خطيبي أصبح غير رومانسي
 

السلام عليكم .. نحن الحين كملنا 5 شهور مخطوبين .. بس خطيبي مادري ليش بدا يتغير :( ... مستوي مب رومانسي ماعرف ليش :25: .. اول شهرين كان متولع فيني بس يبا كلمني 24 ساعه :23: .. وانا كنت واااايد استحي منه .. هو اللي كان يقولي كلام حلو و يتغزل فيني وانا استحي واسكت .. ويقولي لين متى مستحيه .. انا ابا اكسر الحواجز اللي بينا تكلمني وياي عادي.. لين ما خلاص تعوت عليه و استويت انا بعد آخذ واعطي وياه في الكلام و حتى الكلام الرومانسي .. لين ما انقلب الحال و استويت انا بس اللي اتصل و اقول الكلام الحلو والرومانسي و هو لا :29: .. قبل كان كل يوم مسج وعقب شوي شوي قام يخف المسجات الحين شهر كامل ولا طرش مسج ويوم اقوله وين مسجاتك الحلوه.. يقولي ما عندي مسجات محد يطرشلي :( .. انا مب طماعه وماقلت ابا كل يوم مسج بس اباه يعبرني عالاقل يوم اطرش له مسج يرد عليه مب طاااااف :19: .. حتى المكالمات قلت وااايد ... استوا عادي عنده لو يكلمني كل 3 ايام خمس دقايق بس .. ويسكر بسررعه ويقولي فيني رقاد وتعبان :mad: .. مع انه قبل اذا ما رديت عليه يوم واحد.. اليوم الثاني يعاتبني و يوم اقوله انشغلت و مافضيت الا الفليل .. يقول ليش ما اتصلتي الفليل اقوله خفت تكون نايم.. يقول عادي لو نص الليل اتصلي .. والحين اكلمه من وقت وايد ويقول بخلييج الحين فيني رقاد و اذا طوول احسه مجامله .... استويت انا للي كل يوم اتصل فيه لان اذا ما اتصلت هو ما يتصل حتى فكرت و قلت يمكن انا وايد عاقه عمري عليه بتغلى يمكن يشتاق :d .. بس بعد ماشي فايده... الاسبوع اللي طاف .. سبوع كامل ما اتصلت فيه . .ما اتصل فيني وفوق هذا زعل بعد ... يوم اتصلت و سالته ليش ما تتصل اسبوع كامل يالظالم .. يقول وهو زعلان انتي سئلي روحج ليش ما تتصلين ,, اقوله اذاما اتصلت يعني خلاص ما تتصل يمكن صار فيني شي لا سمح الله .. يقول يمكن انا صار فيني شي ليش انتي ما تتصلين.. ليش ما تسئلين... :( والله تعبت نفسيا كلام حلوماشي .. اهتمام ماشي .. هذا ونحن بعدنا في بداية الطريق وهو جي ,, عيل باجر لو تزوجنا وصرت وياه في بيت واحد كل يوم يشوفني كيف بيكون .. انا اللي اعرفه فترة الخطوبه تكون احلى ايام وانا ما بنكر ان اول الايام كنت احس عمري في عالم ثاني .. مغرقني حب .. بس الحين مادري شو اللي تغير .. ادري يمكن تقولون معظم الرجال مب رومانسيين وما يعرفوني يعبرون .. بس هو كان في البدايه غير ووالحين بدا يتغير ...
حتى مرات اوسوس واقول يمكن قبل كان يمثل علي و يسوي عمره متولع فيني .. وساعات اقول يمكن الغلط فيني انا لازم اقوله الكلام الحلو عشان يتعود.. وساعات اقول اكيد انا ابالغ ...... بس والله تعبت وانا افكر .. عطوني حل

حبيبتي الحل كلة بيدك انت الرجل يمكن يكون تعبان لازم تسانديةواذا كان عصبي تهدئينة وذا كان مرتاح علىالاخر ابد لا تعكرينة وراح تشوفين هذه الوصفة شلون تنفع ودائما خلي الكلام الحلو عنوانج وحاولي ان لا تفاركج الابتسامة من اجل سعادتة فانا شعاري هو انا شمعة احترق من اجل زوجي الذي احببته واوال الحب سلام واخره تضحية

ان شاء الله حضك كل السعادة تحياتي للجميع

msodn ... عفواااا .. بس ليش تشكرني ماعرف



سراوي ... تراني ها اللي اسويه وماشي فايده .. اعطي واعطي و مااحصل شي بالمقابل .. وقبل كنت ما اعطي شي احصل بالهبل

الله يسامحك

تقرون وما تردون عليه :(

و الله أختي ما أدري وش أقلك أنا مشكلتي أكبر من مشكلتك , أنا عمري ما سمعت كلام حلو و حنا مالكين من 7 شهور ! و لمن أقله يقول لي أنا كدا مني رومنسي وش أسوي و لمن أرسله مسجات ما يرد ! بس أنا أعرف إنه الحل الصحيح هو حل الهنوف جزاها الله كل خير .

ماقلتي وش رايك ....


توافقيني بالراي وإلا لا ....؟

الهنوف تسلمين ولج الف شكر مني
صحيح اني لي حين مو متزوجه بس نصايحك درر
الله يوفقك

مشكورة يالغاليه ... night2005 ... والله يرزقك بالزوج الصالح اللي يسعد قلبك ويقدرك إن شاءالله ...


والله يصلح لها خطيبها ويجمع بينهم بكل خير ....



تحياتي

حبيبتي الرجال كلهم يحبون المرأة اللي تدلله وتخليه يعيش فووووق السحب ويحس انها هيمااانه فيه ..

حاولي انك (تكسرين عينه) على مايقولون.. يعني : اذا ما ارسل مسج انتي ارسلي مسجين واذا ما اتصل انتي اتصلي وقولي له قبل اي شي اشتقت لك حبيبي .. ولهت عليك.. وحتى لو تتغلى علي انا احبك....

وصدقيني راح يذوووووووووووب

طبعا انتي لاتتوقعين انه يتغير في خلال يومين؟؟؟؟؟

يبغى له شوية وقت مو اكثر
وانتي اسألي عنه باستمرار.. وحسسيه ان هو كل شي بحياتك وراح يتعلق فيك لان الرجال مايحتمل ان يشوف امرأه تحبه ويتجاهل ..
ولو تجاهل فهي مده قصيره جدا جدا ..

المهم المهم..............اغمريه بالحب والحناااان والاهتمام .. وراح يجي عندك يطلب الرضااااا منك...


,,,,,,,,,,,صغيرونه متزوجه,,,,,,,,,,

انا نفس المشكلة بالظبط وتعبت
احيانا اشعر انه مل واحاول اغير من تصرفاتى وكلامى ومظهرى واحيانا اقول يمكن حس انى اصبحت سهلة بالنسبة فاتمنع واتقل
والله تعبت وجربت كل الوسائل
وخايفة انى ابدأ حياتى الزوجية بالملل ده

تسلمون كلكم.. بس الحين ما يفيد شي لانه خلاص انا طلبت الانفصال

كنت اتمنى اخوانا الشباب يردون عالموضوع عشان اعرف رايهم لانهم من نفس الجنس

بس خلاص الحين ما يفيد شي ..تحطمت كل الاحلام