|
رسائل غرام
اعزائى،
مشكلتى قد تبدو بسيطة لكنها مزعجة لزوجى جدا فانا استحى منة جدا رغم مرور اعوام على الزواج ،،، و فى محاولة منى لاصلاح الامر قررت البدء بالرسائل الغرامية ..... (اليست فكرة عملية ؟؟) اما المشكلة انى لا اعرف ماذا اكتب!!! لا اعرف كيف اعبر عن رغبتى و اشتياقى لة او حتى ممازحتة فى امر ما بين الازواج !!! فقررت طلب المساعدة العاجلة منكم كل ما عليكم هو اخبارى ماذا قول فهل من مجيب ؟؟ :o :o :o |
حبيبتي
كلام القلب يدخل القلب ، وحرري نفسكي من كل قيود التقليد والكلام المنمق والمرتب والروتيني والشعارات الصاخبة وحدثيه حديث القلوب النابضة ، اكتبي على مسودة وابدئي بأفكار عامة مثلا أريد أن أكتب له 1- حبي 2- شوقي 3- عتاب مثلا ، وهكذا ثم خذي كل نقطة وتحدثي بها عماتريدين وكيفما تريدين وستحصلي على أجمل رسالة أختك في الله سيدرا |
اختي مزيونة السلام عليكم الحياء شعبة من الايمان والحياء لا ياتي الا بخير بس سالفة بعد عدة سنوات تبدين برسايل غرامية!!! اختي هذا زوجك ما بينكم حياء ابيدي برسايل و اكتبي ما تحسينه نحوه وبعدين تعالي للي ابلغ من الرسايل لما يرجع الى البيت استجمعي قواك و قولي له : أحـــبك صدقيني غير ينقلب راسه حاولي تعملي بعض المفاجات و المنتدى ملي هنا |
سبحان الله , هذه الحواجز المفروض تنكسر من أيام الملكة ...
|
عزيزتى سيدرا كلامك دخل قلبى لكن صدقينى انا فعلا لا اعرف ماذا اقول او ماذا اكتب !!!!!
ربما يكون لزوجى دخل كبير فى المشكلة لكن للاسف الرجال هذة الايام يرون الغنج و الفجر فى كل مكان و ينتظرون من زوجاتهم القيام بالافعال (الهيفاء والروبية ) و الوضع اصبح فى غاية الصعوبة بالنسبة للزوجات الملتزمات و خصوصا من تربت تربية صارمة انا عن نفسى استحى من مشاهدة هؤلاء الغوانى و استغرب كيف يستطعن فعل هذا امام ملايين الرجال؟؟؟؟؟؟ و انا استحى من فعلة امام زوجى !!! اخى فهد جربت كلمة احبك و لكنة نظر الى باستغراب جعلنى اغرق فى الخجل لذلك افضل الرسائل حتى لا اتعرض لموقف مماثل. :o |
انتبهي لنفسك
وعبري لزوجك بجميع الفاظ المحبه والغرام قبل ان يسرق من بين يديك فتندمين على فعلك خصوصا اننا في عصر الفتن وقد يواجه زوجك من النساء من تسلب عقله بتلك الالفاظ فتسرقه من بين يديك من حيث لا تشعرين مجرد نصيحه من اخت محبه |
اختي غرق في الخجل مرة مرتين ثلاثة .. .. عشرة بس في النهاية توصلين و تقدرين الانسان يتعلم بالتكرار وبعدين تخجلين اول مرة بنسبة 100% المرة الثانية 80% .. .. .. وبعدين 20% او حتى 50% برضو حلو بعدين تعرفين ليه نظرلك باستغراب عشانه اول مرة يسمعها منك تعرفين ايش كان مفروض تسوين: تقولين له : ايوه انت حبيبي و زوجي وابو عيالي وتضمينه اذا سويتي كذا تضربين عصفورين بحجر 1- تكسرين الحاجز 2- تحطينه في جيبك اخوك |
اختي شوفي بقولك
اولا انه زوجج ولا بد ان تكسري حاجز الحياء معه صحيح البنت حلوه بحياءها ولكن مع زوجها يجب ان تكسر هذا الحياء خصوصا وان الزوج يحب الغنج والدلال فلابد ان تبادري به ازيحي هذا الحاجر اختي وابدأي بكلمات الشكر والثناء عليه انت عمري حياتي من غيرك مو حلوه انت نور البيت((لما يرجع مثلا من العمل )) حاولي تلبسين وتعدلين من شكلك حاولي تنظفين المنزل وتسويين حركات اختي لا بد من التجديد والكلام مع الرجل ترا الرسائل صح مفيده ولكن ما توصل الشعور مثل الكلام وجهه لوجه النابع من القلب احذرك اختي لابد من كسر الحاجز لان الرجل يمل بسرعه وتعرفين عندما يمل الرجل ولا يلقى الكلمه الجميله من المرأه يلتفت للخارج وتعرفين ما للخارج من دور على الرجااال؟؟؟؟... الله يسعدك اختي وحاولي كثر ما تقدرين تتدلعين وتقولين له من الكلام ولا تستحيييييييييين وحتا لو تعجب قولي له مو انت زوجي اذا ما ادلعك ادلع من عيل ؟؟؟؟ صدقيني لما تقولين له كذا بمووووت من الفرحه الله يوفقك ويخلي زوجك لك تحياتي |
اشكركم اعزائى على النصائح الغالية ،
لكن هذا طبع يصعب جدا تغييرة لكن اقولصعب و ليس مستحيل و الله الموفق لكن لى تعقيب واحد ....لقد مر على الموضوع اكثر من 280 شخص الا يوجد لدى احد منكم رسالة جميلة و بيت شعر رائع يكتبة لى ؟؟؟؟؟؟؟ لماذا هذا البخل يا اخوان ؟؟؟؟؟؟ |
حبيبتي مزيونة
لاتستحين من زوجك وعودي نفسك شوي شوي على انك تقولين له كلام حلو لانه اذا ما سمعه منك تخافين ينهبل اذا سمعه من غيرك حبيبتي بدئي بكلمة واحدة كررريها ثم اضيفي اليها كلمتين وهكذا ادخلي على جوجل واطلبي رسائل جوال وبتحصلين كلام الحب والغرام والهيام اللي تتمنينه وانا بكتب بعض منها: يارسايل خبريه مستحيل انسى غلاه واضحكي له ودلليه وسولفي دايم معاه حيل احبه علميه طار قلبي في سماه كل شوقي سلميه واسهري صبح ومساه هو عيوني دلعيه اللي قلبي ما نساه ................................................. سلام ياكاسب غلى كل مغليك يامالك زمان المراجل بيمناك الطيب ساسك والعرب عزها فيك لاضاعت اعلوم الرجاجيل تنصاك ربعك تفاخر وتفتخر بطاريك لاهان ذاك الذي على الطيب رباك .................................................. ..... يارب ياعالم خفيات الاسرار ياواحد كل الملا يرجونه تحفظ الغالي من كل الاخطار وتحقق جميع اماله وتصونه عسى الوطا تحته بساتين وازهار وعسى السما فوقه ترفرف مزونه .................................................. .... عساك سالم جيت امسيك بالخير ياخير هالدنيا ومنبع حلاها يافخرها وفرحها والتباشير يا تاجها وبروازها ومحتواها عساك سالم يا مسى الخير ياخير تسلم لنا روحك وعسى روحي تفداها ...................................... الله يسعدكم ويهنيكم ويحببكم ببعضكم |
لو
دريت بحالتي مالمتني احتضن طيفك بقلب مانساك لو لمست الوصل فينا وزرتني ازهرت اوراق حبي في خطاك لو نظرت بعين قلبك شفتني مامعي مخلووووق يستاااهل غلاك احبك وش رايك انا مجربتها ونفعت معي حاولي ارسليها له وشوفي وردي لي |
تسلموا حبيباتى دفء الحياة و ام منيرة ....... ما اجمل ما كتبتوة سابدا فورا
|
لا تنسين تخبرينا ردة فعله
|
هذي مشكلتنا معكم يالحريم نحاول فيكم سنين نبي كلام حلو لكن عندكم كبرياء ما ادري من وين جبتوه!تثيقلون؟
المشكلة يامزيونه فيك وفي زوجك انتي تربيتي في بيت صارم ويمكن بين اخوان، واتوقع ان زوجك شخصيته قوية وهو ما كان يقول لك الكلام هذا من نفسه ولا هو من اهتماماته، وبعد فترة طويلة من الزواج تبغين تتعلمين على الاشياء هذي،وهذا ماهو صعب لكنه يبغى ارادة بسيطه لأيام قليلة ثم يصير الموضوع عادي. صدقيني الرسايل من الجوال لها وقع كبير بين الزوجين تشعل نار الحب من جديد. لكن تحتاجين تاخذين ابيات من قصائد او مجلات والامر سهل ضغطة زر وتاصل الرسالة. اذا شفتي تصرف منه واعجبك ما تقدرين تقولين شكرا ياحبيبي. او تسلم يا بعد عمري او ما تقصر يا حياتي. هذي كلها كلمات غزليه حلوه ابدي بها ولا يهمك نظراته مرة مرتين ثم يتعود. ممكن تبدين برسايل جوال مثل هذي: "يا قلب فيك العشق فاض خسران ..من ما يقطفه" "كملك ربي وربي بك فتني هوكتبك بخلقته وانا قريتك" "انت وينك لا تروح بعيد عني ما على الله يا الحبيب لقيتك" " جرب وخذ قلب وحطه بصدرك وشوف انت تقوى تعيش ساعة بدوني" اعدك ابحث في جوالي من رسايل اصدقائي الليلة واعطيك مجموعة أخرى. :25: |
اخى الشقة والله عاجزة عن الشكر الله لا يحرمك من غالى
|
مااقدر افسر في خيالي معانيك..
لكن..تمنيت اوصل حدود بالك.. واعرف..وش اغلى ما تمناه واعطيك .. ليت السعاده دايم الدوم فالك.. وجعل الزمن الي يزعلك يرضيك.. واشيل الهم عنك وازعل بدالك. احبك وكتبي اسمك :17: لا تستحين يقلبي انا اشجعك انك تسوين الي يبغا زوجك ولا تتركين للقليلات الادب الي في التلفزيون من هيفا وغيرها انهم يسرقون انظار زوجك عنك هي بس اول مره بتكون صعبه وبعدين بتتقدمين اختك تفاحه |
مسائك ورد .. وأيامك عسل .. والعمر كله خيرمعك يا وردة الدنيا .. وعمري..والهوى الثانـي
مسائك ياأجمل أحلامي .. مساء ٍ فايق التصوير مسائك رجّع البسمة على قلبـي ..ووجدانـي نبقـــى ولو طال الزمن رمز الاحباب نبقى لو أن الوقت لونـــه رمادي عطيتك كل ما بالقلب واكيد اني احبك حب ولا لك غير قلبي قلب وقلي ذا وش تسميه؟ اختك تفاحه |
سلام
خذيها مني نصيحة اياكي والكلام المسطنع عبري عن مشااعرك واحسيسك بصدق علىشية دلع وشووق صاارت الرسااله تمام :22: اللــــــــــــــــــــــــــــــــه يوقفك تحياتي لك :d |
( مساء الخير )
يامن يشغل التفكير صبح وليل .. ( مساء الورد ) ياورد تفتح في شراييني .. ( مساء العمر ) يامن يستحق الحب والتدليل .. ( مساء الحب ) ياحب هويته دايم سنيني .. ( مساء الشوق ) ياورد بحبه حيل يرضيني .. -------------- إن غاب عن عيني من الناس غاليين ما أسأل وأقول اللي يبيني يجيني إلا انت بأسأل عنك كل العناوين معقول ابنسى نور قلبي وعيني!!!!! --------------- حبك شريته يوم انا بحاجة الحب واليوم مابيعه؛لويساوي اعيوني بعدك يعذبني ....وقربك لي الطب! وانت الوحيد اللي تحرك شجوني..... انت الحبيب....وغيرك القلب ماحب يهون غيرك ....وانت لاماتهوني..! ----------------- تبي تعرف مين انا...؟ أنا الغلا وأكثر من النفس مغليك أنا الوفا رغم الجفا جيت شاريك أنا السهر لانمت عيني تراعيك وأنا الذي لاضاق صدرك بسليك أبختصرها وأعترف جيت هاويك أنا غرامك بس في صورة إنسان يغليك ----------- لو طحت من عيني ( انا قلت لو طحت ) : تنزل بقلبي والخساره لعيني وان رحت مني ( انا قلت ان رحت ) : ماهي خساره لو بكت لك عيوني وان ضعت في بعدك ( انا اقول لو ضعت ) : هي ضايعه من دون وصلك سنيني ------------- محد يشق القلب من غير تفكير حتى الطبيب يرتجف ثم يحتار وانت شقيت الجوف من غير تخدير وبنيت قصور بداخل القلب وانهار وجهة نظر كتبتها بصدق تعبير وارسلتها للي له بداخل القلب مـــــــــقـــــــــدار --------------- مني لاعز الناس حلو التراحيب مضمونها تقدير من قلب صافي سلام يا راعي الوفاء والمواجيب سلام ياللي مع الناس وافي لك منزل بين الضلوع المحاديب عساك دايم بالوجود متعافي |
يغلق الموضوع تحياتي |
| الساعة الآن 10:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©