|
انقذوني ! ماهو علاج الجديه في الحياة الزوجيه ؟
الحياة الزوجيه رتيبه وممله مع الجديه فيها !! هل توافقونني ؟
يصفونني - وزوجتي منهم وهي مايهمني - بانني انسان جدي اكثر من الازم ! اعترف بانني اميل للجديه ! لكن ماذا افعل ؟ كيف اتصرف ؟ وبيت القصيد هو انني اريد ان اسولف مع زوجتي فهي تفتقد ذلك ! اريد ان اضحك معها !! لكن ... اغلب المواضيع معها لاتشدني . مواضيع روتينيه فلان وعلان ونريد وسنذهب !! عندما افكر اجد الناس احاديثهم كلها تدور حول ذلك ! لماذا انا لا اهضمها ؟؟ هل انا معقد ؟ اريد ان استثمر هذه المواضيع لصنع مائده من السواليف الممتعه مع زوجتي ! لا استطيع ! ارى من حولي مبسوطين مع زوجاتهم وكل احاديثهم وضحكهم في كلام اعتبره انا غير مثمر ولا مضحك !! بس هم مبسوطين وانا لا !! طيب ابي اصير مثلهم !! ابي اسولف ! السؤال العريض : ابي اسولف مع زوجتي ! ابي اخليها ماتسكت من السواليف ! وانا ابي اسولف بعد ! عجزت ! سبحان الله ،، احبها وتحبني .. بس ما فيه سواليف ! تصدقون اعديتها ! وما تنبهت الا بعد مافات الفوت ووقع الفاس في الرأس فأصبحنا نوزع ابتسامات في البيت بدون كلام ونهز بروسنا فقط . والله خايف على العيال يطلعون طرمان ههههه الله يستر ؟ تراني مبالغ شوي بس .. محتر !! تكفون ابي اسولف !! وش اسولف فيه ؟ |
ياخى ليش التعقيد والجفاف الى انتى عايشه ترى الانسان يعيش مره وحده فى حياته سولف وانبسط امزح وكذاب الى يقلك ان هذا طبعك وصعب تتغير صدقني ممكن تتغير بغض النظر عن طباعك او عمرك بعدين ذولى اهلك وهاذى زوجتك انا متأكد انها تعانى ولو دخلت المنتدى بتشتكي منك افاااااااااا عليك بس
000000 اذا انت قاعد معها فى الصاله خلك مراهق خلك طفل أحذفها بالمخده هههههههههههههههههه غير من لبسك البس شورت فى البيييت وتي شيرت خلك شبابي لاتفكر بعمرك وانك كبير ترى ذولى اهلك هم احق بالبسمه والوناسه أطلع البحر انت وياها بس أسبحو مع بعض وغنى واقول ( انى اغرق أغرق تحت الماء ) رشها بالمويه ترشك بالمويه أمزح ياخى خلك فررررى ماله داعى هالتعقيد روحو رحله فى قارب وسوي انت وياها زي الفيلم فى تاتنك سافرو برى البلد اذا يسمح الوضع جدد حياتك أحكى لها عن مواقف مضحكه مرت عليك بالعمل .................................................. .................................................. .................................................. ............... العبو انت وياها فى البيت لاتناظر فيني كذا ايه العب انت وياهااااااا روح استخبي فى الدولاب وخلها تدور عليك العبو شطرنج فى العاب مسليه واجد للكبار بتلقاها فى المكاتب ومحلات الالعاب فى افكار واجد لى عوده ان عجبتك الافكار انا ادرى انت طلبت تبي سوالف وكيف تسولف ما اقدر ياعزيزي اقلك كيف تسولف 000000بس متأكد هالمواقف بتخلق سوالف ودعابات بينك وبين زوجتك وانت كمل الباقى بأفكار من عندك بس الى كتبته فووق كله ولا يسوي شي وما راح يعجبك كلامى الا اذا انت قررت انك تغير نظرتك للأمور بشكل عام وتغير نفسك وطبيعتك وهذا مو صعب بس حاول تمنياتى لك بأيام سعيده مليئه بالرجه والوناسه سلا111111111م |
أنت
هنا تركت الجدية وبدأت في السوالييف والمزح إذاً.............الأمر سهل.....وهو بيدك... قرر.....ونفذ وفقكم الله |
اقتباس:
صراااااااااااااحة اذا ماسويت كلام ..اخوووووووك ياشين العزوبية .....ماعندك سالفه :26: الرجل يعطيك حلول ببلااااااااااااش :d اقوووووول فلهااااااا :25: ولا تفكر بان وقارك بيهتز الوقااااااار شي وان نحيا حياه جميلة وسعيده ومميزة شي اخر وفعلا هم اهلك واحق بمرحك... بل اعلم ان الانسان لايكون مرح وتظهر منه حركات غريبة الا اذا كان باصدق حالاته ومع من يحبهم .................. تحياتي لك |
اسمع كلام ياشين العزوبية .. ;)
|
احنست ياشين لعزوبية
والله كلالالالالام جميل اي يلا اعمل بكلامه ترى والله يفيدك :d امزح والعب :23: ولا تستحي يلا :18: |
سلام
خوي هجير الليل خلك ريلكس مع زوجتك واولادك فكر أشلون تدخل البسمة لهم واذا زوجتك مواضيعها ما تشدك أنت أفتح معها مواضيع غير أنت تحبها وتحب تسولف فيهاومثل ماقال الاخ ياشين العزوبية العب معهم واطلع وخلك مرح اشوى الدنيا ما تسوى والله كلام الاخ ياشين العزوبية عجيب جرب انت وما بتخسر شىء تحيااااااتي |
اقتباس:
شكرا اخواني واخواتي على مؤازرتكم وحماسكم معي الله يوفقكم لكل خير |
....
أخي الفاضل، ننتظر منك مشاركات جادة و هادفة |
انا اقول ان الله بيحبك قلت السواليف مع الحريم رحمه وخاصه اذا كانت زوجه
اما اذا كانت صديقه اووووووووو بيحلا السواليف ايش رايك |
كلام اخوي ياشين العزوبيه رااااااااااائع
مدري ليش لحد الحين عزوبي مدام عنده كل هالافكار وحلوه سالفه احذفها بمخده......هههههههه......ويستحسن لو عندك طابوقه....ههههههههه لا تصدق ترى اضحك.... الله يونسك و يسعدكم دوووووووت |
دوووووووووت هههههههههههههههه
وش ناويه عليه >>>>>> طابوقه <<<<<<< ابي اسولف مو اكسر راسها !!! مازلنا بانتظارك يا شين العزوبيه >>> شكلك اعرست وطقيت بنا ؟ |
العزوبي موجود بس منشغل شوي بحوسه العزاب فى رمضان
تخيل أمس صاف طابور فى المطعم انتظر دورى على السمبوسه الا وفجأه أسمع 000000( الله أكببببببببببر ) أذن المغرب هههههههههههه وأفطرنا كالعاده فى السياره المهم بخصوص الموضوع انا ودى انت تقول وش سويت بخصوص التغييييير جربت شي من الى قلت لك او حاولت تتغير0000طبعا هى شغله ماتجى فى يوم وليله يبي لك أيام ويمكن شهور بس فى الاخير إن شاء الله انك قادر تتغلب على هالجديه ذيك الساعه انا ممكن أكلم بنات أفكارى يشوفو لنا شويه أفكار بالتوووفيق أخوى هجير سلا1111111م ياصاحبي تنبيه : ارجو الانتباه إلى الكتابة الصحيحة لكلمة ( إن شاء الله ) فهي تكتب على الصورة السابقة . شكرا |
انت روووووووووووعه ياشين العزوووبيه :22: :22: :22: :22:
اقول ماتبي تتزووووج :25: :25: ترا عااادي بس بفرحلك >>>> ياويلك البنت بدت تخطط الحين تفكر اشلون تكرررش dot :16: طيب اقل شي انت مايسووون منك استنسااااااخ بصراحه تراك حسرررتني ... مايصير اطلع مواهبك قدامنا وتسوي لنا اغراااء على كذا بسميك ( قاهر قلوووب العذارى ) :o :o ياريت كل زووج يكون بسيط ويحاول مع زووجته يداعبها ويلاعبها >>>> يرجعها لطفولتها لمن كان ابوها يلاعبها |
بصراحه
احلى من هالافكار مافى .......عيش حياتك لايطوف يوم ماتونس روحك وابتعد عن النكد ترى يقصر العمر.......اخذها وروح السينما شوفو افلام وتكلم ناقشها وسولف ........اخذها السوبر ماركت وتسوق معاها .......خل يكون لكم فى الاسبوع يوم مفتوح تختار اهى شنو تبى تسوى؟؟؟ اطلع معاها بالسياره بالشاليه او البر خلها اهى تسوق السياره؟؟ غيرو ديكور غرفتكم ؟ واذا الماده مومتوفره اعيدو تنظيم الاثاث....... اعمل معاها مسابقات فى اى شى وكل شى فى حفظ القران..مسائل حسابيه.... بمعنى جدد حياتك... ابتعد عن التكشيره.......والله يسعدكم. صدى اصيله |
الجدية مطلوبة في أي علاقة و مساحتها تختلف من علاقة الى أخرى ..
العلاقة الزوجية تتطلب حد أدنى من الجدية خصوصاً ما يتعلق بمسئولية البيت و الأبناء و حقوق كل من الزوج و الزوجة على الآخر و العلاقات الاجتماعية .. هنالك أيضاً مساحة للمزح و اللعب و الهزل ... الخ تضيف طعم خاص للعلاقة الزوجية اذا لم تخل أو تتقاطع مع المساحة الجدية .. كما يجب أن تكون هذه المساحة مغلقة للزوجين فقط لا يدخلها أي طرف آخر .. يعني اذا الزوج مثلاً ينادي زوجته باسم دلع (يا بطة و لا يا قشطة) و لا يداعبها أو يرمي مخدة عليها (عشان ما يزعل الأخ عزوبي) أو أي نوع من أنواع المداعبات و المزح و اللعب , يفترض أن تبقى هذه الأمور بين الزوجين و لايخرجونها أو يظهرونها للناس حتى لا تقل هيبتهم أمام الناس , كما أن تداولها بين الناس يذهب طعمها و رونقها التي اكتسبته من حصرها داخل عش الزوجية .. تحياتي و تقديري |
| الساعة الآن 10:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©