|
زميلتي و حفلة الزواج .. ما رأيكم بصراحة ؟
السلام عليكم و رحمة الله و بركاته مشكلة زميلتي تنتظر منكم النصح و الإرشاد من خبراتكم ..و تحطوا نفسكم مكانها قبل لا تردوا عليها .. و من الحياة الواقعية بعيداً عن المثالية .. ( طبعاً هي حكايتي بس أحب يوم أكتب أكتبها بذي الطريقة و عشان أخذ راحتي بالحديث و أفضفض :) ) .. هي إنسانة عقد قرانها من فترة و عرسها بعد كم يوم إن شاء الله .. و كانت من المؤيدات لإقامة الأعراس بلا إسراف و لإنها تفكر بمنطق و عقل و نظرة مستقبلية . لكن يوم جاء يوم عرسها .. طلبت من خطيبها إنه يكون بقصر و أصرت على رأيها و عمرها ماطلبت منه شئ .. و زوجها أو خطيبها ( بعقد قران ) .. توه ببداية الطريق و حالته المادية بسيطة لكنه جداً كريم معها ماشاء الله و لا حرمها من شئ .. و هي عندها راتب و مركز اجتماعي و علاقات مع أشخاص و لله الحمد .. و هو كان بيعمل العرس ( بإستراحة بسيطة و رخيصة ) لكن هي تضايقت غصباً عنها .. لإنه عمرها مافرحت بأي يوم سعيد لها و لا حتى بأي مناسبة فقالت له لييييتستخسر فيني أقل شئ ....؟؟؟؟؟ قال لها ممكن أعمله لك بأغلى قصر .. و هناك واحد ممكن يديني مبلغ .. لكن حياتنا بتكون فيها ديون .. طبعا هي رافضة فكرة الديون .. لكن هي فكرت إنها مو أقل من أي وحدة و كل العرسان بيتدينوا عشان زواجاتهم فليييييه هو ما يتدين عشانها ؟؟ و حتى أخوها تدين مبلغ عشان عرسه و كان ببداية حياته .. و هي كان ممكن تتنازل عن الطلب هذا .. لكن هي لغت ( شبكتها ) اللي كانت مجهزة لها من بداية الملكة و خيطت فستان الشبكة و كل شئ .. عشان حصلت مشكلة وقتها بسببه و بسبب أمه و أخواته ... فهي فكرت و كبرت عقلها .. و قالت لأمها خلاص ما أبغى الشبكة ،، قالتها و هي عيونها تدمع .. لإنها من يوم والدها توفى و نفسها تفرح و لو ليلة وحدة و أمها كان نفسها تفرح بها .. بس عشان ما تعانده و لا تعاند أهله من البداية .. قالت ما أبغى شبكة .. و مع العلم إنها يوم ألغت الشبكة و انكسرت فرحتها .. قالت لزوجها .. ( ترى راح تبقى بنفسي ) .. و قال لها بأعوضك أحسن منها .. و يوم جاء يوم العرس قال بأعمله لك بإستراحة و طبعا هي عارفة إنه بيكون زواج أي كلام .. فأنقهرت لإنه قال بيعوضها ..؟؟ و بالأخير استراحة ..؟؟ و زميلاتها و أقاربها و أحبابها كللللللهم بإنتظار هذا اليوم .. و هي ما تبغاهم يحضروا الزواج و يقولوا بداخلهم يووووووه مسكينة ..؟؟؟ أو يوووووه .. تزوجها عشان راتبها ..؟؟؟؟ أو يوووووووه .. أهلها رموها ..؟؟؟؟ مثل ماصار بزواج زميلتها .. و عشان كذة هي ما كانت حتدخل من البداية بموضوع العرس لولا إنهم تدخلوا بالشبكة و عاندوا و هي لغته عشانهم .. و مع إنها كانت ناوية تعزم كلللللل الناس و أمها كانت على إستعداد إنها تقيمه لها بأحسن مكان بدون إسراف و لا تبذير و الصراحة هي تبغى الزواج يكون بالمكان اللي هي تبغاه لإنها ما تبغى موضوع الشبكة يجلس بنفسها لسنوات جاية و تخاف الموضوع هذا يأثر عليها مستقبلاً بعلاقتها مع زوجها .. و تبغى كل ما أفتكرت الموقف هذاك ، تفتكر إنه عمل لها الزواج مثل ماتبغاه و عوضها عن شبكتها مثل ماوعدها و عموماً هو قال لها مايصير بخاطرك إلا كل طيب و هو مقتنع بموضوع القصر بس أمه و أهله يبغوا أقل التكاليف و هذا من حقهم ، لكن من حقها كمان إنها تفرح بيوم فرحتها و سعادتها بما يرضي الله و رسوله .. و مثل ماتدخلوا بموضوع شبكتها و لغت يوم فرحتها و فرحة أمها .. فهي تشوف إنه من حقها أقل شئ إنها تطلب الطلب الوحييييييييييد هذا .. و اللي خلاني عرض الموضوع .. إنها قلبها على زوجها أو خطيبها بإنه راح يتعب بالديون .. و مع العلم إنها ماطلبت أشياء زيادة ، و ماأشترطت أي شئ غير ذا الشئ و حتى لو كان قصر رخيص مو مشكلة عندها. يعني هناك أمور تافهة الناس يتخاصموا فيها ، لكن هي طلبت شئ واحد و بس و أتمنى تكونوا فهمتوها و هل معها حق أو لأ ....؟؟؟؟ و هي عارفة إنه خير النساء بركة أقلهم مؤونة .. و هي ماطلبت لا سيارة و لا شقة فخمة و لا مهر غالي و لا سواق و لا شغالة و لا أثاث فخم و لا و لا ولااااااااااشئ .. و راتبها 3 أضعاف راتبه كمان .. و هذه وحدة من الأسباب اللي تخليها متمسكة به و لإنه اختارها لذاتها .. و ألحين يحبها عشانها من بيت محافظ و ملتزم و تربية أصيلة مو عشان راتبها أبدااااااااااااا .. و مستعدة تعيش معاه عالخبز و التمر ، بس هو يصرف عليها عشان تحس إنها مع رجال يحميها و الحمد لله إنه رجال بجد و هي تبغى الآخرة و أختارته لدينه و خلقه و عشانه هو و بسسسس .. بس الناس ما تفهم و أقاربها يستغربوا لييييه وافقت عليه و هو قد حاله ..؟؟؟ و ماعمرها شافت حالها عليه .. و مع العلم إنها أخلاق + دين + عقل + جمال + أنوثة + شهادة + محبة كل اللي حولها .. بس عيبها إنها عنيييييدة :d إذا أحد أستهان بها و شخصيتها قوية و واثقة من نفسها .. :24: و محد خالي من العيوب .. ;) فمو من حقها تطلب هذا الشئ الوحييييييييييد ...؟؟؟ بمقابل تنازلها عن إقامة شبكتها بالمكان اللي كانت حتختاره ..؟؟؟؟؟ إيش رايكم ...؟؟؟؟؟؟ و هو عموماً جالس يدور عن قصور و هي من غير ما يدري جالسة تسأل عن قصور أسعارها رخيصة و معقولة عشان لا تتعبه .. و نفس الوقت حزنانة عليه .. بس ما تبغى تتنازل عن طلبها عشان لا تندم بكرة إذا شافت العرايس كلهم ينبسطوا و تتحسر على حالها ..؟؟؟؟؟ |
ينقل لعالم المقبلين على الزواج |
اولا الف مبروك و ان شاء الله الله يرزقكم بالذريها لصالحه
بارك الله لكما و بارك عليكما و جمع بينكما على خير اخثي ما دام انك موظفه و حابه تفرحي و ما تريدين تضايقيه تشاركو بالتكاليف |
أم أثير معليه أحسك مافهمتي المقصود ؟؟
و أنا رافضة فكرة المشاركة مو عشان المال أبدااااااااااااااا و لا عمري طالعت للمال و لا مافكرت أعمل شبكة براحتنا و كان ممكن وقتها ما أتدخل بالزواج وين يعملوه ؟؟؟ و أبغاه يعمله لي ، عشان أحس إني بجددددد تحت ظل رجل .. و لا إيش الفايدة أتزوج و أعمل العرس بنفسي أو بمساعدة مني ؟؟ و هو تزوجني مو عشان أصرف عليه و ماتعودت الصراحة لا من أبوي و لا أخواني إني أطلع قرش واحد و هم موجودين و بنظري هذا هو الرجال .. اللي يتعب و يشقى عشان زوجته .. مو يعتمد على فلوسها ؟؟ و أحس إذا عملتها بفلوسي ، فوقتها مستحييييييل أحترمه بيني و بين نفسي .. أتمنى تكوني فهمتيني : ) |
اختي انا بقولك شي صح ان انتي تبين تحسين تحت ظل رجال لما هو يصرف عليك بس اختي كمان ما ترضين ان يحط على روحه ديون والله الديون يا اختي بلاوي تعبكم وانتو لحين متزوجين جدد
فشاركي وبعدين هو بردهم لج الحياه مشاركه حتى لو عطيتيه بعدج بتحسين انج تحت ظل رجل لان بكل بساطه بعارض وبسوي المستحيل عشان يسوي العرس بالمكان اللي انتي تبينه خصوصا ان اهله معارضين ومدري اذا كان هو بيرضى ياخذ منك او لا؟؟ هذا شي ثاني بعد......... اختي تمسكي بزوجج احس انه هو يحبك وااايد عشان كذا يسوي المستحيل عشانك الله يوفقك وطمنينا عنك وعن عرسك لا تنسين العزوووومه تحياتي |
[B] في رأيي ياأختي أنك لو ساعدته ما فيها شي لأنها فرحتكم انتو الإثنين
وبعدين اذا ساعدته لا يعني انه مو رجال أو أنه ماخدك عشان تصرفي عليه ولازم تحاولي تغيري فكرة انك مستحيل تحترميه بعد كده . أو اتنازلي عنها دحين عشان ترتاحي بعدين والله يختار لك مافيه الخير ويسعدك |
اقتباس:
يمكن تزداد رجولته في نظرتــك .. لكن الاكيـد ان مقدار بركتــك راح يقــل من رصيــده .. |
انا كلامي غيييييييييير كلامكم كلمك يا بنات
اسمعي اختي اذا تريدي نصيحتي انتي وافقتي انه ما يكون في شبكة و اللي هي اهم شي للزوجة اقل شي عشان تتزيني بها له هو او حتى بمناسبات الاعياد مع اناس و الاهل و لاحظي انتي اهتميي بمسالة ان الناس بيقولوا مسكينة ما عملت عرسها بقصر و لا فكرتي ايش بيقولوا ع الشبكة خذيها مني حبيبتي انا كمان كان زواجي كله مشاكل و الاهل ما يقصروا من ناحيته بس برضة و لاتهتمي انتي ايش ممكن تسوي اتفقي معاه بدل ما يتدين عشان حفلة اناس بيجوا و بيستانسوا و بيقضوا ليلة و بتروح و السلام و انتوا مكبلين بدينها المالي و لو انه صدقيني لو تسويها بقصر الاماة نفسه برضىة الناس ما يملا عيونهم الا التراب انتي سويها بصالة عادية و اهتمي حبيبتي بفستانك بالديكور يكون رومانسي و بسيط و ترتيبات الزفة و الكيكة و ما الى ذلك صدقيني انا حفلتي كانت اللي سووها لي اهلي ما انتست لين الحين بس حفلتهم هم الليهي كانت الزفاف كانت مخربطة و مو مرتبة و قهرت من قلبي لا تصوير حلو و لا زفة مرتبة و لا قطعنا الكيكة بهدوء المهم قدر الله و ما شاء فعل اقولك الان و باختصار اييييش تسوي 1- شيلي من راسك تماما اي تفكير بالناس و باقوالهم خليكي فيكي انتي و هو و ايش عايزين تسوا بليلة العمر من ناحية الحفلة و الترتيب 2- قولي له عايزة منك بدل ما تتدين عشان القصر و التكاليف اللي مالها داعي بتروح مع الهوا تجيب لي شبكة متواضعة عشان تكون هي رمز بيننا قدام الناس (صراحة مش عارفة ايش الشبكة بالنسبة لكم هل هي مثلا عبارة عن اسورة ذهب و خاتم الخطوبة و المحبس و ساعة قيمة من الماركات الحلوة والا الذهب نفسه مال العرس و الزواج ) يا ريت تفهميني هذي النقطة عشان انبهك للشي مهم 3-يا ريت ثم يا ريت ثم يا ريت من الان دام ان اهله استخسروا فيكي و سامحيني ع التعبير انهم يجيبوا لك شبكة(( و ان كان ولدهم مش قادر كان من واجبهم هم يساعدوه حتى و لو يجمعوا فلوسها من بينهم البين و لا يحسسوه بالنقص قدامك انتي و اهلك)) حطي في بالك زييييييييييين ان الحياة بينك و بينهم لازم يسودها التعامل اللي اساه كل يعرف حدوده مع الثاني و اساليني انا مجربة ه الشيترى بيكونوا يتدخلون بكل صغيرة و كبير بحياتكم حتى لو تزاعلتي يوم معاه و تدللتي عليه بيتدخلوا و بيقولا له كلام يقلبه عليك باين عليهم زي اهل زوج واحدة صاحبتي معذبة مع اهله 4- حطي في اولى اهتماماتكم و اهم نقطة انك تعيشين ببيت بعيييد عن اهله و اهلك و لا توافقي ابدا انك تسكني معاهم حتى لو ان شاء الله يستاجر لك بيت غرفة و مطبخ بتعيشي بجحيم لو عشتي مع اهله لو معاهم قصر و لو بكوخك بتكوني انتي الملكة و الامبراطورة طولت عليكي بس والله اثرتي فيني كثير رديتي علي ذكريات قديمة مع اني ما ارد دايما عالمواضيع اللي اقراها بس حظك حلو ابني نايم :d |
أولا ألف مبروك..
ثانيا: اللي فهمته إنهم رفضوا انك تسوي حفلة الشبكة عشين لمن يسوا فرح محد يقارن بين حفلتكم و حفلتهم.. صحبة أمي سوت لبنتها حفلة كأنها فرح عشين ما يفضل شي في قلب بنتها الوحيدة وما همهم كيف يكون الفرح لأنه على العريس.. معليش عديتيها وكان غلط.. قدر الله وما شاء فعل. ثالثا: في مطاعم تعمل حفلات وديكوراتها أحلى من القاعات ( بين 6000 و 10000 ريال ) ليه ما تفكري فيها ؟ الصراحة لو منك الناس الصراحة ما تستاهل راح يجوا يعلقوا ويتعشوا ويمشوا وبس.. سوي حفلة صغيرة و إذا تبغيه يتدين سافروا شهر عسل مش أحسن ؟ جيبي مصورة شاطرة و بس هو هذا اللي يبقالك.. عموما أغلب الأفراح هنا على أهل العروس.. ولله التوفيق.. |
أخواني أخواتي أشكركم من صميم قلبي على ردودكم الرائعة و نصائحكم .. و ترى الكلام اللي بأقوله لكم ما قلته لأهلي و لا أحد ولا هو و لإني عارفة إنه مو كل شئ ينقال .. فأعتبروه فضفضة من أختكم أو حديث بصوت عالي و نفسي لو كنت على غلط إنكم تصححوني .. و أول شئ أنا ماعمري فكرت بالأشياء هذه و قبل كذة تنازلت عن أشياء كثيرة عشان أرضي الآخرين فماراح تفرق معي المرة هذه إني أتنازلها عشان خاطر عيونه .. تنازلت عن حفلة تخرجي مراعاة لمشاعر أختي الكبيرة و تقديراً لظروف الأهل و على أمل إنه ربي يعوضني إن شاء الله، و تنازلت عن الشبكة عشان أهله و أخواته و قلت بداخلي ( اللي ماله خير بأهله ماله خير بزوجته ) و مع إنه المفروض ما يكون هذا موقفهم ، بس احتسبتها عند ربي و حتى أمي كانت بتكنسل الزواج عشان عنادهم لكن الحمد لله إنه ربي هداني و هديت الأمور و قلت لأمي ( خلاص ما أبغى شبكة و أنسدت نفسي الصراحة و حتى لو هم قالوا خلاص ، فماراح أعمله ) .. و غيرها من المناسبات اللي تنازلها من أجل الآخرين و احتسب أجرها عند ربي و أقول بداخلي ، ياشييييييخة ..؟؟؟ عشان - وسخ دنيا - تتعبي حالك و تخسري اللي حولك ..؟؟؟؟ المهم .. كل اللي فوق عشان أوضح لكم إني مو من الناس اللي أهتم بالمظاهر أو بالفشخرة أو أو .. لكن أتمنى إني أفرح يوم واحد بحياتي ..؟؟؟ و بالنسبة للديون .. فكان ممكن أقول له ( لأ .. خلاص لا تتدين لو إني عارفة إننا راح نتعب بعدين ) .. بس أنا سكت لإني عارفة إنه إذا مو معاه ،، فأنا معاي و الحمد لله .. و أنا سكتت و ما قلتله شئ .. و لإني الصراحة أبغى أشوف هو إيش حيعمل عشاني ..؟؟ و نفس الوقت لإنه بوقت الشبكة مافكر فيني و لا في سعادتي و عذرته وقتها لإنه تونا مملكين و هو ببيت أهله فماحبيت أحطه ما بين نارين ..؟؟؟ لكن ألحين القرار بيده هووووو لوحده .. و أعرف نفسي إني من الناس اللي أضحي من أجل الآخرين إذا حبيتهم ،، فعارفة نفسي راح أضحي عشانه بإذن الله .. ( و رحم الله امرئ عرف قدر نفسه ) .. و بنفس الوقت أنا ماني أنانية و لا وصلت لدرجة البخل أو الأنانية أو أو .. علشان أجلس أتفرج عليه و هو يتعب عشاني أنا بداخلي و بنيتي و اللي ما يعلم بها غير ربي .. إني بعد الزواج إن شاء الله .. ما أخليه يعيش بديون و بأسددها من فلوسي .. و حتى أمي قالت بنساعدهم بالزواج ،، قلت لها ( لأأأأأ .. هو بيعملها بنفسه ) .. و ما قلت لها إنه بعد الزواج إن شاء الله بأساعده بالديون .. و لا بينت لأحد غيركم .. أتمنى تكونوا فهمتوني .. و أحيانا أجلس مع نفسي أفكر و أقول بأتنازل عن القصر .. بس و الله الشئ هذا مو بصالحه هو .. و لإنه هدفي من الزواج ( آخروي ) بإذن الله و أهداف أخرى ربي يعلمها .. و لإنه محافظ عالصلاة و القرآن و الحمد لله و من بيت محافظ و بار بوالدينه و أشياء كثيرة كنت أبحث عنها بزوج المستقبل .. و رفضت صاحب المال و القصر و النسب وووو إلخ .. عشان اللي ذكرته قبل شوي .. و لا طالعت أبدا يوم وافقت عليه ( زوجي أو خطيبي ) كم معاه ؟ و إيش نوع السيارة ؟ و إيش راتبه ؟؟؟ إلخ .. بإستثناء الإشتراط .. ( سكن مستقل ) <- قرة عينه .. لا توصي حريص .. ;) فأقاربنا مستغربين كييييييف فلانة ( و اللي هي أنا :29: ) وافقت عليه و هو على قد حاله ..؟؟؟ و لدرجة وحدة من قريباتنا قالت لأختي الكبيرة ( أحسه مو كفؤ لها ) .. :11: و زوج أختي مو مالي عينه خطيبي ،، لإن خطيبي ملتزم و على قد حاله هو ما يحب الملتزمين و مغتر بمركزه المرموق حبتين .. و عمري أنا ما خليت الشئ هذا ببالي و لإني قلت من البداية ما همتني زينة الدنيا .. و الرجال ما ينقاس بماله و لا بسيارته و لا بشئ غير ( خلقه + دينه ) .. لكن أتعجب من نظرة أقاربي ؟؟ يقيسوا العريس بكم معاه ؟؟ و إيش معاه ..؟؟؟ و علشان كذة أنا أبغاه يعمل القصر بمكان أرقى شوي .. و ما أبغى أقاربي يتشفقوا علي .. أو ما يحترموه أو ينظروا له إنه أقل منهم ..؟؟ و طبعاً ما أقدر أقول الكلام هذا له عشان ما أجرحه .. بس أنا عارفة أقاربي و أهلي و أولهم أختي الكبيرة .. و حتى أمي مرة خاصمتني و قالت ( زوجك فقير ) .. فأبغى أسكتتت الألسنة و أثبت لهم إنه ما جاء عشان فلوسي .. و لا عشان المركز الإجتماعي أو أو أو .. و هو أثبت لي الشئ هذا و الحمد لله إني على ثقة من ذلك .. و لإني استخرت ربنا و لإني كنت أدعي و ربي جاب لي الإنسان بالمواصفات اللي كنت أبغاها و أحسن و الحمد لله .. ( و هو و الله حلف لي إنه نفسه يعمله بالمكان اللي أبغاه و حتى هو نفسه يعملها بقصر.. لكن أمه تبغى أقل الأسعار ) .. _________________________________ كثرت الكلام معليه .. لكن أنا في حيرة ..؟؟؟ هل أتنازل مجدداً ..؟؟ و أحتسب الأجر عند الله ..؟؟؟ و ربي يطرح فيني البركة فأصير وجه خير عليه ..؟؟؟ لكن أخاف إني أندم مستقبلاً و تبقى بنفسي و تأثر على حياتي معه مستقبلاً ؟؟ أم إني أسكتت و أخليه يعمل الزواج بقصر و يكلف نفسه .. و بعد الزواج أساعده بتسديد الديون ..؟؟؟ و أكون بكذة سكتت ألسنة الناس و ما خليت أحد يتكلم عنا ..؟؟ و رفعت مقداره قدام أهلي ..؟؟؟ و أنا مو من الناس اللي أهتم بكلام الناس لكن الصراحة حضرت لزواج وحدة من زميلاتي قبل كم شهر و كانت بصالة جدا بسيييييييطة .. و كنت جالسة بطاولة مع بقية البنات و سمعت وحدة تقول للثانية - من بلد عربي - ترى إحنا زواجاتنا مو كذة أبدااااااااااااا .. و يبغالي أعزمك مرررررة عشان تشوفي كيف ..؟؟؟ ________________________________ احترت و الله ...؟؟؟؟؟ أخوي أحبك حبيبي .. اقتباس:
لكن بإستطاعتي مساعدته بعد الزواج ، إذا تدين عشان الزواج .. إيش رأيك ..؟؟ مو أحسن ..؟؟؟ اقتباس:
أخاف ياخذ مني و الشيطان يوسوس بداخلي وقتها إنه لو كان رجال ماكان رضي ياخذ منك ..؟؟ إيش رايك أخوي بالكلام هذا ..؟؟ هل هو صحيح أم خطأ ..؟؟ اقتباس:
و قلت له خلينا نفكر بالشئ هذا بعدين و بدون ما أحسسه إني عارفة إنه حالياً حالته ما تسمح له .. و سألني لو أبغى شغالة أو لأ ..؟؟ قلت له ما أبغى أحد يكون معنا بالبيت .. و حتى لو جاب شغالة مستقبلاً بأخليها تغطي عليه .. :D يعني إن شاااااااااااء الله أبدا ما حيقصر .. و قال لي لو معاي مية ريال بأعشيك بمطعم و لو معاي ريال واحد بأعشيك بلبن و عيش .. قلت له راضية .. و حتى لو بأعيش معك بعش عصفور .. :23: ( طبعاً أنا إنسانة و زي زي كل البنات و أشتهي أشياء و أشياء .. بس يكفيني هذا الإحساس منه و ربي يحفظه لي ) .. و أبشر بالعزيمة إن شاء الله .. :) بس أدعي لنا ربي ييسر لنا الأمور و يهدي أختك .. و اللي هي أنا :28: _________________________________ أختي بينكي بينك .. اقتباس:
لو أخذني واحد فأكون حريصة إنه ما يضحك علي و ياخذ فلوسي ..؟؟؟ بالفعل .. الفكرة ترسخت ببالي و بالعقل الباطن و إن شاء الله بأزيح الفكرة هذه عن بالي .. لكن يقول المثل ( كل فتاة بأبيها معجبة ) .. و أنا حاطة صورة أبوي هي صورة الإنسان المثالي .. و يوم تورط بمرة من المرات و جات عليه ديووووووووووووون كثيرة و لدرجة إنه باع اللي وراه و اللي قدامه .. فقامت أمي و باعت أساور الذهب تبعها و اللي كلها من فلوس أبوي .. و جابت فلوسها عشان تعطيها لأبوي و هو رفض إنه ياخذها منها و زعل منها .. و عمره ما أخذ أي قرش من مكافأة أختي الكبيرة الجامعية ..؟؟؟ و حتى أخواني الأولاد يوم أكون معهم مستحيل أطلع فلوسي و يزعلوا .. و هم اللي يحاسبوا من فلوسهم ؟؟؟ و هذا السبب .. و إن شاء الله يبطل العجب .. :) فلو تقدري تغيري أفكاري هذه .. فالله يجزاك خير .. ______________________________________ أخوي حارس الأزواج .. اقتباس:
و مثل ماقلت فوق .. أنا حاسبة الأمور من قبل : ) يعني أنا لو ما أقدر أساعده بعد الزواج و لا كان بإمكاني ذلك .. كنت خلاص تنازلت و سكتتتت .. لكن بإستطاعتي بإذن الله سداد ديونه ، بس ماني حابة أقول الشئ هذا له و لا لأهلي و لا أحد .. و مستحيل أرضى إني أشوفه عايش بهم و غم علشاني .. اقتباس:
و لإني أعرف الحديث ،، خير نسائكم بركة أقلهم مؤونة أو بما معناه ..؟؟ : ( بس أنا ما طلبت أشياء خيالية .. طلبت أقل شئئئئئئ .. طلبت بس قصرررررر .. حتى لو شئ بسيط ..؟؟؟؟؟؟؟؟؟ و لا عمري طلبت أي شئ منه و مو من طبعي أطلب شئ من أحد أو أحتاج لأحد ..؟؟؟ لكن استراااااااااااااااااااااااااااحة ...؟؟؟ ياخي استراحة هذه ممكن ألحين أستأجرها .. فما أبغى أهله يستخسروا فيني أقلللللل شئ .. و خاصة إني وافقت عشان دينه و خلقه .. و ماطلبت أي شئ ثاني ....؟؟؟؟؟؟؟ و أبغى أسألك يا خوي إنت و الآخرين ..؟؟ زوجاتكم .. وين عملتوا لهم الزواج ..؟؟؟؟؟ يعني أنا مو مثل بقية البنات من حقي أفرح بأقل شئ ..؟؟؟؟؟؟ : ( _______________________________________ |
الى الاخت الكريمة ( روح الطير )
اول شي الف مبروك و الله يتمم لك على خير ثانيا انا تفكيري كان مثل تفكيرك لاحظي كان كنت اقول اكثرهن بركة اقلهن ترحالا و شايفه وضع صديقتي الي تكلفت في كل شي و في النهايه ما تهنت في عيشتها و الحين هي شبه مطلقه و استهنت في كل شي حتى جهازي اشتريت اشياء جدا بسيطه و الملكه كانت اي كلام و فستاني كان جدا عااااااادي و لا رحت مشغل زوجة اخوي هيه الي زينتني و طبعا كانت في البيت و عز منا المقربين حتى صديقاتي ما عزمتهم و الزواج كان في قاعه عاديه جدا و الفستان استلفته من وحده ما ادري ايش اقول و ايش اخلي بس باختصار كنت مشيه حالي على الاخر لان وضع زوجي كان مو ذاك الزود و اهلي الحمد الله وضعهم وسط ما انكر انا الحين سعيده في حياتي بس ما انكر انا الحين ندمانه ندم ما تتصورين اني استهنت بالموضوع و مشيت حالي لمن اشوف الي حولي تزوجي احسن زيجه و في قاعات حلوه و ايش على ديكورات و على عشا و لمن اشوف جهاز العروس و انها اشترت كل شي في نفسها انقهر . انصحك لا تبالغين بس لا تستهينين بنفسك خذي و سوي الي في خاطرك بس لا تبالغين و الله يوفقك و يسعدك آمين اللهم آمين |
اول شي الف مبرووك الزواج اختي :14:
ثانيا بصراحة مستغربه ..انا عارفه وفاهمه رغبتك في الفرح وهذا شي من حقك ومن حق اهلك وصديقاتك يفرحون فيك بدل اللي صار من مشاكل قبل... لكن مستغربه انك رافضة نهائياً انك تساعدينه علشان ماتكوني انتي اللي دفعتي مصاريف عرسك وبنفس الوقت عادي عندك ان تكون مصاريف عرسك من الغير وتقولين انك راح تسددين معاه الديون يعني انتي بالنهايه راح تكونين دافعه من جيبك نفس الشيء يعني <-- انلحس مخها :23: انا بالنسبه لي اقتنع بعرس بسيط ولا افرح ليله وحده ادفع تكاليفها سنوات هذا غير نظره زوجك لك انك السبب في إراقه ماء وجهه واحراجه بالدين والسلف مع الناس وصدقيني ليله العرس الكل راح ينساها مع الايام لكن هو ماراح ينسى ديونه وراح يذكرك كل ما حان وقت التسديد :( انا عندي لك حلين: اذا كنتي تمونين على زوجك بقوه ممكن تقولين له انك راح تسلفينه المبلغ .. وانه ياخذه منك احسن مما يتسلف من الغريب او انك تبحثين عن قصر افراح مناسب وتحاولين تقلصي الميزانيه قد ماتقدرين .. يعني نقصي عدد المعازيم والطاولات والعشا اطلبيه من مطعم ارخص .. واقتصدي في الكوشه والتصوير والطقاقات واذا الحلين ماناسبوك خلاص استخيري وارضي بالامر الواقع ياما ناس اعراسهم كانت قمه في الفخامه لكن ماربي وفقهم ونصيحه مني لك لاتصري على زوجك وتضغطي عليه وتخليه يسوي شي مو من طيبه بس علشان يرضيك لأن هالشي بينعكس عليه بليله عرسه وبتشوفي التكشيره على وجهه كيف :( .. :d حتى لو كان عرسك بسيط لاتفكرين ابد وعيشي اللحظه وانبسطي واستانسي قد ماتقدري .. هي ليله وحده ماتتعوض .. وحرام تضيعيها بالهم وضيقه الخلق ترا كلام الناس ماله اخر حتى لو كان عرسك بأفخم قاعه ماراح تسلمين من الانتقادات .. اهم شي انك مرتاحه نفسياً وبس :25: تحياتي |
اختي الحبيبة
ألف مبروك مقدما وان شاء الله كل أيامكم افراح ما هي الشببكة؟ هل تقصدين المهر؟ هل تنازلت عن مهرك؟ اذا انت فعلا تنازلتي عت مهرك وتكاليف القصر اغغلى من المهر اذن اجعليه يعطيك مهرك لانه جقك الشرعي وعن القصر اذذا كان غير بأمكانه فسيؤثر الديون على حياتكم وأول وتالي ستضطرين ان تساعديه كل شهر لتسديد الديون وفقك الله حبيبتي |
العزيزة اختي الحايرة في امرها :11: روح الطير
شوفي يا بنت الناس بدل ما تتعبي نفسك و تضيعي وقتك و انتي تكتبي لنا و تخلقي لك جو من التفكير اللا منتهي روحي حبيبتي صلي لك ركعتين و اقراي قران لحد ما تحسي انك ريحتي نفسيتك و بعدين سوي الاتي **رتبي حساباتك من البداية بورقة و قلم عزيزتي اكتبي تكاليف العرس و حاولي تسويها بابسط ما يمكن ان يكون **لحد الان انا ما فهمت ايش الشبكة بالنسبة لك هل هي الذهب الرسمي اللي ينعطى للعروسة في العرس و الا اللي ينعطى لها في الملكة مع الدبل ان كان ع ذهب العرس فلا انصحك ابدا بالتنازل عنه و ان كان ع اللي ينعطى في الملكة فلا تتعبي نفسك و تدوري لك على وجع قلبك و راسك يا اختي انا ان كان عن نفسي ما عطوني في الخطوبة الا الدبلة و ساعة عادية جدا مو بماركة و لا هم يحزنون عديها و هو بيعوضك في منايبات احلى و احلى يا قلبي و طمنتيني يا حلوة انك بتكوني ببيت مستقل :22: و لا تفكري باي تفاصيل اخرى و ما حدش عرس الا مشاكل و لا بد منها شر لا بد منه تعرفي الان مفروض انك تكوني شاغلة نفسك اختي العزيزة بالترتيب نفسه مش بالقاعة و القصر و اللي معرفش ايه توكلي على الله و هو خير المتوكل عليه طمنينا عليك يا حبوبة :) |
صراحة اختي الغالية
زواجي كان في المسجد وانا في امريكا أي نحن لا ندور على الغالي ومهري كان قليل جدا وعندما تطلقت تنازلت عن مؤخري ليس مهم غلاء القاعة عمري المهم مكان مريح وجميل حاتى لو كان متواضع..انتم زينوهعلى ذوقكم |
اختي اذا اردتي ان يستمر زوواجك و توقفي مع زوجك
لا تعطي اذنك لاحد و لا تقعدي تحللي نظرات العيون لان امك عاشت حياتها ووقفت مع والدك الله يرحمه و ما انتظرت احد يوجهها فمو من حقها تقول لك زوجك فقير و ما اعرف ايش المهم قناعتك بيه و ان بعد عسر يسر اختي الحياه نعيشها مره و الله يجازينا على صبرنا بعدين سالتي عن اعراسنا اهلنا و قفو مع ازواجنا مو لخاطرهم لخاط بناتهم ما تظل بنفسهم حاولي تكوني بهلكم يوم فرحانه و سعيده اذا شافو انك فرحانه و ما همك كلامهم يسكتو ومحد اله كلمه عليكي ليش منزله قيمتك وقيمه زوجك من الان يا اختي غلط تحطي نفسك بهالموقف ياثر عليكم بعدين وما دام اهلك و قرايبك من الحين قاعدين يتكلمو فما حيتغير شي بعد الزواج يا اختي اوقفي مع زوجك بهلكم يوم بدايه حياتكم وتكسبي خير الدنيا و الاخره جددي نيتك على طاعه الله بطاعتك لزوجك و رغبتك ببناء بيت قايم على طاعه الله حتى يرزقكم و بالمال و البنون الكثير من الناس محرومين من راحه البال و من الزواج نفسه انت بخير و نعمه الكثير مو لاقيها اتعوذي بالله من الشيطان و خليكي فرحانه احلى الايام ما تتعوض فلان تضيعيها بقال فلا و ما سيقوله علان |
بصراحة ولا تزعلين مني
نبرتك وانت تتحدثين عنه فيها نوع من الترفع والكبر وانت يوم اتقدملك كنت عارفة انه على قد حاله وكان المفروض تحطي في بالك ما في قصر ولا اعراس فخمة استخيري الله في هذا المر وفي غيره من الامور الي يخص زواجك منه وعذرا على الجواب الصريح |
شوفي اختي روح الطير ....
انا ماعندي رد على موضوعك بس في نقاط او اساسيات بالحياة الزوجية الرجاء انك انت تقدريها ... اولا اختي الكريمة انه يستحب الى ابعد الحدود ان يكون المستوى المعيشي على قدر من التساوي عشان لاتحصل مشكلة مثل مشكلتك ثانيا اختي الزواج شرااااكة في كل شيء من الالف للياء من فرحة من حزن من الم من بكاء من مال من بنون من ذرية من حياة من اسرار من كل شيء بالدنيا ثالثا اختي الكريمة انا اقول انه من حقك تفرحي مو يوم واحد من حقك تفرحي طول حياتك ومن حقك تحلمي وتتمني وتقولي ابغا وابغا وابغا بس خليكي فاكرة انه انت اللي اخترتي الزوج داه مو من خصي عن حب ولا لا بس انتي لازم ترضي باللي ربي قاسمه ليكي ولزوجك ومعليه اختي راح كون قاسي شوي بس مو من حقك انك تقولي انه انا ابغاه يكون في قصر حتى لو رخيص وانتي عارف امكانيات زوجك انها دون المستوى وانت اخترتي هذا الشيء وكان واحد من حقوقك انك تتمسكي بالشبكة بل في بعض العلماء والمفتيين يقولون انه الشبكة واجبة امل انه ردي مايكون قاسي شوي وانا حبيت اكون صريح معاكي لانه على قولهم الصراحة راحة والسلام عليكم |
| الساعة الآن 10:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©