|
سـاعـدونـي ،،، عجزت معاه
تـرددت كثيرا قبل طرح مشكلتي أو بالأصح فرع بسيط من مشاكلي
ولكن قد يكون الحل عندكم مع إني جربت جميع الحلول وكلها فشلت زوجي كثير السفر و سفرياته سببها مو سياحة ولا تغيير جو لكن لشيء لا يرضي الله اللي قاهرني إنه بخيل يستخسر فيني أنا وولدي الريال و كل شيء أحتاجه أنا أشتريه من فلوسي حتى غرفة نومي والانتريه ووو الخ الخ والله مو بخل مني ،،، الفلوس ما تهمني،، لكن هو معاه خير ويبخل علي حتى إيجار البيت يصر إني أساعده فيه وإذا ما ساعدته يهددني إنه يخليني أروح أسكن ببيت أهله جربت كل الأساليب،، وما أحب إني أشكي لأهلي لأن إللي فيهم كافيهم تعبت من انانيته وحبه لنفسه هالمره يقول بيسافر لدولة عربية وش أسوي الكلام بالطيب ما نفع ويوم عليت صوتي تعبت انا وهو ما إهتم تكفون ساعدوني |
الحقران ...
بيني له انج مب مهتمه خليه يسافر على كيفه ولا لا لا ذكريه برب العالمين وانتي في السياره شغلي شريط عن عقوبة الزنا ... مثلا خلي يسمعه ولا تبينين له انج قاصدته |
يو يو يو..
ماتخافين ينقل لك إيدز وبلااااااااااوي .. لاحول ولاقوة إلا بالله .. خوفيه بالله ، وكوني حازمة .. أسال الله أن يصلحه ويفتح على قلبه .. |
مشكووووره أختي الغاليه على مرورك
انا ياما نصحته بس هو يحلف انه ما يسوي شيء يقول انه يشرب ويروح مراقص وانا نصحته وحاولت وهو ولا سأل جزاك الله خير |
أكثري عنده من ذكر هادم اللذات ( الموت )
ذكريه أن العمر قصير ، ماذا لو مات وهو شارب أو في مرقص ذكريه أن الروح تصعد من الجسد حال الموت إلى السماء فإن كانت زكية فتحت لها الأبواب وإن كانت نتنـة هوت إلى الارض وإلى الجحيم ذكريه بضيق القبر وأهواله حين يكون وحيدا تحت التراب أفيقيه من غفلته كم مسافر عاد لدياره في تابوت والله أعلم ماكان عليه حاله عند الموت0 نسأل الله له الهداية |
لا حول ولا قوه الا بالله............
ادعي له بالهداية........... الله يهدية ويرده اليه ردا جميلا............. امين. حاولي تجربين معه اسلوب ثاني............. ذكريه بالله.... خوفية من الله.........باسلوب هادي.... ومافيه استفزاز.......... تقربي منه اكثر........... |
اقتباس:
ممكن توسطي اهل الصلاح لينصحوه |
الله يهديه
ادعي له بالهدايه قولي تخيل تجيك بنت وتسوي مثل ما سويته ولا ولدك هذا يكبر ويدخل علينا في البيت سكران ولا معه بنت حاولي معه انه يتخيل |
لاحول ولا قوه الا بالله الله يهديه
|
الله يكون معاك..
اللي مافيه قلبه خوف من الله مشكلة..قلبه يصير ميت.. بس حبيت انصحك انك لا تحطينها مشكلة عند كل سفرة.. لانه ماراح يسمع لكلامك.. وراح يشد ويخلي الموقف ضدك.. يعني اذا قال ابسافر قولي تروح وترجع بالسلامة وعامليه عادي كانه مسافر للشغل.. اعرف صعبة بس اذا كان هذا طبعه فصعب تغيرينه صعب.. شوفي جربي هالمرة ويمكن تجيب نتيجة.. خليه على الاقل تكون نفسه تجاهك راضية وقت السفر واستقبليه بهدوء اذا رجع..واذا كلم وقت السفر عطيه من الكلام الحلو ..واذا رجع احيي له ليلة رومانسية وخلالها قولي له بالكلام الحلو.. عاد لا تحرمنا المرة الجاية من الطلعة معاك لانه اذا راح وهو متمشكل معاك ورجع والمشكلة قدامه طبيعي المرة الجاية يشد اكثر.. طبيعي لان المسألة عنده صارت كلش بالغصب! يعني ماعلي منك راضية والا زعلانة.. بس اذا حس ان الموضوع ممكن يمر بهدوء فصدقيني راح يسعى انه يخفف من التوتر شوي.. وعليك بالدعاء لانه ما احد يقدر يغيره غير ربه... |
أختي.........حاولي تسمعيه شريط ( نقطة تحول).........أو حكيه عن البرنامج اللي طلع في التلفزيون عن واحد كان مثله يسافر ويسوي حاجات ماترضي الله..........ورجع وجاب معاه الايدز لزوجته وعياله.........
خوفيه من المرض دا......وقوليله ان ( الكبوت) لايحمي الا من 70% من احتمال اصابته بالمرض..........يعني ما في حل انه يبتعد عنهم.................. والله يعينك أختي................. فمان الرحمن.................... |
أختي الغالية زرقة البحر مشكورة على الرد
ولكن الشغله ما توصل لللإيدز لأنه إيه يروح مراقص ويشرب بس هو يحلف على المصحف إنه ما يلمس أي بنت و هو يخاف من الحلف على القرآن لكن اللي قهرني هو إنه يبخل علينا ويصرف فلوسه على شيء ما يستاهل أشكرك مره ثانيه و أسعدني جدا مرورك |
الأخ الكبير
أنا أذكره بالموت ولكن هو ما يستجيب أو بالأصح ما يحب إني أتكلم في مواضيع زي هذي حتى ولو غيرت الإسلوب أذكر في مره حكيت له حكاية الصحابي سعد بن معاذ و تأثر من القصة لدرجة إنه بكى وراح يحكيها لأصحابه و سمع القصه من هنا وسافر من هنا يعني هو بإعتقاده إن اللي يسويه شيء عادي أشكرك على ردك وعلى نصائحك |
why_not
أشكرك على ردك على موضوعي و هذا هو الحل الوحيد الــدعـــــــــاء و بالنسبة للنصائح فأنا جربت معاه بأكثر من إسلوب لأنه عنيد وراسه يابس رغم هدوءه و ما يحب أحد ينصحه جبت له عن طريق حكاية لفلان وعلان عساه يحس ولكن ما يفيد وياه شي زي ما حكيت في الرد السابق حكيت له حكاية سعد بن معاذ وتأثر وبكى وراح يحكيها لأصحابه وسمعها من هنا وسافر من هنا أشكرك على نصائحك المفيده لك تحياتي عـبـورهـ |
أختي الغاليه جواهر اللؤلؤ
مشكوره على مرورك ولكن ما ينفع معاه اسلوب توسط اهل الصلاح لأنه ما يجلس معهم لك تحياتي عـبـورهـ |
أبو رواء أشكرك على إهتمامك بالموضوع
و صدقني جرت هالاسلوب معاه وما نفع و بالعكس مرات يسمع ولدي يقول كلمة حرام تسوي كذا يقول شفتي الولد صار متخلف كله منك!! ولكن الله يسمع منك ويهديه لك تحياتي عـبـورهـ |
أختي الغاليه واقعيه
مشكووووره على مرورك ويارب يسمع منك ويهديه ربي لك تحياتي |
الـغـالـية إتـكــــاءة حـرف
أسعدني جدا جدا مرورك وردك الرائع وقفت كثير أمام نصيحتك وحسيت إنها أقرب شيء لي لأني ما أحب الهواش والمشاكل وهو إسلوب الزن ما يفيد معاه لأن راسه يابس وعنيد ولكن أختي تخيلي في أربع شهور سافر ثلاث سفرات حتى بوسط الدوام يسافر وفي اكثر سفراته أستسلم ولكن إلى متى !!!!! و الكلام الحلو اللي أقوله يا كثره ولكن دائما رده يكون (( إنتي متأثره بالأفلام والمسلسلات )) أما بالنسبه للدعاء فهذا هو الحل الوحيد و أنا أدعي وعسى الله يستجيب لك تحياتي عـبـورهـ |
مجرد إحساس أشكرك على مرورك وعلى نصحك
ولكن هو مستحيل انه يسمع أشرطه من هالنوع أما بالنسبه للإيدز فالحكايه ما توصل للايدز لأنه بس يشرب ويحلف على المصحف إنه ما يلمس بنت وهو يخاف من الحلفان على المصحف الله يسمع منك ويعينني لك تحياتي عـبـورهـ |
السلام عليكم
أختى تقولين فى كل مرة هو بس يشرب أتظنين أنه قليل إنها رأس كل شر وهل تتوقعين من يسافر و يكلف نفسه كل هذا الجهد ل يفعل كل شء و من هذا شكله هل يصدق حلفه إذا كان أصل يسمى الحرام و الحلال تخلفا أختى اصحى من غفلتك و تقربى من ربك و ادعى له و ادعيه بالحسنى و دخلى أهلك أو أهله فإن الموضوع لا يسكت عليه و إن لم يرجع فاسألى هل بقائك معاه شرعى أم لا فهذا أولى من أن تبحثى فقط عن المصروف |
اللهم شباب المسلمين وشيابهم ونسائهم
اااااااااااااااامين ادعي له في جوف الليل ودائما ذكريه بالله وقولي له ان الموت ياتي بغته فكيف لو جاءه في هذا المرقص والعياذ بالله فكيف ستكون النهايه والاعمال بالخواتيم |
اختي اذا بس يشرب يعني يسكر شعرفك انت ولا حتى هو لما يسكر شي سوي
انا ما كاعدة اشكك بزوجك بس اشوفك تشتكين من سفراته وبخله وما تشتكين من سكره وهذا بلاء عظيم اختي حاولي تعالجين مسألة السكر و المراقص لان اذا كما تقولين ما يزني (عينه تزني) فالمراقص راح تجره للزنى روحي عند اهلك او اهله و حلي هذه المسألة قبل ان تتفاقم |
الفاضلة نرجس
رويدك رويدك أنا لم أطرح مشكلتي أمامكم حتى تنال الاستهزاء منك ولا حتى لأبحث عن9 أحكاما شرعية قد تخصص لها علماء بالدين و لا حتى لتحكمي علي بالغفلة والبعد عن الله في بداية مشكلتي ذكرت إنها مشاكل وليست مشكلة واحدة و عرضت عليكم جزء وهو سفر زوجي و بخـله علني أجد منكم حلاً شافياً أنا ولله الحمد لست في حاجة المصروف من زوجي فأنا موظفه ولي راتب يكفيني ويزيد ولكن نقطة ضعف زوجي الوحيدة هي المال لأنه ((بخيل)) فلو أهتم ببيته لم يجد هناك فائض مالي يسمح له بالسفر لأنه مستحيل أن يشرب داخل السعودية بل يسافر لهذا السبب فكلما كان بعيد عن السفر كان بعيد عن الخمر وهو لله الحمد يصلي بالمسجد و يعيش حياه طبيعية حتى يأتي وقت السفر من يرى ما كتبت يقول إني عادي عندي زوجي يسافر ويشرب لو كان الخمر قليل في نظري لما كنت طرحت عليكم مشكلتي أرجو منك أختي أن لا تتسرعي على الحكم على الناس بالغفلة والبعد عن الله فهذه كلمات ليست بسيطة فخراب زوجي لا يعني خرابي أنا و شكرا |
أختي الغاليه مضاوي
أشكرك على نصيحتك الــدعـــاء وهذا هو اللي سويته عسى ربي يستجيب دعوتي لك تحياتي عـبـورهـ |
شكرا لك يالفلوجه على هالكلام المفيد
فعلا معك حق في كل كلمة أنا لم أرى شكل زوجي وهو سكران ولا أعلم كيف يكون لأن هذا كله يحدث بسفره و ان شاء الله سأخبر أمه بالموضوع علها تساعدني فيه مع اني عارفه انها ما راح تقدر تأثر فيه هالانسان ما يقدر عليه غير ربه يعني سلاحي هو الدعاء الله يعينني شكرا مره ثانيه على نصيحتك لك تحياتي عـبـورهـ |
اختي الشراب والمراقص هذي مصيبه تجر وراها البلاوي والرجال يعترف ومستمر بالشراب والخرابيط
ومن كلامك مادري حسيت انك تتكلمين عن الشراب والمراقص عادي بس شوفي ترا بدايه الضياع غلطه صغيره وتكبر وتكبر حاولي انك تبترينها سواء كانت ايجابيه او سلبيه اختي ذكريه قولي لو يجيك الموت ونت بالمرقص ولا تشرب وش بيكون مصيرك الله يهديه ويصلحه ولا تفكرين اننا نرمي عليك الكلام انتي طرحتي مشكله وكل واحد رد عليك على حسب فهمه للمشكله اذا كان ردي شافي ادعيلي ولزوجتي بالشفاء وذا ماكنت فاهم المشكله بشكل صحيح اتمنى انك تسامحيني على القصور وعلى ردي تحياتي |
الأخ نايف لو كان الشراب والمراقص عادي ما كنت شكيت لكم
أنا نصحته وهو ما فاد فيه نصحته بكل الطرق ولكن ما فيه فائده وإلا ما كنت قلت إني عجرت معاه الله يسمع منك ويهديه ربي شكرا لك |
حاولي تجربين معه اسلوب ثاني.............
ذكريه بالله.... خوفية من الله.........باسلوب هادي.... ومافيه استفزاز.......... |
أختي الكريمه عليك بكثرة الدعاء لزوجك أن يبعده عن المنكرات وان
يهديه الله وأن يجعله زوج صالح لكي ويسعدكم بالدنيا والاخره ...... أختي الكريمة عبوره أكثري من الدعاء لزوجك ولاتيئسي من الدعاء أخر الليل والصلاة والاستغفار الله يسعدك في الحياة الزوجيه أخوك الذويق |
بسم الله الرحمن الرحيم
أختي!
كيف تتحملي العشرة مع شخص يرتكب المحرمات والكبائر! كيف تطيقي أن يعاشركِ شخص يشرب الخمر! :( وكيف تنجبي منه أطفال!ألا تخافي عليهم! مجرد النطفة من شارب الخمر تؤثر على الطفل أيما تأثير .. مجرد يشرب قطرة واحدة أو نصف قطرة! يؤثر كثيراً وتبقى في الأطفال وتؤثر على أفعالهم وسلوكياتهم وأفكارهم مدى حياتهم .. وليس بالسهولة التخلص من هذا التأثير أختي .. تطلقي منه ولو كنت مكانكِ والعياذ بالله كفانا الله .. ما جلست ولا ثانية واحدة ولا اقتربت منه ولا قرّبته مني ولا جلعته يقترب قيد أنملة ولو على قص رقبتي إذا ما فاد فيه شي ولا تاب .. اتطلقي منه وخبري أهلك عنه .. لا يجوز السكوت ولا تأكلي من عنده ولا تأخذي أموال .. فلا تعلمي من أين أتى بها! وإن اللقمة الحرام تؤثر ولو كانت مقدار خردل .. فهي تؤثر :19: |
زوجك لن ياتي بالعناد
هناك طريقه واحده لايقافه عن هذه الكبيره لابد ان تكون هزه عنيفه تاتيه توقفه عن هذه المعصيه او ابتلاء لكم اساليه هل تريد ابتل؛اء من الله في احد منا عافاكم الله و حفظكم و ابعد عنكم السوء |
السلام عليكم
أختى اعذرينى فوالله ما قصدت ألإستهزاء و لكن لا حظت كما لاحظ غيرى أنك تتكلمين عن الشرب بأنه أمر عادى خاصة فى ردك على زرقة البحر و أنا عندما ذكرت الغفلة ما قصدت بها أنك لاتخافين الله بل قصدت أنك كيف لا تتوقعين منه الزنى وهو يشرب الخمر وأنا كيف أحكم عليك بالبعد عن الدين و أنا لم أعرف منك شئ فلله الحمد أنا أبد لا أستطيع الحكم على شخص بالغفلة و البعد عن الله حتى و إن عرفت عنه أكثر مما عرفت عنك و على كل حصلا المقصود من كلامى وهو أنك وضحتى لنا الرؤية و تعاملك مع ألأمر و أسأل الله أن يهدي زوجك و يفرج كربتك يا حق و آسفة إن كنت أخطأت بحقك |
.... يحكى أن رجل قيل له إما أن تزني بهذه المرأة أو تقتل هذا الرجل أو تشرب الخمر ففضل شُرب الخمر على الزنى والقتل فلما شرب الخمر زنى بالمرأة وقتل الرجل ,, ولكِ تحديد هذه الحكاية فالخمر أمره عظيم وخطره جسيم !!! |
أشكر جميع من شارك في حل مشكلتي
الأخت الغاليه نرجس آسفه ولا تزعلين يمكن أنا ما صغت المشكله بشكل جيد ولكن كانت نفسيتي تعبانه ومنهاره وما بيدي شيء اسويه الحل الوحيد هو إني لازم قد ما أقدر أبعده عن السفر بروحه لأنه انسان طبيعي وش زينه واذا جا طاري السفر انقلبت موازينه والحمد لله دعيت ربي طوال شهر رمضان واستجاب دعائي غير زوجي رأيه بعد أن عزم على السفر و ما سافر اشكر الكل على تفاعله أختكم عـبـورهـ |
| الساعة الآن 03:53 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©