|
هام و عاجل تكفون :(
بسم الله الرحمن الرحيم
انا مقبل على الزواج الله يهدي امي نشبت العرس فيني :( المهم انا شخص زلابة جدا مع البنات يعني ما شفت الا امي و اخواتي و عماتي و خالاتي بنات عمي و عماتي من اعمارهن 10 وهن متغطيات عني :22: المهم انا رايح وطي بجد من اول ايام الزواج هذا و هو انا رجال اجل البنت وش بيصير عليها :24: يعني بتزيد الطين بلة :( المهم اول ليلة بالعادة وش يصير فيها ؟ جلسة عادية ؟ نوم الى الصبح ؟ و الا وش بيكون ؟! رجاء للمتزوجين و المتزوجات يطرحون افكار على شان تعدي هالليلة على خير و الليالي اللي عقبها على الاقل لمدة اسبوع الين ابدى امون :25: و الله يعطييكم العافية ان شاء الله |
أخوي ماوضحت انت تملكت ولا بس خطبه؟؟؟؟؟؟
لان لوكنت متملك فيه اشياء تسويهاقبل الزواج عشان الحاجز اللي بينك وبين زوجتك ينكسر |
توني خاطب
الملكة بعدين طبعا وقت الخطبة ما يصلح اقبل عليها ولا شي حتى المكالمات ممنوعة شرعا و بيني و بينك حتى بعد الملكة مدري اكلمها او لا !! الله يعطييك العافية على ردك و منتظر تعقيبك :) |
الله يكتب لك اللي فيه الخير ويوفقك ويرزقك الزوجه والذريه الصالحه
أنا من رأيي بعد الملكه لا تكلمها كثير وهذا من تجربتي لانه ملكتي استمرت تقريبا شهرين بس زوجي ماكان يكلمني كلمني ثلاث مرات بس مره عشان كان عندي امتحان ويبي يكمن ومره عشان ترتيبات الزواج ومره كان يقول لي انه يبي يجي يزور بس وزار مره وحده وطلعت انا وياه مره وحده عشان اثاث البيت وتعشينا ورجعت للبيت بس انا ضاق صدري وش هذا اللي مايكلم ولا يسأل فقلت له وش هذا؟؟ بطريقه غير مباشره فقال لي اذا انا ابي اطمن عليك اجي لك في البيت مااكلمك في التلفون وكنت اقول في نفسي يوه وش يبي يصير؟؟ هذا شكله حاااااازم ولا يحب السواليف ولا الضحك بس يوم طلعت معاه انبسطت حتى خلاني غصب واسولف مع العلم اني من النوع الهادي جدا((هذا قبل الزواج)) ليش؟؟؟ لانه كان طبيعي ماكان يتصنع في كلامه اوحركاته وهذا خفف من خوفي يوم الزواج كثيييييييييييير أتمنى اكون افدتك بشئ واي سؤال اختك حاضره |
اقتباس:
هنا النقطة المهمة بالنسبة لي شخص جديد في حياتي مدري وش يبي ! مثلك انتي تقولين ليش ما كلمني و ضاق صدرك منه انا وش يدريني عنها !! لاني احد اخواتي معارضة فكرة المكالمة في الملكة يوم انها متملكة يعني صرنا بين نقيضين مثلا انتي تضايقتي ليه ما كلم و اختي تضايقت ليه يكلم انا اقول وش يدريني عنها ؟! هذي احد الامور و فيه امور ثانية مدري عنها مثلا هل بعد الملكة ازورها او لا ؟ هل هي من النوع اللي تبي تستند لرجال و الا تبي تسند الرجال ؟ ليلة الزواج اطلع انا واياها و الا نجلس في البيت ؟ امور كثيرة الواحد ما يدري عن الطرف الثاني شي و اتوقع انها سبب للمشاكل كلام احد الزملاء يقول لا تكلمها ولا شي و ادخل عليها مرة وحدة كشخص غريب و جديد انا ما اايد الشي هذا السؤال شلون الواحد يعرف خطيبته زين بدون ما يدخل معها مباشرة ؟! و الله يعطييك العافية |
في البدايه أحب أقولك ألف مبروك .. وأود أن أهديك هذا الرابط الشامل من الألف إلى الياء ... خاصة للعريس فترة ما قبل الخطوبة ..نصائح عامة+التعارف قبل الزواج+إختيار شريك الحياة.. نصائح للمقبلين على الزواج وأظن أن هذي الروابط مفيده وقيمه جداً جداً جداً أتمنى أني أفدتك .. تحياتي لك |
الله يعطييك العافية اختي الهنوف
فعلا كنت احتاج روابط بس اني عجاز ما دورت :$ مشكورة |
أخوي الله يبارك لك
أول شي أنا اعطيك ... الزبدة .. وصدقني اتبع هذي النصيحة وبتدعي لي أولا خلك كما أنت ... ثانيا هي ما قبلت فيك إلا تبيك وراضية بكل اللي تسويه شوف اتبع احساسك اللي بداخلك يعني انت مثلا ودك تكلم ... كلم ماودك تكلم لا تكلم ... ودك تلكم وما تكلم .. كلم مرة وبعدها لاتكلم يعني بالعربي اتبع عفويتك.. بالنسبة لطلعات والمقابلات .. هو حلو انك تتقابل معها وقت الملكة وتطلعون مع بعض عشان تصير مابينكم ألفة وكل شخص يفهم الثاني ولكن بعضهم يتصنع أفعالة فترسم في ذهن كل شخص شخصية مخالفة للواقع فتحصل بعض سوء الفهم .. وحلو انك تقطع العلاقة حتى يوم الزواج عشان يوم العرس تكون فووووووووووووووووووووووووووووووووووووووووووووووووق السماء عالي.. من الفرحة ماتدري وش تسوي. يصير ليوم الدخلة. والأيام اللي بعدها طابع خاص وجميل.. فزبدة الكلام علق قلبك بربك وصلي صلاة استخارة والله بيسر أمرك تحياتي لك اخوك عبدالله |
اخوي عبدالله اشكرك على نصائحك
المشكلة انا ما عندي مانع اكلم او ما اكلم امرها او ما امرها انا كل همي هي وش بتقول يعني الحين نادر اللي ما يكلم زوجته في الملكة و اخاف انها تبي مثلهم ! هل يصح اني اسالها ؟ او ما ينفع ! اللي ابي اوصل له من كلامي هل استشيرها في اللي تبيه او لا ؟ و شكرا :) |
أسأل الله العظيم لك التوفيق والسعادة ..
أخي الكريم خلي الأمور بطبيعتها .. أنا ثاني يوم من الملكة أمها اتصلت على جوالي من تلفون البيت مع ان عندها جوال لسببين ... السبب الأول تبغى تطمن علي لأني كنت سهران وداومت على العمل ... والسبب الثاني ودها تفك لي خط علشان أكلم زوجتي على هذا التلفون ... ترى البنت بطير من الفرح لمن تكلمها ... وانا زيك خاطب ( مملك ) وألاحظ إذا ما كلمتها تتضايق وتزعل وهي تتصل علي .... فخلي الأمور طبيعية وشوف ... وأسال الله لك من كل قلبي بالتوفيق لأنك مثال الرجل النظيف الشريف والله يوفقك بإذن الله .... تحياتي ... |
أخي الكريم..والله لااقول لك الا الحق باذن الله
اخي الفاضل ..انا كنت مثلك في وضع الزواج..اتعبوني الاهل بحجة الدراسة ..والمجتمع وغير ذلك ..لكن وقفت كالجبل الشامخ امام كل هذه الامور ودعوت الله حتى فرجت ضاقت فلما استحكمت حلقاتها فرجت وكنت ا ظن انها لاتفرج اخي الكريم بمجرد يقول لك والد البنت زوجتك ابنتي فلانة ..وتقول قبلت والله الذي لااله الاهو تشعر ان شيئا ما وقر في صدرك اخي الكريم بعدها عندما ترى الفتاة اكثر من ذكر الله عزوجل واكثر من قول ماشاء الله لاقوة الابالله سيخونك التعبير بداية هذا طبيعي ولكن انت الرجل اكثر من ذكر الله ولاتعجز.. امسك يديها من اطراف الاصابع فلها تاثير جيد ستخبرك به الزوجة لاحقا اخبرها بحياة النبي عليه الصلاة والسلام مع زوجاته وكيف كانت علاقته معهم كقصته مع عائشة عندما جاء الاحباش تغزل بها..قبل مغادرتك خذ رقم جوالها وقل لها انتظر اتصالك صدقني ستكون الامور بالامر الطبيعي وبعدها هي التي ستقول لك لماذا لاتتصل بي..لماذا لاتزورني اتمنى اني قد اجبت عليك بمافيه شفاء لك تحياتي محبك ابو خلاد |
اخوي قطر الندى مشكور على نصيحتك و ان شاء الله تتسهل الامور
الله يعطيك العافية |
اخوي اللهم امين و يوفقك و جميع المسلمين
الله يوفقك ان شاء الله دنيا و اخره مشكور |
الله يسعدك ويوفقك امين
اخوي خلي عندك ثقه في نفسك وكل شي بتسويه حلو اكيد وعلى قولتك الوقت هذا كلا يكلم عشان كذا لازم المسكينه تصير مثلهم كلمها بذوق بعد الملكه طبعا وخذ منها موعد ورحلها ومعك بوكيه ورد مره ومره هديه بسيطه وكلها بصير بعدين ذكريات جميله |
اولا ألف مبروك أخى......
ثانيا ماهو السبب الذى يمنع أنك تكلمها يعنى ما فيها شى تكلمها وتخرج معاها بس اذا قرب الزواج لا تكلمها يكون أحلى وبعدين البنت ما تحس بالفرح فى الخطوبة الا أذا كلمها خطيبها وخرج معاها اتمنى لك التوفيق خيووو لاتغقد الامور...... |
لحظة وداع مشكور \ ة على ردك
بصراحة مدري هل بعد الملكة بيرضون اهلها انها تطلع معي مع اني عارف ان ما فيه شي والحمد لله انه حلال اما المكالمة فهذا اللي انا مضيق صدري مابي تكون غير البنات و بنفس الوقت كثيرين يقولون لا تكلمها فانا اللي احاول اوصله لكم كيف اعرف انه عادي عندها او لا ؟ هل اسالها او لا يعطييك العافية |
اختي ام فطوم ما فيه شي يمنعني
بالنسبة لي يتساوي الامرين انا كل قصدي من جهتها هي انا لو ما تبي هي اكلمها عادي عندي ولو بغت برضوه عادي السؤال كيف اعرف هو عادي عندها او لا ؟! و مشكورة على ردك |
الحل يا حبيبي الغالي .. انك تخلي البساط أحمدي ... :23:
البنت تحب اللي يكون محتار الشخص قدامها ... بسببها هي ... بوضح أكثر .. :d يعني اجلس معها جلسة مصارحة... وبين لها شعورك اتجاها قول اني ماخطبتك إلا لأن قلبي ارتاح لك وانتي الوحيدة إللي استامنت حياتي عندك واكمل معك مشوار الحياة وتهمني راحتك مثل ما تهمني راحتي لأنك انتي حاجة مني وأنا حاجة منك ... في هذه المرحلة راح تكون الألفة مابينكم في العلالي مرتاحين مرة وصارحها قول يا خطيبتي الغالية انا بصراحة ودي اسمع صوتك كل ثانية ولحظة وكل ما يرد طرف عيني.. :14: :14: انتي وش رايك ودك تكون بينا مكالمات فترة الخطة ومقابلات ؟؟ عشان نتعرف على بعضنا أكثر .. :25: أو نأجل كل شي إلى العرس عشان يكون لزواجنا طعم احلى وإثارة أكبر... :25: وطبعا بعدها ... راح يدور النقاش مابينكم وتطلع لك النتيجة .. ممكن تطلع بنفس الوقت او بعدة جلسات.. أنت وشطارتك أنا رسمت لك السيناريو باقي عليك الإخراج والتنفيذ وموفق يا عسل المؤلف عبدالله :d |
ألف ألف ألف مبرووووووووووووووك
أخوي خذها فله لاتعقد نفسك أذا دخلت خذ شوي وأطلع لاتلزق بالبنت :23:
وأعرفلك واحد دخل على زوجته وجت الساعه وحده الليل إلى وهو جالس معنا لين طردناه من الجلسه :17: :17: :17: :17: :17: :17: :17: :17: :17: :17: :17: :17: :17: :17: :17: لاتصدق !!!!!!!!!!!!!!!!!!!!!!!!!!!!!!!!!!!!! وبعدين تشوف شي مايحمد عقباه :16: أخوي الأخ عزوبي يعني ماتستفيد مني لاكن !!!!!!!!!!!! أدعو الله أنه يوفق ويتم مراسم الزواج بسرعه ,,,,,,,, وبعدين وين الكروت :27: مع تمنياتي لك بليله سعيده أخوك الســــــــــــــــــــــــــــــــبيعي |
ضرغام
اقتباس:
غدي زوجتي تقوله لي :22: المشكلة تعقدت يبي لي سنتين لاعرف اقول هالكلام :o اهم شي انك بينت لي اني اشاورها :22: يعطييك العافية :) |
اخوي سيف
ذكرتني بواحد اعرفه يقول من تمللكت اختي و رجلها كل يوم عندنا اشغلنا :d و انا متفائل اني امشي مٌسير و اصير مثل اللي قبلي بصراحة استغرب من اللي تزوجوا شلون مشوا ودي اسالهم هم ماشين على عماها و الا سالين و ماخذين العلم ؟ و الله يسمع منك و يوفقك و يتتزوج اللي تحبك و تنشب لك :25: و العشاء ان شاء الله اذا اعرست الله يحييك لا تنسانا :14: |
| الساعة الآن 08:30 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©