|
زوجي كل يوم يهين فيني ... ماذا أفعل !!!
السلام عليكم ...
رديت لكم من بعد هالموضوع http://www.66n.com/forums/showthread.php?t=52920 والمشكله كل مالها وتكبر وكل مالها وتزيد زوجي كل يوم يهين فيني اكثر من اليوم اللي قبله .... امس .. كنا قاعدين ع الغدا .... واحنا نتغدى قلت له عطني بوسه عع السريع ... يوم قرب مني سمعت صوت الخدامه وهي جايه .... بديهيا بعدت عنه وهو كان بيبوسني .... شوي الا الخدامه داخله .... شافني بنظرة وقالي : تستعبطين !!!!!!!!!!! الله انا استعبط ؟... عشان الخدامه ما تشوفنا بهالوضع صرت استعبط ... قلت خلني امشيها .... ولا كنه قال شي راحت الخدامه المطبخ عشان تتغدا ...قلت له يالله عطني بوسه صدني وقال مب وقته :@ انا انفعلت ..... وعصبت لكن بعد تميت اسولف واضحك معاه ولا كنه شي صاير يعني شوفوا جمود المشاعر فيه شلون ... طبعا عقب الغدا دخل ولبس عشان بيروح الدوام .... اول ما دخلنا الغرفه ..... قالي يالله الحين تعالي بابوسج قلت له مابي قال ما تبيني ابوووسج قلت لا مع ان مب طبايعي اتعامل معاه بهالاسلوب بس هو حدني المهم راح الدوام .,,, ع الساعه 3 ما اتصلي الا ع الــ 7 عادي مب مشكله قالي تدرين اني متضايق قلت له ليش ؟؟! يقول مادري ..... صاير ضعيف قدام اي مشكله تصير من بيننا .... قلت له انت ؟؟؟؟ مستحيل مع اني كنت متنرفزه منه لكن ما اكنت ابي استفزه \ سكت وخليته يتكلم تم يقول انه صاير وايد يفكر في اي مشكله من بيننا وووو صايره تأثر فيه قمت قلت له لانك بعيد عني ... لو حاولت مره انك تشركني في التفكير اللي فيك كان حصلت اللي يساعدك لكن انت مبين لي انك مانت محتاج لي ... عكسي ...انا ... اذا تزاعلنا انا اسبق نفسي واجي اراضيك مع ان الحق يكون معي .... بس اقول ما ما تسوىىخلني اكون احسن منه واروح ارضيه ..... لكنك تعاملني كني انا الللي غلطت ؟.... قام يقول انا موفر لج البيت قلت له شي طبيعي انك بتوفر لي البيت انت ماخذني تسكني في الشارع ؟؟؟ قال يعني انا قايم بدوري ,,,؟؟ بس انتي مب قايمه بدورج ؟؟ قلت له اي دور اللي تتكلم عليه يقول انت ما تطبخين لي الاكل...الخدامه هي اللي تطبخه قلت له بس احنا متفقين من ايام الخطوبه ع الخدامه والله يشهد اني ادخل معاها اححيان واني اسويله احيان العشا ع الساعه وحده وانا يكون عندي دوام الساعه 6 قمت قلت له والله انت ما كنت ملزوم انك تكمل الطريق كان بامكانك تقطعه قبل لا يكمل قالي : ويروح علي المهر قلت له لا والله كان بيرجع لك كامل ... احنا مانبي منك شي قام قال : ما دريت ؟؟؟ قلت له ما دريت شنو قال مادريت انكم بترجعون المهر قلت له يا حبيبي مب احنا اللي ناكل حقوق غيرنا بس انت للأسف بينت على حقيقتك ... وكشفت نفسك قام يبي يبرر موقفه قال اصلا انا ما افكر بالفووس قلت له اصلا المهر من عقب ما تعطيني اياه مالك حق تسأل عنه ..,., قام قال انا ما فتحت الموضوع شفتوه شلون يلف و يدووور ,,,,, والله اهاننني ..... على كل اللي اسويه له كل يوم يهين فيني اكثر وانا والله العظيم احبه ...... والله احبه بس هو جاف جاف جاف .... كل يوم يزيد في جفافه وقساوته .,,, انا هالايام متبعه اسلوب معاه اني ما اعطيه ويه يعني شاقولك حتى بوسة الصبح اللي كنت اطلبها منه صار لي مده ما اطلبها لانه جامد مشاعر مافي شي يهز مشاعره تصدق اول امس هو كان قاعد ع الكمبيوتر وانا قاعده وراه على كرسي ( كنب ) واطالع التفزيون ... وكنت ماده ريولي ع الطاوله شوي الا صادني شد عضلي في قاعة ريلي تميت اصرخ من الالم ..,,, تدري انه حتى مالتفت علي ولا سألني حتى شفيج ...... شوف شلون قلبه قاسي شلون اعطيه وهو ما يعطيني مافي اي شيه يشجعني تعبت من كثر ما يقولي اهم شي الفعل اهم شي الفعل ليش ما يكون في توازن .,... احاول احلي طبايعه في عيني بس هو كل يوم يزيد وكله يقول هو ما يسوي شي والله لو ما الحب والله ما اتم دقيقه عنده تدري حتى امس احس انه حس بغلطته الفجر كنت راقده قام و لم علي ؟؟.؟. ومسك يدي بقوه وانا ما عطيته اهتمام اولا لاني راقده ثانيا لاني صج شايله عليه اهانته بسالفة المهر كانت قويه بحقي مع انه والله يوم اتفاقاتنا قبل قلنا احنا نشتري رجال ولا تهمنا سوالف المهر ولا الفشخره حتى المهر قلنالهم اللي تدفعونه ولا تشرطنا ولا شي مع اني اول ما دخلت عليه ما عجبني كلش بس على الكلام اللي قالوا لنا اياه \ وافقت ووو مع الايام تعودت عليه وقمت اشوفه احلى الناس بعيوني .... لا و يقولي امس انا اخطط لج واقول باسكنج في بيت اكبر ووو بنسوي جي وبنفعل جي .... قلت له تدري ليش انت تسوي لي جي قال ليش ؟؟؟ قلت له لان انا اللي دايما احسسك اني محتاجه لك انت ولا مره حسستني بهالشي ... دايما توضح لي انك بامكانك تتخلى عني ما تحسسني بانك محتاجني صرت كثير تتجاهلني ولا جني موجوده يقولي انا ما اطلع من البيت قلت له شالفايده انت قاعد في البيت لكن القلوب ببعيده مع انه والله انه ما ينقصني والله انه ماشاف في جمالي عند حد من اهله ولا حتى بالاخلاق و هذا مب غرور مني لكن هاي هو الصج شاسوي والله تعبت معاه..... متجاهلني بطريقه ما تدرون هي شلون وجودي مثل وجود الطاوله لا كلام حب ولا كنه متزوجين مع ان الحين صار لنا سنه وشهر متزوجين ... والله تعبت ما قعدني عنده الا الحب والحب اللي من طرفي ....؟؟ ليش ما يحسسني انه يحبني .... انا توني داخله 20 واحس ان عمري 90 شيب راسي والله ... ساعدوني |
تريدين الحق,,
بغض النظر عن موضوع المهر أنت متطلبة قد تزعلي من كلامي , لكني أقول الحق ولو كان جارحا وهو أفضل ممن يحاول أن يبر تصرفات الشاكي. على كل حال لي عودة لو أستلزم الأمر إن شاء الله و الله يوفقك وزوجك ويهديكم لطاعته ويسعدكم و كل المسلمين |
ما عشتي في اللي انا فيه عشان تعرفينه .....
الله يصبرني إن شاء الله |
احمدى الله اللذى وهبك زوج كزوجك ولا تبحثين عن الكمال وشوفى احوال باقى الزوجات من خيانه ازواجهم وعدم النفقه وتعاطى المخدرات وشرب الخمر
|
اصلا ليش اوصلها اني اشوفه يدمن
بيت هلي اشرف لي |
مشكلتك .. هي الخادمه لأنها بصراحه خانقه الجو عليكم ... ولأرى أنك تحتاجينها .. تصوري انا عندي طفلين وأدرس ومع ذلك رفضت اني اجيب شغاله .. أولادي مع أهلي ولا مع أهل زوجي ...لما أطلع للكليه في الصباح .. ولايمكن اجيب وحده غريبه تستلم مهامي كزوجه وملكه على بيتي .. |
لحد الان ما شفت شي غريب
اتوقع مساله الخلفه ماثره عليك و مشوشه تفكيرك الله يرزقكم بالذريه الصالحه اللهم امين |
اختي في الله هوني على نفسك واستعيني بالله ، والله لقد اثر بي ماقرأت في رسالتك ، واقول لكي استعيني بالله وبالصلاة والصبر ، وعليك بالدعاء الدعاء الدعاء واحتسبي كل هذا لوجه الله تعالى واسأليه ان يصلح لك زوج
، اللهم يامفرج الكربات فرج عن اختي كربها وكون لها عونا اختك في الله روعة كل عام وانتم بخير اسأل لكم الرحمة والعفو والعافية والمغفرة |
اقتباس:
لا لا ابدا الخادمه شغلها يكون بس الظهر حق الغدا يعني ما تتواجد في البيت غير هذا الوقت .... اما باقي الوقت في غرفتها وغرفتها في ملحق خارجي .... و لاني موظفه دوامي من 6 الصبح لين 2 الظهر .... يعني ابدا مافي وقت وانا فكرت اني اسفرها و اطبخ انا بالليل بس زوجي مش متعاون يقول انا مش مستعد اقوم الظهر من النوم واحط لي الغدا ..... يعني ... صعبه الله ما رزقنا بعيال ....لكن حتى لو كان عندنا صعبه لان بيتي يبعد عن بيت اهله واهلي حوالي الساعه وانا دوامي من 6 وزوجي دوامه من 7 يعني هي هي |
اقتباس:
والله ان هذا ربع اللي يسويه فيني ..... اما مسألة العيال انا الحمدلله الحين اعالج والدكتور عطانا امل كبييير الله لا يخيب رجانا فيه بس هو كل يوم يهين فيني اكثر ... ودايما يقولي مافي ولا شي يصبرني عليج ... لا انتي تجيبين عيال ولا شي تخيلي اي وحده زوجها يقولها هالكلام .. شنو تكون ردة فعلها .. |
اقتباس:
مشكوره اختي ,,,, وعسى الله ان يجازيك بالمثل |
خالتو هونيها انا شايفتها مشكله بسيطة بسيطة
لا تكبري الامور والله في زوجات بشكو من شيء اكبر بكتير السلام عليكم |
اختي
فكري بنفسيته هو كمان الله العالم بحالته اكيد سالفه الاولاد ماذيته حاولي من تشوفيه عصبي وتلطفي الجو و من تشوفيه بدا يعتذر و يحاول انه يلطف الجو كمان ساعديه بانك تقبلين منه الاعتذار اعرف مو سهله ويحتاج الها وقت بس تجيب نتيجه و يساعد على تقبل العلاج لان الحاله النفسيه تاثر و رمضان علاج للنفس من افات كثيره و ادعي قد ما تقدري ادعي الله يكتب لك الخير و ييسر لك امورك اللهم امين |
اختي العزيزه حقيقه احس فيك ومقدره مشاعرك
اختي احسن حل تعرفين شنهو انكي ما تدخلين معاه بنقاش حاد واذا حاول انه يستفزك لا تجاوبينه سكتي وبس هذا اسلوب التطنيش الزايد والعناد مو زين وياه صدقيني في رجال اذا عاندتيهم عاندوك اكثر كوني لطيفه وياه على طول كوني انتي المبادره ومدام قالج ابي تطبخين لي هذا اول حل حاولي مرتين على الأقل بالأسبوع انج تطبخين له لازم ونفس ما قلت لج لا تعاندينه والله يحبك زوجك بس في رجال طبيعتهم جافه مع الأيام ممكن يتغير للأفضل بس الشي يبي له صبر ادعي الله انه يحفظ زوجك ومحبته لك لي رجاء، في هذه الأيام المباركه ادعي الله لي ان يرزقني زوج صالح تحياتي |
اقتباس:
حرام عليج والله تعابتني هالمشكله سنه كامله وما اسمع كلام حلو ولا شي رومانسي .... حاالي نف حالتي وانا مش متزوجه |
اقتباس:
وليش هو ما يفكر بنفسيتي ...انا اتعالج بعلاج قوي ونفسيتي بعد تعبانه يعني هو يفكر بالعيال وانا ما افكر فيهم شنو انا حجر ؟؟؟؟؟ اقتباس:
على فكره ضحكتيني بالهجمله زوجي ما يعتتذر حتى لو كان هو الغلطان ...........! :( |
اقتباس:
والله ياما حاولتن ياما لكن الامور قامت تجرح كرامتي... قام بعايرني بالمهر!! مع انه غصب عليه كان بيدفعه ويعايرني بالبيت والله لو تشوفون البيت بتضحكووون يعني شوفي انا مقدرته في هالشي وهو مب مقدرني ولا مسوي لي حساب ... |
ياليتك تقولى الكلام الى كتبتيه فى الموضوع له وتفهميه0000000
عندى لك راى جميل وذكي شوي أنسخي موضوعك وحطيه فى ملف وخليه فى سطح المكتب وسميه بأسم خاص بالمنتدى وأتركيه كنك ناسيته0000000 يمكن يجي ويقراه ويعرف وش داخلك وتتصالحو جربيها سلا1111111111111م |
[QUOTE=محتاجه حب]السلام عليكم ... [/b]
رديت لكم من بعد هالموضوع الغدا دخل ولبس عشان بيروح الدوام .... اول ما دخلنا الغرفه ..... قالي يالله الحين تعالي بابوسج قلت له مابي قال ما تبيني ابوووسج [b]قلت لا طب مين الي قال هالكلام انا و الا انت ...... اختي الرجال هذه هي طريقه اعتذارهم و من يكلمك اشكال كثيره للاعتذار تختلف من موقف لاخر هدي حالك و بشويه تفهم و تنازل انت ترتاحين و هو يرتاح ومافي بين الازواج نلزم لزمه على كل كلمه و كل تصرف ولا حساب الملكين يا اختي الدنيا قصيره لو قضيناها بهات وخذ راح نتعب و الي الله كاتبه بيصير و اتعوذي من ابليس انا شايفه انه زوجك حريص عليكي و اسلوبه بالنقاش راقي و ما في اهانه كل ما في الموضوع انه مواضيعكم صارت قديمه و مكرره شوفولكم حاجه جديده تتكلمو فيها فكرو بالمستقبل وبحياتكم الجايه لا تعطي اذنك للرايح و الجاي حتشوفي انه حياتكم الزوجيه صارت غير شكل و انكم اسعد زوجين بالدنيا الله يسعدكم ويوفقكم ويرزقكم بالذريه الصالحه |
والله يا اخت اثير
هاذي اول مره ارده في شي طالبه كل طلباته اوامر اسويها وانا اتلذذ لكنه بصراحه انسن جاف و عديم الاحساس حتى يوم قلت ل ما راح ابوسك قالي ترى مب مهم |
اقتباس:
اخاف |
|
ما اعتقد ان من طبــع زوجــك الجفــاف ...
بعض الرجال ( بعد الزواج ) يصابون بنوع من تصلب القلب نتيجة للنقلة النوعيــة اللي حدثـت في نمـط حياتــهم .. انتي محتاجـه لطرق خاصــة لتليين قلبـــه وتسييل مشاعـره .. |
والله جاف
حتى هو معترف كم نقعد ونتصاررح في هالموضوع ويقولي ان قلبه جامد ما تأثر فيه العواطف ودموع المره عنده ولا شي ,,,,, انسان غريب بصراحه |
مشكلتك انه لا توجد مشكلة
كلام غريب لكن فكري قليلا وستعرفين ماذا اقصد... |
ما فهمت
؟؟؟ ما عشتوها والله |
لكل باااب مفتاح ..
استعيني بالله ودوري مفتاااحه . . مفتاح قلب زوجك بيدك بس فكري بعقلك واتركي احتياجك للعاطفة شوي واااازني عشان تكسبي العاطفة وادعي في سجودك بالليل او باي صلاة ( ربنا هب لنا من ازواجنا وذرياتنا قرة اعين واجعلنا للمتقين اماما ) اختك في الله :21: سر الوجود |
اقتباس:
اخذه من وين ؟؟؟؟؟؟ اذا هو زوجي وما وفر لي هالشي ...؟؟مين بيوفره ........؟! الحمدلله مؤومنه بالله .... وادعي كل يوم الله بصلحه ... |
حتى انه من كم شهر مسفرني لماليزيا وتايلند
انا فرحت يقولي على فكره انا مسافر لاني انا ابي استانس اذ ا بغيتي تفرحين فرحي نفسك بطريقتك لا تتوقعين مني باتغير يعني الاراده عنده ميح وانا مالي الا الله ......... ومافي إلا تساقط هالدموع |
هل كانت مشاعره جافه قبل الزواج ولا جفــت بعده ؟
ما حاولتي سؤالــه عن سبب جفافها ؟؟ .. يمكن لجفافهــا بعـد نفسي ذو تأثير قديــم في كيانــه ؟ يمكن أهلـه كانوا جافين معاه في صغره فأنعكس عليه تلك المعاملة في كبــره ؟ لا تيئسيـن من البداية .. والمشوار امامـك ما زال طويـل .. وفترة التليين تحتاج لصبر ونفس طويل ؟ |
اولا انا اسمي ام اثير ابني اسمه اثير
اختي بالنسبه للرابط تريدين رائي و بدون زعل الاخوات و الاخوه ما قصرو معك بالنصيحه و ام جمانه و ميموتا اعطوكي الكثير و الكثير من الافكار حاولي يا اختي انك تبدائي مرحله التنفيذ و صدقيني زوجك عااااااااااااااادي و تصرفاته و كلامه عاااااااااااادي لا تصدقي كلام النساء الي يصور رجالهم انهم ما شاء الله و عايشين قصه ولا في الاحلام اختي الكلام الحلو و الرومانسي بعد الزواج و شهر العسل يجي بالعشره و ويشوف ووقفتك معاه و صبرك و تقديرك اله انسان صريح و عاقل و ما ينافق ولا يجامل اختي من يشوفك تدلليه و تتراعي الله في معاملتك معاه هو بنفسه حيتغير انت مستعجله النتائج راح يجي يوم تفهميه من نظره عينه و اشاره ايده وهو كمان نفسا لشي اتعوذي بالله من ابليس و اسمعي الكلام كمان الشكوى الكثير تطير النعمه كثير مو لاقي ربع ربع ربع الي عندك |
| الساعة الآن 08:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©