|
انا مليت خلاص من كلام الناس
:29: انا صراحة مليت كل مرة اقول ابي اكتب بالموضع هذا وبعدين ابطل واقول عادى ومافيها شئ وكل الناس مثلك ياجود
وشفت كذا موضوع يتكلم عن نفس السبب :( وقلت خلاص تكلمو ومافى داعى انى اكتب بس انا غير لانى اكبر :24: قلت الى اعمارهم 24 يخافون من هالموضوع اجل انا شنو وانا صراحة ماهمنى هالموضع الى هوه الزواج لانى واثقة من نفسي بس بصراحة :11: اليوم حصل لى موقف انا بعد ما انهيت المرحلة الجامعية دخلت هذا المعهد ادرس انجليزى المهم جالسة وحده من صديقاتى بالمعهد تتكلم وتقول انا بنتظر لين يسير عمرى 27 وبعدها خلاص راح انحرف وهيه اصلا كانت متزوجة وتطلقت يعنى تزوجت وعمرها 22 وقالت لانو 30 مين بياخذ وحده عمرها 30 :25: كبيرة وعجوز بعدين انا قلت لها لا حرام عليك انا خلاص قربت 30 :18: بس الى يشوفنى يعطنى 22بالكثير 24 مايصدقون لو قلت لهم انا عمرى 29 غير انى احس الناس تحزن عليا رغم انى عادى وماهمنى ومهتمه بنفسي ومفرمفشة بس لمن يسالونى انتى متزوجة واقول لا احس انهم يحزننون على ايش .....على النكد من زين حياة الى متزوجين حتى للاسف اقاربنا سارو يخافون على بناتهم منى انى احسدهم وسرت ما احتك فيهم والله العظيم انى ماهمنى فيهم بس انهم ماسارو يكلمونى لمن تزوجو بنات خلاتى الى همه اصغر منى :23: وانا والله احسن منهم من شكل واخلاق عشان كذا ماهمنى فيهم لانو كل واحد ماياخذ الا نصيبة احسدهم على ايش :11: عن جد ماكان يهمنى هذا الشي :25: وماكنت اتوقع انويسير فينى كذا يوم من الايام حتى انو الشروط فى اختيار الزوج سارت محرمة عليا عشان عمرى وليش يعنى مو مهم اتزوج اذا ماراح اخذ الى ابي وشروطى اصلا عادية مثل موصفات اى بنت :d الناس سارت تفكر انى انسانة مانى كويسة عشان ماتزوجت :24: المشكلة انو هذا الزمن السئ همه الى يتزوجون والله انو فى كثير ناس سمعتها مو زينه ووتنخطب كثير وانا استغرب انما اقول الحمد لله وانا ما اعترض على ماراد الله انما انا اعترض على كلام البشر وانا مانى ندامه انى ماتزوجت بلعكس اقول احسن اش ابي فيه هم عيال وزواج الله العالم كيف يكون انما اكرر واقول الحمد لله على كل حال وكمان اشك عندنا وحده تقرب لنا معروفه انها تسحر وهيه تكرهنا وساعات اقول يمكن هيه لاننا سمعنا من ناس انها تتكلم علينا بسواء :27: خصوصا وانو وحده من اخواتى تطلقت بسبت هذولا الناس لانهم مرة كانو عندنا وسروقو صورت اختى فى ملكتها واكيد سوى شئ طبعا هذى الشئ له يمكن14 سنة من زمان وهمه معروفين بمكرهم ولا نننا مانحب نخطلت فيهم سارو يتكلمون عننا المشكلة الكل عارفهم من جماعتنا غير اننا عرفنا من اهل زوجها انهم تكلمو عن اختى من ايام الملكة بس طبعا زوجها تزوجها لانو عارفنا ناس محترمين بس المشكلة اذا كان حطو لنا سحر هذا الحرمة الشريرة حتى زوجها ساحرته عشان يتغاضي عن سلوكها السئ وخيانتها ومهما الناس تنصحه يطلقها مايقدر الظاهر السحر قوى رغم انه عارف بلاويها يعنى مين يقعد مع وحده كذا الا اذا كانت ساحرته انا ما احب اتكلم بالسحر والحسد وادرى الناس اذا سار لها مشكلة قالت سحر وحسد بس والله هذا الى حاصل وانا ماقلته من فراغ اذا ماسحرتنا اكيد تكلمت عنا لاننا سمعنا وغير هذا كله انا بس الى مزعلنى نظرة الناس والرجال بالذات الى يفكرون وحده بهالعمر ماتزوجت اكيد فيها شئ المهم ابيكم تساعدونى واحس انى كل ما اكبر بالعمر ابي موصفات احسن لانى ما ابي اضيع عمرى الباقي فى نكد وتعب لا تفكرونى ان سبب عد زواجى هوه شروطى انما فين الانسان الطيب قولولى والله نادر مانلاقي المهم الله يوفقك الجميع للخير والسعادة |
السلام عليكم ورحمة الله وبركاته 00
جود العسل
الله يرزقك غناتي بالزوج الصالح اللي يسعدك ويرضيك وترضيه ويرزقك سعادة الدارين يعني مثلاً انتي أول أو آخر وحده توصل لهدا العمر وهي ما تزوجت :25: وحده ما تزوجت إلا بعد ما أنخطبت 39 مرة والحمد لله مبسوطة مع زوجها :14: الله يبارك لها :17: وعلى قول جارتنا المصرية ربنا يستر كل البنات واكثري من الدعاء وعليك بقرائة سورة البقرة يوميا وانفثي على زمزم وشربيها بنية الشفاء لو كان فيك سحر ومتى ما جا نصيبك راح تتزوجي وربي يوفقك وحده اعرفها صار عمرها 40 سنة والحين اللي انخطبت ووافقت أسأل الله العظيم ربي يوفقها ويتمم لها على خير يارب وفقك الله لما يحبه ويرضاه ورزقك سعادة الدارين اللهم آمين تحياتي :22: |
شكرا اختىوالله يسعدك سعادة الدارين
شكرا على كلامك الجميل وردك الحلو مثلك |
الحمد لله على كل حال .. الله كريم اختي جود العسل .. انا معك بنفس المركب وكثير مثلنا ....
لكن الله اللي خلقنا وهو اللي تكفل برزقنا واذا نسونا الناس ماراح ينسانا عز وجل ... وكلامك معقول وصحيح يعني مثلا اذا شافوا بنت كبيره وعرفوا انها ماتزوجت اول سؤال يطرح منهم هو ... ليــــه ؟؟؟ ليه ماتزوجت الى الأن ؟؟؟؟ والله سؤال !!!! واذا قلتي للحرمه اللي طرحت السؤال هذا جيبي لي رجل واتزوجه قالت انا والله ماعلي من احد اهلك يجيبون لك ... الله كريم .. والحمد لله على كل حال ... الأنسان مايعرف الخير وين موجود .. هل هو في الزواج او البقاء بدون زواج ؟؟؟؟ والله انا تجيني حالات احس اني بختنق او اموت .. لكن لما اشوف واسمع واقرا مصايب المتزوجات اقول الحمد لله اجلس بدون زواج طول عمري ولا اني اتزوج رجل يأذيني الليل والنهار اسأل الله العظيم رب العرش العظيم بأسمائه الحسنى وصفاته العلا ان يزوج جميع بنات المسلمين الرجال الصالحين عاجلا غير اجل .. اللهم امين |
أختي جود العسل
عجبتيني لانك متفائلة ولا يهمك كلام الناس وخله يقولوا اللي يقولوه مدام انتي واثقة من روحج والزواج قسمة ونصيب وأكيد فى يوم بيجي فية ولد الحلال اللي يعرف قيمتك ويسعدك واتمنى لج حياة سعيدة أختج دلاال |
هلا اختى لولو وشكرا على كلامك وهوه اكيد خير لنا ان شاء الله لانو هاليومين وين تلاقين الرجال الطيب نادر :25:
وكثر مشاكل المتزوجين ماتشجع والخاينة سارت للاسف من الرجال ومن الحرمة والله يحمينا ويعوضنا خير يارب هلا اختى دلال مشكوررررة :d واتمنى لك السعادة شكرا لولو شكرا دلال والله يسعد الجميع بالدنيا والاخرة :17: |
الله يعينكِ
لاتجعلي الوسواس يشغل بالك ويخليكِ طول الوقت تقولين فلانه سحرتني وفلانه حسدتني تأكدي بأن الله يرزق من يشاء وان الله يختبر عباده فلاتيأسي من رحمة الله واستمري في الدعاء في بطن الليل وانا بأدعوا الواحد الاحد ، الفرد الصمد ، اللذي لم يلد ولم يولد ، ولم يكن له كفواً احد أن يرزقكِ الرجل الصالح اللي يشيلك بعيونه وفرحته لما تفرحين المهم اذا كتب الله لكِ النصيب ان تشيلين الرجل بعيونك والسلام ختام |
أخت جود العسل
قال تعالى ( قل لن يصيبنا إلا ما كتب الله لنا هو مولانا وعلى الله فليتوكل المؤمنون ) انتقلت مع عائلتي بعد الثانوية في الخارج ببلد ما فيه عرب كثير وما نعرف إلى عيلة وحدة صدقيني كنت مبسوطة لدرجة لا توصف أخرج أقضي لأهلي وأركب بسكليته أو أمشي وأخرج في الصبح لحالي السوق لا كلام ناس ولا نظرات ولا قيل وقال كان همي الوحيد أن مين راح يجي يخطبني وأنا في أقصى شرق العالم ؟ صار عمري 22 _ 23 رجعنا للبلد الذي أعيش فيه حاليا والآن عمري 26 طبعا صار أكثر من موضوع خطبة وربي ما أراد سبحان الله نخطط لكن ما يصير إلا اللي ربي كاتبه.. و وحدة من قريباتي تقلي صفي نيتك لا ادري إن كانت داخلي حتى تعرف ما هي نيتي مع انها هي نفسها تزوجت في نهاية 26 !!!! على فكرة حتى أنا لمن أحد يسألني كم عمرك أقول 26 من جد ينفجعوا ليس مجاملة يقولوا 19 أو اقصى شي 22.. من جد يحزنوا علي حتى انا ابدا ما اتخيل ان عمري 26 يمكن عشين اني آخر وحدة غير كده لمن أتكلم عن الزواج وأتناقش فيه وأسأل فجأة أوقف اقول لنفسي ترى انت مو 22 انت 26 لسة ما فقدتي الأمل ؟!! مين يتمنى وحدة فهذا العمر حتى لو كان عمره 36 يقدر ياخذ وحده عمرها 20 وإذا تزوجني في لحظة غضب راح يقلي طيب مني إني أنقذتك من العنوسية !! وأتحدى لو أحد جا غالطني إلا إذا كان صاحب خلق وضمير.. من يومين والدي بيدعيلي بالزوج الصالح وبيتمنالي الشي الطيب قلت له ترى أنا مش حزينة اني ما تزوجت لأن أغلب النماذج غير مشجعة لكن نظرة المجتمع وحركاتهم اللي مالها داعي وصرت أتمنى اني ارجع للبلد اللي كنت أعيش فيه.. زمان كنت أتوقع أن فلانه وفلانة ممكن يساعدوني ويرشحوني لعوائل يعرفوها ونسيت أن عندهم بنات هم نفسهم حايرين فيهم.. سبحان الله وكأن الله عزوجل يريد أن أستعين به هو فقط دون الناس والأهل فأصبحت أدعوه ليل نهار ( اللهم اكفني بحلالك عن حرامك وبفضلك عمن سواك ) وسيرزقني الله من حيث لا أحتسب بإذنه.. أستحق الأفضل ولن أتنازل حقي وإلا ما عند الله خير وأبقى.. والله المستعان. والآن أصبحت لا أهتم بالناس ولا نظراتهم ولا حديثهم من خلفي لأني أعرف قدر نفسي وأن الله عزوجل لو أراد أن أتزوج في سن مبكر لتزوجت.. اخذت بالأسباب وتوكلت على الله عزوجل.. أما بالنسبة للسحر.. حتى لو سحرت فبإذن الله وإرادته لأنه لن يقع السحر إلا بإذنه. طنشي الناس وعامليهم برسمية حتى لو كانوا أخوانك وأخواتك خصوصا المتزوجين منهم.. لأنهم مقتنعين بوجهة نظرهم هم.. وهم صح دون نقاش.. النصيب سيأتي لك لو كتبه الله عزوجل.. وفقك الهل لما يحبه ويرضاه اصبري وتوكلي على الله. |
دعي القافله تسير والكلاب تنبح
عليك بسورة البقرة والدعاء عند الأفطار خاصه |
اختي ليس كل ما يجري على السنه الناس ما وصفتيه
يوم ا لسبت ذهبت لافطار جماعي نتجمع نحن المغتربون في هذا المكان و من ضمن المغتربين بنوته اموره عدت الثلاثين الكل يا اختي يدعيلها و هي فتاه حبوبه لا اعرفها و لا تعرفني معرفه شخصيه جائت لتبارك لي على ولاده ابني الصغير مع مجموعه من السيدات و تشاركت معهن بالهديه من سنه و نص في يوم الافطا الجماعي رايت سيده اعرفها ما شاء الله هيه و زوجها من الي يحبو يزوجو ويجمعو راسين بالحلال وهي اول مره تجي للمكان و ما تعرف احد بس انا ووحده ثانيه الي دلتها على المكان و كلمتها يعني في احد ممكن يريد يزوج قالت اي فيه عراقيين و اردنين و جميع الجنسيات العربيه بس هي ايش طلباتها قلتلها ما اعرف ولا عمري كلمتها بهالموضوع ولا اعرف اي شي عنها بس ابتسامتها وكلماتها دايما مريحه للنفس والكل قدامها و وراها يدعيلها اختي كلنا عندنا بنات و نخاف الله لا تتوقعي انه في احد يتكلم على بنات الناس المهم خلصنا صلاه التراويح السيده الي كلمتها عن البنت راحت لها و اخذت رقم تليفونها و كلمتها كان معاها ورقه و قلم ايش الي دار بينهم ولا ايش صار انا ما الي غير ادعي انه الله يوفقها ويرزقها على قد نيتها و ان شاء الله تكون نيتها صافيه يهي لها الزوج الصالح دعواتكم لهذه لاخت و سبحان الله قبل شهر تعرضت لنفس الموقف مع انسانه غير بس ما تسهلت الله يهديها ويهدينا |
أهلا حبيبتي..
بالنسبة لكلام الناس فعلا طنشي.. والناس ما تخلي أحد في حاله صدقيني والله مو عشانك مت تزوجتي يتكلموا فيك لا صدقينين اناس ما تخلي أحد! لا متزوجة ولا مطلقة ولا بنت ولا أم! المتزوجة يتكلموا على حياتها زوجها سوّا كذا فعل كذا راح .. جا... شرى لها كذا ....مسكينة ما شرى لها كذا!!!! يعني مفصلين حياتها تفصيل تقل معها حتى في غرفة النوم!!! والمطلقة ليش تطلقت؟! اصلا هي قالت كذا وكذا لا الرجال هو اللي كذا وكذا وتعالي خذي من القصص والتأليف والكذب والاتهامات.. بس لأنك ما تزوجتي تلاحظين الكلام اللي عنك او عن تاخر الزواج ويلفت انتباهك هالنوع من الكلام بس لو تزوجت راح تشوفين وش قد مشغلين أنفسهم بأحوال خلق الله! الشي الثاني: بالنسبة الرجالمين قال انه ما يدور وحدة بهالعمر؟!!! مو صحيح أبد أبد أبد! والله صدقيني ما أقولها مجاملة او تخفيف لا والله بس فعلا الحين الاحظ كثير من الرجال ما يبحث عن الطفلة اللي تتابع برامج الاطفال! لا... بالعكس يدورون عن الصديقة اللي توقف بجنبه وتدفعه للنجاح! وهذي طبيعي تكون في مرحلة نضج ووعي! اعرف أكثر من وحدة ناجحة وموظفة وماشاء الله عليها ما ينقصها شيء تزوجت بعد 35 سنة! وكلهم مبسوطين في حياتهم والحمد لله! يعني كيف هذولي تزوجوا! معناه إن الشباب مو يشترط تحت العشرين! وانت لاحظي انو حتى الشباب تأخروا في الزواج! أعمارهم 35 وما تزوجوا! وكثير منهم لما يقتنعوا بالزواج يدور على وحدة تناسب عمره! حتى وان قال في البداية ابغى صغيرة الاحظ سبحان الله في النهاية يختار وحده تناسبه! بس انت ادعي ربك وسبحان الله هو الوقت او الزمن اللي راح يجيك فيه شريك حياتك مسجل في السما ومكتوب عن رب العالمين! ومهما اصريتي انه يجي قبل المكتوب راح تشوفينه ولما يجي وتعيشي معاه سعيدة باذن الله راح تقولين فعلا الزمن ما كان المهم الأهم ان الرجال نفسه كان صالح وانا احسن حياة من الف صغيرة تزوجت بدري بس نصيبها انسان ما يخاف الله فيها.. ربي يكون معاك ويرزقك بالزوج الصالح انت وجميع خواتي اللي ما تزوجوا |
والله يا جود يوم قريت موضوعك كانك تتكلمين عني نفس الشي سبحان الله ما اقول غير انا استحق الافضل وما برضى بغير الافضل والاحسن والله يوفقنا جميعاااااااااااا ويرزقنا بالزوج الصالح
|
اقتباس:
|
:(
الله يعينكِ لاتجعلي الوسواس يشغل بالك ويخليكِ طول الوقت تقولين فلانه سحرتني وفلانه حسدتني اخى ابو عبد الله ماله داعى هالكلام انا مشغلت نفسي ولا عندى وساوس اسمة السحر والحسد ولا نى مريضة بداء الوسوسة تجى تقلى لاتقولين فلانه سحرتنى وفلانه حسدتنى ولا انا تبليت على الناس عشان ابرر الى قاعد يسير لى واحط خطى على الناس وانهم همه السبب لانهم سحرونى او حسدونى ماقلت كذا بعد انا ماقلت احد حسدنى انا قلت الناس الى يقربون لى يفكرون انى احسدهم لانى شفت منهم تصرفات تدل على كذا وماحبيت اطول الموضوع واعدد لك الاشياء والسحر ياخى مذكور بالقران وانا اعرف انى ماباخذ غير نصيبي وانا قلت انى ما احب الناس الى كل مسار لها شئ قالت سحر وحسد انا مانى كذا بس انا سار لى كذا كله كوم وكلمة الله يعينك اكيد الله يعيني ويعين الجميع انما كانك تقلى الله يعينك على نفسك (الى بس تفكر بالسحر والحسد) :29: وانا اشكرك على انك بتدعي لى وجزاك الله الف خير واعذرنى على كلامى بس حبيت اوضح لك اش مقصدى Miss Hawaii :) اهلا حبيبتى وشكرا على مشاركتك لى بالموضوع وصدقتى انى اتعامل معاهم برسمية وهذا الى انا سويته لانى ماسرت مع بنات خالتى مثل قبل لانى بس انا اسال وهمه مايسالون :27: والحين انا جدا رسمية معهم night2005 :25: فعلا كلمتين مختصرة بس كثيررحلوة ولها معنى كبير |
اهلا اختى ام اثيرررر
ليس كل مايجر على السنة الناس ماوصفتية انا ماوصفت الناس كلها انو وصفت فئة معينة من الناس الى انا اتكلم عنها وانا سار لى تجربة معهم ماهو من وحي الخيال انما من واقع مريت فيه وعشتة انا بنفسي واكيد مو كل الناس مثل بعضها :11: شكرا اختى العزيزة على مشاركتك لى والله يوفق الجميع للخير يارب اتكاءة حرف! هلا فيك وفعلا الناس ماتخلى احد بحالة لا المتزوجة والا المطلقة والا الى لسة ماتزوجت والله يكفينا الشر وانا مانى بحترق عشان ماتزوجت بلعكس انا الحمد لله واثقة من نفسي وكمان لمن اشوف الناس ومشاكلهم اقول الحمد لله وانو هذا خير لى والله يكون بعون الجميع انا كل الى اقصدة انو فى ناس للاسف تبتعد عنك وكانو فيك شئ انما الحمد لله الى يبتعد يبين معدنها المريض والا تقرب تبين معدنها الطيب هلا اختى واقعية انتى فعلا تستحقين الافضل ولا تتنازلين عن الافضل لانو الى بقي من العمر مو مثل الى راح ولازام يكون الاختيار افضل واحسن واجمل :14: amanoo اهلا وفعلا كلام الاخت دلال رائع ومشكور لك والله يوفق الجميع يارب :22: |
دعيت الله مخلصا بأن يعينك على من يعتقدون بأنكِ تحسدينهم
انا اعرف ومتيقن من سعة صدركِ وعلو ثقافتكِ وكلي ثقة بأنكِ تستحقين الافضل ولذلك فأن الله سبحانه عند حسن ظنك به وبأنه سيرزقكِ الزوج الصالح الله الموفق الرازق القادر على كلشي قال : ادعوني استجب لكم اللهم ارزق بناتنا بالزوج الصالح والسلام ختام |
:d
شكرا اخوى بو عبد الله تسلم والله يسعدك |
لا يهمك يا اختي جود العسل
فرزقك سياتيك قريب جدا ولكن لا تستعجلين ولا تهتمين عليكي بالتالي : نصيحه من القلب * الدعاء وأطلبي من والديك بالدعاء بالتوفيق فدعوة الأب مستجابة وأختاري الوقت المناسب مثل يوم الجمعه بعد العصر .فهي يمكن تكون ساعة الاستجابة . * الصدقه بنية الزواج . * الاستغفار . وإن شاء الله سيرزقك بالزوج الصالح قريب جدا وتوكلي على الله وأدعيه وانت متيقنه بالاستجابة الله يوفقك ويسعدك في الدنيا والاخرة |
اختي بقولك كلمتين
ترا كلام الناس كثير واللي بيسمعه بيتعب ريحي روحك وما عليك الا من نفسك تحياتي |
:)
مشكور اخى صاحب الري السديد والله يوفق الجميع للخير يارب هلا احبك حبيبي مشكورة اختى على تعليقك وتسلمين :) |
أختى الفاضلة.. رغم ضيق الوقت لأن باقى على صلاة الفجر دقائق الا أننى أريد أن أرد على مشاركتك لأهميتها ... وأقول :
صدقينى الناس لا تترك أحد فى حاله حتى فى المجتمعات الغربية والتى نعتقد أنهم لايتدخلون فى أمور أحد نجدهم يفعلون نفس الشيى وكأننا فى مجتمع عربى ..... المهم أقول لك ولنفسى وللجميع لا تهتمى وأعلمى أنك لن تحصلى الا على ماكتبه الله لك ..وأن من وصل لشيى فى الدنيا لم يحصل على هذا الشيى لشطارته أو لأنه أحسن منك ..... لا هو حصل عليه لأن الله أراد له ذلك .. فعلينا جميعا أن نرضى بقضاء الله ولنعلم أن هذه المشكلة قد تكون منعت عنك مشاكل كثيرة قد تكون أخطر عليك ... ويقولون فى الأمثال والحكم ( لو أطلع الانسان على الغيب لأختــــــــار الواقع) فالنحمد الله على كل نعمه وجزانا جميعا على صبرنا خير الجزاء .....آمين يارب. أخوك m.s |
:)
مشكور اخى وللاسف ماشفت مشاركتك امس الا انى اشكرك رغم ضيق وقتك على ردك عليا وفعلا انا فرحانه فيكم انكم شاركتونى واننا فى هالمنتدى مثل الاخوة يمكن وحتى لو المشكلة بسيطة نساعد بعض :18: ونخفف على بعض |
| الساعة الآن 04:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©