|
تعبت والله تعبت
السلام عليكم ورحمة الله وبركاته
مشكلتي إن مشاعري تجاه خطيبي " متملكين " غير مستقرة مره أحس أني أحبه وكثير أحس أنه أنسان عادي وبعض الأحيان أجلس أبكي أقول ليش رضيت فيه ليتني ما وافقت مع أنه أنسان جدا رائع وما فيه عيوب بس أحس أنه خجول بزيادة وهادئ مره وعاطفي بزيادة وأنا صح خجوله بس على قولتهم لهلوبة ومو عاطفية مثله يعني فيه فرق بيننا الطباع مختلفه وفيه سبب ثاني "عمره " هو أكبر مني بسنه بس وطول عمري حاطه ببالي أن زوجي بيكون أكبر مني بعشرة سنين على الاقل هذا السبب مسبب لي أزمة نفسية كثيرين يقولون لي وشلون رضيتي فيه وهو أكبر منك بسنه أحسن الرجال يكون أكبر من الحرمة بكثير بس وش أسوي النصيب آآآآه أحس أنه مظلوم معي خاصة وانا أحس انه يحبني بعض الاحيان ما أرد على تلفوناته واتحجج أني مشغوله وإذا كلمته ما أصدق أنه يقفل الخط وسواليفنا جدا عاديه كأني أسولف مع صديقتي :29: على فكره لنا شهرين متملكين ومشاعري تجاهه متخربطه قولوا لي وش أسوي تعبت والله تعبت برايكم ممكن تثبت مشاعري بعد الزواج وأحبه ؟ |
اختي تعوذي من ابليس مدام انه انسان ما يعيبه شي حافظي عليه
وبالعكس الأنسان العاطفي نعمه وكل بنت تتمناه ولازم يكون في الحياه الزوجيه طرف سالب وطرف موجب يعني انتي عاديه هو عاطفي علشان يصير توازن انصحج بان تكثري من المعوذات ربما انتي مصابه بعين وعلشان تروح من بالك هالأفكار انتي في نعمه حافظي عليها وما حد كامل الكمال لله |
علشان تستقر الحياه لازم يكون فيه تفاهم واحترام
والحب بيجي من خلال العشره والأيام لا تشيلين هم |
والله اختي ميرا حاسة فيك
متعب جدا عدم القدرة على تحديد المشاعر تجاه شخص ما .. كيف بالزوج!!؟؟ أنا الآن مشاعري متضاربة تجاه زوجي (مالنا شهر متزوجين) بس والا مره حسيت اني أحبه .. كأنك تحكين عني لما قلتي عن تهربك منه ،، أنا كذا ملييييييت من كثر الاعذار ،، من جد تعبببت أختي أنصحك تكثرين من صلاة الاستخارة حول الارتباط فيه من عدمه الله يوفقك ويسعدك |
أحبك أحبك كم أحبك وكرري هذا الشي قبل لا تنامي كل يوم ولا تنسي شي مهم جدا إنك تحذفي كل فكرة سلبية عن زوجك فمثلا أن زوجك أكبر منك بسنة هذا شي جميل جدا وخاصة في التقارب الفكري بينكم وأنا أفتخر وفرحانة أن زوجي أكبر مني بس بسنتين!! خجول : بيراعيك وبيهتم فيك كثير هادي: هذا من صالحك صدقيني مافي شي أجمل من الهدوء عاطفي: وفيه شي أحلى من الرومانسية!!! فكري فهذي الصفات بإيجابية [blink]وأنظري للأشياء بعيون جميلة[/blink] |
night2005
مشكورة أختي على ردك وبعمل بنصيحتك لأني أول أيام الخطبة كنت مبسوطة والكل ملاحظ علي على عكس الحين صرت أختلق العيوب خاصة وأنه فيه وحده من اقاربي جلست تحقق معي وانا زي المهبوله اعلمها وبعدها جتني ضيقة صدر بس الحمد لله الحين أخف قولي أمين الله يرزقك باللي تتمنيه بنت أخته أنا قريت موضوعك من قبل عشان كذا صرت أوسوس خايفه أكون مثلك بعد الزواج بس خلاص مقدر أتراجع لاني تملكت خلاص بس ان شاء الله أحب زوجي وانتي بعد تحبين زوجك بإذن الله مشكوره أختي على ردك سماااا إن شاء الله بتبع نصيحتك حاسه أنها بتجيب نتيجه :17: أدعوووا لي تكفون |
انظري إلى دينه وخلقه ،، فإذا كان صاحب دين وخلق
فأنتي في المسار الصحيح ،، والحب سيأتي مع العشرة ،، وصدقيني الحب أيام الملكة حب لا يرقى ولا يصل للحب الحقيقي الذي يكون بين الزوجين بعد الزواج ،، ثم تخيلي أنه طلقك ،، هل ستضمنين رجلا مثله وقد توشحتي بلقب مطلقة لسبب تافه ،، أخيتي أغلب البنات إذا ماكان كلهم ،، في بداية الملكة والزواج تكون نفسياتهم ،، مثل نفسيتك تقريبا ،، وعلى درجات متفاوته ولكنهم بعدين نظروا إلى إيجابيات أزواجهم ،، وضغطوا على أنفسهن وأصبحن لا يطقن الحياة بدون الزوج ،، أخيتي لايوجد إنسان كامل ،، فكما تريدينه أن ينظر إلى حسناتك ويتغاضى عن عيوبك ،، فأنتي كذلك عامليه بما تريدين أن يعاملك به ،، والله يوفقكم ويجمع بينكم على خير ،، يا كريم |
اخيتي الحبيبة..هوني عليك..فمايصيبك يصيب كل فتاة مرتبطة تخاف من مستقبلها وحاضرها رغم انه ليس داعي لهذا الخوف والقلق.. عزيزتي ابعدي عنك هذه الوساوس وادعي الله في غسق الليل ان يتمم لك بخير أختك حائزة الأمل |
حبيبتي لا توسوسين ولا تخافين .. ولا تقارني نفسك بأي شخص آخر
بس اللي طلبته منك إنك تستخيري .. فلو لا قدر الله وما حصل ارتياح .. خير لك ان تفكي الارتباط الآن أحسن من بعد الزواج وان شاء الله ما يصير هالشي تعوذي من ابليس وكثري من الاستغفار والدعاء والله يوفقك ويسعدك ويبعد عنك هالوساوس والله يسمع منك ما دعيتي لي |
اقتباس:
وتقبلي فائق احترااامي... |
انا مع الاخت سما كلامها عسل وكل كلمه قالتها في محلها
انظري للاشيا بعيون جميله زوجك يحبك فأعطيه الحب انتي وبادليه المشاعر تحياتي |
المسألية مسألة وقت وهالشئ اللى تمرين فيه شئ طبيعي
وبالنسبة للعمر يمكن لو خذتي واحد أكبر منش بعشر سنين ما ترتاحين معاه وهذا ترتاحين معاه يعني العمر موا مقياس000 واللّه يهنيك000 |
عاشق زوجته
كلامك صحيح وعلى العين والراس بس أبي أعرف حالتي طبيعيه أو لا خاصة أني ما أحس بأي مشاعر تجاهه وبنفس الوقت ماابي يصيبه شي أحس بحبه لي وأحس أني ما أستاهله :( مشكور أخوي على ردك والله يوفقك حائزة الأمل إن شاء الله زي ما تقولين شي طبيعي ويصيب البنات الله يسمع منك ياااااااااا رب ومشكورة على ردك والله يوفقك بنت أخته أنا استخرت قبل الملكة وكنت مرتاحه وفرحانه الحين مدري وش جاني صح أنا أحس براحه في بعض الأحيان بس مشكلتي مشاعري متخربطة ومسألة إني أفك الارتباط مستحيلة أنا ما أبي أفك الارتباط فيه وبنفس الوقت مابي أرتبط فيه لا تضحكون علي ما شكيت لكم الا اعتبركم أخوه لي :24: مشكوره على ردك مره ثانيه والله يألف بين قلبك وقلب زوجك يا رب admini مشكور أخوي على ردك والله يوفقك أحبك حبيبي مشكوره أختي على ردك والله يوفقك بحرانية الله يسمع منك يا رب ويكون مسألة وقت وشي طبيعي أنا حاسة أكثر شي مأثر علي مسألة عمره :( لكن الحمد لله على كل حال ومشكوره على ردك والله يوفقك |
نصيحة لوجه الله
حافظي عليه وحطيه بعيونك وحاولي تحبينه مع الأيام راح تحبينه أكبثر أما بالنسبه للسن فأنا أرى انه ما فيه مشكله بالعكس أحسن شي وأنا أعرف ناس متزوجين بنات أكبر منهم وعايشين حياة سعيدة الله يسعدك وياه ان شاء الله |
نصيحة لوجه الله
حافظي عليه وحطيه بعيونك وحاولي تحبينه مع الأيام راح تحبينه أكبثر أما بالنسبه للسن فأنا أرى انه ما فيه مشكله بالعكس أحسن شي وأنا أعرف ناس متزوجين بنات أكبر منهم وعايشيشن حيتة سعيدة الله يسعدك وياه ان شاء الله |
قريب لي متزوج حرمه أكبر منه بخمس سنوات وله الآن تقريبا عشر سنوات متزوجين وجاب منها عيال ومتفاهمين والأمور ماشيه وكم مره اسأله مبسوط يقول الله يتمم علينا بس مسألة العمر لا تشيلين له هم وان شاء الله بعد الزواج يجي الحب
|
عمر العمر ما كان مقياس ، ولنا في رسول الله صلى الله عليه علىاله وصحبه وسلم اسوة حسنة
بارك الله لك |
اختي اهم شي بالزواج هو التفاهم والموده وانك تحترمينه ويحترمك .. الحب مايفيد اذا زوجك يضربك ولا يخونك ولا لسانه بذئ .. الحمدلله ان طبعه زين وهو محترم وشي تريدين اكثر ؟
مو شرط تحبينه ((ومن آياته أن خلق لكم من أنفسكم أزواجا ...وجعل بينكم مودة ورحمة )) الموده والرحمه هي الاساس وليس الحب ثم انك راح تحبينه مع العشره .. لاتستعجلين ولا تفكرين بمشاعرك كثيرا ولا تفكرين بالانفصال عسى الله يهدي قلبك وتحبينه |
كونك في البداية حابته وبعدين تغير ت مشاعرك شي غر يب..
بس احتمال انك لما فكرت او احد قال لك ان الفارق سنة وحدة ولما قالوا الناس ليش قبلت فيه احسن يصير الفارق كبير ووو الخ أثر عليك.. وصدقيني هذا الكلام كذب في كذب.. العمر ماله دخل ابدا ابدا في السعادة الزوجية صدقيني الفارق ليس مهم اطلاقا.. الرسول صلى الله عليه وسلم تزوج خديجة وهي اكبر منه بكثير ورغم ذلك حبها وأكرمها ولا تزوج عليها ورغم انه حب عائشة اكثر الا انه ظل يذكرها طوال حياته من قيمتها عنده ومكانتها في قلبه!! لان هذه الزوجة العظيمة كانت بسلوكها ووأخلاقها عظيمة.. انتي فكري بالأهم .. بالمعاملة... بدورك تجاهه .....كيف تبنين حياتك ومسألة العمر والله ما تفرق! اعرف وحدة بينها وبين زوجه 8 سنوات! ويعاملها بجدية كأنها أمه!!! مع انها دايم تتدلع ان بين وبين زوجها فرق بس الحقيقة ان معاملته لها جدا جافة! وكانت تستهتر في وحدة بينها وبين زوجها سنتين! وهذي اللي بينها وبين زوجها سنتين زوجها مدلعها مرة مرة مرة!! يعني شوفي الفرق! فالعمر ماله علاقة ابد تعامل المراة مع الزوج وملاطفتها وطفوليتها هي التي ترسم العلاقة الحلوة مو العمر.. الشي الثاني انتي رافضة تتركيته اقصد مقتنعة تماما بأنه شخص ما يرده أحد لسلوك او طبيعة...فليش ترخبين على نفسك احلى أيام عمرك؟! صدقيني الأيام ما تتعوض وما ترجع... ولا تتخيلين انك ستعيشين ايام بمثل هذه الايام في المستقبل! فاستمتعي بها كاملة ... الله يوفقك. |
السلام عليكم
أنا أيضا أعاني من نفس مشكلتك الا أن الفرق بيني و بينك هو أن زوجي أكبر مني ب18سنة فأنا عمري19سنة الا أن فارق السن الذي بيننا لايهمني لأنني لاطالما تمنيت ان أتزوج برجل أكبر مني بعدة سنوات.فأحيانا أحس أني أحبه بل أعشقه وأحيانا أحس أنني تسرعت بقبولي به رغم أنه رجل به كل ما تتمناه أي فتاة من أخلاق وغيرها.أما حديثه معي في الهاتف فهو جد عادي ولا يعبر لي عن مشاعره رغم أني أحس أنه يحبني بجنون . |
اختي انا أنصحك أولا أن تنظري الى أخلاقه كما وصى الرسول محمد عليه و على اله افضل الصلاة و السلام لان الاخلاق هي المؤثر الأساسي على أي علاقة لين أي شخصين فان اطمئنتي الى ذلك انظري الى دينه فالرسول يقول: اذا جاءكم من ترضون خلقه و دينه فزوجوه........... لانه اذا كن صاحب دين فان رجوعه الى دينه و مراعاة الله قي اموره ستمنع من اذيتك ان شاء الله.... و اقولك عزيزتي ضعي عنك التفاهات التي يتمسك بها بعض الناس في هذه الايام من انه اكبر منك بسنه او اصغر بسنه و انك تقولي و الله انا ما استاهله هذا كله كلام ليس له اي معنى او تأثير ..و الله يوفقك
|
اقولك يااخت ميرا ماراح ترتاحي الا بعد الزواج اذا كان هو خجول ماراح يروح عنه الخجل الا بعد الزواج المكالمات والمقابلات ما تريح ولا تخليكي تفهمينه مع الحياة مع السنين تحبيه مدامه طيب معك
اقولك احسن شئ انه عاطفي ويحبك المهم الكبر بالسنين مو لازم المهم الحياة الزوجية السعيدة صح ولا لا يمكن تتزج الوحدة واحد اكبر منها ب6او 10 سنوات مو معيشها حياة سعيدة اقتنعي به احسن لك دامه يحبك وادعيلي يرزقني بواحد عاطفي مثله وسلام |
الزايد
إن شاء الله بسمع كلامك وبحطه بعيوني وياليت أحبه ادعولي إني أحبه انا الان فقط مرتاحه له ودايم احي بضيقة صدر خاصة من موضوع العمر مشكور أخوي على ردك سعودي2000 إن شاء الله يجي الحب بعد الزواج زي ما تقول وياليت يجي قبل لان نفسيتي الحين زفت وهو ملاحظ كذا :( شكر لك أخوي على ردك روعة رأفت مشكوره أختي على ردك سماء قطر مشكوره اختي على ردك بس مدري ليه أنا حاطة العمر عثرة في طريقي ألحين أنا فقط أرحمه إن شاء الله يجي الحب بعده مره ثانيه أختي مشكوره اتكاءة حرف! صادقة الكلام أثر فيني وأخاف الناس بعد يؤثرون عليه :( ومعك حق أنا مخربة على نفسي أحلى أيام عمري بس مو بيدي من التفكير حتى أمي لاحظت علي ضيقة الصدر والكل ملاحظ الشي هذا بس ياليت بيدي اه بس مشكوره أختي على ردك marie_marie الله يوفقك أختي وتعيشين حياة حلوه معه ومشكوره على ردك whitee_fl مشكوره أختي على ردك منينة الله يعين بصبر ألين الزواج :( والعاطفي شي حلو بس الشي اذا زاد عن حده أنقلب ضده ولازم أقتنع فيه لانه خلاص يعتبر زوجي وبصراحه أرحمه والله يرزقك بواحد عاطفي قولي أمين مشكوره أختي على ردك سؤاال لاصحاب الخبرة هل العمر سبب للتعاسة؟ < أدري بتقولون أزعجتينا بالعمر > :24: |
-يغلق للإكتفاء بالردود- تحياتي حائزة الأمل |
| الساعة الآن 06:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©