|
هل هذا طبيعي .....
السلام عليكم
ابدخل في المشكله او بمعنى اصح حاله امر فيها انا وزوجتي وهي الصمت اجلس انا وياها مع بعض بس مافيه نقاش يعني سكوت نطلع برا مافيه كلام ساكتين مع العلم ان علاقتنا جدا ممتازه بس الصمت الي منكد علينا وصرت امل يعني مافيه نقاش ولا حوار ابد يعني تخيلو نجلس من بعد صلاة المغرب مع بعض الا الساعه 10 مساء مانتكلم الا يمكن 10 دقايق فيها اذا سكت انا تقول ليش ماتتكلم ماتبي تتكلم معي وذا تكلمت ماتناقش افتح موضوع عام ماتنشد معي حتى اني قمت افتح مواضيع ولا تعجبني بس عشان ناخذ ونعطي من الملل مع العلم ان مافيه اطفال لنا تقريبا حوالي السنتين ونصف متزوجين ماتشتغل المشكله ان الحوار بينا معدوم من كثر ماخذت على الوضع هذا صار كلامي قليل حتى عند الناس والعمل مادري ها الوضوع طبيعي ولا لا مع العلم اني مليت وطقيت اسولف ماتسولف تناضر في وجهي وتتأمل وذا سكت قالت ماتبي تتكلم معي ولله احترت |
اخوي نايف الله يعينك ويسعدك
طيب ايش رايك تشغل وقتها يمكن هي كمان ملت بما انها ماتشتغل يعني خليها تروح مكتبات عامه تجلس فيها تقرأ كتب سجلها بدورات كمبيوتر انجليزي ترى يمكن لما تخرج وتتعرف على ناس تبدأ هي تحكي لك جبلها كتب في البيت تقرأها لما ما تكون موجود بحيث انك مجرد ما تجي وهي تحكي لك ايش قرأت في الكتاب طبعا ياريت الكتاب يكون قيم بحيث انه يهمك وبنفس الوقت يهمها طبعا ربي يسخرلك |
اخ نايف الله يعينك وانا حاسه فيك
لاني هذا وضعي مع زوجي انا لسى بس شبكه ( عقد قران) بس مافي نقاش بيني وبينه بس هو يتكلم وانا اعلق او ارد عليه كنت اعتقد انها فتره وتعدي بس ماعتقد المشكله اني انا اتكلم ومرجوجه بس معه مااتكلم وهو مال من هذا الشئ مدري ايش الحل :d اذا لقيت حل اعطيني وشكررررررررررررا :17: الأخت الكريمة، برجاء تغيير توقيعك لمخالفته |
أنه الملل الزوجي
السلام عليكم ..خير تحية اخي الفاضل..نايف ان ماتمر به انت وزوجتك في هذه الفترة هو نوع من الملل الزوجي او الفتور في الزواج..ربما كانت زوجتك هادئة ولكن حسب ماقرات عن مشكلتكم مسبقا ان الله لم يرزقكم للان اطفال وان السبب منها ..صحح لي ان كنت مخطئة .. ربما هذا هو السبب الذي يحز في نفسها ولكنها لاتصرح لك به فهي انثى والانثى تحب ان تكون ام ..ربما تساورها الوساوس انك تفكر ترتبط بانثى غيرها مع نفيك لذلك كما ذكرت مسبقا.. اخي الحل هو انت تأخذ اجازة من عملك وتأخذ زوجتك الى مكتب سفريات وتختاروا بلدا معينا على حسب ذوقها وتنطلقوا في رحلة استجمام واوصي احد اخوانك واحد اخواتها بمهمه اختها تقوم بشراء ملابس جديدة وتغير من تعديل الشقة في غيابكم واخيك يمدهم بالمال في غيابك او ممكن ان تعطي اختها مبلغ من المال حسب تقديرك لكن احرص على السرية كيف تفاجأ بما تفعله من اجلها.. فكرة بسيطة من اختك..والله يريح بالكم يارب ويسعدكم أختك حائزة الامل |
ياعيني على الأفكار يا (حئزة الأمل )
بصراحه راحت عن بالي فعلا يمكن تكون متأثره من هذه الناحيه شد حيلك بسرعه ربي يفرج همك وهم اختي حائزة الأمل وكل محروم ومحرومه |
مشكلتي هى نفس مشكلتك وهى الصمت من زوجي
يعني ما فيه احد يتكلم الا انا والا راح نبحلق بالتلفزيون طول اليوم وعرضت مشكلتى للاخوان ابغاهم يعلموني كيف اكون صامته حتى يحس باللي يسويه بس كلهم نصحوني باني ما اسكت وانه لازم احرك جو البيت ولاصار فيه ملل وانا اخذت بنصيحتهم وعادت حليمه لعادتها القديمه يعني انصحك بنصيحة الاخوان فرفش وحرك الجو حتى ما يصير فيه ملل في حياتكم واتوقع ان تاثير الزوج على زوجته اقوى يعني اتوقع بعد فتره راح تاخذ طبعك والله يرزقك الذريه الصالحه اللى تملى عليكم البيت ودمتم سالمين...................... |
اعتقد انه شي طبيعي ويحدث مع غالب الازواج وانا اوافق الاخت حائزة الامل
|
اختي روح الغالي اشكرك على اهتمامك
بس انا طلعت عيوني ونا اقولها روحي سوي حطي ادخلي مافيه فايده ابدا وبالبيت عندي مكتبه كبيره مسويها بس كانت تقرا اول اما الحين مغبره اختي دودي الدلوعه اشكرك على ردك بس لاتسكتين مع زوجك تكلمي ناقشي حتى لو انك ماتفهمين وش يقول والبركه في الاخوان والاخوات اكيد بنلقى حل عندهم اختي حائزة الامل اشكرك على اهتمامك كلامك صحيح هي هادئه بس مو لدرجه انها ماتناقشني ابد كنا بينا حوارات وسواليف نعم اختي لم نرزق بأطفال والسبب منها بس اتوقع ان الموضوع خلاص انحل ونا نسيته تماما وهي نسته على ما اضن وكل ماقلت نروح نسافر تقول بكيفك قلت كل شي بكيفي ونتي وش رايك تقول بكيفك قلت عادي نجلس تقول ايه قلت عادي نروح تقول ايه قلت وش احسن تقول عادي كل شي عادي ضاق صدري وقمت ما اطري السفر ابد اختي مضاوي الله يعينك بس انا احس اني اهبل اذا جلست ولا احد يرد علي ولله صرت اشك في نفسيقلت يا ولد يمكن فيني شي بس اتوقع ان كلام اختي حائزة الامل صحيح ليش لنها تغيرت من بعد ها الموضوع الانجاب بيني وبينكم فكرت في ها الموضوع بس كل مافكرت فيه تعوذت من ابليس اقول يمكن تبي تطفشني عشانها ماتجيب عيال بس ما اتوقع شلون تتطفشني وهي تحبني وذا جلست اتكلم اناضر فيها الاعجاب كنها تقول اطربني بس الي يقهرني ماتتكلم |
عكسي أنا .. :D
مع الناس كلامي قليل .. و يوم أشوفه تنفتح نفسي و أجلس أحكي له كل شئ صار اليوم .. :) |
اخي
احمد ربك وعسى ان تكرهوا شيئا وهو خير لكم يعني السكوت احسن من الكلام اللي ماوراه الا الحش في خلق الله والله رزقك زوجه صامته احسن من ثرثاره تتكلم في الاكو والماكو واذا كانت جالسه في البيت من وين تجيب سوالف يعني احمد ربك انا مقدره ظرفك بس ليه مانتطلع للافضل ونعطي انفسنا نوع من الامل |
أخي الكريم نايف
في ناس مستعدين يدفعوا لكي يسكتوا زوجاتهم و أنا مستعد أدفع لكي اسكت أختي و تريحني من النشرة اليومية لكن اذا كانت زوجتك من النوع اللي يتكلم كثير و سكتت فجأة فهذا دليل واضح على الفتور و الملل و أختي حائزة الأمل كفت و وفت في هذا االجانب تحياتي و تقديري |
سبحان الله العاده الحرمه اللي تشتكي
كلمها باشياء تخصها مكياج لبس حركات شف يمكن تنحل الازمه |
لي عودة إن شاء الله ..
|
هههههههههه ريتها تحج مرتتك
ربي يكون بعوونك يمكن طبعها الصمت يووو صير لعلع لحالك وناقش او احكيلها بروح عند ربعي هددها يعني يمكن تتلحلح |
أخي نايف صدقني انها متأثرة من موضوع الإنجاب ولم تنساه..اعزم على السفر واوكل مهمة تغيير امكان السكن الى احد افراد عائلتهااو عائلتك وان شاء الله تتغير نفسيتها..غير من نفسك انت ايضا..شاركها بالمشي يوميا لساعة فالرياضة تهدىء النفس ..اخلق جوا يمرحك ويبث المرح فيها وصدقني ستتغير ..انها الان جبل من الهموم وانت تستطيع هدمه ولكن بالصبر والأفكار ..هذه عدة افكار قد اعطيتها لك فإن لم تناسبك فقل ولن أبخل عليك اخي بابسط شيء وهو تفريج الهم ان كان بيدي وكانت الافكار عندي.. دمت أخا في الله (أشكر الغالية روح الغالي على كلماتها الطيبة) اختك حائزة الأمل |
أنا نفسك أكثر وقتنا صمت بس اللحين وللّه الحمد بالنسبة لبداية لملكتنا كنت عدم ما اتكلم بتاتا 000
بس تداركت الموضوع وبمساعده من خطيبيي طبعا يعني قمت شوي شوي أسولف عن أهلة واختصاصاتهم وقمت اسولف سوالف يمكن ما تهمة بس على أساس ما أكون ساكته وأخلية يمل من القعدة معاى فانت حاول تتناقش معاها في حياتها تسئل فيها عن أشياء ما تعرفها او تتكلم معاها عن مواقف صادفتك مضحكة او محرجة يعني بأختصار خلك على طبيعتك معاها فرفش وأمزح خلها تأخذ عليك عاندها بمزح واذا كلش ما فاد حاول تسحب منها الكلام تسحب 000 واللّه كريم يهنينا ويهنيكم000 |
ليوناردو
الله يسعدك اضحكت سني خليها تحكي تفضفض ولاتلجأ لأحد غيرك خذها من مجربه كل انثى بحاجه لرجل بحياتها خليك انت الرجل ربي يسعدك هذي وصيتي لك احكي معاها ....................... ( ادمعت عيني ) المهم اخي نايف شد حيلك مثل ماقالت الغاليه حائزة الأمل فكره حلوه ربي يرزقكم الذريه الصالحه ويسعدكم ويريح بالكم |
فكرة الاخت حائزة الأمل فكره جيده جدا...
بالتوفيق.. |
توكل على الله وجيب ولد
تحياتي |
اشكركم اخواني وخواتي على افكاركم الجميله فعلا نعم الاخوه والاخوات
اختي حائزة الامل كلامها صحيح 100 % هي ما كانت كذا بلعكس تقريبا بعد موضوع الانجاب بس مثل ماقلتلكم انا صرت افتح مواضيع تخص الحريم عشان تسولف بس ماش محد يرد علي الصوت بالعربي صرت اتحطم يعني افتح موضوع قصدي يكون بينا حوار لاكن تكتفي بالاجابه بي نعم او لا فقط يعني ما اضلمها بلعكس هي تبيني اتكلم وذا سكت تقول ليش ماتتكلم بس انا شلون اسولف ولا احد يرد علي حتى اذا طلعنا مافيه سواليف بالسياره ساكتين مطعم ساكتين بالسوق ساكتين في كل محل صمت لاتقولون فتور في العلاقه تراني محب ها الكلام حنا متفاهمين جدا بس الي اشوفه انها فيها حاله تسرح كثير وكلام اختي حائزة الامل صحيح بس انا ماقصرت معها كل يوم اسوي اكشن يعني كل يوم متجدد |
بيدك يا أخ نايف تكسر هذا الصمت ، وانت وصلت لمربط الفرس ، فبدأ بحل الأزمة ، ترتاح وتريح زوجتك.
الصمت في الحياة الزوجية مقيت ، قاتل . أنا من النوع الصامت لا أتحدث كثيرا معه مع اني اجتماعية ومتحدثة طلقة مع الناس ، وعندما يراني اتكلم في الهاتف أو مع اخوتي واخواتي يشتد غيضا ويتضايق مني ، ليش تكلمينهم وأنا لا !!! من وين تظهر لك السواليف بحذاهم وعندي لا!!! أنا لا ادري!!! وضعي معه كما وضع زوجتك نعم ، لا ، عادي ، ممكن وبهدوء ، رغم الحب والاحترام بيننا ، ودائما يطلب مني الكلام!!! وانا اقول ها انا ا اتكلم !!! كن معها لانها تمر بمرحلة صعبة ، وتتمنى كتكوت صغير منك. اتمنى لكم حياة سعيدة |
بارك الله فيكم اخواني واخواتي
لكن الحوار جدا مهم ونا معها على اي شي بس عقلي خالي من الافكار او سويت الي جى في بالي لكن دون فائده والأمل فيكم اخواني وخواتي يمكن فكره تكوت حلوه وتغير ها الحاله الا احنا فيها وشاكر لكم |
| الساعة الآن 07:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©