|
مشكلة بسبب علاقة الزوج وأخته
يعطيكم العافيه اخواني واخواتي
بأدخل للموضوع اتصلت بي صديقتي تحكي لي مشكلتها نصحتها بأشياء استفدت منكم فيها بأحكيلكم القصه واطلب منكم المساعده لصديقتي - صديقتي متزوجه من سنه ونص ولها بنت هي عمرها 23 وهو 33 سنه هي عباره عن كذا مشكله اولا: مايحبها تشتري ملابس مغريه له يعني اذا جات تشتري قمصان نوم يشتري لها القمصان الطويله القطنيه شكلها جدا عادي بحجة انه يخجل يشتري هذه الأشياء وما يبغاها توصي احد يشتري لها . ما يحبها تلبس بناطيل يقولها تشبه بالكفار مع العلم ان هذا اللبس لها وله يعني انا من يوم ما عرفتها وهي تلبس تنانير طويله وسوده حتى بعد ماتزوجت يعني هو مايبغاها تلبس حتى في البيت له هو ثانيا : يبغاها تحكي وتدردش واذا حكت قالها (ياكثر مايحبون الحريم الحكي) واذا سكتت يقولها تحكي ولا تنزلي من السياره او شي زي كذا. ثالثا: في رمضان سافروا عند اهله وهنا المشكله تقول طول وقته مع اخواته وخصوصا الصغيره (اللي من سنها) اذا دخل الغرفه ينام وراحت عنده يلبس ويخرج اذا طلعت من الغرفه دخل ------ ما يعطيها خصوصيه بينهم طول الوقت يأخذ اخواته معاه تقول اول مكالمه بينهم فترة الخطوبه قالها انا احب اختي كثير------- تقول اذا دخلت عليهم اخته يقوم يبوسها من راسها وكتوفها تقول احس فيه انه مشتهيها . المهم صديقتي تحب زوجها مررره تقول انا احبه بس ماني قادره اكلمه ---- اذا كان تعبان ماني قادره المس جبينه تحس في بينها وبينه حاجز صار اسلوبها مررره عصبي ومستفز صارت جافه مرره ارجوكم ابغى رأيكم في هذا الموضوع ايش الحل ملاحظه : الزوج من معتقداته ان الرجل مايفتح فمه الا عند التثاوب. الزوج ايام عزوبيته لم يسكن عند اهله يعني اهله في بلد وهو في بلد الزوجه لها كلمات استفزازيه اذكرها لاحقا انتظر ارائكم وحلولكم سامحوني طرحت الموضوع بسرعه لضرورته واستعجالي |
لاتعليق
المكتوب واضح من عنوانه والسلام ختام |
تقولين ...
تقول اذا دخلت عليهم اخته يقوم يبوسها من راسها وكتوفها تقول احس فيه انه مشتهيها . يا شيخه عيب عليكي ... هذا قذف |
فيه ناس كثير يبوسون اخواتهم ويحضنونهم وهذا مايعني انه يشتهيها استغفر الله العظيم يااختي اتق الله ان بعض الظن اثم وبالدليل هو تكلم عن اخته قبل مايتزوجها انه يحبها حرااااام اتقي الله واستغفري ربك
|
اولا اعتقد ان صديقتك تعاني من الغيره الشديده ,, وهذا متولد عندها من فنرة الخطوبه كما ذكرت عندما تحدث الزوج عن اخته ..
ثانيا ,,اعوذ بالله عندما قالت انه يريد اخته ومن هذا الكلام الغير لائق ,, نتيجة انه يقبل كتفيها وراسها هذا له دلاله واضحه ان الزوج عفيف فهو لم يقبلها من مناطق تثير انما من مناطق جدا عاديه .. وشكرا. |
]أختي ارجاء تذكيراخيتنا باالله لان الشيطان تغلب عليها جدا ورأيي رأي الاخ/الاخت غير الناس .
ثبتها الله |
اخي بو عبدالله
بصراحه انا معاك لما حكتلي جلست ساكته ماعلقت الا بأن هي بيدها تسعد حالها لكن كانت تقطع كلامي وتكمل شكرا عزيز على مرورك الكريم رفع الله قدرك وفرج همك ونولك مرادك اخي العزيز هامس اعصابك عليه معاك حق كلامك سليم 100% الله يهديها وشكرا على مرورك الطيب بس حسيت انك معصب ربي يسعدك ويرفع قدرك ويفرج همك وينولك مارادك أم منيره عزيزتي انا اوفقكي الرأي استغفر الله اصلا انا ماعجبني اسلوبها وهي تتكلم عن زوجها كان ودي انهي المكالمه بس احتسبتها عند الله وقلت يمكن افيدها ومشكوره على مرورك الكريم ربي يسعدك ويفرج همك وينولك مرادك اخي\اختي: غير الناس شكرا لمرورك الكريم فعلا زوجها قالها صراحة انت تغاري بس ايش ردت عليه ؟:انت لاتطلع لاتقبالهم ولاتسوي كذا ......أوامر ..أوامر والمعروف مافي انسان يحب احد يتأمر عليه فمابالك الرجل او الزوج وربي يسعدك ويفرج همك وينولك مرادك اخ \اخت :من لي ربيعا شكرا لمرورك الكريم وبأذن الله بأنصحها ربي يسعدك ويفرج همك وينولك مرادك |
طيب اخواني واخواتي
بصراحه من ذاك اليوم لما حكت لي ماكلمتني بعدها هل تعتقدوا انها كانت متصله لمجرد الحكي والشكوى أم لطلب المساعده والحل؟ وبدوري انا هل افضل مستمعه لها فقط ام انصحها؟ علما بأن الأنسان الذي يبث شكواه لمجرد الحكي والشكوى لايمكن ان يسمع هو النصيحه عكس الانسان الذي يبحث عن الحل انتظر ردكم محبتكم في الله |
عزيزتي روح الغالي
أنصحيها ولا تقفي مستمعة فقط حاولي إهدائها بعض المواضيع المفيدة في حالتها من هذا المنتدى الرائع وجزاك الله خيرا |
حبيبتي الغاليه سمااا
مشكوره على مرورك الكريم انصحها طيب اذا كانت هي اصلا ماتبغى النصيحه لأن لو كانت تبغى الحل او المساعده كان عملت اللي نصحتها فيه بس كنت كل ماانصحها تطلع كلام ثاني بيني وبينكم امي لها زميله من سنين ومن يوم ماعرفتها وهي دائما تشتكي وامي تنصح ومع الأسف ماتنفذ النصيحه او تجربها او تحاول لأ متستمره بأسلوبها مع زوجها وتجي تشتكي عند امي (في الحزن مدعوين وفي الفرح منسيين) وانا اخاف تصير صديقتي نفس الحكايه بس تبغى تشتكي عموما انا كنت طابعا مواضيع مهمه من المنتدى بأرسلها لها خصوصا في طريقة التعامل مع زوجها وربي يهديها وشكرا مره ثانيه ربي يسعدك ويفرج همك وينولك مرادك ويريح بالك |
احلى غرام مشكوره لعا الدعوه الغاليه اللي شرحت صدري والله العظيم ان امر صديقتك غريب بس اتوقع انها تحب زوجها بجنون خلاها توصل لهالدرجه من الغيره والله اني اعرف ناس يغارون من عيالهم بس مهوب لدرجة ظن السؤ الله يهديها انتي تكلمي معها وفهميها وجهة نظرك بالموضوع وابري ذمتك خذت الكلام والا تكونين ابريتي ذمتك منها والله يهديها
اختك ام منيره |
الغاليه ام منيره
الظاهر اختي الغاليه احلى غرام ماخذه عقلك الله يسعدكم انت وهي وكل اخواني واخواتي كلامك صحيح انا بأنصحها بهدوء وارسلها المواضيع وابري ذمتي عند الله جزاك الله كل خير حبيبتي على متابعتك معي ربي يرفع قدرك ويشرح صدرك محبتكم جميعا في الله |
المهم كلكم اخواتي واحبكم جميعا ولا يهمك ياروح الغالي يالغاليه :o :o
|
اختى لو هو بنفسه شىء ناحيه اخته ما كان قبلها امامك كان بيقبلها خفيه عنك
لكنها الغيره التى اعمت بصيرتك انا زوجه اخى تغار منى اذا ذهبت مع اخى للممر المشاه للرياضه والادهى انه صدف وهو يحاول ان يصحيها من النوم غلط فناداها باسمى وهات يا زعل وبكاء |
مشكوره حبيبتي الغاليه (منى777)
على مرورك فعلا صديقتي تغار بشده وهي بنفسها اعترفت وزوجها قالها انت تغاري افتكرت ايام ماكنا في الكليه كانت لسه ماتزوجت هي تغيرت المجموعات بيني وبينها فكل واحده مننا انفصلت عن الثانيه في القاعات طبعا شيء طبعي ان يكون لي علاقات كانت تغار من صيقتي اللي تعرفت عليها كل يوم تكلمني وتشتكي _وتبكي انت تغيرتي _انت ليش تضحكي معاها كذا _انت ليش تمسكي يدها.......... بس انا تأكدت دحين انها حولت الغيره الي زوجها الله يعينوا معاها المشكله منها ومن غيرتها مو من زوجها وتصدقوا الي دحين ماكلمتي ارسلتلها ماردت الله يهديها والله يعينك حبيبتي على مرت اخوكي انصحكي نصيحه من تجربه صارحيها وتكلمي معاها فضفضيلها خذوها معاكم انا مرت اخويا الله يهديها تغار من مرت اخويا الصغير اللي لسه مافكر يتزوج ولاجاب طاري زواج وفي الأخير لها دحين سنه مادخلت بيتنا وخلت اخويا يبعد عننا موضوع اخويا بأطرحه بعدين لأنه متعبني ربي يسعدك ويفرج همك ويريح بالك وينولك مرادك |
اسمعي يا ختي انا مريت بنفس التجربة وكان زوجي السا بق متعلق بخواتة بشكل موطبيعي وكان يشا هد معاهم افلام خليعة ويعطي
اختة الكبيرة افلام ابا حية ويسهر معاهم الى الفجر ويتركني وحيدة.لكن طلع في ال خير انة لوطي وانفصلت عنة.واخواتة على حبهم لة كانو يضايقوني الا ان تركت البيت. |
باختصار :::
لو أن الرجل جنسي بدرجة تجعله يفكر في أخته ::: لجعل امرأته تلبس وتلبس وتلبس !!! يعني لو أن همه الأكبر الجنس حتى مع أخته لكان هذا التفكير المسيطر عليه !! لكن كما قلتي هي شكاكة وبعض الإخوة يرون أخواتهم مثل بناتهم ولو كبرت فهو يراها صغيرة !!! لكن بحق يجب الحذر من التمادي بين الإخوان !!!!! مع تقديري !!! |
الله يهديك يا اختي انا زوجي يحب خواته ودايما يمدحهم وبالعكس المفروض تشجعينه على انه يحب خواته ويعزهم لان اللي مافيه خير لاهله مافيه خير للناس
|
اختي (هيفا)
الحمدالله اللي نجاكي منه والله يعوضك احسن منه اما زميلتي الأمور اللي بينهم طبيعيه جدا بس هي غيوره وشكاكه اخي (مدني ) كلامك صحيح 100% ربي يسعدك ويفرج همك اختي (عاشقة الصحراء) الله يكثر من امثالك وكلامك صحيح لكن هي لما حكيتها كذا وبديت افهمها وكنت في صف الحق من يومتها الي اليوم ما ردت ولاكلمتني ارسل -اتصل ولا كأني موجوده الله يسامحها ويعينها على نفسها ويعين زوجها عليها مشكورين حبايبي على تواصلكم ربي لايحرمني منكم بيني وبينكم انا بأغسل يدي منها اختكم ومحبتكم في الله |
الللى روووح الغالي معاكي فيصل ....
قولي لصحبتك ... انه الرجال صدقيني طباع ولو كل الناس طبع واحد لا خرب ت السلعة يعني مثلا اذا الناس كلهم يحبون التفا الموز والطماطم والرتقال راح يذبل وينرمي .. يعني الناس اذواااق ... يعني زوجها يحب يشوفها وهيا نايمة يعني لابسة ملابس تغطي اغلب جسمها ( بجامة ) وهذه رغبة وطبيعة في الشخص نفس يعني زي ما قلتلك الناس اذواق ... انت ممكن تقولين بس هذه زوووجته .. راح ارد عليكي واقلك برضه الناس اذواق ... حتى في طريقة المكياج ممكن يقلها لاتعطي اللون ذا انا ماحبه ويكون مكياج عادي بس الزوج ما يحب المكياج ذا .. ( معليه طولت بالنقطة ذي شوي بس عشان اوضح ) ... وهذا اللي انا افهمه من طرحك للموضوع وعلى موضوع البناطيل عشان احسسك انه صحبتك مو لحلها عمي ما يرضى لبنته تلبس بناطل وانا ضد الشيء ذا بس كل واحد يربي عياله على كيفه ... وعلى موضوع الدردشة والحكي انا اعاني من هذه المشكلة مع الوالد ... واحس انه مجرد ضيق صدر وضيق نفس ... يعني بالعربي مو عارف ايش يبغا ... مع احترامي يا روح الغالي والله العظيييم والللله العظيم واللله العظيم 4 من الناس اللي اعرفهم ايااااااااااام قالولي شيء ما توقعته منهم ابدا والين دحين انا مو فاهمهم .. يقلولن المرأة اكثر وحدة تغار منها هيا اخت الزوج ... قلتله ياهو رووق وصلي على النبي .... بس انتي اكدتيلي الموضوع مع انه لسا مو راكب براسي .. بس اصحابي او اصدقائي كان قصدهم اظن انه يغارو لما تطنشهم بطلعة وهما كلهم يكونون طالعين سوا .. اما روووح الغالي مرررة وضع صحبتك غريييب يعني انا اختي الكبيرة عمرها 25 سنة .. دااايما احضنها ودايما اقبلها دايم دايم تفلل بشعري وففل بشعرها وزي كدا ... فا اظن انه مجرد حساسية منها لانه مستحيل اخ مع اخته .... فيصول ... ومرررة اسف على تاخيري لاني من مشغول |
يااخي فيصل
انا معاك كلامك سليم 100% مثل مافي رجال لهم طباع للنساء كمان لهم طباع بس انا اللي ودي اوضحه لها اذا اتصلت ولكل وحده مرت بنفس الظروف اوقريبه منها ان بيدها تغير تفكيرها وعلاقتها مع اخت زوجها وزوجها نفسه ((((يااخي اذا مالقت شي تحبه بزوجها تحب الموجود فيه)))) ولازم يكون عندها رضى وقناعه باللي ربي رازقها اياه غيرها محرومه هي متلخبطه والضيقه عمت عينها ماصارت تشوف الحقائق صار الشيطان يمشيها عل العموم اخي مشكوووور مرررررررررررررره على مرورك اللي اكدلي اشياء في خاطري ربي يسعدك ويفرج همك ويوفقك في دراستك وينولك مرادك اختك في الله |
| الساعة الآن 11:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©