|
ضاع عمري !!!
وقفت اليوم بعد ماراح عمري ..
وضاعت سنيني .. وقفت اليوم .. ادور من يسليني .. احس اني سحابة صيف .. عدت فوق وجه الأرض .. واحس اني ظلمة ليل تجوب الدنيا طول وعرض !!! وبقيت اصخ ومحد سامعني .. تقول امي .. يابنيتي .. مضى عمرك ومازلتي ... على نفس المكان انتي ... توظفتي ... ؟؟؟ طيب زين وش صرتي ..؟؟؟ راحت زهرة سنينك ... وسال الدمع من عينك ... وانتي ماتغيرتي ... بنيتي شوفي فلانه وش صارت .. في ذرا رجال .. وفلانة صارت ام عيال .. وانتي اليوم عنستي ... وظيفه ... ضيعت عمرك... وخذت منك ليالي عمرك الحلوه ... ومشيتي وحارت الخطوه ... وبعد مده توقفتي ... بعد ماشكلك تغير... ولبستي اليوم نظاره ... وشفتي الهم اشغل في الحشا ناره ... تنهتي .. لكن من سمع منك ... تخيلتي.. راح الناس تنظر لك بكل تقدير ... وشفتي اليوم حياتك من ايدك تطير ... وشوفي اليوم وش صرتي .. وصل عمرك فوق السبع وعشرين .. او اكثر... وانتي ماتزوجتي ... وظيفه ضيعت عمرك .. وخذت منك ليالي عمرك الحلوه ... ومشيتي وحارت الخطوه .... وبقيتي اليوم يابتني ... على نفس المكان انتي ... بعد ماقالت امي قولها وراحت ... واخفت دمعها عني ... قعدت ابكي ... واصرخ آآآه ... ومابي اني تلمحني ... نعم انا (( عانس ))... وظيفه ضعيت عمري وخلتني ... وحيده ومن سأل عني ... وبقيت اليوم اعيش بغرتي وظني ... ودي اعيش مثل الناس ... ودي يصير عندي عيال ... ودي اصير في ظل رجال ..ودي اصير زهره في ربيع العمر .. آآآه بس لو يرد وقتي ... منقول |
نقل رااااائع وجميل
تسلمين يالغالية تحياااااتي :22: |
شكرا على نقل هذا الشعر الحزين..الله يجزيك الف خير ويسهل زواجك قريبا ان شاء الله
ولكن ما علاقة الوظيفة بضياع العريس؟ بالعكس..الوظيفة يبني الشخصية..,انا اريد ان اتوظف لكي يحبني رجل لشخصيتي فهنا الرجال ما يحبون بسبب الجمال أو عدمه ولكن بسبب الشخصية وان تكونالزوجة لها شخصية ومكانه وطموح |
القصيدة حلوة لكن أنا اعتراضي شدييييييييييييييييييييييييييييييييييييييييييييييد
الحين اللي عمرها 27 عانس !! والله هاد ظلم كل شيء اطور بهالحياة وأنا باعتقادي الشخصي سن الزواج ارتفع أكثر من ذلك والله ولي التوفيق سيدرا |
شاكره لك مرورك الحلو دلال
تسلمين |
راااااااااااااائع ...
يعطيك العافيه .. والله ينولك اللي في بالكِ .. |
الله يجزاك خير اختي مشمشه عمري على مرورك ودعواتك والله يرزقك بالزوج الصالح قريب
وبالنسبه لعلاقه الوظيفه بضياع العرس اكيد ماله اي علاقه ..اذا كان الله كاتب الرزق ماراح يضيع .. وبالعكس مثل ماقلتي .. وممكن تكون الوظيفه سبب بأذن الله في الزواج لأن كثير من الشباب يطلبون الشهاده والوظيفه الحين وصار معي الطب هذا انا شخصيا ...ومو ضوروي ايضا طلب الوظيفه بسبب الماده ... مثل ماقلتي الطموح والشخصيه مطلوبه لكن يمكن القصد ان البنت تأجل ممكن تأجل الزواج بسبب الوظيفه ... اعرف بنت في غايه الجمال لكنها رافضه تتزوج قبل ماتتوظف ... وفي النهايه مافي احد راح ياخذ رزق احد ... |
اشكرك على مرورك اختي سيدرا ...
لكن والله انا اشوف الواقع انها عانس .... انا احس كذا ... يمكن اكون غلطانه ... لكن مهما احتلفت الأأراء الكل يتفق انها تأخرت في الزواج ماراح نقول عانس ... والوحده حتى لو وصلت اربعين سنه ولاتزوجت مستحيل موضوع الزواج يطير عن بالها ... حتى لو قالوا الناس عنها عانس ولا احد يبيها .. الله قادر على شي ... اسال الله ان يرزق جميع المسلمات بالزوج الصالح |
اسعدتني مداخلتك اختي الهنوف ...
تسلمين يالغاليه ... |
الله يرزق الجميع الشريك الصالح
اللهم أرزق مشمشة زوج صالح يشيلها بداخل عيونه اللهم ارزق بناتنا من يخاف الله فيهن والسلام ختام |
والله انا مع الاخت سيدرا ربما هي على حسب الدول
فنحن هنا المراة في سن 27 عادي جدا خصوصا ان الحياة تطورت والمراة صارت تدرس دراسات عليا وتعمل ولا نقول بانه فاتها عمر الزواج الا بعد الثلاثين وفي كثير متزوجين في الثلاثين ...وعندنا معدل سن الزواج من 42 ل 28 |
مشمشة
وكم من نازلة يضيق الفتى بها ....... وعند الله منها المخرج والدنيا دار بلاء واختبار وصبرا صبرا تحياتي |
الله يرزقنا وياكم يا بنات الزوج الصالح يمكن هالتاخير في خير بل اكيد في خير وصلاح
يمكن الله يبي يختار لنا الزوج الصالح اللي يقدر قيمتنا ويحطنا بقلبه (كل تاخيره فيها خير) تحياتي |
اختي الحبيبه لولو كل تأخيره فيها خيره
هذه الأيام تمر اعز صديقاتي بمشكله مع خطيبها جعلتها لا تذوق طعم النوم وكانت دائما تحلم بزوج يخليها تاج راسها اللي ابي اقوله انا مؤمنه بان الله سبحانه راح يخبألنا الأفضل دنيا وآخره واريد ان انبهك بان لا توافقي الا على صاحب الدين والخلق معا ، لان اتضح بعض الذين عندهم دين اخلاقهم شينه مع زوجاتهم ، تزوجي من يرفع راسك وليس زوج والسلام وانا اقسم لك كل صلاه ادعو لي ولكي ولكل الأخوات اختي ادعي عند الأفطار واكثر ي من الصدقه واجعلي لي نصيبا من دعائك عند الأفطار بالتوفيق |
بو عبدالله سعيده بمرورك وجزاك الله خير
شكرا انسيه على مرورك واكيد هي على حسب الدول وعلى حسب الناس اللي في الدول حتى هم يختلفون مع نهم شعب واحد جزاك الله خير هامس .. احبك حبيبي جزاك الله خير واللهم امين على دعواتك ... اسعدني جدا اختي العزيزه نايت وأسال الله ان يكون فرج الله قريب لي ولك ولكل بنات المسلمين ... وبأذن الله ماني ناسيتك من دعواتي ... الله يوفقك .. |
نقل رااائع اختي الكريمة ،،
مشكوورة ،، وتقبلي فائق احترااامي... |
جزاك الله خيرا يا اخونا الفاضل والمحترم بو عبدالله
الله يسعدك ويوفقك يا رب |
شكرا يا اخونا الكريم والفاضل هاامس على نصائحك وان تذكرنا بالصبر
والله يسعدك وحقق لك كل امانيك |
كلمات مؤثرة وحززززينة جدا
لكن في هالوقت ما اعتقد ان الوظيفة او عمر الـ 27 سنة من عوائق الزواج بالعكس عمر الـ 27 اعتبره بداية عز الشباب بالنسبة للبنت وتكون في قمة عطائها ورومنسيتها وحنيتها وعواطفها الجياااشة وعلى رأي مستشاري النفسي يقول: " لا تسألي عن رومانسية البنات بين 18-25 .. ولكن اسألي عنها في فتاة عمرها من 27 وفوووق وحتى يمكن 35 سنة او حتى الاربعين" وبعدين ربما من تأخرت في الزواج خير لها من ان تتزوج رجل يعيشها في جحيييييم لا يطااق ولنتأكد جميعا ان الخييييييييرة فيما اختاااااااره الله سواء علمنا ام لم نعلم ودمتم |
بنت اخته كيفك الحين والله اشتقت لك
|
سبحان الله اولا الله ينولك الي في بالك يارب
وثانيا انا الحين عمري 27 بس مادري ليش احس بعلامات الكبر واحس اني بديت افقد بريقي والله قمت اوسوس واتخيل زوجي يطالع غيري بسبب ذبولي مادري شنو هالشعور؟؟؟ مستغربه منه حيل ؟؟ والف الف شكر علي الموضوع يالغاليه والله يرزق كل البنات بالزوج الصالح ويرزقهم بالذريه اللهم امين |
بصراحة الشعر مرة مؤثر
الحمد لله كل شي بيده سبحانه بعدين حنا يالمتزوجات نفرح اذا لاقينا وقت نفتح المصحف نقرا او نحاسب انفسنا اوننام واحنا مرتاحين عشان نقوم بالليل نصلي ركعه وحده بس لكن للاسف تغيرنا مرة عن قبل ما نتزوج ماتصدقون شلون الله يبارك بأوقاتنا ونوازن بين العبادة و الزوج والاولاد والبيت اخواتي استغلن هذه الفرصة بالعبادة والدعوة |
الموضوع حزييييييييين
لكن ما اقول غير الله يستر على بناتنا ويعجل عليهم باالزواج من رجال يستاهلوهم واكثرووووو من الدعاااااااااااااء وعيشو حياتكم بكل محبه واطمئنان بكرم الحنان المناان الله يسعد الجميع |
الف شكر للجميع على مرورهم الحلو
ادعوا لي بالزوج الصالح |
الله يرزقك الزوج الصالح عاجلا غير آجل اختي لولو
|
| الساعة الآن 05:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©