|
حبيت افضفض لكم بــــــــس
السلام عليكم رمضان كريم علينا وعليكم يوم سودت الدنيا في وجهي ومالقيت احد اقوله اللي في قلبي قلت يمكن منتداكم يسمع لي بدون ردود ولا تتعبون نفسكم بعتبر نفسي اكلم هوا .. لا تضايقون نفسكم خلوني بروحي متعوده دايما بروحي الظاهر ان مشكلتي صارت شبه معدومه وصرت كوره في الدنيا الكل يجي ويتشوتني من جهه زوجي يكابر مخليني عند اهلي مايبي يجي ياخذني بس على شان مايكسر نفسه وعلى باله انه بينذل على شاني وابوي ربي يخليه لي مايبي يوديني لزوجي يقول واحد ازغر مني يمشيني على كيفه وانا ضايعه (( صايره اطرش في الزفه)) ابي ارجع لزوجي حبيبي والله حياتي ماتسوا من دونه بس هم مابي اروح الا برضا ابوي .. منو اريضي ابوي ولا زوجي من زمان ماشفت زوجي ولا كلمته اكثر من 20 يوم شفته صدفه في الماسنجر ارتجف قلبي وصار يضررررررب من الفرحه ومن الخوف كنت حاسه انه بيقول شي مابسرني اهو ماقالي شي بالضبط بس حر قلبي ويكابر كأني موب هامته صار مايرد علي قلت له لا تسكت قول اي شي اذا سكت انا اختنق اموت من دونك بدال مايقولي سلامتج .. يرد علي يقولي في ناس اهم منج .. قلت له خلاص خلك معاهم انا وحده ما استاهل انك تضيع وقتك معاي قالي ### .. انا الحين ## والله صج ## يوم كلمتك ................... (( ابي اشوف الكيبرد من دموعي موب قادره )) شكلي صج استخفيت والله توني زغيره عمري 18 سنه بس ابي اعيش حياتي مثل اي بنت (( كان ودي اكتبها بطريقه افضل بس..... )) يارب صبرني على بلواي اسفه لاني ازعجتكم في شي مايستاهل اسفــــــــــــــــه |
خيتي ياعمري وشو سبب زعلكم وانا ممكن اساعدك ولا اخفف عليك لاني تقريبا تزوجت وانا اصغر منك
|
حبيبتي ولهم
والله احزنتيني حبيبتي لا اعرف ما سبب المشكلة ولكن هل حاول زوجك ان يرجعك؟ لو حاول قولي له انك سترجعين ولكن بشروط ان يعاملك جيدا وان لا يكرر ان يتركك عند اهلك ويذهب لو زوجك طلبك وابوك ما وافق..حسب علمي ان يجب طاعة الزوج قبل طاعة والدك الله يحفظه...ولكن طبعا رضي ابوك ولا تجعلينه يأخذ خاطره منك والله يجمع بينكما بخير حبيبتي |
طاعة زوجك مقدمة على طاعة والدك..
إذهبي لبيتك لوحدك و خلاص ووالدك لن يغضب لو رائ أن بنته سعيدة. المهم أن زوجك يكون يراعي الله في نفسة وفيك |
ما أقول إلا:
الله يفرج همك ويكشف كربتك ويسعدك ويهنيك ويشرح صدرك ويسهل أمرك طمنينا عنك خيتو |
يا الله
حسيت انك مغلوبه على امرك وماعندك ارادة قويه تنتشلك من حيرتك على مااذكر .. انك رجعتي لبيتك وقال زوجك ردي بيت اهلك .. لان وجودك يسبب مشاكل .. ورجعتي وابوك تضايق من ردة الفعل السلبيه من زوجك .. صح كلامي والا خطأ .. ممكن توضحين مشكلتك اكثر يالغاليه .. وصدقيني الهم مو للي في سنك اتركي الهموم لبعدين وانبسطي بأي أمر يسعدك بعيد عن زوجك في هذه الفتره(فيما يرضي الله طبعا) واكثري من الدعاء الى الله ان يسخرلك زوجك ويرده لك |
ربي يفرج همج حبيبتي وباذن الله ترجعين الى زوجك
|
أخيتي .. لا طاعة لمخلوق في معصية الخالق ...
و الرسول عليه السلام قال ......... يجب توثيق الأحاديث الشرعية المراقب / وجه الخير |
الله يفرج عنك همك يارب
ويصلح زوجك وترجعو لبعض باسرع وقت |
الله يفرج كربتك اختى والله يهدي ابوك وزوجك
|
ربنا معاكى وإن شاء الله تكونى مع زوجك فى أقرب وقت ممكن
أكثرى من الأستغفار والدعاء فى هذة الأيام الكريمة وربنا يفرج كربتك |
الله يعينك من جد ياختي وبعدين تري مفيه شي لوتتنازلين شوية لزوجك وتقنعيه عشان يقنع ابوك وابوك نفس الشى فهمه ان زوجك عنيد وراسه يابس بس هم بيحبك بس يدلع عليك ولمحي لبوك ان عنادة بيخرب حياتك
|
أختي الله يفرج همك ويفك كربتك بس كنا نبي نعرف ايش المشكلة اللي خلتك تروحي بيت اهلك وفي ذيك الساعه راح نقدر نقولك الحل الأفضل .
الله يفرج همك |
طاعة الزوج امهم
وانتي حاولي ترجعين بيتك لزوجك بأسرع وقت .... بس والله قولي لنا شو الأسباب الي خلتج تروحين بيت اهلك عشان يعطونك الأخوان الحلول الصائبه الي تنفعك الله يفرجها عليك ان شاء الله |
والله الي باين عليك يالغاليه انك مغلوبه علي امرك
اذا ممكن تفضفضين وحنا حاضرين نسمعك اسم الله عليك توك صغيره علي الهم والوحده انت الظاهر مبالغه فضفضي يالغاليه واذكري اسباب الزعل واحنا حاضر والله يرعاك ويوفقك |
يالله
الحمدالله ربي العالمين الحمــــــــــــــــدلله والله لو اتتم من اليوم الى بكرا وانا اشكركم بعد قليل عليكم ماقصرتوووووووووووووا اخواني حسيت انكم اخوان والله فرحتوني وخففتوا عني همي ( مشكلتي المعدومه ) بعض الاخوان سألوني عن سبب رجعتي فـ بيت اهلي تصدقون مافي شي يستاهل بس شقول لاحول ولا قوة الا بالله عين وصابتنا يوم رجعت عند زوجي كان موب متحمل وجهي ودايم يقول رجعي عند اهلك اريح لي واريح لك انا ما ابي اظلمك وكنت ما ابي اطلع بس ضغط منه اتصلت على ابوي وقلت له يجي ياخذني لانه الرجال موب متحملني والحين انا في بيت اهلي وبيت اهلي بعيييييييييييييد عن بيت زوجي في منطقه بينا وبينهم 4 ساعات ونـــص لو انا في نفس المنطقه كان من زمان راجعه بس هذا انا ادعي ربي في شهل الفضيل الكريم اللهم اقضي حاجتي وحل مشكلتي والمؤمنين والمؤمنات يارب تو من شوي قالي اخوي ان بكرا بنروح (( المنطقه اللي فيها زوجي )) خفــــــــــــــت وبطني قام يعورني اقول الله يستر من بكرا مدري شنو بيصير يارب زوجي يتقبل الموضوع وارجع له **************** انا عارفه ان زوج اولى من ابوي بس هم ما ابي اروح الا برضاه لانه اذا زوجي مايبيني (( الله لا يقوله )) وابوي زعل علي من اروح له ؟؟ ومشكورييييييييييييييين اخواني والله ماقصرتوا |
عزيزتي
الله يفرج همك ....ويجمعك مع زوجك لابد أن تعرفي شعور زوجك وتتأكدي أنه يمكن استمرار الزواج لا يصح أن تلقي بنفسك عليه ..وهو لايصلح لك اسأليه بصراحة عن حالتكم... فإن كانت مشكلة يمكن تجاوزها.............. فعليك حلها والرجوع لزوجك أما لو كان العكس...فلاتهنين نفسك...وتهينين أهلك بالرجوع إلى من لايستاهلك وفقك الله |
وأضيف أيضاً
لا تنسي الاستخارة قبل كل شيء أعانك الله |
اختي طمنينا عنك اذا رحتي لا
تنسسسسسسسسسسسين قلبي معاك تحياتي |
طمنينا يالغاليه واحنا في الانتظار
|
الله يعينك
|
فعلا موقف محير....بين الاب و الزوج.....
الله يعينك طمنينا عليك حبيبتي دوووووت |
من جميع الاعضاء
من جميع الاعضاء وانا منهم نرجوا من الاخت الكريمة ان توضح لنا ماهي المشكلة من جميع الاطراف يعني
ماهو سبب جلوسك عند اهلك ؟؟؟ لماذ زعلان عليك زوجك؟؟ يمكن انتي مسويه شي كبير؟؟ ايش الكلام الي دار بين ابوك وزوجك؟؟؟ يمكن واحد منهم على حق والثاني رافض يتنازل اخذ المشكله عناد وبس للمعلوميه اذا كان ابوك انسان فاهم اكيد انه يرى مالاترين يمكن ان شايف شي ما شفتيه بزوجك؟ طعا هذا احتمال؟؟ بعدين حسب علمي الرجال المتزن مايرمي زوجته عند اهلها الى اذا صبر واستنفذت جميع الحلول أو ان تصرف الزوجه اذا كاااااااااااااااااااااان مخل بالشرف او الشرع لاسمح الله .ارجو الرد والتوضيح لكي تعم الفائده وتنحل مشكلتك بتوفيق الله |
الله يفرج همك أختي ويصلح الحال بينكم
|
[CENTER]السلام عليكم
اشكــــــــــــــر كل من رد على موضوعي وحاول يساعدني مممممممممم عن جد تخيلوا انتوا في مكاني .. الزوجه ترجع لزوجها ولا تخلي زوجها اللي يجي ياخذها؟؟ والزوج شنو موقفه بيصير يجي ياخذ زوجته ولا يقول اهلها سببوا المشكل خلهم هم يرجعون بنتهم؟؟ ومشاعرك اتجاها بتتغير ماراح تشتاق لها ؟؟؟[/CENTER] |
:29:
|
اختي الغالية هل سبب المشاكل التي بينك وبين زوجك سببها اهلك اذا كانت كذلك فلها حل اخر اما اذا كانت بينك وبين زوجك فاكيد تحصل بين المتزوجين مشاكل كثير والا يخلو بيت منها وعلى المراءة ان تقف دائمآ امام اي شيئ ممكن أن يخرب بيتها اذا لم يكن من الاشياء التي تستحق فاذا كنتي قد اخطاتي فمن المهم المبادرة في الصلح واذا كان هناك موقف بين زوجك ووالدك او احد من اهلك فمن الافضل هنا تدخل الوالدة لان لها شان مع الوالد الله يوفقك ويريح بالك سحر البيان |
اهلين اختي سحر البيان
ايه والله مثل ماقلتي في موقف صاير بين ابوي وبعلي وزوجي زعلان على موقف ابوي وابوي يبيني ارجع لزوجي بس موب اهو اللي يوديني الله يعلم موب انا الغلطانه بس شسوي لازم انا اللي ارخي وانا اللي برجع لانه زوجي مابيكسر نفسه ويجي ياخذني اعرفه زين اختي سحر لو انتي بمكاني ترجعين ولا تخلين زوجك يجي ياخذك؟؟ |
يالغالية لو انا مكانك واعرف زوجي يحبني واحبة وكان الخلاف بين زوجي ووالدي فسوف اذهب الى زوجي وسوف تحسب نقاط لي عند زوجي لانه سوف يعلم بان مكانته عندي غالية وباني شاريتة واحتسبي الاجر من الله اولآ واخيرآ والله يوفقك ويسهل امرك سحر البيان |
| الساعة الآن 12:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©