|
أطباق منوعة من مها الكويت
يا هلا فيكم حبايبي
عن جد اشتقت للكتابه بمنتدي التغذيه والطبخ لاني من زمان ما كتبت علي العموم كنت معزومه اليوم وعجبوني هال 3 طرق وان شاء الله تعجبكم وها مثل ما اذكر دائما ابي منكم التشجيع لاني انحبط وايد اذا ما حد شجعني اولا : معكرونيه بالدجاج المقادير قطع صغيره من صدور الدجاج بصل شرايح مشروم مكعب ماجي معكرونيه يفضل الي علي شكل ورده جبن موزريلا الطريقه تفوح مكعبات الدجاج مع الابهارات وتفوح المكعرونيه ثم نصف في البايركس معكرونيه طبقه ثم حمسه الدجاج ثم طبقه اخري معكرونيه ثم نص كيس الموزريلا ثم نخلط كريمه حمراء خلاصه الدجاج قلاصين ماي نخلطها جيدا ثم نضعها فوق المعكرونيه ونضع قصدير عليها ونضعها بالفرن 20 دقيقه ثم نرفع القصدير ونرش باقي جبن موزرلا ثم 10 دقايق اخري وبالهنا والشفا بس رائعه دجاج كنتاكي ( والله رهيب ) المقادير ثوم بودر ناعم فلفل ابيض ناعم فلفل اسود ناعم زنجبيل ناعم ملح ناعم فلفل احمر ( اذا كنتو تحبونه مثلي حار) دجاجه بيض طحين الطريقه تقطع الدجاجه 8 قطع وعمل فتحات بالسكين عشان التوابل تدخل داخل نتبلها بكل البهارات الي ذكرتها ثم توضع بالثلاجه لمده ساعه ثم تغمس بالبيض ثم بالطحين ويقلي بدهن غزير وبالهنا والشفا 3 طريقه صينيه البطاط اولا : بطاط حلقات مقلي يصف في البايركس ثم يحمس بصل شرايح مع مشروم بزبده وشويه فلفل اسود ومكعب ماجي ونضعه فوق البطاط نفوح ذره ونضعها فوقه ونضع بطاط حلقات مره اخري ثم كريمه حمراء + 2 قيمر + 2 ملعقه جبن كرفت ونخلطه مع نص كيس موزريلا ثم نرش فوقه زعتر اورجانو وتوضع بالفرن 20 دقيقه وبالهنا والشفي بس ها لا تنسون رايكم ويا هلا :17: |
هلا وغلا ... لا لا .. بصراحه مومصدقه .. هذا حلم وإلا علم ....؟؟!!!! مهويتي الأمورة موجوده في عالم الطبخ ... وانا أقول ليه هالقسم منور ... أثاري الغاليه موجوده فيه ... هلا فيك يــــــــا http://forum.hawaaworld.com/files/84...lhdinya123.gif ويعطيك ألف ألف ألف ألف ومليون وتسعه وتسعين ونص عاااااافيه ... وعن جد الطرق اللي ذكرتيها لذيذه يمي يمي .. يعني زين أني ماشفتها في النهار كان الله يعينك على ذنوبنا صيام ونتخيل صحن رايح وصحن جااااي :d .. المهم ماطول .. بس والله تراني واجد فرحت لما شفت موضوعك .. http://jjiijj.jeeran.com/rsayel.gif |
السلام عليكم
عندي سؤال :ماهي الكريمه حمراء ؟ جزاك الله خير على الوصفات الرائعه |
واااااااااااااااااو شكلها لذيذه ....
جزاكي الله الف خير والى الامام دائما ,,, بارك الله فيكي |
|
راااااااااائع اختي الكريمة ،،
ومشكوورة ع الوصفات اللذيذة ،، وتقبلي فائق احترااامي... |
يا هلا والله وغلا
:22:
اقتباس:
الهنوف دامك فرحتي صج ابشري بكتبلك وصفات بس ها هذي مو وصفات كتب لا هذي وصفات ربات بيوت بس عن جد والله روعه وغريبه نفس الشي اسعدني جدا كونك اول مشاركه واسعدتني بالفعل هذا التواصل الرائع في هذا المنتدي الرائع واي سوال يالغاليه انا حاضره :) بس يلي طبقي وصفاتي .........................وبشريني عجبتك ولا ؟؟؟؟؟ تحياتي |
مع اني ما جربت الوصفات
بس شكلها لذييييييييييييييييذ تسلمين حبيبتي مها دووووووت |
:
اقتباس:
هلا والله وغلا فيك يالغاليه والله الكريمه الحمراء عندنا بالكويت كي دي دي بس شنو اهي مادري ممكن اتفيدك دهن العود اذا مرت علي موضوعي لانها نفس ديرتي وتعرفها :25: الف شكر للمرور والمشاركه |
اقتباس:
عن جد والله لذيذه :) بارك الله فيك علي الشاركه والف شكر وشرفتيني |
اقتباس:
هلا والله وغلا باخي الكريم احمد شويبر والله اسعدني مرورك الكريم ومشاركتك الرائعه يارب ينجحك ويشافيك ويوفقك اللهم امين |
اقتباس:
العفو :) واسعدتني مشاركتك والحمدلله ان الوصفات عجبتكم وياهلا |
كلها طبعتها وسلمتها لزوجتي
الله يسلم يديك ويسعدك في الدنيا والاخرة أخوك صاحب رأي سديد |
منورة المنتدى يا غالية اليوم كنتي في بالي :) الوصفة رائعة تسلم ايدك ولا تحرمينا من هالوصفات الى تجنن منك يا مها بانتظار مواضيعك دائما والله يعطيك العافية اختك نور حياتي |
اقتباس:
الله يسلمك ويارب اتسوينها علي رجعت اخوك :17: اللهم امين |
اقتباس:
الله يعين زوجتك هههههههههه بس ها اذا كانت ما تحب الطبخ الف الف شكر واسعدتني مشاركتك تحياتي |
اقتباس:
يا هلا والله الغاليه بس شنو الي طراني علي بالك عسي خير :) ان شاء الله راح اعطيكم مزيد من الوصفات بس ها مثل ما قلت مو وصفات كتب لا وصفات ربات بيوت وعن جد روعه اسعدتني جدا جدا جدا جدا مشاركتك وياهلا |
مشكورة حبيبتي مها ....
يعطيج ربي العافية والله بصج ودي اسويها بس شنو الكريمة الحمراء ....أول مرة اسمع عنها |
تسلمين يا حياتي.....والله ونستيني على هالدعوة.....
وابشرك....وصوله انشاء الله هالاسبوع....بس للاسف مراح نشوفه لان الطياره راح تهبط بالمطار العسكري...وراح يعتقلونه كم شهر للتحقيق.... مشكوره حبيتي....وجزاك الله كل خير.... دووووووت |
شكرا لك
الله يعطيك العافية |
خطيره يا مها
شكرا لك الله يعطيك العافيه |
الف شكر
|
اقتباس:
علا وغلا والله سبق ان ذكرت اتمني اختنا الغاليه دهن العود او اي حد من الكويت ان يخبركم شنو الكريمه الحمراء لاني بالفعل ماادري شنو اوصفها اسعدني مرورك يالغاليه وياهلا |
اقتباس:
:14: :14: :14: :14: :14: :14: :14: :14: :14: :14: :14: :14: :14: :14: مبروك والله والله والله عن جد فرحتيني يالغاليه والف الف مبروك خله يوصل وان شاء الله يعتقلونه شهر المهم اتطمنون عليه والله يارب يحفظه ويسعدكم ويهنيكم برجعته وشوفته الي تغسل همومكم وهموم امك الله يعينها اكيد اهي تعبت نفسيتها حيل علي ضناها الف الف الحمد لله بس هم بلغينا اذا جا او اذا شفتوه واسعدني جدا مرورك يالغاليه وياهلا :17: |
ملاك الله يعافيك حبيبتي وياهلا
|
اقتباس:
والله انت الخطيره يا مضاوي وعن فرحتني كثير مشكاركتك يالغاليه :) تحياتي |
اقتباس:
العفو وياهلا |
يعطيج الف عافيه يارب وتسلم الايادي
بس تصدقون عاد ان المكرونه من سنين مادخلت بيتنا ؟؟؟ لان زوجي مايحبها ابد علشان كذا شلتها من قائمة اكلنا برغم اني كنت اموووووووووت عليها ههههههههههه يلا اننتظر جديدك مهااااوي الحلوه |
اقتباس:
بالعكس لو تجربين المعكرونيه هذي صدقيني زوجك راح تعجبه لانها بالفعل رائعه اسعدتني جدا جدا مشاركتك الرائعه ويا هلا |
مشكوووووره حبيبتي
مبين عليها امممم لذيذه بجربها انشالله تحيااتي لك |
ام العيال
الف شكر للمرور والمشاركه وان شاء الله تعجبك |
مشكورة مهاوي الله يوفقك
اسالك بالله كل هذا مو تشجيع يالله عطينا اللي عندك يالخطيرة |
مدري ليه جاني احساس ان طعمها في فمي
وشكلها في عيني وصفات لذيييييييييذه من مكوناتها وراح اجربها بالتأكيد الله يعطيك العافيه ولا تنسي باقي الوصفات لان اختك في الله طبخها مااااااااش :25: الله يسعدك يا رب |
اقتباس:
ههههههههههههههههههه رائع كلمه الخطيره لاني للاسف ذوقي صعب بالاكل والله مو اي مطعم اكل فيه ولا اي بيت انعزم واكل حتي اني انحرج بالذات اذا حت بيت جدي والله حتي حلويا شاي قهوه ولا لا شي مما يحرجني ان شاء اله كل ما سمعت عن طريقه ما عندي اغلي منكم والف الف شكر يالغاليه |
اقتباس:
يا حياتي حاضر وان شاء الله راح البي طلبكم لانها بالفعل وصفات رائعه وانا اعتمد دائما عليها والله نور موضوعي بمشاركتك الغاليه الف شكر :17: |
يسلموووووووووووووو مهاوي
يعطيك العاااااافيه شو هال نفس اللزيز :28: |
مشكورة اختي
يعطيج العافيــــــة تحياااتي |
اقتباس:
فراشه تائهه ان شاء الله ما توهين يارب والف شكر للمشاركه الرائعه تحياتي |
اقتباس:
العفو يالغاليه والف شكر لمشاركتك الرائعه |
الله الله على هالفن و الأبدااااااااع . . :22: :22: وييييينك يا مهووووية من زماان ما نوّرتي قسمنا؟!؟! :14: :14: لا لا داام هذه هي مواضيعك . . خلااااااااص اجل حجزناااااااك . . لااااازم تنورينا كل يووووم بهالأبداعات . . :28: :28: لا و بعد نطالب بمشاركتك بالمسابقة بعد . . و يا رييت الكل ينوّرنا و يشاركنا بالمسابقة . . يالله ورّوونا شطارتكم . . :14: :14: اقتباس: http://www.66n.com/forums/images/quo...-top-right.gif http://www.66n.com/forums/images/quo...p-right-10.gif الكاتب الأصلي : فدن السلام عليكم عندي سؤال :ماهي الكريمه حمراء ؟ جزاك الله خير على الوصفات الرائعه http://www.66n.com/forums/images/quo...t-bot-left.gifhttp://www.66n.com/forums/images/quo...-bot-right.gif اقتباس:
حبيبتي الكريمة الحمراء هي نفسها الكريمة السائلة . . بس عندنا بالكويت يسمونها كريمة حمراء لأن ماركة كي دي دي هي اشهر ماركة للألبان عندنا و عندهم الكريمة علبتها حمراء . . لهالسبب مشت عليها "كريمة حمراء" . . و هذه صورتها . . http://123kdd.com/Products/images/Whipping-Cream.gif تحيااااااتي للجميع . . |
| الساعة الآن 12:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
