. |
كل عام وانتِ بخير اطلبِ تدخل احد اعمامك او اخوالك في إقناع والدك واطلبِ من امك التدخل المباشر < اعني > السعي بينكما في الصلح ولتكن حمامة سلام اخيتي وضحي لزوجك عتبك الشديد على هجرك كل هذة المدة سواء بالتصريح او تلميح نحن في بداية شهر مبارك ابذلي الاسباب للجمع بينكما مع بداية رمضان ، اجعلي الله حسيبك في تنازلاتك قومي الليل بالتهجد والدعاء ليجمع الله شملكم على المودة والمحبة اجعلي هدفك الستر واكمال نصف دينك ولي عودة ان سمح المقام خالص احترامي |
أعتقد تصرف أبوك صحيح ..
انتبهي لاتقفين ضده .. زوجك واضح إنه إنسان مستهتر .. لازم يتأدب شوي ..! خلاص أنت المرة اللي راحت رجعتي له وراضيتيه وسويتي اللي عليك.. المرة الثانية هو يرجعك ..واشرطي عليه مليون شرط زي ماشرط عليك.. أنت مو لعبة ، مرة أبيك ، مرة ماأبيك ، اقعدي عند أهلك وقولي له (انسى إني زوجتك ، لك فرصة ثلاثة أسابيع تفكر أنت تبيني أولاء..ورد لي خبر ..) وأنت خلال هالفترة اثقلي عليه ، ولاتردين كثير على اتصالاته وعلى رسايله ، وعليك بالدعاء أن ربي يسخره لك ويهديه ويجعله قرة عين لك.. وإذا كلمك وضحي له إن رضا أبوك أهم شئ ، وإن أبوك مايرضى إنك تنهانين.. خليك قوية ، زوجك مستهتر يبغا له تأديب.. وفقك الله وجعل من زوجك قرة عين لك.. |
معانتي مع زوجي نفس معاناتك
كلمة طالق لما يعصب تسود الدنيا بوجه وماعاد يشوف شئ لكن مااطلع من بيتي ابد |
ياأختي تمسكي بدينك
ثم بزوجك إذا كان صالح وفهمي أنت من آش تضايقي وهو يفهم إن شاءالله السلام عليكم |
اختي ولهم .
اذا زوجك مو رقيق ولا تنفع معه المسجات (هذا ماله حل ) واذا الرجال سيء فالعيشة في بيت الأهل افضل ولكن انا عندي لك احل جدا ممتاز .... الساعه 4 بالليل قبل صلاة الفجر بنصف ساعه قومي وارفعي ايديك لجبار السموات والأرض وادعي ان الله سبحانه وتعالى يكتب لك الخير .. واذا ما زان موضوعك فقولي ترى سطام مو رجال . تسلمين اختى .. نرجوا منك سرعة التعديل على التوقيع وحذف البريد لكى لاتتعرض عضويتك للإيقاف المراقب وجه الخير |
| الساعة الآن 10:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©