|
هل الأكبر سنا ً افضل ؟
بدخل بالموضوع على طول بدون مقدمات انا الحين في سن زواج وابي استشير بس الي عمره كبير ومتزوج وعنده خبره في الحياة لان الي ما عنده خبره يمكن يضرني بدل ما ينفعني ......المهم انا تقدملي واحد اكبر مني بعشرين سنه عمره ابربع واربعين سنه المهم انا لما تقدملي رفضته لان عمره كبير مع اني انا ابي واحد كبير ابي واحد اكبر مني بعشر سنين او خمسطعش سنه لاكن هذا احسه بزياده كبير المهم جاني واحد بعده عمره 28 يعني اكبر مني باربع سنين بس وافقت وسوينا خطبه لاكني مو مرتاحه لعمره احسه صغير المهم بعد ما تعرفت عليه بالخطبه وانا اسولف معاه احس وكاني اكلم واحد اصغر مني بكثير حتى انه جادلني مرتين في الخطبه ومره جادلني عند شغل البيت ومواعين المطبخ ويقول انا ما ابيك تأجل الغسيل المواعين ولو اني استمريت معاه باالموضع المواعين كان صارت هوشه القضيه مو قضية مواعين القضيه انه قاعد يجادلني على اشياء تافهه مثل كذا واحنا لسه في خطوبه احنا بينا ميثاق غليظ وراح نربي اجيال وهذا يتكلم في المواعين!!!!!!!!!!!!!!!!!!!!!!!!!!!!!! صدق تفاهه وهذا دليل على صغر عقله المهم انا فصخت خطبتي لاسباب كثيره غير هالسبب وتركته المهم انو بعد فتره انخطبت من واحد ثاني اكبر مني بثلاث سنين الموضع لسه في البدايه لاكن المشكله اني صرت افكر في الكبير الي خطبني افكر اني ارجعله ونقدر نراجعه اذا ربي اراد لاكني محتاره انا وابي رايكم انا افضل الكبير لهالاسباب.....
-احس اناالكبير راح يكون انسان ناضج ما راح يجادلني عند اشياء تافهه مثل خطيبي الي قاعد يجادلني عند المواعين احس الصغير ممكن نتمشكل انا وياه عند اشياء تافهه لاكن الكبير بيكون تفكيره ارقى من كذا -احس الكبيرهو بيفرح فيني بيداريني ويدلعني لاني اصغر منه بكثير فا راح يشوفني اني طفله عنده وهذا احلى شي واحسه بيتعلق فيني اكثر من الصغير -وانا افكر في الكبير لاني اخاف لا قدر الله اخذ واحد يتزوج علي اما الكبير اضمن انه ماراح يتزوج علي لان المره تكبر قبل الرجال من ناحية الشكل والصحه والخلفه يعني في لا صرت في الاربعين انا خلاص بديت في العد التنازلي وهو في عز شبابه ويقد ياخذله وحده ثانيه وهذي مصيبه بالنسبه لي هل كلامي صحيح وانا اخاف اخذ الكبير ولاشوف شي من الي قلته وانصدم شنو رايكم قولولي من اختار الي اكبر مني بثلاث سنين ولا الي اكبر مني بعشرين سنه محتاره والله يفرج هم من يجاوبني بصدق و بأمانه والي ما يجاوبني امانه وكلام يقولي ايه بدون ولا شي الله لا يسامحه لا دنيا ولا اخره لانو هاذي حياتي مو لعبه ولا تقولون الدين والاخلاق لاني احس انهم متساوين من هالناحيه ولا تقولون استخيري لان اكيد راح استخير وش حنا بدون مشورة ربنا لاكن انا ابي اخذ بالاسباب واسشير الناس الي فاهمه وعندها خبره في الحياة لاني ما احس اني افهم في هالامور كثير |
بسم الله الرحمن الرحيم تحية طيبــــــــــة [blink]يا للعجب ![/blink] أختي الكريمة أنتي أصغر من خطيبك السبق بـ 4 سنوات وتقولين عنه ذو افكار تافها فـ أخذتي العمر كـ مقياس للعقل والفكر ! إذا ماذا تقولين عن نفسك وانتي [blink]أصغر منه بـ 4 سنوات!!![/blink]! لا قصد الاسائة أو التجريح [blink]بل أقصد التوضيح [/blink] فالعمر ليس مقياس قد نرى شاب لا يتجاوز عمره 19 سنه حكيم متدين مصلي مزكي واخر فوق 40 لا يخاف الله يشرب المنكر والعياذ بالله بل رجل شهواني فمن الضلم الحكم على الرجال بهذا الحكم أختي المرء مخبوء تحت لسانه هناك نقطة اخرى إذا كان الفرق بين العمرين كبير قد يكون هناك اختلاف في الافكار فكل جيل له خصائصه الفكرية فقد تكون بينك وبينه صدامات نظراً للفرق الشاسع بين العمرين ملاحطة : انا إلى الان خاطب لكن قد تكون عندي معلومة تفيدك أتمنــــــــــى لك الزوج الصالح والذرية الصالحة والسلام |
تم تعديل العنوان ــــ في البداية نرحب بكِ اشد ترحيب ، وادعوا الله ان تستفيدي وتفيدي... العمر ليس مقياس مهم لرجاحة العقل... فمنهم عمره العشرين ويزن عقل الاربعين اري ان تكون الفروق السنيه متقاربه لتقارب الأفكار والتطلعات... اقتباس:
عليك بالاستخارة والتأني خالص احترامي |
اختي العزيزه اولا استخيري الله
ثانيا اختاري من يميل قلبك اليه وتحسين براحه له ثالثا نصيحتي ان تقبلي بالذي اكبر منك بثلاث سنوات صدقيني التقارب في العمر مهم جدا الله يوفقك ويسعدك وارجو بان تدعي لي بزوج صالح ا |
الاخت الغالية
رايى بصراحة ان العمر ليس هو المقياس لرزانة الرجل ورجاحة عقله هناك العديد من المقاييس الاخرى كحديثه معك ومع الاخرين وتصرفاته ومستوى تدينه وايضا تعليمه وثقافته واسمحى لى ان اقول لك ان فرق 20 ستة بينك وبين زوجك هو فرق كبير جدا فمن الممكن ان يكون فعلا ناضج ولكن فى رايى سوف يكون هناك فرق شاسع بينك وبينه فى الاهتمامات والاولويات رايى انك تنتظربن حتى يتقدم لك شخص يكون عمره مناسب وايضا فى تفس الوقت ناضج وعاقل ويتحمل المسؤلية وعليك بالاستخارة غاليتى كما قلت والله يوفقك وينير لك طريقك ان شاء الله |
بسم الله الرحمن الرحيم
يا أختي الله يوفقك لكل ما يحبه الله ويرضاه والله يوفقك في حياتك اللهم امين نصيحتي لك بكل أمانه (( أنا أرفض الكبير الذي عمره 44 سنه )) ولكن لا أفضل الصغير الا بشروط وهي أن يكون هناك توافق بينك وبينه في كل شئ فإذا لم يكن هناك توافق لا أفضل أن ترجعين للكبير كما أسلفت لأنك ستتعبين معه في الحياة الزوجيه لأن الرجل كما هو معروف تقل طاقته وخاصة في هذا الزمن الذي كثرت فيه الأمراض وأنت تحتاجين من يلبي رغباتك وأنت في عز شبابك . وتفكيرك ميال للكبير فأنصحك تتزوجين واحد أكبر منك بـ 10 سنوات كحد أقصى وهذه نصيحتي لك من القلب الله يوفقك وبشرينا عنك |
اختي الغالية-الرجل اذاكان اكبر من البنت بعشر سنين على الأقل وكان ملتزم صدقيني بيدلعهاويدللهاويتمسك فيها خاصة اذاكانت محترمة ولبقة ودلوعة وانا أويد ان الرجل الكبير أحسن من الي سنه مقارب لسني ....واتمنى لك التوفيق ياعسل
|
القضية لا بالكبر ولا بالصغر.... القضية بالتفاهم والعقل
والله اني ادش منتديات والقى شكاوي من زوجات اتزوجن باكبر منهن... والسبب ان الكبير مايجاري صغر سن زوجته ومب قريب من اهتماماتها...حتى الدلع اللي تقولي عليه يكون وقتي زين لو كمل سنة..وثاني هو بعد يمكن ينتظر منج امور ماتقدري عليها بحكم كبر سنه وعقلانيته الزياده... وينتظر منج رجاحة عقل يمكن فوق مقدرتج الحاليه...بحكم صغر سنج وتنهاري معاه... انتي اتوكلي على الله مع خطيبج الحالي يمكن يكون اعقل واركد عطيه فرصة ولنفسج فرصه.. وحاولي تفتحي مواضيع تبين عقله وشخصيته..وعلى فكره نصيحه مني لج..كلام فترة الخطوبة والملكه ارميه بحر لان شخصياتهم تنقلب بعد الزواج.. |
عزيزتي بالعكس كلما كان اقرب لسنك كان اقرب لمرحلة عمرك وتفهمك اكثر والدلال ممكن يكون من الكبير والصغير العمر
ليس مقياس..وايضاالزواج قد يكون من الكبير ومن الصغير ..ارى ان العمر المتوسط هو الافضل فأقصى حد لفرق العمر بين شخصين هو 11 سنة.. تحياتي حائزة الأمل |
ربي يعينك ويسخرلك
انا مع رأي الأخوان والأخوات أهم شي التوافق والتفاهم لما يكون كبير مره يمكن يستسخفك (سامحيني) ويكون اهتماماته غير يعني تتعبي معاه اعرف وحده كانت متزوجه واحد اكبر منها بعشرين سنه ومتزوج صح يدلعها بس تقول نفسي اسولف معاه اتناقش لأنها اذا ناقشت طفش من افكارها السطحيه حسب عمرها ذيك الفتره |
أنا في رأيي انه كلما كان الفرق في العمر أقل كلما كان أفضل ..
أفضل دائماً أن يكون الفرق بين الأربع و الثمان سنوات .. و هو الفرق المناسب في رأيي .. أما قضية النضج الفكري فلا أعتقد أنها مربوطة بالعمر .. بالذات بالنسبة للذكور .. ياما شفنا شباب في العشرينات أنضج من رجال في الأربعينات و الرجل اللي في الأربعينات يفترض أن يبحث له عن وحدة في الثلاثينات .. و البيوت مليانة تحياتي |
اختي الكريمه..
الحين لو انك تزوجتيه وهو 44 ... بعد 6 سنوات بيكون في الخمسين .. وانتي في الثلاثين.. الفارق كبير جدا.. والتوافق بين الزوجين سواء في التعليم او السن او الفكر .. الخ هو اهم اسباب النجاح في العلاقه الزوجيه .. وبعدين لا مؤاخذه .. لما بيكون في الخمسينات.. قدرته الجنسيه أكيد بتقل.. ومثل ما قالوا لك الاخوان والاخوات.. السن مش هو المقياس.. اتمنى لك التوفيــق .. |
اختي الغالية
ربما خطيبك السابق كان يتككلم عن الصحون لأانه يتكلم عن المستقبل ولو انخطبتي من واحد بألربعين يمكن يقول لك نفس الكلام وكما قالوا الكل العقل لا يقاس بالعمر فمثلا أنا كنت متزوجة (الأن أنا مطلقة وادعو لي بالزوج الصالح) كان زوجي السابق اكير مني فقط ب7 سنوات ولكن كنت احس انه عجوز جدا وانني صغيرة عليه وان شبابي يضيع معه فكان دائئما تعبان وكسلان ولا يحب العشرة الزوجية وتعب من المشي بحيث لا نستطيع حتى ان نتمشى معا في ألسواق بسبب انه دائما تعبان..وكان كلامه ممل الى اقصى حد ولكن انصحك بأن توافقي على الذي يقرب الى سنك لأان بعض الأشياء تكون جسدية ..فالذي بالأربعين ربما يكون دائما تعباي ولا يحس بتطلباتك الجسدية وتحسين انك تخسرين شبابك معه والزوج الذي يريد واحدة اصغر منه بكثير مرات يمر في مراهقة متأخرة ويكون عقله صغير! |
السلام عليكم ورحمة الله وبركاته
غاليتي انا رايي بصراحه انو عمره 44 سنه وانتي 24 شي خيالي الفرق مررررررة كبير ولمن يكون الفرق كبير كذا راح تواجهين مشاكل الاهتمامات وطريقة التفكير وووووو.... رايي انك لو ما تبي الفرق سنتين ثلاثه او حتى اربعه للاسباب اللي ذكرتيها فهذا شي معقول لكن احلى شي لو الفرق يكون بينكم من 6 الى 11 سنه انا اتوقع كذا مناسب واذا على العقل والدلع من الصغير شوفي انا مثلا عندك الفرق بيني وبين زوجي 8 سنوات وهو مررررة عاقل وانا ؟؟؟ وفوق ذا كله يقوله انتي لسه صغيره ومدلعه >>>>>>>> لاحظي والفرق مو زي ما تبي انتي بس 8 سنوات ويقول انتي صغيره عزيزتي لا تاخذي العمر مساله جوهريه عشان تقبلي او ترفضي انظري لشخصية الرجل نفسه بقولك قصه سمعتها قبل يومين .... فيه رجال كبير تزوج بنت صغيره عمرها 18 سنه او 20 تقريبا الفرق بينهم كبيرررررر مرررة على قولتهم هو شايب ,,, المهم يوم لبست فستانها الابيض قالوله تعال عشان ترفع طرحتها عن وجهها قعد يخاصم يقول وش ذي الحركات ومن ذا الكلام بس وراح دخل عليها الغرفه ومن عند الباب قالها ارفعي ذي عن وجهتس وطلع تخيلي الاحراج قدام الناس وكسرة الخاطر وش رايك ؟؟؟؟ عاد مع الكبار كثري من كسرة الخاطر لانهم ما يقدرون ولا يفهمون عقلية الصغيره هي وش تبي وكيف تفكر والا وش جيلها عليه>>>>> ولا تنسي انهم يتعوذون من ذا الجيل !!!!!!!! الله يستر عليهم خلاصة الكلام :- انا رافضه فكره انك تتزوجي هذا ابو 44 سنه وانتظري واحد عمره اكبر منك بـ 6 - 11 سنه وان شالله عن قريب تفرحينا بخبر خطوبتك بالزوج الصالح ... اله الحق امين تحياتي ,,, اختك شوووق |
عليكي ان تصلي صلاة الاستخارة والخيرة فيما اختاره الله
واتمنى ان لا تفكري فى الزوج من شخص اصغر منكي سن ابداً فسوف يذكركي بفارق السن دئماً |
يمكن لأنك حاطة في بالك تبين شخص اكبر منك بعشر او خمسه عشر سنه من جذي تدققين في كل شئ 000
بس وش دراك أنك ما تأخذين واحد يعجبك فرق السن بينكم بس يطلع شخص ذو أخلاق سئة او تطلع فيه صفة ما تعجبك والعمر ماله علاقة بطريقة التفكير قد تكلمين طفل عمره عشر سنين بس تفكيره يوحى لك أنه شخص عمره عشرين سنة لأنة ناضج فكريا000 فلا تقيسين العمر بشخصية خطيبك000 واللّه يوفقك ويوفقنا معاك يااااااااااااااااااارب000 |
المقياس الحقيقي للرجل عقله وليس عمره
|
انظري الى نضوج العقل وطريقة التفكير لا لعدد السنين التى قضاها وكم عمره ..... والعمر ليس معيار لنجاح وسعاده الزواج
|
المقياس في الزواج لا يحكم بالسن أبدا !!! انظري لعقله ولأفكاره ، لا لسنه وعمره.
صدقني هذه المواضيع التي ترينها تافهة أحيانا تنبع من حب زوجك لك ، لكن انت لا تقدرين ذلك ، انظري لنفسك عندما تعاتبين من تحبين !!! تعاتبين على اشياء قد تكون في قمة التفاهة لكن بالنسبة لك شيء كبير عظيم ، وهي نابعة من حبك لهذا الشخص!! لا ترهني نفسك لرجل كبير السن والفارق بينكما كبير جدا ، فهو يفكر الآن في أشياء انت لا تفكرين بها ، يريدك الآن امرأة فقط وأم ، لن يكون كما تحلمين ، لن يكون رومانسيا كما تتصورين وهذه ستكون ضرب الحائط في نظره ، لان كبر على هذه الأمور . تريثي وتأملي في خطواتك قبل أن تقدمي. وابو 44 سنة يمكن يجاججك على على تنظيف البيت لو غسل ثياب والزمن يثبت لك وبعدين لحجاج بهارات الحياة لازم تتعودي ، واحنا معاش نتعود!!!! |
ومثل ما قالو لك الاعضاء
الرجال ينقاس بعقله مو بسنه وبعدين الرجل الكبير بالسن لايستطيع ان يجاري الفتاه الصغيره فهو قد شبع من الدنيا وهي مقبلة عليها طلعات:::::::::::::: سفرات :::::::::::::::::: دلع ::::::::::::::::::::::: يعني يمكن راح يعجبك شي من رجاحة عقله بحكم خبرته بالحياه بسسس فيه اشياء كثيرررره راح تفووووت عليكي بسببه وبالاخير اذا خاطرك فيه اخذيه هذي حياتك بالنهايه وانتي ادرى بمصلحتك بهجه |
ولله يا اختي مو شرط يكون الكبير عاقل وناضج
انا عندي مديري بالعمل عمره 45 بس منب قايل شي عنه الله يستر عليه بس ويهديه مثل ماقالو الاخوان والاخوات اهم شي العقل والتفكير وتوكلي على الله |
| الساعة الآن 08:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©